অধ্যায় 33

33.1

অথ ত্রয়স্ত্রিংশোঽধ্যায়ঃ।

যজ্জাগ্রতো দূরমুদৈতি দৈবং তদু সুপ্তস্য তথৈবৈতি ।
দূরংগমং জ্যোতিষাং জ্যোতিরেকং তন্মে মনঃ শিবসংকল্পমস্তু ॥১॥

33.2

পিতুং নু স্তোষং মহো ধর্মাণং তবিষীম্ । যস্য ত্রিতো ব্যোজসা বৃত্রং বিপর্বমর্দয়ৎ ॥২॥

33.3

অন্বিদনুমতে ত্বং মন্যাসৈ শং চ নস্কৃধি ।
ক্রত্বে দক্ষায় নো হিনু প্র ণ আয়ূংষি তারিষঃ ॥৩॥

33.4

সিনীবালি পৃথুষ্টুকে যা দেবানামসি স্বসা । জুষস্ব হব্যমাহুতং প্রজাং দেবি দিদিড্ঢি নঃ ॥৪॥

33.5

পঞ্চ নদ্যঃ সরস্বতীমপি যন্তি সস্রোতসঃ । সরস্বতী তু পঞ্চধা সো দেশেঽভবত্সরিৎ ॥৫॥

33.6

ত্বমগ্নে প্রথমো অঙ্গিরা ঋষির্দেবো দেবানামভবঃ শিবঃ সখা ।
তব ব্রতে কবয়ো বিদ্মনাপসোঽজায়ন্ত মরুতো ভ্রাজদৃষ্টয়ঃ ॥৬॥

33.7

ত্বং নো অগ্নে তব দেব পায়ুভির্মঘোনো রক্ষ তন্বশ্চ বন্দ্য ।
ত্রাতা তোকস্য তনয়ে গবামস্যনিমেষং রক্ষমাণস্তব ব্রতে ॥৭॥

33.8

উত্তানায়ামব ভরা চিকিত্বান্ত্সদ্যঃ প্রবীতা বৃষণং জজান ।
অরুষস্তূপো রুশদস্য পাজ ইলায়াস্পুত্রো বয়ুনেঽজনিষ্ট ॥৮॥

33.9

ইলায়াস্ত্বা পদে বয়ং নাভা পৃথিব্যা অধি ।
জাতবেদো নিধীমহ্যগ্নে হব্যায় বোলহবে ॥৯॥

33.10

৯ (১৮৭১)
প্র মন্মহে শবসানায় শূষমাঙ্গূষং গির্বণসে অঙ্গিরস্বৎ ।
সুবৃক্তিভি স্তুবত ঋগ্মিয়ায়ার্চামার্কং নরে বিশ্রুতায় ॥১০॥

33.11

প্র বো মহে মহি নমো ভরধ্বমাঙ্গূষ্যং শবসানায় সাম ।
যেনা নঃ পূর্বে পিতরঃ পদজ্ঞা অর্চন্তো অঙ্গিরসো গা অবিন্দন্ ॥১১॥

33.12

ইচ্ছন্তি ত্বা সোম্যাসঃ সখায়ঃ সুন্বন্তি সোমং দধতি প্রয়াংসি ।
তিতিক্ষন্তে অভিশস্তিং জনানামিন্দ্র ত্বদা কশ্চন হি প্রকেতঃ ॥১২॥

33.13

ন তে দূরে পরমা চিদ্রজাংস্য তু প্র যাহি হরিবো হরিভ্যাম্ ।
স্থিরায় বৃষ্ণে সবনা কৃতেমা যুক্তা গ্রাবাণঃ সমিধানে অগ্নৌ ॥১৩॥

33.14

অষালহং যুত্সু পৃতনাসু পপ্রিং স্বর্ষামপ্সাং বৃজনস্য গোপাম্ ।
ভরেষুজাং সুক্ষিতিং সুশ্রবসং জয়ন্তং ত্বামনু মদেম সোম ॥১৪॥

33.15

সোমো ধেনুং সোমো অর্বন্তমাশুং সোমো বীরং কর্মণ্যং দদাতি ।
সাদন্যং বিদথ্যং সভেয়ং পিতৃশ্রবণং যো দদাশদস্মৈ ॥১৫॥

33.16

ত্বমিমা ওষধীঃ সোম বিশ্বাস্ত্বমপো অজনয়স্ত্বং গাঃ ।
ত্বমা ততন্থোর্বন্তরিক্ষং ত্বং জ্যোতিষা বি তমো ববর্থ ॥১৬॥

