অধ্যায় 27

27.1

অথ সপ্তবিংশোধ্যায়ঃ ।

শাদং দদ্ভিরবকাং দন্তমূলৈর্মৃদং বর্স্বৈস্তেগান্দংষ্ট্রাভ্যাং সরস্বত্যা অগ্রজিহ্বং জিহ্বায়া উত্সাদম্ ।
অবক্রন্দেন তালু বাজং হনুভ্যামপ আস্যেন বৃষণমাণ্ডাভ্যাম্ ॥১॥

27.2

আদিত্যান্ শ্মশ্রুভিঃ পন্থানং ভ্রূভ্যাং দ্যাবাপৃথিবী বর্তোভ্যাং বিদ্যুতং কনীনকাভ্যাম্ ।
শুক্লায় স্বাহা কৃষ্ণায় স্বাহা পার্যাণি পক্ষ্মাণ্যবার্যা ইক্ষবোঽবার্যাণি পক্ষ্মাণি পার্যা ইক্ষবঃ ॥২॥

27.3

(১) ২
বাতং প্রাণেনাপানেন নসিকে উপয়ামমধরেণৌষ্ঠেন সদুত্তরেণ ।
প্রকাশেনান্তরমনূকাশেন বাহ্যং নিবেষ্পং মূর্ধ্না স্তনয়িত্নুং নির্বাধেনাশনিং মস্তিষ্কেণ বিদ্যুতং কনীনকাভ্যাম্ ॥১॥

27.4

কর্ণাভ্যাং শ্রোত্রং শ্রোত্রাভ্যাং কর্ণৌ তেদনীমধরকণ্ঠেনাপঃ শুষ্ককণ্ঠেন চিত্তং মন্যাভিঃ ।
অদিতিং শীর্ষ্ণা নিরৃতিং নির্জর্জল্যেন শীর্ষ্ণা সংক্রোশৈঃ প্রাণান্ রেষ্মাণং স্তুপেন ॥২॥

27.5

(২) ৪
মশকান্কেশৈরিন্দ্রং স্বপসা বহেন বৃহস্পতিং শকুনিসাদেন কূর্মান্ । শফৈরাক্রমণং স্থূরাভ্যামৃক্ষলাভিঃ কপিঞ্জলান্ ॥১॥

27.6

৫(১৫৭৭)
জবং জঙ্ঘাভ্যামধ্বানং বাহুভ্যাং জাম্বীলেনারণ্যমগ্নিমতিরুগ্ভ্যাম্ ।
পূষণং দোর্ভ্যামশ্বিনা অংসাভ্যাং রুদ্রং রোরাভ্যাম্ ॥২॥

27.7

(৩) ৬
অগ্নেঃ পক্ষতির্বায়োর্নিপক্ষতিরিন্দ্রস্য তৃতীয়াপাং চতুর্থী ।
অদিত্যৈ পঞ্চমীন্দ্রাণ্যৈ ষষ্ঠী মরুতাং সপ্তমী বৃহস্পতেরষ্টমী ।
অর্যম্ণো নবমী ধাতুর্দশমীন্দ্রস্যৈকাদশী বরুণস্য দ্বাদশী যমস্য ত্রয়োদশী ॥১॥

27.8

(৪) ৭
ইন্দ্রাগ্ন্যোঃ পক্ষতিঃ সরস্বত্যৈ নিপক্ষতির্মিত্রস্য তৃতীয়া সোমস্য চতুর্থী ।
নিরৃত্যৈ পঞ্চম্যগ্নীষোময়োঃ ষষ্ঠী সর্পাণাং সপ্তমী বিষ্ণোরষ্টমী ।
পূষ্ণো নবমী ত্বষ্টুর্দশমীন্দ্রস্যৈকাদশী বরুণস্য দ্বাদশী যম্যৈ ত্রয়োদশী ।
দ্যাবাপৃথিব্যোর্দক্ষিণং পার্শ্বং বিশ্বেষাং দেবানামুত্তরম্ ॥১॥

