অধ্যায় 25

25.1

অথ পঞ্চবিংশোঽধ্যায়ঃ ।

হিরণ্যগর্ভঃ সমবর্ততাগ্রে ভূতস্য জাতঃ পতিরেক আসীৎ ।
স দাধার পৃথিবীং দ্যামুতেমাং কস্মৈ দেবায় হবিষা বিধেম ॥১॥

25.2

উপয়ামগৃহীতোঽসি প্রজাপতয়ে ত্বা জুষ্টং গৃহ্ণাম্যেষ তে যোনিঃ সূর্যস্তে মহিমা ।
যস্তেঽহন্ত্সংবত্সরে মহিমা সংবভূব যস্তে বায়া অন্তরিক্ষে মহিমা সংবভূব ।
যস্তে দিবি সূর্যে মহিমা সংবভূব তস্মৈ তে মহিম্নে প্রজাপতয়ে স্বাহা দেবেভ্যঃ ॥২॥

25.3

(১) ২
যঃ প্রাণতো নিমিষতো মহিত্বৈক ইদ্রাজা জগতো বভূব ।
য ঈশে অস্য দ্বিপদশ্চতুষ্পদঃ কস্মৈ দেবায় হবিষা বিধেম ॥১॥

25.4

উপয়ামগৃহীতোঽসি প্রজাপতয়ে ত্বা জুষ্টং গৃহ্ণাম্যেষ তে যোনিশ্চন্দ্রমাস্তে মহিমা ।
যস্তে রাত্রৌ সংবত্সরে মহিমা সংবভূব যস্তে পৃথিব্যামগ্নৌ মহিমা সংবভূব ।
যস্তে নক্ষত্রেষু চন্দ্রমসি মহিমা সংবভূব তস্মৈ তে মহিম্নে প্রজাপতয়ে দেবেভ্যঃ স্বাহা ॥২॥

25.5

(২) ৪
যুঞ্জন্তি ব্রধ্নমরুষং চরন্তং পরি তস্থুষঃ । রোচন্তে রোচনা দিবি ॥১॥

25.6

যুঞ্জন্ত্যস্য কাম্যা হরী বিপক্ষসা রথে । শোণা ধৃষ্ণূ নৃবাহসা ॥২॥

25.7

যদ্বাতো অপো অগনীগন্প্রিয়ামিন্দ্রস্য তন্বম্ । এতং স্তোতরনেন পথা পুনরশ্বমাবর্তয়াসি নঃ ॥৩॥

25.8

বসবস্ত্বাঞ্জন্তু গায়ত্রেণ ছন্দসা রুদ্রাস্ত্বাঞ্জন্তু ত্রৈষ্টুভেন ছন্দসা ।
আদিত্যাস্ত্বাঞ্জন্তু জাগতেন ছন্দসা ॥৪॥

25.9

ভূর্ভুবঃ স্বর্লাজী৩ঞ্ছাচী৩ন্যব্যে গব্যে । এতদন্নমত্ত দেবা এতদন্নমদ্ধি প্রজাপতে ॥৫॥

25.10

কঃ স্বিদেকাকী চরতি ক উ স্বিজ্জায়তে পুনঃ ।
কিং স্বিদ্ধিমস্য ভেষজং কিম্বাবপনং মহৎ ॥৬॥

25.11

সূর্য একাকী চরতি চন্দ্রমা জায়তে পুনঃ ।
অগ্নির্হিমস্য ভেষজং ভূমিরাবপনং মহৎ ॥৭॥

25.12

কা স্বিদাসীত্পূর্বচিত্তিঃ কিং স্বিদাসীদ্ বৃহদ্বয়ঃ ।
কা স্বিদাসীত্পিলিপ্পিলা কা স্বিদাসীত্পিশঙ্গিলা ॥৮॥

25.13

দ্যৌরাসীত্পূর্বচিত্তিরশ্ব আসীদ্ বৃহদ্বয়ঃ ।
অবিরাসীত্পিলিপ্পিলা রাত্রিরাসীত্পিশঙ্গিলা ॥৯॥

25.14

(৩) ১৩
বায়ুষ্ট্বা পচতৈরবত্বসিতগ্রীবশ্ছাগৈঃ । ন্যগ্রোধশ্চমসৈঃ শল্মলির্বৃদ্ধ্যা ॥১॥

25.15

এষ স্য রাথ্যো বৃষা পড্ভিশ্চতুর্ভিরেদগন্ । ব্রহ্মা কৃষ্ণশ্চ নোঽবতু । নমোঽগ্নয়ে ॥২॥

25.16

সংশিতো রশ্মিনা রথঃ সংশিতো রশ্মিনা হয়ঃ । সংশিতো অপ্স্বপ্সুজা ব্রহ্মা সোমপুরোগবঃ ॥৩॥

