অধ্যায় 32

32.1

অথ দ্বাত্রিংশোঽধ্যায়ঃ।

অস্যাজরাসো দমামরিত্রা অর্চদ্ধূমাসো অগ্নয়ঃ পাবকাঃ ।
শ্বিতীচয়ঃ শ্বাত্রাসো ভুরণ্যবো বনর্ষদো বায়বো ন সোমাঃ ॥১॥

32.2

হরয়ো ধুমকেতবো বাতজূতা উপ দ্যবি । যতন্তে বৃথগগ্নয়ঃ ॥২॥

32.3

যজা নো মিত্রাবরুণা যজা দেবাঁ২ ঋতং বৃহৎ । অগ্নে যক্ষি স্বং দমম্ ॥৩॥

32.4

যুক্ষ্বা হি দেবহূতমাঁ২ অশ্বাঁ২ অগ্নে রথীরিব । নি হোতা পূর্ব্যঃ সদঃ ॥৪॥

32.5

দ্বে বিরূপে চরতঃ স্বর্থে অন্যান্যা বত্সমুপ ধাপয়েতে ।
হরিরন্যস্যাং ভবতি স্বধাবাঞ্ছুক্রো অন্যস্যাং দদৃশে সুবর্চাঃ ॥৫॥

32.6

অয়মিহ প্রথমো ধায়ি ধাতৃভির্হোতা যজিষ্ঠো অধ্বরেষ্বীড্যঃ ।
যমপ্নবানো ভৃগবো বিরুরুচুর্বনেষু চিত্রং বিভ্বং বিশেবিশে ॥৬॥

32.7

ত্রীণি শতা ত্রী সহস্রাণ্যগ্নিং ত্রিংশচ্চ দেবা নব চাসপর্যন্ ।
ঔক্ষন্ঘৃতৈরস্তৃণন্ বর্হিরস্মা আদিদ্ধোতারং ন্যসাদয়ন্ত ॥৭॥

32.8

মূর্ধানং দিবো অরতিং পৃথিব্যা বৈশ্বানরমৃত আ জাতমগ্নিম্ ।
কবিং সম্রাজমতিথিং জনানামাসন্না পাত্রং জনয়ন্ত দেবাঃ ॥৮॥

32.9

অগ্নির্বৃত্রাণি জঙ্ঘনদ্ দ্রবিণস্যুর্বিপন্যয়া । সমিদ্ধঃ শুক্র আহুতঃ ॥৯॥

32.10

বিশ্বেভিঃ সোম্যং মধ্বগ্ন ইন্দ্রেণ বায়ুনা । পিবা মিত্রস্য ধামভিঃ ॥১০॥

32.11

আ যদিষে নৃপতিং তেজ আনট্ শুচিরেতো নিষিক্তং দ্যৌরভীকে ।
অগ্নিঃ শর্ধমনবদ্যং যুবানং স্বাধ্যং জনয়ত্সূদয়চ্চ ॥১১॥

32.12

অগ্নে শর্ধ মহতে সৌভগায় তব দ্যুম্নান্যুত্তমানি সন্তু ।
সংজাস্পত্যং সুয়মমা কৃণুষ্ব শত্রূয়তামভি তিষ্ঠা মহাংসি ॥১২॥

32.13

ত্বাং হি মন্দ্রতমমর্কশোকৈর্ববৃমহে মহি নঃ শ্রোষ্যগ্নে ।
ইন্দ্রং ন ত্বা শবসা দেবতা বায়ুং পৃণন্তি রাধসা নৃতমাঃ ॥১৩॥

32.14

ত্বে অগ্নে স্বাহুত প্রিয়াসঃ সন্তু সূরয়ঃ ।
যন্তারো যে মঘবানো জনানামূর্বান্দয়ন্ত গোনাম্ ॥১৪॥

32.15

শ্রুধি শ্রুত্কর্ণ বহ্নিভির্দেবৈরগ্নে সয়াবভিঃ ।
আসীদন্তু বর্হিষি মিত্রো অর্যমা প্রাতর্যাবাণো অধ্বরম্ ॥১৫॥

32.16

বিশ্বেষামদিতির্যজ্ঞিয়ানাং বিশ্বেষামতিথির্মানুষাণাম্ ।
অগ্নির্দেবানামব আবৃণানঃ সুমৃলীকো ভবতু জাতবেদাঃ ॥১৬॥

32.17

১৬ (১৭৯৪)
মহো অগ্নেঃ সমিধানস্য শর্মণ্যনাগা মিত্রে বরুণে স্বস্তয়ে ।
শ্রেষ্ঠে স্যাম সবিতুঃ সবীমনি তদ্দেবানামবো অদ্যা বৃণীমহে ॥১৭॥