27.9

(৫) ৮
মরুতাং স্কন্ধা বিশ্বেষাং দেবানাং প্রথমা কীকসা রুদ্রাণাং দ্বিতীয়াদিত্যানাং তৃতীয়া বায়োঃ পুচ্ছমগ্নীষোময়োর্ভাসদৌ ।
ক্রুঞ্চৌ শ্রোণিভ্যামিন্দ্রাবৃহস্পতী ঊরুভ্যাং মিত্রাবরুণা অল্গাভ্যামাক্রমণং স্থূরাভ্যাং বলং কুষ্ঠাভ্যাম্ ॥১॥

27.10

(৬) ৯
পূষণং বনিষ্ঠুনান্ধাহীন্ত্স্থূলগুদয়া সর্পান্গুদাভির্বিহ্রুত আন্ত্রৈরপো বস্তিনা বৃষণমাণ্ডাভ্যাম্ ।
বাজিনং শেপেন প্রজাং রেতসা চাষান্পিত্তেন প্রদরান্পায়ুনা কূশ্মাঞ্ছকপিণ্ডৈঃ ॥১॥

27.11

(৭) ১০
ইন্দ্রস্য ক্রোলোঽদিত্যৈ পাজস্যং দিশাং জত্রবোঽদিত্যৈ ভসৎ ।
জীমূতান্হৃদয়ৌপশেনান্তরিক্ষং পুরীততা ॥১॥

27.12

নভ উদর্যেণ চক্রবাকৌ মতস্নাভ্যাং দিবং বৃক্কাভ্যাং গিরীন্প্লাশিভঃ ।
উপলান্প্লীহ্না বল্মীকান্ক্লোমভির্গ্লৌভির্গুল্মান্হিরাভিঃ স্রবন্তীঃ ।
হ্রদান্কুক্ষিভ্যাং সমুদ্রমুদরেণ বৈশ্বানরং ভস্মনা ॥২॥

27.13

(৮) ১২
বিধৃতিং নাভ্যা ঘৃতং রসেনাপো যূষ্ণা মরীচীর্বিপ্রুড্ভির্নীহারমূষ্মণা শীনং বসয়া প্রুষ্বা অশ্রুভিঃ ।
হ্রাদুনীর্দূষীকাভিরস্না রক্ষাংসি চিত্রাণ্যঙ্গৈর্নক্ষত্রাণি রূপেণ পৃথিবীং ত্বচা জুম্বকায় স্বাহা ॥১॥

27.14

(৯) ১৩
হিরণ্যগর্ভঃ সমবর্ততাগ্রে ভূতস্য জাতঃ পতিরেক আসীৎ ।
স দাধার পৃথিবীং দ্যামুতেমাং কস্মৈ দেবায় হবিষা বিধেম ॥১॥

27.15

যঃ প্রাণতো নিমিষতো মহিত্বৈক ইদ্রাজা জগতো বভূব ।
য ঈশে অস্য দ্বিপদশ্চতুষ্পদঃ কস্মৈ দেবায় হবিষা বিধেম ॥২॥

27.16

১৫ (১৫৮৭)
যস্যেমে হিমবন্তো মহিত্বা যস্য সমুদ্রং রসয়া সহাহুঃ ।
যস্যেমাঃ প্রদিশো যস্য বাহূ কস্মৈ দেবায় হবিষা বিধেম ॥৩॥

27.17

য আত্মদা বলদা যস্য বিশ্ব উপাসতে প্রশিষং যস্য দেবাঃ ।
যস্য ছায়ামৃতং যস্য মৃত্যুঃ কস্মৈ দেবায় হবিষা বিধেম ॥৪॥

27.18

(১০) ১৭
আ নো ভদ্রাঃ ক্রতবো যন্তু বিশ্বতোঽদব্ধাসো অপরীতাস উদ্ভিদঃ ।
দেবা নো যথা সদমিদ্ বৃধে অসন্নপ্রায়ুবো রক্ষিতারো দিবেদিবে ॥১॥

27.19

দেবানাং ভদ্রা সুমতিরৃজূয়তাং দেবানাং রাতিরভি নো নিবর্ততাম্ ।
দেবানাং সখ্যমুপসেদিমা বয়ং দেবা ন আয়ুঃ প্রতিরন্তু জীবসে ॥২॥

27.20

তান্পূর্বয়া নিবিদা হূমহে বয়ং ভগং মিত্রমদিতিং দক্ষমস্রিধম্ ।
অর্যমণং বরুণং সোমমশ্বিনা সরস্বতী নঃ সুভগা ময়স্করৎ ॥৩॥