25.17

স্বয়ং বাজিংস্তন্বং কল্পয়স্ব স্বয়ং যজস্ব স্বয়ং জুষস্ব । মহিমা তেঽন্যেন ন সংনশে ॥৪॥

25.18

ন বা উ এতন্ম্রিয়সে ন রিষ্যসি দেবাঁ২ ইদেষি পথিভিঃ সুগেভিঃ ।
যত্রাসতে সুকৃতো যত্র তে যয়ুস্তত্র ত্বা দেবঃ সবিতা দধাতু ॥৫॥

25.19

১৮ (১৪৭৯)
অগ্নিঃ পশুরাসীত্তেনায়জন্ত স এতঁ লোকমজয়দ্যস্মিন্নগ্নিঃ ।
স তে লোকো ভবিষ্যতি তং জেষ্যসি পিবৈতা অপঃ ।
বায়ুঃ পশুরাসীত্তেনায়জন্ত স এতঁ লোকমজয়দ্যস্মিন্বায়ুঃ ।
স তে লোকো ভবিষ্যতি তং জেষ্যসি পিবৈতা অপঃ ।
সূর্যঃ পশুরাসীত্তেনায়জন্ত স এতঁ লোকমজয়দ্যস্মিন্ত্সূর্যঃ ।
স তে লোকো ভবিষ্যতি তং জেষ্যসি পিবৈতা অপঃ ॥৬॥

25.20

(৪) ১৯
প্রাণায় স্বাহাপানায় স্বাহা ব্যানায় স্বাহা । অম্বে অম্বিকেঽম্বালিকে ন মা নয়তি কশ্চন ।
সসস্ত্যশ্বকঃ সুভদ্রিকাং কাম্পীলবাসিনীম্ ॥১॥

25.21

গণানাং ত্বা গণপতিং হবামহে প্রিয়াণাং ত্বা প্রিয়পতিং হবামহে ।
নিধীনাং ত্বা নিধিপতিং হবামহে বসো মম ॥২॥

25.22

আহমজানি গর্ভধমা ত্বমজাসি গর্ভধম্ । তা উভৌ চতুরঃ পদঃ সম্প্রসারয়াব ।
স্বর্গে লোকে প্রোর্ণ্বাথাঁ বৃষা বাজী রেতোধা রেতো দধাতু ॥৩॥

25.23

(৫) ২২
উত্সক্থ্যা অব গুদং ধেহি সমঞ্জিং চারয়া বৃষন্ । য স্ত্রীণাং জীবভোজনঃ ॥১॥

25.24

যকাসকৌ শকুন্তিকাহলগিতি বঞ্চতি । আহন্তি গভে পসো নিগল্গলীতি ধারকা ॥২॥

25.25

যকোঽসকৌ শকুন্তক আহলগিতি বঞ্চতি ।
বিবক্ষত ইব তে মুখমধ্বর্যো মা নস্ত্বমভি ভাষথাঃ ॥৩॥

25.26

মাতা চ তে পিতা চ তেঽগ্রং বৃক্ষস্য রোহতঃ ।
প্রতিলামীতি তে পিতা গভে মুষ্টিমতংসয়ৎ ॥৪॥

25.27

মাতা চ তে পিতা চ তেঽগ্রে বৃক্ষস্য ক্রীলতঃ ।
বিবক্ষত ইব তে মুখং ব্রহ্মন্মা ত্বং বদো বহু ॥৫॥

25.28

ঊর্ধ্বমেনামুচ্ছ্রাপয় গিরৌ ভারং হরন্নিব ।
অথাস্যৈ মধ্যমেধতাং শীতে বাতে পুনন্নিব ॥৬॥

25.29

ঊর্ধ্বমেনমুচ্ছ্রয়াদ্গিরৌ ভারং হরন্নিব ।
অথাস্য মধ্যমেজতু শীতে বাতে পুনন্নিব ॥৭॥

25.30

যদস্যা অংহুভেদ্যাঃ কৃধু স্থূলমুপাতসৎ ।
মুষ্কা ইদস্যা এজতো গোশফে শকুলা ইব ॥৮॥

25.31

৩০ (১৪৯১)
যদ্দেবাসো ললামগুং প্র বিষ্টীমিনমাবিষুঃ ।
সক্থ্না দেদিশ্যতে নারী সত্যস্যাক্ষিভুবো যথা ॥৯॥

25.32

যদ্ধরিণো যবমত্তি ন পুষ্টং পশু মন্যতে ।
শূদ্রা যদর্যজারা ন পোষায় ধনায়তি ॥১০॥

25.33

যদ্ধরিণো যবমত্তি ন পুষ্টং বহু মন্যতে ।
শূদ্রো যদর্যায়ৈ জারো ন পোষমনু মন্যতে ॥১১॥