32.18

(১) ১৭
আপশ্চিত্পিপ্যু স্তর্যো ন গাবো নক্ষন্নৃতং জরিতারস্ত ইন্দ্র ।
যাহি বায়ুর্ন নিয়ুতো নো অচ্ছা ত্বং হি ধীভির্দয়সে বি বাজান্ ॥১॥

32.19

গাব উপাবতাবতং মহী যজ্ঞস্য রপ্সুদা । উভা কর্ণা হিরণ্যয়া ॥২॥

32.20

যদদ্য সূর উদিতেঽনাগা মিত্রো অর্যমা । সুবাতি সবিতা ভগঃ ॥৩॥

32.21

আ সুতে সিঞ্চত শ্রিয়ং রোদস্যোরভিশ্রিয়ম্ । রসা দধীত বৃষভম্ । তং প্রত্নথায়ং বেনশ্চোদয়ৎ ॥৪॥

32.22

আতিষ্ঠন্তং পরি বিশ্বে অভূষঞ্ছ্রিয়ো বসানশ্চরতি স্বরোচিঃ ।
মহত্তদ্বৃষ্ণো অসুরস্য নামা বিশ্বরূপো অমৃতানি তস্থৌ ॥৫॥

32.23

প্র বো মহে মন্দমানায়ান্ধসোঽর্চা বিশ্বানরায় বিশ্বাভুবে ।
ইন্দ্রস্য যস্য সুমখং সহো মহি শ্রবো নৃম্ণং চ রোদসী সপর্যতঃ ॥৬॥

32.24

বৃহন্নিদিধ্ম এষাং ভূরি শস্তং পৃথুঃ স্বরুঃ । যেষামিন্দ্রো যুবা সখা ॥৭॥

32.25

ইন্দ্রেহি মত্স্যন্ধসো বিশ্বেভিঃ সোমপর্বভিঃ । মহাঁ২ অভিষ্টিরোজসা ॥৮॥

32.26

ইন্দ্রো বৃত্রমবৃণোচ্ছর্ধনীতিঃ প্র মায়িনামমিনাদ্বর্পণীতিঃ ।
অহন্ব্যংসমুশধগ্বনেষ্বাবির্ধেনা অকৃণোদ্রাম্যাণাম্ ॥৯॥

32.27

কুতস্ত্বমিন্দ্র মাহিনঃ সন্নেকো যাসি সত্পতে কিং ত ইত্থা ।
সং পৃচ্ছসে সমরাণঃ শুভানৈর্বোচেস্তন্নো হরিবো যত্তে অস্মে ।
মহাঁ২ ইন্দ্রো য ওজসা কদা চন স্তরীরসি কদা চন প্রয়ুচ্ছসি ॥১০॥

32.28

আ তত্ত ইন্দ্রায় বঃ পনন্তাভি য ঊর্বং গোমন্তং তিতৃত্সান্ ।
সকৃত্স্বং যে পুরুপুত্রাং মহীং সহস্রধারাং বৃহতীং দুদুক্ষন্ ॥১১॥

32.29

ইমাং তে ধিয়ং প্র ভরে মহো মহীমস্য স্তোত্রে ধিষণা যত্ত আনজে ।
তমুত্সবে চ প্রসবে চ সাসহিমিন্দ্রং দেবাসঃ শবসামদন্ননু ॥১২॥

32.30

(২) ২৯
বিভ্রাড্ বৃহত্পিবতু সোম্যং মধ্বায়ুর্দধদ্যজ্ঞপতা অবিহ্রুতম্ ।
বাতজূতো যো অভিরক্ষতি ত্মনা প্রজাঃ পুপোষ পুরুধা বি রাজতি ॥১॥

32.31

উদু ত্যং জাতবেদসং দেবং বহন্তি কেতবঃ । দৃশে বিশ্বায় সূর্যম্ ॥২॥

32.32

যেনা পাবক চক্ষসা ভুরণ্যন্তং জনাঁ২ অনু । ত্বং বরুণ পশ্যসি ॥৩॥

32.33

৩২ (১৮১০)
দৈব্যা অধ্বর্যূ আ গতং রথেন সূর্যত্বচা । মধ্বা যজ্ঞং সমঞ্জাথে ।
তং প্রত্নথায়ং বেনশ্চোদয়চ্চিত্রং দেবানাম্ ॥৪॥

32.34

আ ন ইলাভির্বিদথে সুশস্তি বিশ্বানরঃ সবিতা দেব এতু ।
অপি যথা যুবানো মত্সথা নো বিশ্বং জগদভিপিত্বে মনীষা ॥৫॥