27.21

তন্নো বাতো ময়োভু বাতু ভেষজং তন্মাতা পৃথিবী তত্পিতা দ্যৌঃ ।
তদ্ গ্রাবাণঃ সোমসুতো ময়োভুবস্তদশ্বিনা শৃণুতং ধিষ্ণ্যা যুবম্ ॥৪॥

27.22

তমীশানং জগতস্তস্থুষস্পতিং ধিয়ং জিন্বমবসে হূমহে বয়ম্ ।
পূষা নো যথা বেদসামসদ্বৃধে রক্ষিতা পায়ুরদব্ধঃ স্বস্তয়ে ॥৫॥

27.23

স্বস্তি ন ইন্দ্রো বৃদ্ধশ্রবাঃ স্বস্তি নঃ পূষা বিশ্ববেদাঃ ।
স্বস্তি নস্তার্ক্ষ্যো অরিষ্টনেমিঃ স্বস্তি নো বৃহস্পতির্দধাতু ॥৬॥

27.24

পৃষদশ্বা মরুতঃ পৃশ্নিমাতরঃ শুভংয়াবানো বিদথেষু জগ্ময়ঃ ।
অগ্নিজিহ্বা মনবঃ সূরচক্ষসো বিশ্বে নো দেবা অবসাগমন্নিহ ॥৭॥

27.25

ভদ্রং কর্ণেভিঃ শৃণুয়াম দেবা ভদ্রং পশ্যেমাক্ষভির্যজত্রাঃ ।
স্থিরৈরঙ্গৈস্তুষ্টুবাংসস্তনূভির্ব্যশেম দেবহিতং যদায়ুঃ ॥৮॥

27.26

শতমিন্নু শরদো অন্তি দেবা যত্রা নশ্চক্রা জরসং তনূনাম্ ।
পুত্রাসো যত্র পিতরো ভবন্তি মা নো মধ্যা রীরিষতায়ুর্গন্তোঃ ॥৯॥

27.27

অদিতির্দ্যৌরদিতিরন্তরিক্ষমদিতির্মাতা স পিতা স পুত্রঃ ।
বিশ্বে দেবা অদিতিঃ পঞ্চ জনা অদিতির্জাতমদিতির্জনিত্বম্ ॥১০॥

27.28

(১১) ২৭
মা নো মিত্রো বরুণো অর্যমায়ুরিন্দ্র ঋভুক্ষা মরুতঃ পরিখ্যন্ ।
যদ্বাজিনো দেবজাতস্য সপ্তেঃ প্রবক্ষ্যামো বিদথে বীর্যাণি ॥১॥

27.29

২৮ (১৬০০)
যন্নির্ণিজা রেক্ণসা প্রাবৃতস্য রাতিং গৃভীতাং মুখতো নয়ন্তি ।
সুপ্রাঙজো মেম্যদ্বিশ্বরূপ ইন্দ্রাপূষ্ণোঃ প্রিয়মপ্যেতি পাথঃ ॥২॥

27.30

এষ চ্ছাগঃ পুরো অশ্বেন বাজিনা পূষ্ণো ভাগো নীয়তে বিশ্বদেব্যঃ ।
অভিপ্রিয়ং যত্পুরোলাশমর্বতা ত্বষ্টেদেনং সৌশ্রবসায় জিন্বতি ॥৩॥

27.31

যদ্ধবিষ্যমৃতুশো দেবয়ানং ত্রির্মানুষাঃ পর্যশ্বং নয়ন্তি ।
অত্রা পূষ্ণঃ প্রথমো ভাগ এতি যজ্ঞং দেবেভ্যঃ প্রতিবেদয়ন্নজঃ ॥৪॥

27.32

হোতাধ্বর্যুরাবয়া অগ্নিমিন্ধো গ্রাবগ্রাভ উত শংস্তা সুবিপ্রঃ ।
তেন যজ্ঞেন স্বরংকৃতেন স্বিষ্টেন বক্ষণা আ পৃণধ্বম্ ॥৫॥

27.33

যূপব্রস্কা উত যে যূপবাহাশ্চষালং যে অশ্বয়ূপায় তক্ষতি ।
যে চার্বতে পচনং সংভরন্ত্যুতো তেষামভিগূর্তির্ন ইন্বতু ॥৬॥