33.17

দেবেন নো মনসা দেব সোম রায়ো ভাগং সহসাবন্নভি যুধ্য ।
মা ত্বা তনদীশিষে বীর্যস্যোভয়েভ্যঃ প্র চিকিত্সা গ ইষ্টৌ ॥১৭॥

33.18

অষ্টৌ ব্যখ্যত্ককুভঃ পৃথিব্যাস্ত্রী ধন্ব যোজনা সপ্ত সিন্ধূন্ ।
হিরণ্যাক্ষঃ সবিতা দেব আগাদ্দধদ্রত্না দাশুষে বার্যাণি ॥১৮॥

33.19

হিরণ্যপাণিঃ সবিতা বিচর্ষণিরুভে দ্যাবাপৃথিবী অন্তরীয়তে ।
অপামীবাং বাধতে বেতি সূর্যমভি কৃষ্ণেন রজসা দ্যামৃণোতি ॥১৯॥

33.20

হিরণ্যহস্তো অসুরঃ সুনীথঃ সুমৃলীকঃ স্ববা যাত্বর্বাঙ্ ।
অপসেধন্রক্ষসো যাতুধানানস্থাদ্দেবঃ প্রতিদোষং গৃণানঃ ॥২০॥

33.21

যে তে পন্থাঃ সবিতঃ পূর্ব্যাসোঽরেণবঃ সুকৃতা অন্তরিক্ষে ।
তেভির্নো অদ্য পথিভিঃ সুগেভী রক্ষা চ নো অধি চ ব্রূহি দেব ॥২১॥

33.22

উভা পিবতমশ্বিনোভা নঃ শর্ম যচ্ছতম্ । অবিদ্রিয়াভিরূতিভিঃ ॥২২॥

33.23

অপ্নস্বতীমশ্বিনা বাচমস্মে কৃতং নো দস্রা বৃষণা মনীষাম্ ।
অদ্যূত্যেঽবসে নিহ্বয়ে বাং বৃধে চ নো ভবতং বাজসাতৌ ॥২৩॥

33.24

২৩ (১৮৮৫)
দ্যুভিরক্তুভিঃ পরি পাতমস্মানরিষ্টেভিরশ্বিনা সৌভগেভিঃ ।
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥২৪॥

33.25

আ কৃষ্ণেন রজসা বর্তমানো নিবেশয়ন্নমৃতং মর্ত্যং চ ।
হিরণ্যয়েন সবিতা রথেনা দেবো যাতি ভুবনানি পশ্যন্ ॥২৫॥

33.26

(১) ২৫
আ রাত্রি পর্থিবং রজঃ পিতুরপ্রায়ি ধামভিঃ ।
দিবঃ সদাংসি বৃহতী বি তিষ্ঠস আ ত্বেষং বর্ততে তমঃ ॥১॥

33.27

উষস্তচ্চিত্রমা ভরাস্মভ্যং বাজিনীবতি । যেন তোকং চ তনয়ং চ ধামহে ॥২॥

33.28

প্রাতর্জিতং ভগমুগ্রং হুবেম বয়ং পুত্রমদিতের্যো বিধর্তা ।
আধ্রশ্চিদ্যং মন্যমানস্তুরশ্চিদ্রাজা চিদ্যং ভগং ভক্ষীত্যাহ ॥৩॥

33.29

পূষন্তব ব্রতে বয়ং ন রিষ্যেম কদা চন । স্তোতারস্ত ইহস্মসি ॥৪॥

33.30

পথস্পথঃ পরিপতিং বচস্যা কামেন কৃতো অভ্যানলর্কম্ ।
স নো রাসচ্ছুরুধশ্চন্দ্রাগ্রা ধিয়ংধিয়ং সীষধাতি প্র পূষা ॥৫॥

33.31

ত্রীণি পদা বি চক্রমে বিষ্ণুর্গোপা অদাভ্যঃ । অতো ধর্মাণি ধারয়ন্ ॥৬॥

33.32

তদ্বিপ্রাসো বিপন্যবো জাগৃবাংসঃ সমিন্ধতে । বিষ্ণোর্যত্পরমং পদম্ ॥৭॥

33.33

ঘৃতবতী ভুবনানামভিশ্রিয়োর্বী পৃথ্বী মধুদুঘে সুপেশসা ।
দ্যাবাপৃথিবী বরুণস্য ধর্মণা বিষ্কভিতে অজরে ভূরিরেতসা ॥৮॥

