অধ্যায় 31

31.1

অথ চতুর্থো দশকঃ॥ অথৈকত্রিংশোঽধ্যায়ঃ।

সমিদ্ধো অঞ্জন্কৃদরং মতীনাং ঘৃতমগ্নে মধুমত্পিন্বমানঃ ।
বাজী বহন্বাজিনং জাতবেদো দেবানাং বক্ষি প্রিয়মা সধস্থম্ ॥১॥

31.2

ঘৃতেনাঞ্জন্ত্সং পথো দেবয়ানান্প্রজানন্বাজ্যপ্যেতু দেবান্ ।
অনু ত্বা সপ্তে প্রদিশঃ সচন্তাং স্বধামস্মৈ যজমানায় ধেহি ॥২॥

31.3

ঈড্যশ্চাসি বন্দ্যশ্চ বাজিন্নাশুশ্চাসি মেধ্যশ্চ সপ্তে ।
অগ্নিষ্ট্বা দেবৈর্বসুভিঃ সজোষাঃ প্রীতং বহ্নিং বহতু জাতবেদাঃ ॥৩॥

31.4

স্তীর্ণং বর্হিঃ সুষ্টরীমা জুষাণোরু পৃথু প্রথমানং পৃথিব্যাম্ ।
দেবেভির্যুক্তমদিতিঃ সজোষাঃ স্যোনং কৃণ্বানা সুবিতে দধাতু ॥৪॥

31.5

এতা উ বঃ সুভগা বিশ্বরূপা বি পক্ষোভিঃ শ্রয়মাণা উদাতৈঃ ।
ঋষ্বাঃ সতীঃ কবষঃ শুম্ভমানা দ্বারো দেবীঃ সুপ্রায়ণা ভবন্তু ॥৫॥

31.6

অন্তরা মিত্রাবরুণা চরন্তী মুখং যজ্ঞানামভি সংবিদানে ।
উষাসা বাং সুহিরণ্যে সুশিল্পে ঋতস্য যোনা ইহ সাদয়ামি ॥৬॥

31.7

প্রথমা বাং সরথিনা সুবর্ণা দেবৌ পশ্যন্তৌ ভুবনানি বিশ্বা ।
অপিপ্রয়ং চোদনা বাং মিমানা হোতারা জ্যোতিঃ প্রদিশা দিশন্তা ॥৭॥

31.8

আদিত্যৈর্নো ভারতী বষ্টু যজ্ঞং সরস্বতী সহ রুদ্রৈর্ন আবীৎ ।
ইলোপহূতা বসুভিঃ সজোষা যজ্ঞং নো দেবীরমৃতেষু ধত্ত ॥৮॥

31.9

ত্বষ্টা বীরং দেবকামং জজান ত্বষ্টুরর্বা জায়ত আশুরশ্বঃ ।
ত্বষ্টেদং বিশ্বং ভুবনং জজান বহোঃ কর্তারমিহ যক্ষি হোতঃ ॥৯॥

31.10

অশ্বো ঘৃতেন ত্মন্যা সমক্ত উপ দেবাঁ২ ঋতুশঃ পাথ এতু ।
বনস্পতির্দেবলোকং প্রজানন্নগ্নিনা হব্যা স্বদিতানি বক্ষৎ ॥১০॥

31.11

প্রজাপতেস্তপসা বাবৃধানঃ সদ্যো জাতো দধিষে যজ্ঞমগ্নে ।
স্বাহাকৃতেন হবিষা পুরোগা যাহি সাধ্যা হবিরদন্তু দেবাঃ ॥১১॥

31.12

(১) ১১
কেতুং কৃণ্বন্নকেতবে পেশো মর্যা অপেশসে । সমুষদ্ভিরজায়থাঃ ॥১॥

31.13

জীমূতস্যেব ভবতি প্রতীকং যদ্বর্মী যাতি সমদামুপস্থে ।
অনাবিদ্ধয়া তন্বা জয় ত্বং স ত্বা বর্মণো মহিমা পিপর্তু ॥২॥

