অধ্যায় 23

23.1

অথ ত্রয়োবিংশোঽধ্যায়ঃ।

ইমং মে বরুণ শ্রুধী হবমদ্যা চ মৃলয় । ত্বামবস্যুরা চকে ॥১১॥

23.2

তত্ত্বা যামি ব্রহ্মণা বন্দমানস্তদা শাস্তে যজমানো হবির্ভিঃ ।
অহেলমানো বরুণেহ বোধ্যুরুশংস মা ন আয়ুঃ প্র মোষীঃ ॥২॥

23.3

ত্বং নো অগ্নে বরুণস্য বিদ্বান্ দেবস্য হেলো অব যাসিসীষ্ঠাঃ ।
যজিষ্ঠো বহ্নিতমঃ শোশুচানো বিশ্বা দ্বেষাংসি প্র মুমুগ্ধ্যস্মৎ ॥৩॥

23.4

স ত্বং নো অগ্নেঽবমো ভবোতী নেদিষ্ঠো অস্যা উষসো ব্যুষ্টৌ ।
অব যক্ষ্ব নো বরুণং ররাণো বীহি মৃলীকং সুহবো ন এধি ॥৪॥

23.5

মহীমূ ষু মাতরং সুব্রতানামৃতস্য পত্নীমবসে হুবেম ।
তুবিক্ষত্রামজরন্তীমুরূচীং সুশর্মাণমদিতিং সুপ্রণীতিম্ ॥৫॥

23.6

৫ (১৩৫৯)
সুত্রামাণং পৃথিবীং দ্যামনেহসং সুশর্মাণমদিতিং সুপ্রণীতিম্ ।
দেবীং নাবং স্বরিত্রামনাগসমস্রবন্তীমা রুহেমা স্বস্তয়ে ॥৬॥

23.7

সুনাবমা রুহেয়মস্রবন্তীমনাগসম্ । শতারিত্রাং স্বস্তয়ে ॥৭॥

23.8

আ নো মিত্রাবরুণা ঘৃতৈর্গব্যূতিমুক্ষতম্ । মধ্বা রজাংসি সুক্রতূ ॥৮॥

23.9

প্র বাহবা সিসৃতং জীবসে ন আ নো গব্যূতিমুক্ষতং ঘৃতেন ।
আ মা জনে শ্রবয়তং যুবানা শ্রুতং মে মিত্রাবরুণা হবেমা ॥৯॥

23.10

শং নো ভবন্তু বাজিনো হবেষু দেবতাতা মিতদ্রবঃ স্বর্কাঃ ।
জম্ভয়ন্তোঽহিং বৃকং রক্ষাংসি সনেম্যস্মদ্যুয়বন্নমীবাঃ ॥১০॥

23.11

তে নো অর্বন্তো হবনশ্রুতো হবং বিশ্বে শৃণ্বতু বাজিনো মিতদ্রবঃ ।
সহস্রসা মেধসাতা ইব ত্মনা মহো যে ধনং সমিথেষু জভ্রিরে ॥১১॥

23.12

বাজেবাজেঽবত বাজিনো নো ধনেষু বিপ্রা অমৃতা ঋতজ্ঞাঃ ।
অস্য মধ্বঃ পিবত মাদয়ধ্বং তৃপ্তা যাত পথিভির্দেবয়ানৈঃ ॥১২॥

23.13

(১) ১২
সমিদ্ধো অগ্নিঃ সমিধা সুসমিদ্ধো বরেণ্যঃ । গায়ত্রী ছন্দ ইন্দ্রিয়ং ত্র্যবির্গৌর্বয়ো দধুঃ ॥১॥

23.14

তনূনপাচ্ছুচিব্রতস্তনূপাশ্চ সরস্বতী । উষ্ণিহা ছন্দ ইন্দ্রিয়ং দিত্যবাড্ গৌর্বয়ো দধুঃ ॥২॥

23.15

ইলাভিরগ্নিরীড্যঃ সোমো দেবো অমর্ত্যঃ । অনুষ্টুপ্ছন্দ ইন্দ্রিয়ং পঞ্চাবির্গৌর্বয়ো দধুঃ ॥৩১॥

