অধ্যায় 39

39.1

অথৈকোনচত্বারিংশোঽধ্যায়ঃ।

স্বাহা প্রাণেভ্যঃ সাধিপতিকেভ্যঃ পৃথিব্যৈ স্বাহাগ্নয়ে স্বাহান্তরিক্ষায় স্বাহা বায়বে স্বাহা
দিবে স্বাহা সূর্যায় স্বাহা । দিগ্ভ্যঃ স্বাহা চন্দ্রায় স্বাহা নক্ষত্রেভ্যঃ স্বাহাদ্ভ্যঃ স্বাহা
বরুণায় স্বাহা । নাভ্যৈ স্বাহা পূতায় স্বাহা ॥১॥

39.2

(১) ১
বাচে স্বাহা প্রাণায় স্বাহা প্রাণায় স্বাহা ।
চক্ষুষে স্বাহা চক্ষুষে স্বাহা শ্রোত্রায় স্বাহা শ্রোত্রায় স্বাহা ॥১॥

39.3

মনসঃ কামমাকূতিং বাচঃ সত্যমশীয় ।
পশূনাং রূপমন্নস্য রসো যশঃ শ্রীঃ শ্রয়তাং ময়ি স্বাহা ॥২॥

39.4

(২) ৩ (২০৫৯)
প্রজাপতিঃ সংভ্রিয়মাণঃ সম্রাট্ সংভৃতো বৈশ্বদেবঃ সং সন্নো ঘর্মঃ প্রবৃক্তস্তেজ উদ্যত আশ্বিনঃ
পয়স্যানীয়মানে পূষা বিষ্যন্দমানে মারুতঃ ক্বথন্ ।
মৈত্রঃ শরসি সংতায্যমানে বায়ব্যো হ্রিয়মাণ আগ্নেয়ো হূয়মানো বাগ্ঘুতঃ ॥১॥

39.5

(৩) ৪
সবিতা প্রথমেঽহন্নগ্নির্দ্বিতীয়ে বায়ুস্তৃতীয় আদিত্যশ্চতুর্থে
চন্দ্রমাঃ পঞ্চম ঋতুঃ ষষ্ঠে মরুতঃ সপ্তমে বৃহস্পতিরষ্টমে ।
মিত্রো নবমে বরুণো দশম ইন্দ্র একাদশে বিশ্বে দেবা দ্বাদশে ॥১॥

39.6

(৪) ৫
উগ্রশ্চ ভীমশ্চ ধ্বান্তশ্চ ধুনিশ্চ । সাসহ্বাং শ্চাভিয়ুগ্বা চ বিক্ষিপঃ স্বাহা ॥১॥

39.7

(৫) ৬
অগ্নিং হৃদয়েনাশনিং হৃদয়াগ্রেণ পশুপতিং কৃত্স্নহৃদয়েন ভবং যক্না ।
শর্বং মতস্নাভ্যামীশানং মন্যুনা মহাদেবমন্তঃপর্শব্যেনোগ্রং
দেবং বনিষ্ঠুনা বসিষ্ঠহনুঃ শিঙ্গীনি কোশ্যাভ্যাম্ ॥১॥

39.8

(৬) ৭
উগ্রঁ লোহিতেন মিত্রং সৌব্রত্যেন রুদ্রং দৌর্ব্রত্যেনেন্দ্রং প্রক্রীলেন মরুতো বলেন সাধ্যান্প্রমুদা ।
ভবস্য কণ্ঠ্যং রুদ্রস্যান্তঃপার্শ্ব্যং মহাদেবস্য যকৃচ্ছর্বস্য বনিষ্ঠুঃ পশুপতেঃ পুরীতৎ ॥১॥

39.9

(৭) ৮
লোমভ্যঃ স্বাহা লোমভ্যঃ স্বাহা ত্বচে স্বাহা ত্বচে স্বাহা লোহিতায় স্বাহা লোহিতায় স্বাহা মেদসে স্বাহা মেদসে স্বাহা ।
মাংসেভ্যঃ স্বাহা মাংসেভ্যঃ স্বাহা স্নাবভ্যঃ স্বাহা স্নাবভ্যঃ স্বাহাস্থভ্যঃ স্বাহাস্থভ্যঃ স্বাহা মজ্জভ্যঃ স্বাহা মজ্জভ্যঃ স্বাহা ।
রেতসে স্বাহা পায়বে স্বাহা ॥১॥