31.14

১৩ (১৭৪০)
ধন্বনা গা ধন্বনাজিং জয়েম ধন্বনা তীব্রাঃ সমদো জয়েম ।
ধনুঃ শত্রোরপকামং কৃণোতি ধন্বনা সর্বাঃ প্রদিশো জয়েম ॥৩॥

31.15

তে আচরন্তী সমনেব যোষা মাতেব পুত্রং বিভৃতামুপস্থে ।
অপ শত্রূন্বিধ্যতাং সংবিদানে আর্ত্নী ইমে বিষফুরন্তী অমিত্রান্ ॥৪॥

31.16

বক্ষ্যন্তীবেদা গনীগন্তি কর্ণং প্রিয়ং সখায়ং পরিষস্বজানা ।
যোষেব শিঙ্ক্তে বিততাধি ধন্বন্ জ্যা ইয়ং সমনে পারয়ন্তী ॥৫॥

31.17

অহিরিব ভোগৈঃ পর্যেতি বাহুং জ্যায়া হেতিং পরিবাধমানঃ ।
হস্তঘ্নো বিশ্বা বয়ুনানি বিদ্বান্পুমান্পুমাংসং পরি পাতু বিশ্বতঃ ॥৬॥

31.18

বহ্বীনাং পিতা বহুরস্য পুত্রশ্চিশ্চা কৃণোতি সমনাবগত্য ।
ইষুধিঃ সঙ্কাঃ পৃতনাশ্চ সর্বাঃ পৃষ্ঠে নিনদ্ধো জয়তি প্রসূতঃ ॥৭॥

31.19

সুপর্ণং বস্তে মৃগো অস্যা দন্তো গোভিঃ সংনদ্ধা পততি প্রসূতা ।
যত্রা নরঃ সং চ বি চ দ্রবন্তি তত্রাস্মভ্যমিষবঃ শর্ম যংসন্ ॥৮॥

31.20

বনস্পতে বীড্বঙ্গো হি ভূয়া অস্মত্সখা প্রতরণঃ সুবীরঃ ।
গোভিঃ সংনদ্ধো অসি বীলয়স্বাস্থাতা তে জয়তু জেত্বানি ॥৯॥

31.21

রথে তিষ্ঠন্নয়তি বাজিনঃ পুরো যত্রয়ত্র কাময়তে সুষারথিঃ ।
অভীশূনাং মহিমানং পনায়ত মনঃ পশ্চাদনু যচ্ছন্তি রশ্ময়ঃ ॥১০॥

31.22

আ জঙ্ঘন্তি সান্বেষাং জঘনাঁ২ উপ জিঘ্নতে ।
অশ্বাজনি প্রচেতসোঽশ্বান্ত্সমত্সু চোদয় ॥১১॥

31.23

উপ শ্বাসয় পৃথিবীমুত দ্যাং পুরুত্রা তে মনুতাং বিষ্ঠিতং জগৎ ।
স দুন্দুভে সজূরিন্দ্রেণ দেবৈর্দূরাদ্দবীয়ো অপ সেধ শত্রূন্ ॥১২॥

31.24

(২) ২৩
যদক্রন্দঃ প্রথমং জায়মান উদ্যন্ত্সমুদ্রাদুত বা পুরীষাৎ ।
শ্যেনস্য পক্ষা হরিণস্য বাহূ উপস্তুত্যং মহি জাতং তে অর্বন্ ॥১॥

31.25

যমেন দত্তং ত্রিত এনমায়ুনগিন্দ্র এণং প্রথমো অধ্যতিষ্ঠৎ ।
গন্ধর্বো অস্য রশনামগৃভ্ণাত্সূরাদশ্বং বসবো নিরতষ্ট ॥২॥

31.26

অসি যমো অস্যাদিত্যো অর্বন্নসি ত্রিতো গুহ্যেন ব্রতেন ।
অসি সোমেন সময়া বিপৃক্ত আহুস্তে ত্রীণি দিবি বন্ধনানি ॥৩॥