23.16

৫॥
সুবর্হিরগ্নিঃ পূষণ্বান্ত্স্তীর্ণবর্হিরমর্ত্যঃ । বৃহতী ছন্দ ইন্দ্রিয়ং ত্রিবত্সো গৌর্বয়ো দধুঃ ॥৪॥

23.17

দুরো দেবীর্দিশো মহীর্ব্রহ্মা দেবো বৃহস্পতিঃ । পঙ্ক্তিশ্ছন্দ ইহেন্দ্রিয়ং তুর্যবাড্ গৌর্বয়ো দধুঃ ॥৫॥

23.18

উষে যহ্বী সুপেশসা বিশ্বে দেবা অমর্ত্যাঃ । ত্রিষ্টুপ্ ছন্দ ইহেন্দ্রিয়ং পষ্ঠবাড্ গৌর্বয়ো দধুঃ ॥৬॥

23.19

দৈব্যা হোতারা ভিষজেন্দ্রেণ সয়ুজা যুজা । জগতী ছন্দ ইন্দ্রিয়মনড্বান্ গৌর্বয়ো দধুঃ ॥৭॥

23.20

তিস্র ইলা সরস্বতী ভারতী মরুতো বিশঃ । বিরাট্ ছন্দ ইহেন্দ্রিয়ং ধেনুর্গৌর্ন বয়ো দধুঃ ॥৮॥

23.21

ত্বষ্টা তুরীপো অদ্ভুত ইন্দ্রাগ্নী পুষ্টিবর্ধনা । দ্বিপদা ছন্দ ইন্দ্রিয়মুক্ষা গৌর্ন বয়ো দধুঃ ॥৯॥

23.22

শমিতা নো বনস্পতিঃ সবিতা প্রসুবন্ ভগম্ ।
ককুপ্ ছন্দ ইহেন্দ্রিয়ং বশা বেহদ্বয়ো দধুঃ ॥১০॥

23.23

স্বাহা যজ্ঞং বরুণঃ সুক্ষত্রো ভেষজং করৎ ।
অতিচ্ছন্দা ইন্দ্রিয়ং বৃহদৃষভো গৌর্বয়ো দধুঃ ॥১১॥

23.24

(২) ২৩ (১৩৭৭)
বসন্তেন ঋতুনা দেবা বসবস্ত্রিবৃতা স্তুতাঃ । রথন্তরেণ তেজসা হবিরিন্দ্রে বয়ো দধুঃ ॥১॥

23.25

গ্রীষ্মেণ ঋতুনা দেবা রুদ্রাঃ পঞ্চদশে স্তুতাঃ । বৃহতা যশসা বলং হবিরিন্দ্রে বয়ো দধুঃ ॥২॥

23.26

বর্ষাভিরৃতুনাদিত্যা স্তোমে সপ্তদশে স্তুতাঃ ।
বৈরূপেণ বিশৌজসা হবিরিন্দ্রে বয়ো দধুঃ ॥৩॥

23.27

শারদেন ঋতুনা দেবা একবিংশ ঋভব স্তুতাঃ ।
বৈরাজেন শ্রিয়া শ্রিয়ং হবিরিন্দ্রে বয়ো দধুঃ ॥৪॥

23.28

হেমন্তেন ঋতুনা দেবাস্ত্রিণবে মরুত স্তুতাঃ । বলেন শক্বরীঃ সহো হবিরিন্দ্রে বয়ো দধুঃ ॥৫॥

23.29

শৈশিরেণ ঋতুনা দেবাস্ত্রয়স্ত্রিংশেঽমৃতা স্তুতাঃ ।
সত্যেন রেবতীঃ ক্ষত্রং হবিরিন্দ্রে বয়ো দধুঃ ॥৬॥

