অধ্যায় 26

26.1

অথ ষড্বিংশোঽধ্যায়ঃ ।

অশ্বস্তূপরো গোমৃগস্তে প্রাজাপত্যাঃ কৃষ্ণগ্রীব আগ্নেয়ো ররাটে ।
পুরস্তাত্সারস্বতী মেষ্যধস্তাদ্ধন্বোঃ ॥১॥

26.2

রাশ্বিনাবধোরামৌ বাহ্বোঃ সৌমাপৌষ্ণঃ শ্যামো নাভ্যাং সৌর্যয়ামৌ ।
শ্বেতশ্চ কৃষ্ণশ্চ পার্শ্বয়োঃ ॥২॥

26.3

ত্বাষ্ট্রৌ লোমশসক্থৌ সক্থ্যোর্বায়ব্যঃ শ্বেতঃ পুচ্ছ ইন্দ্রায় স্বপস্যায় বেহদ্বৈষ্ণবো বামনঃ ।
রোহিতো ধূম্ররোহিতঃ কর্কন্ধুরোহিতস্তে সৌম্যা বভ্রুররুণবভ্রুঃ শুকবভ্রুস্তে বারুণাঃ ॥৩॥

26.4

শিতিরন্ধ্রোঽন্যতঃ শিতিরন্ধ্রঃ সমন্তশিতিরন্ধ্রস্তে সাবিত্রাঃ শিতিবাহুরন্যতঃ
শিতিবাহুঃ সমন্তশিতিবাহুস্তে বার্হস্পত্যাঃ ।
পৃষতী ক্ষুদ্রপৃষতী স্থূলপৃষতী তা মৈত্রাবরুণ্যঃ ॥৪॥

26.5

শুদ্ধবালঃ সর্বশুদ্ধবালো মণিবালস্ত আশ্বিনাঃ ।
শ্যেতঃ শ্যেতাক্ষোঽরুণস্তে রুদ্রায় পশুপতয়ে কর্ণায়ামাঃ ॥৫॥

26.6

অবলিপ্তা রৌদ্রা নভোরূপাঃ পার্জন্যাঃ । পৃশ্নিস্তিরশ্চীনপৃশ্নিরূর্ধ্বপৃশ্নিস্তে মারুতাঃ ॥৬॥

26.7

ফল্গূর্লোহিতোর্ণী পলক্ষী তাঃ সারস্বত্যঃ ।
প্লীহাকর্ণঃ শুণ্ঠাকর্ণোঽদ্ধ্যালোহকর্ণস্তে ত্বাষ্ট্রাঃ ॥৭॥

26.8

কৃষ্ণগ্রীবঃ শিতিকক্ষোঽঞ্জিসক্থস্ত ঐন্দ্রাগ্নাঃ ।
কৃষ্ণাঞ্জিরল্পাঞ্জির্মহাঞ্জিস্ত উষস্যাঃ ॥৮॥

26.9

শিল্পা বৈশ্বদেব্যো রোহিণ্যস্ত্র্যবয়ো বাচেঽবিজ্ঞাতা অদিত্যৈ ।
সরূপা ধাত্রে বত্সতর্যো দেবানাং পত্নীভ্যঃ ॥৯॥

26.10

(৩) ৯
কৃষ্ণগ্রীবা আগ্নেয়াঃ শিতিভ্রবো বসূনাং রোহিতা রুদ্রাণাম্ ।
শ্বেতা অবরোকিণ আদিত্যানাং নভোরূপাঃ পার্জন্যাঃ ॥১॥

26.11

উন্নত ঋষভো বামনস্ত ঐন্দ্রবৈষ্ণবা উন্নতঃ শিতিবাহুঃ শিতিপৃষ্ঠস্ত ঐন্দ্রাবার্হস্পত্যাঃ ।
শুকরূপা বাজিনাঃ কল্মাষা আগ্নিমারুতাঃ শ্যামাঃ পৌষ্ণাঃ ॥২॥

26.12

এতা ঐন্দ্রাগ্না দ্বিরূপা অগ্নীষোমীয়া বামনা অনড্বাহ আগ্নাবৈষ্ণবাঃ ।
বশা মৈত্রাবরুণ্যোঽন্যত এন্যো মৈত্র্যঃ ॥৩॥

26.13

কৃষ্ণগ্রীবা আগ্নেয়া বভ্রবঃ সৌম্যাঃ শ্বেতা বায়ব্যা অবিজ্ঞাতা অদিত্যৈ ।
সরূপা ধাত্রে বত্সতর্যো দেবানাং পত্নীভ্যঃ ॥৪॥

26.14

১৩ (১৫৪১)
কৃষ্ণা ভৌমা ধূম্রা আন্তরিক্ষা বৃহন্তো দিব্যাঃ ।
শবলা বৈদ্যুতাঃ সিধ্মাস্তারকাঃ ॥৫॥

26.15

(২) ১৪
ধূম্রান্বসন্তায়া লভতে শ্বেতান্গ্রীষ্মায় কৃষ্ণান্বর্ষাভ্যোঽরুণাঞ্ছরদে ।
পৃষতো হেমন্তায় পিশঙ্গাঞ্ছিশিরায় ॥১॥