25.34

দধিক্রাব্ণো অকারিষং জিষ্ণোরশ্বস্য বাজিনঃ ।
সুরভি নো মুখা করত্প্র ণ আয়ূংষি তারিষৎ ॥১২॥

25.35

(৬) ৩৪
গায়ত্রী ত্রিষ্টুব্জগত্যনুষ্টুপ্পঙ্ক্ত্যা সহ ।
বৃহত্যুষ্ণিহা ককুপ্সূচীভিঃ শম্যন্তু ত্বা ॥১॥

25.36

দ্বিপদা যাশ্চতুষ্পদাস্ত্রিপদা যাশ্চ ষট্পদাঃ ।
বিচ্ছন্দা যাশ্চ সচ্ছন্দাঃ সূচীভিঃ শম্যন্তু ত্বা ॥২॥

25.37

মহানাম্ন্যো রেবত্যো বিশ্বা আশাঃ প্রভূবরীঃ ।
মৈঘীর্বিদ্যুতো বাচঃ সূচীভিঃ শম্যন্তু ত্বা ॥৩॥

25.38

নার্যস্তে পত্ন্যো লোম বিচিন্বন্তু মনীষয়া ।
দেবানাং পত্ন্যো দিশঃ সূচীভিঃ শম্যন্তু ত্বা ॥৪॥

25.39

রজতা হরিণীঃ সীসা যুজো যুজ্যন্তে কর্মভিঃ ।
অশ্বস্য বাজিনস্ত্বচি সিমাঃ শম্যন্তু শম্যন্তীঃ ॥৫॥

25.40

কুবিদঙ্গ যবমন্তো বয়ঞ্চিদ্যথা দান্ত্যনুপূর্বং বিয়ূয় ।
ইহেহৈষাং কৃণুহি ভোজনানি যে বর্হিষো নম উক্তিং ন জগ্মুঃ ॥৬॥

25.41

(৭) ৪০
কস্ত্বা ছ্যতি কস্ত্বা বিশাস্তি কস্তে গাত্রাণি শম্যতি । ক উ তে শমিতা কবিঃ ॥১॥

25.42

ঋতবস্ত ঋতুথা পর্ব শমিতারো বি শাসতু ।
সংবত্সরস্য তেজসা শমীভিঃ শম্যন্তু ত্বা ॥২॥

25.43

অর্ধমাসাঃ পরূংষি তে মাসা আ ছ্যন্তু শম্যন্তঃ ।
অহোরাত্রাণি মরুতো বিলিষ্টং সূদয়ন্তু তে ॥৩॥

25.44

দৈব্যা অধ্বর্যবস্ত্বা ছ্যন্তু বি চ শাসতু ।
গাত্রাণি পর্বশস্তে সিমাঃ কৃণ্বন্তু শম্যন্তীঃ ॥৪॥

25.45

৪৪ (১৫০৫)
দ্যৌস্তে পৃথিব্যন্তরিক্ষং বায়ুশ্ছিদ্রং পৃণাতু তে ।
সূয়স্তে নক্ষত্রৈঃ সহ লোকং কৃণোতু সাধুয়া ॥৫॥

25.46

শং তে পরেভ্যো গাত্রেভ্যঃ শমস্ত্ববরেভ্যঃ ।
শমস্থভ্যো মজ্জভ্যঃ শম্বস্তু তন্বৈ তব ॥৬॥

25.47

(৮) ৪৬
কঃ স্বিদেকাকী চরতি ক উ স্বিজ্জায়তে পুনঃ ।
কিং স্বিদ্ধিমস্য ভেষজং কিম্বাবপনং মহৎ ॥১॥

25.48

সূর্য একাকী চরতি চন্দ্রমা জায়তে পুনঃ ।
অগ্নির্হিমস্য ভেষজং ভূমিরাবপনং মহৎ ॥২॥

25.49

কিং স্বিত্সূর্যসমং জ্যোতিঃ কিং সমুদ্রসমং সরঃ ।
কিং স্বিত্পৃথিব্যৈ বর্ষীয়ঃ কস্য মাত্রা ন বিদ্যতে ॥৩॥

25.50

ব্রহ্ম সূর্যসমং জ্যোতির্দ্যৌঃ সমুদ্রসমং সরঃ ।
ইন্দ্রঃ পৃথিব্যৈ বর্ষীয়ান্ গোস্তু মাত্রা ন বিদ্যতে ॥৪॥

25.51

পৃচ্ছামি ত্বা চিতয়ে দেবসখ যদি ত্বমত্র মনসা জগন্থ ।
যেষু বিষ্ণুস্ত্রিষু পদেষ্বেষ্টস্তেষু বিশ্বং ভুবনমা বিবেশা৩ ॥৫॥