23.30

(৩) ২৯
হোতা যক্ষত্সমিধাগ্নিমিলস্পদেঽশ্বিনেন্দ্রং সরস্বতীমজো ধূম্রো ন গোধূমৈঃ কুবলৈর্ভেষজং মধু ।
শষ্পৈর্ন তেজ ইন্দ্রিয়ং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥১॥

23.31

হোতা যক্ষত্তনূনপাত্সরস্বতীমবির্মেষো ন ভেষজং পথা মধুমতা ভরন্নশ্বিনেন্দ্রায় বীর্যংম্ ।
বদরৈরুপবাকাভির্ভেষজং তোক্মভিঃ পয়ঃ সোমঃ পরিস্রুতা ঘৃতং মধু ব্যন্ত্বাস্য হোতর্যজ ॥২॥

23.32

হোতা যক্ষন্নরাশংসং ন নগ্নহুং পতিং সুরয়া ভেষজং মেষঃ সরস্বতী ভিষগ্রথো ন চন্দ্র্যশ্বিনোর্বপা ইন্দ্রস্য
বীর্যম্ । বদরৈরুপবাকাভির্ভেষজং তোক্মভিঃ পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৩॥

23.33

হোতা যক্ষদিলেলিত আজুহ্বানঃ সরস্বতীমিন্দ্রং বলেন বর্ধয়ন্নৃষভেণ গবেন্দ্রিয়মশ্বিনেন্দ্রায় ভেষজম্ ।
যবৈঃ কর্কন্ধুভির্মধু লাজৈর্ন মাসরং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৪॥

23.34

হোতা যক্ষদ্বর্হিরূর্ণম্রদা ভিষঙ্ নাসত্যা ভিষজাশ্বিনাশ্বা শিশুমতী ভিষগ্ধেনুঃ সরস্বতী ভিষক্ ।
দুহ ইন্দ্রায় ভেষজং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৫॥

হোতা যক্ষদ্দুরো দিশঃ কবষ্যো ন ব্যচস্বতীরশ্বিভ্যাং ন দুরো দিশ ইন্দ্রো ন রোদসী দুঘে দুহে ধেনুঃ সরস্বত্যশ্বিনেন্দ্রায় ভেষজম্ ।
শুক্রং ন জ্যোতিরিন্দ্রিয়ং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৬॥

23.36

হোতা যক্ষত্সুপেশসোষে নক্তং দিবাশ্বিনা সমঞ্জাতে সরস্বত্যা ত্বিষিমিন্দ্রে ন ভেষজম্ ।
শ্যেনো ন রজসা হৃদা শ্রিয়া ন মাসরং পয়ঃ সোমঃ পরিস্রুতা ঘৃতং মধু ব্যন্ত্বাজ্যস্য হোতর্যজ ॥৭॥

23.37

হোতা যক্ষদ্দৈব্যা হোতারা ভিষজাশ্বিনেন্দ্রং ন জাগৃবি দিবা নক্তং ন ভেষজৈঃ ।
শূষং সরস্বতী ভিষক্ সীসেন দুহ ইন্দ্রিয়ং পয়ঃ সোমঃ পরিস্রুতা
ঘৃতং মধু ব্যন্ত্বাজ্যস্য হোতর্যজ ॥৮॥

23.38

৩৭ (১৩৯১)
হোতা যক্ষত্তিস্রো দেবীর্ন ভেষজং ত্রয়স্ত্রিধাতবোঽপসো রূপমিন্দ্রে হিরণ্যয়মশ্বিনেলা ন ভারতী ।
বাচা সরস্বতী মহ ইন্দ্রায় দুহ ইন্দ্রিয়ং পয়ঃ সোমঃ পরিস্রুতা
ঘৃতং মধু ব্যন্ত্বাজ্যস্য হোতর্যজ ॥৯॥

23.39

হোতা যক্ষৎ সুরেতসমৃষভং নর্যাপসং ত্বষ্টারমিন্দ্রমশ্বিনা ভেষজং
ন সরস্বতীমোজো ন জূতিরিন্দ্রিয়ং বৃকো ন রভসো ভিষক্ । যশঃ সুরয়া ভেষজং শ্রিয়া ন মাসরং পয়ঃ সোমঃ
পরিস্রুতা ঘৃতং মধু ব্যন্ত্বাজ্যস্য হোতর্যজ ॥১০॥

