অধ্যায় 24

24.1

অথ চতুর্বিংশোঽধ্যায়ঃ ।

তেজোঽসি শুক্রমমৃতমায়ুষ্পা আয়ুর্মে পাহি ।
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম দদে ॥১॥

24.2

ইমামগৃভ্ণন্ রশনামৃতস্য পূর্ব আয়ুষি বিদথেষু কব্যা ।
সা নো অস্মিন্ত্সুত আ বভূব ঋতস্য সামন্ত্সরমারপন্তী ॥২॥

24.3

অভিধা অসি ভুবনমসি যন্তাসি ধর্তা ।
স ত্বমগ্নিং বৈশ্বানরং সপ্রথসং গচ্ছ স্বাহাকৃতঃ স্বগা ত্বা দেবেভ্যঃ ॥৩॥

24.4

প্রজাপতয়ে ব্রহ্মন্নশ্বং ভন্ত্স্যামি দেবেভ্যঃ প্রজাপতয়ে তেন রাধ্যাসম্ ।
তং বধান দেবেভ্যঃ প্রজাপতয়ে তেন রাধ্নুহি ।
প্রজাপতয়ে ত্বা জুষ্টং প্রোক্ষামীন্দ্রাগ্নিভ্যাং ত্বা জুষ্টং প্রোক্ষামি বায়বে ত্বা জুষ্টং প্রোক্ষামি
বিশ্বেভ্যস্ত্বা দেবেভ্যো জুষ্টং প্রোক্ষামি সর্বেভ্যস্ত্বা দেবেভ্যো জুষ্টং প্রোক্ষামি ॥৪॥

24.5

যো অর্বন্তং জিঘাংসতি তমভ্যমীতি বরুণঃ । পরো মর্তঃ পরঃ শ্বা ॥৫॥

24.6

(১) ৫
অগ্নয়ে স্বাহা সোমায় স্বাহাপাং মোদায় স্বাহা সবিত্রে স্বাহা বায়বে স্বাহা বিষ্ণবে স্বাহা ।
ইন্দ্রায় স্বাহা বৃহস্পতয়ে স্বাহা মিত্রায় স্বাহা বরুণায় স্বাহা ॥১॥

24.7

(২) ৬
হিঙ্কারায় স্বাহা হিঙ্কৃতায় স্বাহা ক্রন্দতে স্বাহাবক্রন্দায় স্বাহা ।
প্রোথতে স্বাহা প্রপ্রোথায় স্বাহা গন্ধায় স্বাহা ঘ্রাতায় স্বাহা ॥১॥

24.8

নিবিষ্টায় স্বাহোপবিয় স্বাহা সংদিতায় স্বাহা বল্গতে স্বাহা ।
আসীনায় স্বাহা শয়ানায় স্বাহা স্বপতে স্বাহা জাগ্রতে স্বাহা ॥২॥

24.9

৮(১৪২২)
কূজতে স্বাহা প্রবুদ্ধায় স্বাহা বিজৃম্ভমাণায় স্বাহা বিচৃতায় স্বাহা ।
সংহানায় স্বাহোপস্থিতায় স্বাহায়নায় স্বাহা প্রায়ণায় স্বাহা ॥৩॥

24.10

যতে স্বাহা ধাবতে স্বাহোদ্দ্রাবায় স্বাহোদ্দ্রুতায় স্বাহা ।
শূকারায় স্বাহা শূকৃতায় স্বাহা নিষণ্ণায় স্বাহোত্থিতায় স্বাহা ॥৪॥

24.11

জবায় স্বাহা বলায় স্বাহা বিবর্তমানায় স্বাহা বিবৃত্তায় স্বাহা ।
বিধূন্বানায় স্বাহা বিধূতায় স্বাহা শুশ্রূষমাণায় স্বাহা শৃণ্বতে স্বাহা ॥৫॥

24.12

ঈক্ষমাণায় স্বাহেক্ষিতায় স্বাহা বীক্ষিতায় স্বাহা নিমেষায় স্বাহা ।
যদত্তি তস্মৈ স্বাহা যত্পিবতি তস্মৈ স্বাহা যন্মূত্রং করোতি তস্মৈ স্বাহা
কুর্বতে স্বাহা কৃতায় স্বাহা ॥৬॥