33.34

যে নঃ সপত্না অপ তে ভবন্ত্বিন্দ্রাগ্নিভ্যামব বাধামহে তান্ ।
বসবো রুদ্রা আদিত্যা উপরিস্পৃশং মোগ্রং চেত্তারমধিরাজমক্রন্ ॥৯॥

33.35

আ নাসত্যা ত্রিভিরেকাদশৈরিহ দেবেভির্যাতং মধুপেয়মশ্বিনা ।
প্রায়ুস্তারিষ্টং নী রপাংসি মৃক্ষতং সেধতং দ্বেষো ভবতং সচাভুবা ॥১০॥

33.36

এষ ব স্তোমো মরুত ইয়ং গীর্মান্দার্যস্য মান্যস্য কারোঃ ।
এষা যাসীষ্ট তন্বে বয়াং বিদ্যামেষং বৃজনং জীরদানুম্ ॥১১॥

33.37

সহস্তোমাঃ সহচ্ছন্দস আবৃতঃ সহপ্রমা ঋষয়ঃ সপ্ত দৈব্যাঃ ।
পূর্বেষাং পন্থামনুদৃশ্য ধীরা অন্বালেভিরে রথ্যো ন রশ্মীন্ ॥১২॥

33.38

আয়ুষ্যং বর্চস্যং রায়স্পোষমৌদ্ভিদম্ । ইদং হিরণ্যং বর্চস্বজ্জৈত্রায়াবিশতাদু মাম্ ॥১৩॥

33.39

৩৮ (১৯০০)
ন তদ্রক্ষাংসি ন পিশাচাস্তরন্তি দেবানামোজঃ প্রথমজং হ্যেতৎ ।
যো বিভর্তি দাক্ষায়ণং হিরণ্যং স দেবেষু কৃণুতে দীর্ঘমায়ুঃ স মনুষ্যেষু কৃণুতে দীর্ঘমায়ুঃ ॥১৪॥

33.40

যদাবধ্নন্দাক্ষায়ণা হিরণ্যং শতানীকায় সুমনস্যমানাঃ ।
তন্ম আ বধ্নামি শতশারদায়ায়ুষ্মাঞ্জরদষ্টির্যথাসম্ ॥১৪॥

33.41

উত নোঽহির্বুধ্ন্যঃ শৃণোত্বজ একপাত্পৃথিবী সমুদ্রঃ ।
বিশ্বে দেবা ঋতাবৃধো হুবানা স্তুতা মন্ত্রাঃ কবিশস্তা অবন্তু ॥১৬॥

33.42

ইমা গির আদিত্যেভ্যো ঘৃতস্নূঃ সনাদ্রাজভ্যো জুহ্বা জুহোমি ।
শৃণোতু মিত্রো অর্যমা ভগো নস্তুবিজাতো বরুণো দক্ষো অংশঃ ॥১৭॥

33.43

সপ্ত ঋষয়ঃ প্রতিহিতাঃ শরীরে সপ্ত রক্ষন্তি সদমপ্রমাদম্ ।
সপ্তাপঃ স্বপতো লোকমীয়ুস্তত্র জাগৃতো অস্বপ্নজৌ সত্রসদৌ চ দেবৌ ॥১৮॥

33.44

উত্তিষ্ঠ ব্রহ্মণস্পতে দেবয়ন্তস্ত্বেমহে ।
উপ প্র যন্তু মরুতঃ সুদানব ইন্দ্র প্রাশূর্ভবা সচা ॥১৯॥

33.45

প্র নূনং ব্রহ্মণস্পতির্মন্ত্রং বদত্যুক্থ্যম্ ।
যস্মিন্নিন্দ্রো বরুণো মিত্রো অর্যমা দেবা ওকাংসি চক্রিরে ॥২০॥

33.46

ব্রহ্মণস্পতে ত্বমস্য যন্তা সূক্তস্য বোধি তনয়ং চ জিন্ব ।
বিশ্বং তদ্ভদ্রং যদবন্তি দেবা বৃহদ্বদেম বিদথে সুবীরাঃ ।
য ইমা বিশ্বা বিশ্বকর্মা যো নঃ পিতান্নপতেঽন্নস্য নো দেহি ॥২১॥

33.47

(২) ৪৬ (১৯০৮)
॥ইতি শুক্লয়জুঃকাণ্বসংহিতায়াং ত্রয়স্ত্রিংশোঽধ্যায়ঃ ॥৩৩॥