23.40

হোতা যক্ষদ্বনস্পতিং শমিতারং শতক্রতুং ভীমং ন মন্যুং রাজানং ব্যাঘ্রং নমসাশ্বিনা ।
ভামং সরস্বতী ভিষগিন্দ্রায় দুহ ইন্দ্রিয়ং পয়ঃ সোমঃ
পরিস্রুতা ঘৃতং মধু ব্যন্ত্বাজ্যস্য হোতর্যজ ॥১১॥

23.41

হোতা যক্ষদগ্নিং স্বাহাজ্যস্য স্তোকানাং স্বাহা মেদসাং
পৃথক্ স্বাহা ছাগমশ্বিভ্যাং স্বাহা মেষং সরস্বত্যৈ ।
স্বাহ ঋষভমিন্দ্রায় সিংহায় সহস ইন্দ্রিয়ং স্বাহাগ্নিং ন ভেষজং স্বাহা সোমমিন্দ্রিয়ম্ ।
স্বাহেন্দ্রং সুত্রামাণং সবিতারং বরুণং ভিষজাং পতিং স্বাহা বনস্পতিং প্রিয়ং পাথো ন ভেষজম্ ।
স্বাহা দেবা আজ্যপা জুষাণো অগ্নির্ভেষজং পয়ঃ সোমঃ
পরিস্রুতা ঘৃতং মধু ব্যন্ত্বাজ্যস্য হোতর্যজ ॥১২॥

23.42

(৪) ৪১
হোতা যক্ষদশ্বিনৌ ছাগস্য বপায়া মেদসো জুষেতাং হবির্হোতর্যজ ।
হোতা যক্ষত্সরস্বতীং মেষস্য বপায়া মেদসো জুষতাং হবির্হোতর্যজ ।
হোতা যক্ষদিন্দ্রমৃষভস্য বপায়া মেদসো জুষতাং হবির্হোতর্যজ ॥১॥

23.43

হোতা যক্ষদশ্বিনৌ সরস্বতীমিন্দ্রং সুত্রামাণমিমে সোমাঃ
সুরামাণশ্ছাগৈর্ন মেষৈরৃষভৈঃ সুতাঃ ।
শষ্পৈর্ন তোক্মভির্লাজৈর্মহস্বন্তো মদা মাসরেণ পরিষ্কৃতাঃ
শুক্রাঃ পয়স্বন্তোঽমৃতাঃ প্রস্থিতা বো মধুশ্চ্যুতস্তানশ্বিনা সরস্বতীন্দ্রঃ
সুত্রামা বৃত্রহা জুষন্তাং সোম্যং মধু । পিবন্তু মদন্তু ব্যন্তু হোতর্যজ ॥২॥

23.44

৪৩ (১৩৯৭)
হোতা যক্ষদশ্বিনৌ ছাগস্য হবিষ আত্তামদ্য মধ্যতো মেদ উদ্ভৃতং পুরা দ্বেষোভ্যঃ পুরা পৌরুষেয্যা গৃভঃ। ঘস্তাং নূনং ঘাসে অজ্রাণাং যবসপ্রথমানাং সুমত্ক্ষরাণাং শতরুদ্রিয়াণামগ্নিষ্বাত্তানাং পীবোপবসনানাম্ । পার্শ্বতঃ শ্রোণিতঃ শিতামত উত্সাদতোঽঙ্গাদঙ্গাদবত্তানাং করত এবাশ্বিনা জুষেতাং হবির্হোতর্যজ । হোতা যক্ষত্সরস্বতীং মেষস্য হবিষ আবয়দদ্য মধ্যতো মেদ উদ্ভৃতং পুরা দ্বেষোভ্যঃ পুরা পৌরুষেয্যা গৃভঃ । ঘসন্নূনং ঘাসে অজ্রাণাং যবসপ্রথমানাং সুমত্ক্ষরাণাং শতরুদ্রিয়াণামগ্নিষ্বাত্তানাং পীবোপবসনানাম্ । পার্শ্বতঃ শ্রোণিতঃ শিতামত উত্সাদতোঽঙ্গাদঙ্গাদবত্তানাং করদেবং সরস্বতী জুষতাং হবির্হোতর্যজ । হোতা যক্ষদিন্দ্রমৃষভস্য হবিষ আবয়দদ্য মধ্যতো মেদ উদ্ভৃতং পুরা দ্বেষোভ্যঃ পুরা পৌরুষেয্যা গৃভঃ । ঘসন্নূনং ঘাসে অজ্রাণাং যবসপ্রথমানাং সুমত্ক্ষরাণাং শতরুদ্রিয়াণামগ্নিষ্বাত্তানাং পীবোপবসানাম্ । পার্শ্বতঃ শ্রোণিতঃ শিতামত উত্সাদতোঽঙ্গাদঙ্গাদবত্তানাং করদেবমিন্দ্রো জুষতাং হবির্হোতর্যজ ॥৩॥