24.13

(৩) ১২
তত্সবিতুর্বরেণ্যং ভর্গো দেবস্য ধীমহি । ধিয়ো যো নঃ প্রচোদয়াৎ ॥১॥

24.14

হিরণ্যপাণিমূতয়ে সবিতারমুপ হ্বয়ে । স চেত্তা দেবতা পদম্ ॥২॥

24.15

দেবস্য চেততো মহীং প্র সবিতুর্হবামহে । সুমতিং সত্যরাধসম্ ॥৩॥

24.16

সুষ্টুতিং সুমতীবৃধো রাতিং সবিতুরীমহে । প্র দেবায় মতীবিদে ॥৪॥

24.17

রাতিং সত্পতিং মহে সবিতারমুপ হ্বয়ে । আসবং দেববীতয়ে ॥৫॥

24.18

দেবস্য সবিতুর্মতিমাসবং বিশ্বদেব্যম্ । ধিয়া ভগং মনামহে ॥৬॥

24.19

অগ্নিং স্তোমেন বোধয় সমিধানো অমর্ত্যম্ । হব্যা দেবেষু নো দধৎ ॥৭॥

24.20

স হব্যবালমর্ত্য উশিগ্দূতশ্চনোহিতঃ । অগ্নির্ধিয়া সমৃণ্বতি ॥৮॥

24.21

তং ত্বা ঘৃতস্ন ঈমহে চিত্রভানো স্বর্বিদম্ । দেবাঁ২ আ বীতয়ে বহে ॥৯॥

24.22

অগ্নিং দূতং পুরো দধে হব্যবাহমুপ ব্রুবে । দেবাঁ২ আ সাদয়াদিহ ॥১০॥

24.23

(৪) ২২
অজীজনো হি পবমান সূর্যং বিধারে শক্মনা পয়ঃ । গোজীরয়া রংহমাণঃ পুরন্ধ্যা ॥১॥

24.24

(৫) ২৩
বিভূর্মাত্রা প্রভূঃ পিত্রাশ্বোঽসি হয়োঽস্যত্যোঽসি ময়োঽস্যর্বাসি সপ্তিরসি বাজ্যসি বৃষাসি নৃমণা অসি ।
যয়ুর্নামাসি শিশুর্নামাস্যাদিত্যানাং পত্বান্বিহি ॥১॥

24.25

দেবা আশাপালা এতং দেবেভ্যোঽশ্বং মেধায় প্রোক্ষিতং রক্ষৎ ।
ইহ রন্তিরিহ রমতামিহ ধৃতিরিহ স্বধৃতিঃ স্বাহা ॥২॥

24.26

(৬) ২৫
কায় স্বাহা কস্মৈ স্বাহা কতমস্মৈ স্বাহা ।
স্বাহাধিমাধীতায় স্বাহা মনঃ প্রজাপতয়ে স্বাহা চিত্তং বিজ্ঞাতায় ॥১॥

24.27

২৬ (১৪৪০)
অদিত্যৈ স্বাহাদিত্যৈ মহ্যৈ স্বাহাদিত্যৈ সুমৃলীকায়ৈ স্বাহা ।
সরস্বত্যৈ স্বাহা সরস্বত্যৈ পাবকায়ৈ স্বাহা সরস্বত্যৈ বৃহত্যৈ স্বাহা ॥২॥

24.28

পূষ্ণে স্বাহা পূষ্ণে প্রপথ্যায় স্বাহা পূষ্ণে নরন্ধিষায় স্বাহা ।
ত্বষ্ট্রে স্বাহা ত্বষ্ট্রে তুরীপায় স্বাহা ত্বষ্ট্রে পুরুরূপায় স্বাহা ।
বিষ্ণবে স্বাহা বিষ্ণবে নিভূয়পায় স্বাহা বিষ্ণবে শিপিবিষ্টায় স্বাহা ॥৩॥

24.29

বিশ্বো দেবস্য নেতুর্মর্তো বুরীত সখ্যম্ ।
বিশ্বো রায় ইষুধ্যতি দ্যুম্নং বৃণীত পুষ্যসে স্বাহা ॥৪॥

24.30

আ ব্রহ্মন্ ব্রাহ্মণো ব্রহ্মবর্চসী জায়তামা রাষ্ট্রে রাজন্যঃ ।
শূর ইষব্যোঽতিব্যাধী মহারথো জায়তাম্ ॥১॥