27.34

উপ প্রাগাত্সুমন্মেঽধায়ি মন্ম দেবানামাশা উপ বীতপৃষ্ঠঃ।
অন্বেনং বিপ্রা ঋষয়ো মদন্তি দেবানাং পুষ্টে চকৃমা সুবন্ধুম্ ॥৭॥

27.35

যদ্বাজিনো দাম সংদানমর্বতো যা শীর্ষণ্যা রশনা রজ্জুরস্য ।
যদ্বা ঘাস্য প্রভৃতমাস্যে তৃণং সর্বা তা তে অপি দেবেষ্বস্তু ॥৮॥

27.36

(১২) ৩৫
যদশ্বস্য ক্রবিষো মক্ষিকাশ যদ্বা স্বরৌ স্বধিতৌ রিপ্তমস্তি ।
যদ্ধস্তয়োঃ শমিতুর্যন্নখেষু সর্বা তা তে অপি দেবেষ্বস্তু ॥১॥

27.37

যদূবধ্যমুদরস্যাপবাতি য আমস্য ক্রবিষো গন্ধো অস্তি ।
সুকৃতা তচ্ছমিতারঃ কৃণ্বন্তূত মেধং শৃতপাকং পচন্তু ॥২॥

27.38

যত্তে গাত্রাদগ্নিনা পচ্যমানাদভি শূলং নিহতস্যাবধাবতি ।
মা তদ্ভূম্যামাশ্লিষন্মা তৃণেষু দেবেভ্যস্তদুশদ্ভ্যো রাতমস্তু ॥৩॥

27.39

যে বাজিনং পরিপশ্যন্তি পক্বং য ঈমাহুঃ সুরভির্নির্হরেতি ।
যে চার্বতো মাংসভিক্ষামুপাসত উতো তেষামভিগূর্তির্ন ইন্বতু ॥৪॥

27.40

যন্নীক্ষণং মাংস্পচন্যা উখায়া যা পাত্রাণি যূষ্ণ আসেচনানি ।
ঊষ্মণ্যাপিধানা চরূণামঙ্কাঃ সূনাঃ পরি ভূষন্ত্যশ্বম্ ॥৫॥

27.41

মা ত্বাগ্নির্ধ্বনয়ীদ্ধূমগন্ধির্মোখা ভ্রাজন্ত্যভি বিক্ত জঘ্রিঃ ।
ইষ্টং বীতমভিগূর্তং বষট্কৃতং তং দেবাসঃ প্রতি গৃভ্ণন্ত্যশ্বম্ ॥৬॥

27.42

৪১ (১৬১৩)
নিক্রমণং নিষদনং বিবর্তনং যচ্চ পড্বীশমর্বতঃ ।
যচ্চ পপৌ যচ্চ ঘাসিং জঘাস সর্বা তা তে অপি দেবেষ্বস্তু ॥৭॥

27.43

(১৩) ৪২
যদশ্বায় বাস উপস্তৃণন্ত্যধীবাসং যা হিরণ্যান্যস্মৈ ।
সংদানমর্বন্তং পড্বীশং প্রিয়া দেবেষ্বা যাময়ন্তি ॥১॥

27.44

(১৪) ৪৩
ইমা নু কং ভুবনা সীষধামেন্দ্রশ্চ বিশ্বে চ দেবাঃ ।
আদিত্যৈরিন্দ্রঃ সগণো মরুদ্ভিরস্মভ্যং ভেষজা করৎ ।
যজ্ঞং চ নস্তন্বং চ প্রজাং চাদিত্যৈরিন্দ্রঃ সহ সীষধাতি ॥১॥

27.45

অগ্নে ত্বং নো অন্তম উত ত্রাতা শিবো ভব বরূথ্যঃ ।
বসুরগ্নির্বসুশ্রবা অচ্ছা নক্ষি দ্যুমত্তমং রয়িং দাঃ ।
তং ত্বা শোচিষ্ঠ দীদিবঃ সুম্নায় নূনমীমহে সখিভ্যঃ ॥২॥

27.46

(১৫) ৪৫ (১৬১৭)
॥ইতি শুক্লয়জুঃকাণ্বসংহিতায়াং সপ্তবিংশোঽধ্যায়ঃ ॥২৭॥