26.16

ত্র্যবয়ো গায়ত্র্যৈ পঞ্চাবয়স্ত্রিষ্টুভে দিত্যবাহো জগত্যৈ ।
ত্রিবত্সা অনুষ্টুভে তুর্যবাহ উষ্ণিহে ॥২॥

26.17

পষ্ঠবাহো বিরাজ উক্ষণো বৃহত্যা ঋষভাঃ ককুভে ।
অনড্বাহঃ পঙ্ক্ত্যৈ ধেনবোঽতিচ্ছন্দসে ॥৩॥

26.18

কৃষ্ণগ্রীবা আগ্নেয়া বভ্রবঃ সৌম্যা উপধ্বস্তাঃ সাবিত্রা বত্সতর্যঃ সারস্বত্যঃ শ্যামাঃ পৌষ্ণাঃ ।
পৃশ্নয়ো মারুতা বহুরূপা বৈশ্বদেবা বশা দ্যাবাপৃথিবীয়াঃ ॥৪॥

26.19

উক্তাঃ সংচরা এতা ঐন্দ্রাগ্নাঃ ।
কৃষ্ণাঃ বারুণাঃ পৃশ্নয়ো মারুতাঃ কায়াস্তূপরাঃ ॥৫॥

26.20

(৩) ১৯
অগ্নয়েঽনীকবতে প্রথমজানালভতে মরুদ্ভ্যঃ সাংতপনেভ্যঃ সবাত্যান্মরুদ্ভ্যো গৃহমেধিভ্যো বষ্কিহান্ ।
মরুদ্ভ্যঃ ক্রীলিভ্যঃ সংসৃষ্টান্মরুদ্ভ্যঃ স্বতবদ্ভ্যোঽনুসৃষ্টান্ ॥১॥

26.21

উক্তাঃ সংচরা এতা ঐন্দ্রাগ্নাঃ । প্রাশৃঙ্গা মাহেন্দ্রা বহুরূপা বৈশ্বকর্মণাঃ ॥২॥

26.22

ধূম্রা বভ্রুনীকাশাঃ পিতৄণাং সোমবতাং বভ্রবো ধূম্রনীকাশাঃ পিতৄণাং বর্হিষদাম্ ।
কৃষ্ণা বভ্রুনীকাশাঃ পিতৄণামগ্নিষ্বাত্তানাং কৃষ্ণাঃ পৃষন্তস্ত্রৈয়ম্বকাঃ ॥৩॥

26.23

উক্তাঃ সংচরা এতাঃ শুনাসীরীয়াঃ । শ্বেতা বায়ব্যাঃ শ্বেতাঃ সৌর্যাঃ ॥৪॥

26.24

বসন্তায় কপিঞ্জলানালভতে গ্রীষ্মায় কলবিঙ্কান্বর্ষাভ্যস্তিত্তিরীঞ্ছরদে বর্তিকাঃ ।
হেমন্তায় ককরাঞ্ছিশিরায় বিককরান্ ॥৫॥

26.25

(৪) ২৪
সমুদ্রায় শিশুমারানালভতে পর্জন্যায় মণ্ডূকানদ্ভ্যো মত্স্যান্ ।
মিত্রায় কুলীপয়ান্বরুণায় নাক্রান্ ॥১॥

26.26

সোমায় হংসানালভতে বায়বে বলাকা ইন্দ্রাগ্নিভ্যাং ক্রুঞ্চান্ ।
মিত্রায় মদ্গূন্বরুণায় চক্রবাকান্ ॥২॥

26.27

অগ্নয়ে কুটরূনালভতে বনস্পতিভ্য উলূকানগ্নীষোমাভ্যাং চাষান্ ।
অশ্বিভ্যাং ময়ূরান্মিত্রাবরুণাভ্যাং কপোতান্ ॥৩॥

26.28

২৭ (১৫৫৫)
সোমায় লবানালভতে ত্বষ্ট্রে কৌলীকান্গোষাদীর্দেবানাং পত্নীভ্যঃ ।
কুলীকা দেবজামিভ্যোঽগ্নয়ে গৃহপতয়ে পারুষ্ণান্ ॥৪॥

26.29

অহ্নে পারাবতানালভতে রাত্র্যৈ সীচাপূরহোরাত্রয়োঃ সংধিভ্যো জতূঃ ।
মাসেভ্যো দাত্যৌহান্ত্সংবত্সরায় মহতঃ সুপর্ণান্ ॥৫॥

26.30

(৫) ২৯
ভূম্যা আখূনালভতেঽন্তরিক্ষায় পাঙ্ক্ত্রান্দিবে কশান্ ।
দিগ্ভ্যো নকুলান্বভ্রুকানবান্তরদিশাভ্যঃ ॥১॥

26.31

বসুভ্য ঋশ্যানালভতে রুদ্রেভ্যো রুরূনাদিত্যেভ্যো ন্যঙ্কূন্ ।
বিশ্বেভ্যো দেবেভ্যঃ পৃষতান্ত্সাধ্যেভ্যঃ কুলুঙ্গান্ ॥২॥