32.35

যদদ্য কচ্চ বৃত্রহন্নুদগা অভি সূর্য । সর্বং তদিন্দ্র তে বশে ॥৬॥

32.36

তরণির্বিশ্বদর্শতো জ্যোতিষ্কৃদসি সূর্য । বিশ্বমা ভাসি রোচনম্ ॥৭॥

32.37

তত্সূর্যস্য দেবত্বং তন্মহিত্বং মধ্যা কর্তোর্বিততং সং জভার ।
যদেদয়ুক্ত হরিতঃ সধস্থাদাদ্রাত্রী বাসস্তনুতে সিমস্মৈ ॥৮॥

32.38

তন্মিত্রস্য বরুণস্যাভিচক্ষে সূর্যো রূপং কৃণুতে দ্যোরুপস্থে ।
অনন্তমন্যদ্রুশদস্য পাজঃ কৃষ্ণমন্যদ্ধরিতঃ সং ভরন্তি ॥৯॥

32.39

বণ্মহাঁ২ অসি সূর্য বলাদিত্য মহাঁ২ অসি ।
মহস্তে সতো মহিমা পনস্যতেঽদ্ধা দেব মহাঁ২ অসি ॥১০॥

32.40

বট্ সূর্য শ্রবসা মহাঁ২ অসি সত্রা দেব মহাঁ২ অসি ।
মহ্না দেবানামসুর্যঃ পুরোহিতো বিভু জ্যোতিরদাভ্যম্ ॥১১॥

32.41

শ্রায়ন্ত ইব সূর্যং বিশ্বেদিন্দ্রস্য ভক্ষত ।
বসূনি জাতে জনমান ওজসা প্রতি ভাগং ন দীধিম ॥১২॥

32.42

অদ্যা দেবা উদিতা সূর্যস্য নিরংহসঃ পিপৃতা নিরবদ্যাৎ ।
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥১৩॥

32.43

আ কৃষ্ণেন রজসা বর্তমানো নিবেশয়ন্নমৃতং মর্ত্যং চ ।
হিরণ্যয়েন সবিতা রথেনা দেবো যাতি ভুবনানি পশ্যন্ ॥১৪॥

32.44

(৩)৪৩
প্র বাবৃজে সুপ্রয়া বর্হিরেষামা বিশ্পতীব বীরিট ইয়াতে ।
বিশামক্তোরুষসঃ পূর্বহূতৌ বায়ুঃ পূষা স্বস্তয়ে নিয়ুত্বান্ ॥১॥

32.45

ইন্দ্রবায়ূ বৃহস্পতিং মিত্রাগ্নিং পূষণং ভগম্ । আদিত্যান্মারুতং গণম্ ॥২॥

32.46

বরুণঃ প্রাবিতা ভুবন্মিত্রো বিশ্বাভিরূতিভিঃ । করতাং নঃ সুরাধসঃ ॥৩॥

32.47

অধি ন ইন্দ্রৈষাং বিষ্ণো সজাত্যানাম্ । ইতা মরুতো অশ্বিনা ।
তং প্রত্নথায়ং বেনশ্চোদয়দ্যে দেবাস আ ন ইলাভির্বিশ্বেভিঃ সোম্যং মধ্বোমাসশ্চর্ষণীধৃতঃ ॥৪॥

32.48

অগ্ন ইন্দ্র বরুণ মিত্র দেবাঃ শর্ধঃ প্র যন্ত মারুতোত বিষ্ণো ।
উভা নাসত্যা রুদ্রো অধ গ্নাঃ পূষা ভগঃ সরস্বতী জুষন্ত ॥৫॥

32.49

৪৮ (১৮২৬)
ইন্দ্রাগ্নী মিত্রাবরুণাদিতিং স্বঃ পৃথিবীং দ্যাং মরুতঃ পর্বতাঁ২ অপঃ ।
হুবে বিষ্ণুং পূষণং ব্রহ্মণস্পতিং ভগং নু শংসং সবিতারমূতয়ে ॥৬॥

32.50

অস্মে রুদ্রা মেহনা পর্বতাসো বৃত্রহত্যে ভরহূতৌ সজোষাঃ ।
যঃ শংসতে স্তুবতে ধায়ি পজ্র ইন্দ্রজ্যেষ্ঠা অস্মাঁ২ অবন্তু দেবাঃ ॥৭॥

32.51

অর্বাঞ্চো অদ্যা ভবতা যজত্রা আ বো হার্দি ভয়মানো ব্যয়েয়ম্ ।
ত্রাধ্বং নো দেবা নিজুরো বৃকস্য ত্রাধ্বং কর্তাদবপদো যজত্রাঃ ॥৮॥

