অধ্যায় 22

22.1

দ্বাবিংশোঽধ্যায়ঃ

যদ্দেবা দেবহেলনং দেবাসশ্চকৃমা বয়ম্ । অগ্নির্মা তস্মাদেনসো বিশ্বান্মুঞ্চত্বংহসঃ ॥১॥

22.2

যদি দিবা যদি নক্তমেনাংসি চকৃমা বয়ম্ ।
বায়ুর্মা তস্মাদেনসো বিশ্বান্মুঞ্চত্বংহসঃ ॥২॥

22.3

যদি জাগ্রদ্যদি স্বপ্ন এনাংসি চকৃমা বয়ম্ ।
সূর্যো মা তস্মাদেনসো বিশ্বান্মুঞ্চত্বংহসঃ ॥৩॥

22.4

যদ্ গ্রামে যদরণ্যে যত্সভায়াং যদিন্দ্রিয়ে । যচ্ছূদ্রে যদর্যে যদেনশ্চকৃমা বয়ম্ ।
যদেকস্যাধি ধর্মণি তস্যাবয়জনমসি ।
যদাপো অঘ্ন্যা ইতি বরুণেতি শপামহে ততো বরুণ নো মুঞ্চ ।
অবভৃথ নিচুম্পুণ নিচেরুরসি নিচুম্পুণঃ ।
অবদেবৈর্দেবকৃতমেনোঽয়ক্ষ্যব মর্ত্যৈর্মর্ত্যকৃতং পুরুরাব্ণো দেব রিষস্পাহি ।
সমুদ্রে তে হৃদয়মপ্স্বন্তঃ সং ত্বা বিশন্ত্বোষধীরুতাপঃ ।
সুমিত্রিয়া ন আপ ওষধয়ঃ সন্তু দুর্মিত্রিয়াস্তস্মৈ সন্তু । যোঽস্মান্দ্বেষ্টি যং চ বয়ং দ্বিষ্মঃ ॥৪॥

22.5

দ্রুপদাদিব মুমুচানঃ স্বিন্নঃ স্নাতো মলাদিব । পূতং পবিত্রেণেবাজ্যমাপঃ শুন্ধন্তু মৈনসঃ ॥৫॥

22.6

উদ্বয়ং তমসস্পরি স্বঃ পশ্যন্ত উত্তরম্ । দেবং দেবত্রা সূর্যমগন্ম জ্যোতিরুত্তমম্ ॥৬॥

22.7

অপো অদ্যান্বচারিষং রসেন সমসৃক্ষ্মহি ।
পয়স্বানগ্ন আগমং তং মা সং সৃজ বর্চসা প্রজয়া চ ধনেন চ ।
এধোঽস্যেধিষীমহি সমিদসি তেজোঽসি তেজো ময়ি ধেহি ॥৭॥

22.8

সমাববর্তি পৃথিবী সমুষাঃ সমু সূর্যঃ । সমু বিশ্বমিদং জগৎ ।
বৈশ্বানরজ্যোতির্ভূয়াসং বিভূন্কামান্ব্যশ্নবৈ ভূঃ স্বাহা ॥৮॥

22.9

(১) ৮
অভ্যা দধামি সমিধমগ্নে ব্রতপতে ত্বয়ি । ব্রতং চ শ্রদ্ধাং চোপৈমীন্ধে ত্বা দীক্ষিতো অহম্ ॥১॥

22.10

যত্র ব্রহ্ম চ ক্ষত্রং চ সম্যঞ্চৌ চরতঃ সহ । তং লোকং পুণ্যং প্রজ্ঞেষং যত্র দেবাঃ সহাগ্নিনা ॥২॥

22.11

যত্রেন্দ্রশ্চ বায়ুশ্চ সম্যঞ্চৌ চরতঃ সহ । তং লোকং পুণ্যং প্রজ্ঞেষং যত্র সেদির্ন বিদ্যতে ॥৩॥