26.32

ঈশানায় পরস্বত আলভতে মিত্রায় গৌরান্বরুণায় মহিষান্ ।
বৃহস্পতয়ে গবয়াংস্ত্বষ্ট্র উষ্ট্রান্ ॥৩॥

26.33

প্রজাপতয়ে পুরুষান্ হস্তিন আলভতে বাচে প্লুষীন্ ।
চক্ষুষে মশকাঞ্ছ্রোত্রায় ভৃঙ্গাঃ ॥৪॥

26.34

প্রজাপতয়ে চ বায়বে চ গোমৃগো বরুণায়ারণ্যো মেষো যমায় কৃষ্ণো মনুষ্যরাজায় মর্কটঃ ।
শার্দূলায় রোহিদৃষভায় গবয়ী ক্ষিপ্রশ্যেনায় বর্তিকা নীলঙ্গোঃ ক্রিমিঃ সমুদ্রায় শিশুমারো হিমবতে হস্তী ॥৫॥

26.35

(৬) ৩৪
ময়ুঃ প্রাজাপত্য উলো হলিক্ষ্ণো বৃষদংশস্তে ধাত্রে দিশাং কঙ্কো ধুঙ্ক্ষাগ্নেয়ী ।
কলবিঙ্কো লোহিতাহিঃ পুষ্করসাদস্তে ত্বাষ্ট্রা বাচে ক্রুঞ্চঃ ॥১॥

26.36

সোমায় কুলুঙ্গ আরণ্যোঽজো নকুলঃ শকা তে পৌষ্ণাঃ ক্রোষ্টা মায়োরিন্দ্রস্য গৌরমৃগঃ ।
পিদ্বো ন্যঙ্কুঃ কক্কটস্তেঽনুমত্যৈ প্রতিশ্রুত্কায়ৈ চক্রবাকঃ ॥২॥

26.37

সৌরী বলাকা শার্গঃ সৃজয়ঃ শয়াণ্ডকস্তে মৈত্রাঃ সরস্বত্যৈ শারিঃ পুরুষবাক্ শ্বাবিদ্ভৌমী ।
শার্দূলো বৃকঃ পৃদাকুস্তে মন্যবে সরস্বতে শুকঃ পুরুষবাক্ ॥৩॥

26.38

সুপর্ণঃ পার্জন্য আতির্বাহসো দর্বিদা তে বায়বে বৃহস্পতয়ে বাচস্পতয়ে পৈঙ্গরাজোঽলজ আন্তরিক্ষঃ ।
প্লবো মদ্গুর্মত্স্যস্তে নদীপতয়ে দ্যাবাপৃথিবীয়ঃ কূর্মঃ ॥৪॥

26.39

পুরুষমৃগশ্চন্দ্রমসো গোধা কালকা দার্বাঘাটস্তে বনস্পতীনাং কৃকবাকুঃ সাবিত্রো হংসো বাতস্য ।
নাক্রো মকরঃ কুলীপয়স্তেঽকূপারস্য হ্রিয়ৈ শল্যকঃ ॥৫॥

26.40

(৭) ৩৯
এণ্যহ্নো মণ্ডূকো মূষিকা তিত্তিরিস্তে সর্পাণাঁ লোপাশ আশ্বিনঃ কৃষ্ণো রাত্র্যৈ ।
ঋক্ষো জতূঃ সুষিলীকা ত ইতরজনানাং জহকা বৈষ্ণবী ॥১॥

26.41

অন্যবাপোঽর্ধমাসানামৃশ্যো ময়ূরঃ সুপর্ণস্তে গন্ধর্বাণামপামুদ্রো মাসাং কশ্যপঃ ।
রোহিত্কুণ্ডৃণাচী গোলত্তিকা তেঽপ্সরসাং মৃত্যবেঽসিতঃ ॥২॥

26.42

বর্ষাহূরৃতূনামাখুঃ কশো মান্থালস্তে পিতৄণাং বলায়াজগরো বসূনাং কপিঞ্জলঃ ।
কপোত উলূকঃ শশস্তে নিরৃত্যৈ বরুণায়ারণ্যো মেষঃ ॥৩॥

26.43

শ্বিত্র আদিত্যানামুষ্ট্রো ঘৃণীবান্বার্ধ্রীনসস্তে মত্যা অরণ্যায় সৃমরো রুরূ রৌদ্রঃ ।
ক্বয়িঃ কুটরুর্দাত্যৌহস্তে বাজিনাং কামায় পিকঃ ॥৪॥

26.44

খঙ্গো বৈশ্বদেবঃ শ্বা কৃষ্ণঃ কর্ণো গর্দভস্তরক্ষুস্তে রক্ষসামিন্দ্রায় সূকরঃ।
সিংহো মারুতঃ কৃকলাসঃ পিপ্পকা শকুনিস্তে শরব্যায়ৈ বিশ্বেষাং দেবানাং পৃষতঃ ॥৫॥

26.45

(৮) ৪৪ (১৫৭২)
॥ইতি শুক্লয়জুঃকাণ্বসংহিতায়াং ষড্বিংশোঽধ্যায়ঃ ॥২৬॥