31.27

ত্রীণি ত আহুর্দিবি বন্ধনানি ত্রীণ্যপ্সু ত্রীণ্যন্তঃ সমুদ্রে ।
উতেব মে বরুণশ্ছন্ত্স্যর্বন্যত্রা ত আহুঃ পরমং জনিত্রম্ ॥৪॥

31.28

২৭ (১৭৫৪)
ইমা তে বাজিন্নবমার্জনানীমা শফানাং সনিতুর্নিধানা ।
অত্রা তে ভদ্রা রশনা অপশ্যমৃতস্য যা অভিরক্ষন্তি গোপাঃ ॥৫॥

31.29

আত্মানং তে মনসারাদজানামবো দিবা পতয়ন্তং পতঙ্গম্ ।
শিরো অপশ্যং পথিভিঃ সুগেভিররেণুভির্জেহমানং পতত্রি ॥৬॥

31.30

অত্রা তে রূপমুত্তমমপশ্যং জিগীষমাণমিষ আ পদে গোঃ ।
যদা তে মর্তো অনু ভোগমানলাদিদ্ গ্রসিষ্ঠ ওষধীরজীগঃ ॥৭॥

31.31

অনু ত্বা রথো অনু মর্যো অর্বন্ননু গাবোঽনু ভগঃ কনীনাম্ ।
অনু ব্রাতাসস্তব সখ্যমীয়ুরনু দেবা মমিরে বীর্যং তে ॥৮॥

31.32

হিরণ্যশৃঙ্গোঽয়ো অস্য পাদা মনোজবা অবর ইন্দ্র আসীৎ ।
দেবা ইদস্য হবিরদ্যমায়ন্যো অর্বন্তং প্রথমো অধ্যতিষ্ঠৎ ॥৯॥

31.33

ঈর্মান্তাসঃ সিলিকমধ্যমাসঃ সং শূরণাসো দিব্যাসো অত্যাঃ ।
হংসা ইব শ্রেণিশো যতন্তে যদাক্ষিষুর্দিব্যমজ্মমশ্বাঃ ॥১০॥

31.34

৩৩॥
তব শরীরং পতয়িষ্ণ্বর্বন্তব চিত্তং বাত ইব ধ্রজীমান্ ।
তব শৃঙ্গাণি বিষ্ঠিতা পুরুত্রারণ্যেষু জর্ভুরাণা চরন্তি ॥১১॥

31.35

উপ প্রাগাচ্ছসনং বাজ্যর্বা দেবদ্রীচা মনসা দীধ্যানঃ ।
অজঃ পুরো নীয়তে নাভিরস্যানু পশ্চাত্কবয়ো যন্তি রেভাঃ ॥১২॥

31.36

উপ প্রাগাত্পরমং যত্সধস্থমর্বাঁ২ অচ্ছা পিতরং মাতরং চ ।
অদ্যা দেবান্জুষ্টতমো হি গম্যা অথা শাস্তে দাশুষে বার্যাণি ॥১৩॥

31.37

(৩) ৩৬
সমিদ্ধো অদ্য মনুষো দুরোণে দেবো দেবান্যজসি জাতবেদঃ ।
আ চ বহ মিত্রমহশ্চিকিত্বান্ত্বং দূতঃ কবিরসি প্রচেতাঃ ॥১॥

31.38

তনূনপাত্পথ ঋতস্য যানান্মধ্বা সমঞ্জন্ত্স্বদয়া সুজিহ্ব ।
মন্মানি ধীভিরুত যজ্ঞমৃন্ধন্দেবত্রা চ কৃণুহ্যধ্বরং নঃ ॥২॥

31.39

নরাশংসস্য মহিমানমেষামুপ স্তোষাম যজতস্য যজ্ঞৈঃ ।
যে সুক্রতবঃ শুচয়ো ধিয়ংধাঃ স্বদন্তি দেবা উভয়ানি হব্যা ॥৩॥