24.31

দোগ্ধ্রী ধেনুর্বোলহানড্বানাশুঃ সপ্তিঃ পুরংধির্যোষা ।
জিষ্ণূ রথেষ্ঠাঃ সভেয়ো যুবাস্য যজমানস্য বীরো জায়তাম্ ॥২॥

24.32

নিকামেনিকামে নঃ পর্জন্যো বর্ষতু পলবত্যো ন ওষধয়ঃ পচ্যন্তাম্ ।
যোগক্ষেমো নঃ কল্পতাম্ ॥৩॥

24.33

(৮) ৩২
প্রাণায় স্বাহাপানায় স্বাহা ব্যানায় স্বাহা ।
চক্ষুষে স্বাহা শ্রোত্রায় স্বাহা বাচে স্বাহা মনসে স্বাহা ॥১॥

24.34

(৯) ৩৩
প্রাচ্যৈ দিশে স্বাহার্বাচ্যৈ দিশে স্বাহা দক্ষিণায়ৈ দিশে স্বাহার্বাচ্যৈ দিশে স্বাহা ।
প্রতীচ্যৈ দিশে স্বাহার্বাচ্যৈ দিশে স্বাহোদীচ্যৈ দিশে স্বাহার্বাচ্যৈ দিশে স্বাহা ।
ঊর্ধ্বায়ৈ দিশে স্বাহার্বাচ্যৈ দিশে স্বাহাবাচ্যৈ দিশে স্বাহার্বাচ্যৈ দিশে স্বাহা ॥১॥

24.35

(১০) ৩৪
অদ্ভ্যঃ স্বাহা বার্ভ্যঃ স্বাহোদকায় স্বাহা তিষ্ঠন্তীভ্যঃ স্বাহা
স্রবন্তীভ্যঃ স্বাহা স্যন্দমানাভ্যঃ স্বাহা।
কূপ্যাভ্যঃ স্বাহা সূদ্যাভ্যঃ স্বাহা ধার্যাভ্যঃ
স্বাহার্ণবায় স্বাহা সমুদ্রায় স্বাহা সরিরায় স্বাহা ॥১॥

24.36

(১১) ৩৫
বাতায় স্বাহা ধূমায় স্বাহাভ্রায় স্বাহা মেঘায় স্বাহা বিদ্যোতমানায় স্বাহা স্তনয়তে স্বাহা ।
অবস্ফূর্জতে স্বাহা বর্ষতে স্বাহাববর্ষতে স্বাহোগ্রং বর্ষতে স্বাহা
শীঘ্রং বর্ষতে স্বাহোদ্গৃহ্ণতে স্বাহোদ্গৃহীতায় স্বাহা । প্রশ্নতে স্বাহা শীকায়তে স্বাহা প্রুষ্বাভ্যঃ স্বাহা
হ্রাদুনীভ্যঃ স্বাহা নীহারায় স্বাহা ॥১॥

24.37

(১২) ৩৬ (৩৬) (১৪৫০)
অগ্নয়ে স্বাহা সোমায় স্বাহেন্দ্রায় স্বাহা পৃথিব্যৈ স্বাহান্তরিক্ষায় স্বাহা ।
দিবে স্বাহা দিগ্ভ্যঃ স্বাহাশাভ্যঃ স্বাহোর্ব্যৈ দিশে স্বাহার্বাচ্যৈ দিশে স্বাহা ॥১॥

24.38

(১৩) ৩৭
নক্ষত্রেভ্যঃ স্বাহা নক্ষত্রিয়েভ্যঃ স্বাহাহোরাত্রেভ্যঃ স্বাহার্ধমাসেভ্যঃ স্বাহা ।
মাসেভ্যঃ স্বাহা ঋতুভ্যঃ স্বাহার্তবেভ্যঃ স্বাহা
সংবত্সরায় স্বাহা দ্যাবাপৃথিবীভ্যাং স্বাহা ॥১॥

24.39

চন্দ্রায় স্বাহা সূর্যায় স্বাহা রশ্মিভ্যঃ স্বাহা বসুভ্যঃ স্বাহা ।
রুদ্রেভ্যঃ স্বাহাদিত্যেভ্যঃ স্বাহা মরুদ্ভ্যঃ স্বাহা বিশ্বেভ্যো দেবেভ্যঃ স্বাহা ॥২॥