32.52

বিশ্বে অদ্য মরুতো বিশ্ব ঊতী বিশ্বে ভবন্ত্বগ্নয়ঃ সমিদ্ধাঃ ।
বিশ্বে নো দেবা অবসা গমন্তু বিশ্বমস্তু দ্রবিণং বাজো অস্মে ॥৯॥

32.53

বিশ্বে দেবাঃ শৃণুতেমং হবং মে যে অন্তরিক্ষে য উপ দ্যবি ষ্ঠ ।
যে অগ্নিজিহ্বা উত বা যজত্রা আসদ্যাস্মিন্বর্হিষি মাদয়ধ্বম্ ॥১০॥

32.54

দেবেভ্যো হি প্রথমং যজ্ঞিয়েভ্যোঽমৃতত্বং সুবসি ভাগমুত্তমম্ ।
আদিদ্দামানং সবিতর্ব্যূর্ণুষেঽনূচীনা জীবিতা মানুষেভ্যঃ ॥১১॥

32.55

(৪) ৫৪
প্র বায়ুমচ্ছা বৃহতী মনীষা বৃহদ্রয়িং বিশ্ববারং রথপ্রাম্ ।
দ্যুতদ্যামা নিয়ুতঃ পত্যমানঃ কবিঃ কবিমিয়ক্ষসি প্রয়জ্যো ॥১॥

32.56

ইন্দ্রবায়ূ ইমে সুতা উপ প্রয়োভিরা গতম্ । ইন্দবো বামুশন্তি হি ॥২॥

32.57

মিত্রং হুবে পূতদক্ষং বরুণং চ রিশাদসম্ । ধিয়ং ঘৃতাচীং সাধন্তা ॥৩॥

32.58

দস্রা যুবাকবঃ সুতা নাসত্যা বৃক্তবর্হিষঃ । আ যাতং রুদ্রবর্তনী ।
তং প্রত্নথায়ং বেনশ্চোদয়ৎ ॥৪॥

32.59

বিদদ্যদী সরমা রুগ্ণমদ্রের্মহি পাথঃ পূর্ব্যং সধ্র্যক্কঃ ।
অগ্রং নয়ত্সুপদ্যক্ষরাণামচ্ছা রবং প্রথমা জানতী গাৎ ॥৫॥

32.60

নহি স্পশমবিদন্নন্যমস্মাদ্বৈশ্বানরাত্পুর এতারমগ্নেঃ ।
এমেনমবৃধন্নমৃতা অমর্ত্যং বৈশ্বানরং ক্ষৈত্রজিত্যায় দেবাঃ ॥৬॥

32.61

উগ্রা বিঘনিনা মৃধ ইন্দ্রাগ্নী হবামহে । তা নো মৃলাত ঈদৃশে ॥৭॥

32.62

উপাস্মৈ গায়তা নরঃ পবমানায়েন্দবে । অভি দেবাঁ২ ইয়ক্ষতে ॥৮॥

32.63

যে ত্বাহিহত্যে মঘবন্নবর্ধন্যে শাম্বরে হরিবো যে গ ইষ্টৌ ।
যে ত্বা নূনমনুমদন্তি বিপ্রাঃ পিবেন্দ্র সোমং সগণো মরুদ্ভিঃ ॥৯॥

32.64

জনিষ্ঠা উগ্রঃ সহসে তুরায় মন্দ্র ওজিষ্ঠো বহুলাভিমানঃ ।
অবর্ধন্নিন্দ্রং মরুতশ্চিদত্র মাতা যদ্বীরং দধনদ্ধনিষ্ঠা ॥১০॥

32.65

৬৪ (১৮৪২)
আ তূ ন ইন্দ্র বৃত্রহন্নস্মাকমর্ধমা গহি । মহান্মহীভিরূতিভিঃ ॥১১॥

32.66

ত্বমিন্দ্র প্রতূর্তিষ্বভি বিশ্বা অসি স্পৃধঃ ।
অশস্তিহা জনিতা বিশ্বতূরসি ত্বং তূর্য তরুষ্যতঃ ॥১২॥

32.67

অনু তে শুষ্মং তুরয়ন্তমীয়তুঃ ক্ষোণী শিশুং ন মাতরা ।
বিশ্বাস্তে স্পৃধঃ শ্নথয়ন্ত মন্যবে বৃত্রং যদিন্দ্র তূর্বসি ॥১৩॥