23.45

হোতা যক্ষদ্বনস্পতিমভি হি পিষ্টতময়া রভিষ্টয়া রশনয়াধিত ।
যত্রাশ্বিনোশ্ছাগস্য হবিষঃ প্রিয়া ধামানি যত্র সরস্বত্যা মেষস্য হবিষঃ প্রিয়া ধামানি যত্রেন্দ্রস্য ঋষভস্য হবিষঃ প্রিয়া ধামানি । যত্রাগ্নেঃ প্রিয়া ধামানি যত্র সোমস্য প্রিয়া ধামানি যত্রেন্দ্রস্য সুত্রাম্ণঃ প্রিয়া ধামানি ।
যত্র সবিতুঃ প্রিয়া ধামানি যত্র বরুণস্য প্রিয়া ধামানি যত্র বনস্পতেঃ প্রিয়া পাথাংসি ॥
যত্র দেবানামাজ্যপানাং প্রিয়া ধামানি যত্রাগ্নের্হোতুঃ প্রিয়া ধামানি ।
তত্রৈতান্প্রস্তুত্যেবোপস্তুত্যেবোপাবস্রক্ষদ্রভীয়স ইব কৃত্বী করদেবং দেবো বনস্পতির্জুষতাং হবির্হোতর্যজ ॥৪॥

23.46

হোতা যক্ষদগ্নিং স্বিষ্টকৃতময়ালগ্নিরশ্বিনোশ্ছাগস্য হবিষঃ প্রিয়া ধামান্যয়াট
সরস্বত্যা মেষস্য হবিষঃ প্রিয়া ধামান্যয়ালিন্দ্রস্য ঋষভস্য হবিষঃ প্রিয়া ধামানি ।
অয়ালগ্নেঃ প্রিয়া ধামান্যয়াট্ সোমস্য প্রিয়া ধামান্যয়ালিন্দ্রস্য সুত্রাম্ণঃ প্রিয়া ধামানি ।
অয়াট্ সবিতুঃ প্রিয়া ধামান্যয়াড্ বরুণস্য প্রিয়া ধামান্যয়াড্ বনস্পতেঃ প্রিয়া পাথাংসি ।
অয়াড্ দেবানামাজ্যপানাং প্রিয়া ধামানি যক্ষদগ্নের্হোতুঃ প্রিয়া ধামানি ।
যক্ষত্স্বং মহিমানমায়জতামেজ্যা ইষঃ কৃণোতু সো অধ্বরা জাতবেদা জুষতাং হবির্হোতর্যজ ॥৫॥

23.47

দেবং বর্হিঃ সরস্বতী সুদেবমিন্দ্রে অশ্বিনা ।
তেজো ন চক্ষুরক্ষ্যোর্বর্হিষা দধুরিন্দ্রিয়ং বসুবনে বসুধেয়স্য ব্যন্তু যজ ॥১॥