25.52

অপি তেষু ত্রিষু পদেষ্বস্মি যেষু বিশ্বং ভুবনমা বিবেশ ।
সদ্যঃ পর্যেমি পৃথিবীমুত দ্যামেকেনাঙ্গেন দিবো অস্য পৃষ্ঠম্ ॥৬॥

25.53

কেষ্বন্তঃ পুরুষ আ বিবেশ কান্যন্তঃ পুরুষে অর্পিতানি ।
এতদ্ ব্রহ্মন্নুপ বল্হামসি ত্বা কিং স্বিন্নঃ প্রতি বোচাস্যত্র ॥৭॥

25.54

পঞ্চস্বন্তঃ পুরুষ আ বিবেশ তান্যন্তঃ পুরুষে অর্পিতানি ।
এতত্ত্বাত্র প্রতিমন্বানো অস্মি ন মায়য়া ভবস্যুত্তরো মৎ ॥৮॥

25.55

(৯) ৫৪
কা স্বিদাসীত্পূর্বচিত্তিঃ কিং স্বিদাসীদ্ বৃহদ্বয়ঃ ।
কা স্বিদাসীত্পিলিপ্পিলা কা স্বিদাসীত্পিশঙ্গিলা ॥১॥

25.56

দ্যৌরাসীত্পূর্বচিত্তিরশ্ব আসীদ্ বৃহদ্বয়ঃ ।
অবিরাসীত্পিলিপ্পিলা রাত্রিরাসীত্পিশঙ্গিলা ॥২॥

25.57

ক ঈমরে পিশঙ্গিলা ক ঈং কুরু পিশঙ্গিলা ।
ক ঈমা স্কন্দমর্ষতি ক ঈং পন্থাং বি সর্পতি ॥৩॥

25.58

৫৭ (১৫১৮)
অজারে পিশঙ্গিলা শ্বাবিত্কুরু পিশঙ্গিলা ।
শশ আস্কন্দমর্ষত্যহিঃ পন্থাং বি সর্পতি ॥৪॥

25.59

কত্যস্য বিষ্ঠাঃ কত্যক্ষরাণি কতি হোমাসঃ কতিধা সমিদ্ধঃ ।
যজ্ঞস্য ত্বা বিদথা পৃচ্ছমত্র কতি হোতার ঋতুশো যজন্তি ॥৫॥

25.60

ষলস্য বিষ্ঠাঃ শতমক্ষরাণ্যশীতির্হোমাঃ সমিধো হ তিস্রঃ ।
যজ্ঞস্য তে বিদথা প্র ব্রবীমি সপ্ত হোতার ঋতুশো যজন্তি ॥৬॥

25.61

কো অস্য বেদ ভুবনস্য নাভিং কো দ্যাবাপৃথিবী অন্তরিক্ষম্ ।
কঃ সূর্যস্য বেদ বৃহতো জনিত্রং কো বেদ চন্দ্রমসং যতোজাঃ ॥৭॥

25.62

বেদাহমস্য ভুবনস্য নাভিং বেদ দ্যাবাপৃথিবী অন্তরিক্ষম্ ।
বেদ সূর্যস্য বৃহতো জনিত্রমথো বেদ চন্দ্রমসং যতোজাঃ ॥৮॥

25.63

পৃচ্ছামি ত্বা পরমন্তং পৃথিব্যাঃ পৃচ্ছামি যত্র ভুবনস্য নাভিঃ ।
পৃচ্ছামি ত্বা বৃষ্ণো অশ্বস্য রেতঃ পৃচ্ছামি বাচঃ পরমং ব্যোম ॥৯॥

25.64

ইয়ং বেদিঃ পরো অন্তঃ পৃথিব্যা অয়ং যজ্ঞো ভুবনস্য নাভিঃ ।
অয়ং সোমো বৃষ্ণো অশ্বস্য রেতো ব্রহ্মায়ং বাচঃ পরমং ব্যোম ॥১০॥

25.65

সুভূঃ স্বয়ম্ভূঃ প্রথমোঽন্তর্মহত্যর্ণবে ।
দধে হ গর্ভমৃত্বিয়ং যতো জাতঃ প্রজাপতিঃ ॥১১॥

25.66

হোতা যক্ষত্প্রজাপতিং সোমস্য মহিম্নঃ । জুষতাং পিবতু সোমং হোতর্যজ ॥১২॥

25.67

প্রজাপতে ন ত্বদেতান্যন্যো বিশ্বা রূপাণি পরি তা বভূব ।
যত্কামাস্তে জুহুমস্তন্নো অস্তু বয়ং স্যাম পতয়ো রয়ীণাম্ ॥১৩॥

25.68

(১০) ৬৭ (১৫২৮)
॥ইতি শুক্লয়জুঃকাণ্বসংহিতায়াং পঞ্চবিংশোঽধ্যায়ঃ ॥২৫॥