24.40

(১৪) ৩৯
মূলেভ্যঃ স্বাহা শাখাভ্যঃ স্বাহা বনস্পতিভ্যঃ স্বাহা ।
পুষ্পেভ্যঃ স্বাহা ফলেভ্যঃ স্বাহৌষধীভ্যঃ স্বাহা ॥১॥

24.41

(১৫) ৪০
পৃথিব্যৈ স্বাহান্তরিক্ষায় স্বাহা দিবে স্বাহা সূর্যায় স্বাহা ।
চন্দ্রায় স্বাহা নক্ষত্রেভ্যঃ স্বাহাদ্ভ্যঃ স্বাহৌষধীভ্যঃ স্বাহা ।
বনস্পতিভ্যঃ স্বাহা পরিপ্লবেভ্যঃ স্বাহা চরাচরেভ্যঃ স্বাহা সরীসৃপেভ্যঃ স্বাহা ॥১॥

24.42

(১৬) ৪১
অসবে স্বাহা বসবে স্বাহা বিভুবে স্বাহা বিবস্বতে স্বাহা ।
গণশ্রিয়ে স্বাহা গণপতয়ে স্বাহাভিভুবে স্বাহাধিপতয়ে স্বাহা ॥১॥

24.43

শূষায় স্বাহা সংসর্পায় স্বাহা চন্দ্রায় স্বাহা জ্যোতিষে স্বাহা ।
মলিম্লুচায় স্বাহা দিবা পতয়তে স্বাহা ॥২॥

24.44

১৭ ৪৩
মধবে স্বাহা মাধবায় স্বাহা শুক্রায় স্বাহা শুচয়ে স্বাহা ।
নভসে স্বাহা নভস্যায় স্বাহেষায় স্বাহোর্জায় স্বাহা ।
সহসে স্বাহা সহস্যায় স্বাহা তপসে স্বাহা তপস্যায় স্বাহাংহসস্পতয়ে স্বাহা ॥১॥

24.45

(১৮) ৪৪
বাজায় স্বাহা প্রসবায় স্বাহাপিজায় স্বাহা ক্রতবে স্বাহা ।
স্বঃ স্বাহা মূর্ধ্নে স্বাহা ব্যশ্নুবিনে স্বাহা ।
অন্ত্যায় স্বাহান্ত্যায়নায় স্বাহা ভৌবনায় স্বাহা
ভুবনস্য পতয়ে স্বাহাধিপতয়ে স্বাহা প্রজাপতয়ে স্বাহা ॥১॥

24.46

(১৯) ৪৫
আয়ুর্যজ্ঞেন কল্পতাং স্বাহা প্রাণো যজ্ঞেন কল্পতাং স্বাহাপানো যজ্ঞেন কল্পতাং স্বাহা
ব্যানো যজ্ঞেন কল্পতাং স্বাহা ।
উদানো যজ্ঞেন কল্পতাং স্বাহা সমানো যজ্ঞেন কল্পতাং স্বাহা চক্ষুর্যজ্ঞেন কল্পতাং স্বাহা
শ্রোত্রং যজ্ঞেন কল্পতাং স্বাহা ।
বাগ্যজ্ঞেন কল্পতাং স্বাহা মনো যজ্ঞেন কল্পতাং স্বাহাত্মা যজ্ঞেন কল্পতাং স্বাহা
পৃষ্ঠং যজ্ঞেন কল্পতাং স্বাহা ।
ব্রহ্ম যজ্ঞেন কল্পতাং স্বাহা যজ্ঞো যজ্ঞেন কল্পতাং স্বাহা জ্যোতির্যজ্ঞেন কল্পতাং স্বাহা
স্বর্যজ্ঞেন কল্পতাং স্বাহা ॥১॥

24.47

(২০) ৪৬
একস্মৈ স্বাহা দ্বাভ্যাং স্বাহা শতায় স্বাহৈকশতায় স্বাহা ।
ব্যুষ্ট্যৈ স্বাহা স্বর্গায় স্বাহা ॥১॥

24.48

(২১) ৪৭ (১৪৬১)
॥ইতি শুক্লয়জুঃকাণ্বসংহিতায়াং চতুর্বিংশোঽধ্যায়ঃ ॥২৪॥