32.68

যজ্ঞো দেবানাং প্রত্যেতি সুম্নমাদিত্যাসো ভবতা মৃলয়ন্তঃ ।
আ বোঽর্বাচী সুমতির্ববৃত্যাদংহোশ্চিদ্যা বরিবোবিত্তরাসৎ ॥১৪॥

32.69

অদব্ধেভিঃ সবিতঃ পায়ুভিষ্ট্বং শিবেভিরদ্য পরি পাহি নো গয়ম্ ।
হিরণ্যজিহ্বঃ সুবিতায় নব্যসে রক্ষা মাকির্নো অঘশংস ঈশত ॥১৫॥

32.70

(৫) ৬৯
প্র বীরয়া শুচয়ো দদ্রিরে বামধ্বর্যুভির্মধুমন্তঃ সুতাসঃ ।
বহ বায়ো নিয়ুতো যাহ্যচ্ছা পিবা সুতস্যান্ধসো মদায় ॥১॥

32.71

গাব উপাবতাবতং মহী যজ্ঞস্য রপ্সুদা । উভা কর্ণা হিরণ্যয়া ॥২॥

32.72

কাব্যয়োরাজানেষু ক্রত্বা দক্ষস্য দুরোণে । রিশাদসা সধস্থ আ ॥৩॥

32.73

দৈব্যা অধ্বর্যূ আ গতং রথেন সূর্যত্বচা । মধ্বা যজ্ঞং সমঞ্জাথে । তং প্রত্নথায়ং বেনশ্চোদয়ৎ ॥৪॥

32.74

তিরশ্চীনো বিততো রশ্মিরেষামধঃ স্বিদাসী৩দুপরি স্বিদাসী৩ৎ ।
রেতোধা আসন্মহিমান আসন্ত্স্বধা অবস্তাত্প্রয়তিঃ পরস্তাৎ ॥৫॥

32.75

আ রোদসী অপৃণদা স্বর্মহজ্জাতং যদেনমপসো অধারয়ন্ ।
সো অধ্বরায় পরি ণীয়তে কবিরত্যো ন বাজসাতয়ে চনোহিতঃ ॥৬॥

32.76

উক্থেভির্বৃত্রহন্তমা যা মন্দানা চিদা গিরা । আঙ্গূষৈরাবিবাসতঃ ॥৭॥

32.77

উপ নঃ সূনবো গিরঃ শৃণ্বন্ত্বমৃতস্য যে । সুমৃলীকা ভবন্তু নঃ ॥৮॥

32.78

ব্রহ্মাণি মে মতয়ঃ শং সুতাসঃ শুষ্ম ইয়র্তি প্রভৃতো মে অদ্রিঃ ।
আ শাসতে প্রতি হর্যন্ত্যুক্থেমা হরী বহতস্তা নো অচ্ছ ॥৯॥

32.79

অনুত্তমা তে মঘবন্নকির্নু ন ত্বাবাঁ২ অস্তি দেবতা বিদানঃ ।
ন জায়মানো নশতে ন জাতো যানি করিষ্যা কৃণুহি প্রবৃদ্ধ ॥১০॥

32.80

তদিদাস ভুবনেষু জ্যেষ্ঠং যতো জজ্ঞ উগ্রস্ত্বেষনৃম্ণঃ ।
সদ্যো জজ্ঞানো নি রিণাতি শত্রূননু যং বিশ্বে মদন্ত্যূমাঃ ॥১১॥

32.81

ইমা উ ত্বা পুরূবসো গিরো বর্ধন্তু যা মম ।
পাবকবর্ণাঃ শুচয়ো বিপশ্চিতোঽভি স্তোমৈরনূষত ॥১২॥

32.82

যস্যায়ং বিশ্ব আর্যো দাসঃ শেবধিপা অরিঃ ।
তিরশ্চিদর্যে রুশমে পবীরবি তুভ্যেত্সো অজ্যতে রয়িঃ ॥১৩॥

32.83

অয়ং সহস্রমৃষিভিঃ সহস্কৃতঃ সমুদ্র ইব পপ্রথে ।
সত্যঃ সো অস্য মহিমা গৃণে শবো যজ্ঞেষু বিপ্ররাজ্যে ॥১৪॥

32.84

অদব্ধেভিঃ সবিতঃ পায়ুভিষ্ট্বং শিবেভিরদ্য পরি পাহি নো গয়ম্ ।
হিরণ্যজিহ্বঃ সুবিতায় নব্যসে রক্ষা মাকির্নো অঘশংস ঈশত ॥১৫॥

32.85

(৬) ৮৪ (১৮৬২)
॥ইতি শুক্লয়জুঃকাণ্বসংহিতায়াং দ্বাত্রিংশোঽধ্যায়ঃ ॥৩২॥