31.40

আজুহ্বান ঈড্যো বন্দ্যশ্চা যাহ্যগ্নে বসুভিঃ সজোষাঃ ।
ত্বং দেবানামসি যহ্ব হোতা স এনান্যক্ষীষিতো যজীয়ান্ ॥৪॥

31.41

প্রাচীনং বর্হিঃ প্রদিশা পৃথিব্যা বস্তোরস্যা বৃজ্যতে অগ্রে অহ্নাম্ ।
ব্যু প্রথতে বিতরং বরীয়ো দেবেভ্যো অদিতয়ে স্যোনম্ ॥৫॥

31.42

৪১ (১৭৬৮)
ব্যচস্বতীরুর্বিয়া বি শ্রয়ন্তাং পতিভ্যো ন জনয়ঃ শুম্ভমানাঃ ।
দেবীর্দ্বারো বৃহতীর্বিশ্বমিন্বা দেবেভ্যো ভবত সুপ্রায়ণাঃ ॥৬॥

31.43

আ সুষ্বয়ন্তী যজতে উপাকে উষাসানক্তা সদতাং নি যোনৌ ।
দিব্যে যোষণে বৃহতী সুরুক্মে অধি শ্রিয়ং শুক্রপিশং দধানে ॥৭॥

31.44

দৈব্যা হোতারা প্রথমা সুবাচা মিমানা যজ্ঞং মনুষো যজধ্যৈ ।
প্রচোদয়ন্তা বিদথেষু কারূ প্রাচীনং জ্যোতিঃ প্রদিশা দিশন্তা ॥৮॥

31.45

আ নো যজ্ঞং ভারতী তূয়মেত্বিলা মনুষ্বদিহ চেতয়ন্তী ।
তিস্রো দেবীর্বর্হিরেদং স্যোনং সরস্বতী স্বপসঃ সদন্তু ॥৯॥

31.46

য ইমে দ্যাবাপৃথিবী জনিত্রী রূপৈরপিংশদ্ভুবনানি বিশ্বা ।
তমদ্য হোতরিষিতো যজীয়ান্দেবং ত্বষ্টারমিহ যক্ষি বিদ্বান্ ॥১০॥

31.47

উপাবসৃজ ত্মন্যা সমঞ্জন্দেবানাং পাথ ঋতুথা হবীংষি ।
বনস্পতিঃ শমিতা দেবো অগ্নিঃ স্বদন্তু হব্যং মধুনা ঘৃতেন ॥১১॥

31.48

সদ্যো জাতো ব্যমিমীত যজ্ঞমগ্নির্দেবানামভবত্পুরোগাঃ ।
অস্য হোতুঃ প্রদিশ্যৃতস্য বাচি স্বাহাকৃতং হবিরদন্তু দেবাঃ ॥১২॥

(৪) ৪৮
অগ্নয়ে গায়ত্রায় ত্রিবৃতে রাথন্তরায়াষ্টাকপাল ইন্দ্রায় ত্রৈষ্টুভায় পঞ্চদশায় বর্হতায়ৈকাদশকপালো বিশ্বেভ্যো দেবেভ্যো জাগতেভ্যঃ সপ্তদশেভ্যো বৈরূপেভ্যো দ্বাদশকপালো মিত্রাবরুণাভ্যামানুষ্টুভাভ্যামেকবিংশাভ্যাং বৈরাজাভ্যাম্ । পয়স্যা বৃহস্পতয়ে পাঙ্ক্তায় ত্রিণবায় শাক্বরায় চরুঃ সবিত্র ঔষ্ণিহায় ত্রয়স্ত্রিংশায় রৈবতায় দ্বাদশকপালঃ প্রাজাপত্যশ্চরুরদিত্যৈ বিষ্ণুপত্ন্যৈ চরুরগ্নয়ে বৈশ্বানরায় দ্বাদশকপালোঽনুমত্যা অষ্টাকপালঃ ॥১॥