23.48

দেবীর্দ্বারো অশ্বিনা ভিষজেন্দ্রে সরস্বতী ।
প্রাণং ন বীর্যং নসি দ্বারো দধুরিন্দ্রিয়ং বসুবনে বসুধেয়স্য ব্যন্তু যজ ॥২॥

23.49

৪৮ (১৪০২)
দেবী উষাসা অশ্বিনা সুত্রামেন্দ্রে সরস্বতী ।
বলং ন বাচমাস্য উষাভ্যাং দধুরিন্দ্রিয়ং বসুবনে বসুধেয়স্য ব্যন্তু যজ ॥৩॥

23.50

দেবী জোষ্ট্রী সরস্বত্যশ্বিনেন্দ্রমবর্ধয়ন্ ।
শ্রোত্রং ন কর্ণয়োর্যশো জোষ্ট্রীভ্যাং দধুরিন্দ্রিয়ং বসুবনে বসুধেয়স্য ব্যন্তু যজ ॥৪॥

23.51

দেবী ঊর্জাহুতী দুঘে সুদুঘেন্দ্রে সরস্বত্যশ্বিনা ভিষজাবতঃ ।
শুক্রং ন জ্যোতি স্তনয়োরাহুতী ধত্ত ইন্দ্রিয়ং বসুবনে বসুধেয়স্য ব্যন্তু যজ ॥৫॥

23.52

দেবা দেবানাং ভিষজা হোতারা ইন্দ্রমশ্বিনা বষট্কারৈঃ সরস্বতী ত্বিষিং ন হৃদয়ে মতিম্ ।
হোতৃভ্যাং দধুরিন্দ্রিয়ং বসুবনে বসুধেয়স্য ব্যন্তু যজ ॥৬॥

23.53

দেবীস্তিস্রস্তিস্রো দেবীরশ্বিনেলা সরস্বতী ।
শূষং ন মধ্যে নাভ্যামিন্দ্রায় দধুরিন্দ্রিয়ং বসুবনে বসুধেয়স্য ব্যন্তু যজ ॥৭॥

23.54

দেব ইন্দ্রো নরাশংসস্ত্রিবরূথঃ সরস্বত্যাশ্বিভ্যামীয়তে রথঃ ।
রেতো ন রূপমমৃতং জনিত্রমিন্দ্রায় ত্বষ্টা দধদিন্দ্রিয়াণি বসুধেয়স্য ব্যন্তু যজ ॥৮॥

23.55

দেবো দেবৈর্বনস্পতির্হিরণ্যপর্ণো অশ্বিভ্যাং সরস্বত্যা সুপিপ্পল ইন্দ্রায় পচ্যতে মধু ।
ওজো ন জূতিরৃষভো ন ভামং বনস্পতির্নো দধদিন্দ্রিয়াণি বসুবনে বসুধেয়স্য ব্যন্তু যজ ॥৯॥

23.56

দেবং বর্হির্বারিতীনামধ্বরে স্তীর্ণমশ্বিভ্যামূর্ণম্রদাঃ সরস্বত্যা স্যোনমিন্দ্র তে সদঃ ।
ঈশায়ৈ মন্যুং রাজানং বর্হিষা দধুরিন্দ্রিয়ং বসুবনে বসুধেয়স্য ব্যন্তু যজ ॥১০॥

23.57

দেবো অগ্নিঃ স্বিষ্টকৃদ্দেবান্যক্ষদ্যথায়থং হোতারা ইন্দ্রমশ্বিনা
বাচা বাচং সরস্বতীমগ্নিং সোমং স্বিষ্টকৃৎ । স্বিষ্ট ইন্দ্রঃ সুত্রামা সবিতা বরুণো ভিষগিষ্টো দেবো বনস্পতিঃ স্বিষ্টা দেবা আজ্যপাঃ । স্বিষ্টো অগ্নিরগ্নিনা হোতা হোত্রে স্বিষ্টকৃদ্যশো ন দধদিন্দ্রিয়মূর্জমপচিতিং স্বধাং বসুবনে বসুধেয়স্য ব্যন্তু যজ ॥১১॥