শুক্ল যজুর্বেদ (কাণ্ব) 23.45

হোতা যক্ষদ্বনস্পতিমভি হি পিষ্টতময়া রভিষ্টয়া রশনয়াধিত ।
যত্রাশ্বিনোশ্ছাগস্য হবিষঃ প্রিয়া ধামানি যত্র সরস্বত্যা মেষস্য হবিষঃ প্রিয়া ধামানি যত্রেন্দ্রস্য ঋষভস্য হবিষঃ প্রিয়া ধামানি । যত্রাগ্নেঃ প্রিয়া ধামানি যত্র সোমস্য প্রিয়া ধামানি যত্রেন্দ্রস্য সুত্রাম্ণঃ প্রিয়া ধামানি ।
যত্র সবিতুঃ প্রিয়া ধামানি যত্র বরুণস্য প্রিয়া ধামানি যত্র বনস্পতেঃ প্রিয়া পাথাংসি ॥
যত্র দেবানামাজ্যপানাং প্রিয়া ধামানি যত্রাগ্নের্হোতুঃ প্রিয়া ধামানি ।
তত্রৈতান্প্রস্তুত্যেবোপস্তুত্যেবোপাবস্রক্ষদ্রভীয়স ইব কৃত্বী করদেবং দেবো বনস্পতির্জুষতাং হবির্হোতর্যজ ॥৪॥

সম্পূর্ণ অধ্যায়