22.12

অংশুনা তে অংশুঃ পৃচ্যতাং পরুষা পরুঃ । গন্ধস্তে সোমমবতু মদায় রসো অচ্যুতঃ ॥৪॥

22.13

সিঞ্চন্তি পরিষিঞ্চন্ত্যুত্সিঞ্চন্তি পুনন্তি চ । সুরায়ৈ বভ্র্বৈ মদে কিংত্বো বদতি কিন্ত্বঃ ॥৫॥

22.14

১৩ (১২৯২)
ধানাবন্তং করম্ভিণমপূপবন্তমুক্থিনম্ । ইন্দ্র প্রাতর্জুষস্ব নঃ ॥৬॥

22.15

বৃহদিন্দ্রায় গায়ত মরুতো বৃত্রহন্তমম্ ।
যেন জ্যোতিরজনয়ন্নৃতাবৃধো দেবং দেবায় জাগৃবি ॥৭॥

22.16

অধ্বর্যো অদ্রিভিঃ সুতং সোমং পবিত্র আ নয় । পুনীহীন্দ্রায় পাতবে ॥৮॥

22.17

(২) ১৬
যো ভূতানামধিপতির্যস্মিঁল্লোকা অধি শ্রিতাঃ ।
য ঈশে মহতো মহাংস্তেন গৃহ্ণামি ত্বামহং ময়ি গৃহ্ণামি ত্বামহম্ ॥১॥

22.18

উপয়ামগৃহীতোঽস্যশ্বিভ্যাং ত্বা সরস্বত্যৈ ত্বেন্দ্রায় ত্বা সুত্রাম্ণে ।
এষ তে যোনিরশ্বিভ্যাং ত্বা সরস্বত্যৈ ত্বেন্দ্রায় ত্বা সুত্রাম্ণে ॥২॥

22.19

প্রাণপা মে অপানপাশ্চক্ষুষ্পাঃ শ্রোত্রপাশ্চ মে । বাচো মে বিশ্বভেষজো মনসোঽসি বিলায়কঃ ॥৩॥

22.20

অশ্বিনকৃতস্য তে সরস্বতিকৃতস্যেন্দ্রেণ সুত্রাম্ণা কৃতস্য । উপহূত উপহূতস্য ভক্ষয়ামি ॥৪॥

22.21

(৩) ২০
সমিদ্ধ ইন্দ্র উষসামনীকে পুরোরুচা পূর্বকৃদ্বাবৃধানঃ ।
ত্রিভির্দেবৈস্ত্রিংশতা বজ্রবাহুর্জঘান বৃত্রং বি দুরো ববার ॥১॥

22.22

নরাশংসঃ প্রতি শূরো মিমানস্তনূনপাত্প্রতি যজ্ঞস্য ধাম ।
গোভির্বপাবান্মধুনা সমঞ্জন্ হিরণ্যৈশ্চন্দ্রী যজতি প্রচেতাঃ ॥২॥

22.23

ঈলিতো দেবৈর্হরিবাঁ২ অভিষ্টিরাজুহ্বানো হবিষা শর্ধমানঃ ।
পুরন্দরো গোত্রভিদ্বজ্রবাহুরা যাতু যজ্ঞমুপ নো জুষাণঃ ॥৩॥

22.24

জুষাণো বর্হির্হরিবান্ন ইন্দ্রঃ প্রাচীনং সীদত্প্রদিশা পৃথিব্যাঃ ।
উরুপ্রথাঃ প্রথমানং স্যোনমাদিত্যৈরক্তং বসুভিঃ সজোষাঃ ॥৪॥

22.25

ইন্দ্রং দুরঃ কবষ্যো ধাবমানা বৃষাণং যন্তু জনয়ঃ সুপত্নীঃ ।
দ্বারো দেবীরভিতো বি শ্রয়ন্তাং সুবীরা বীরং প্রথমানা মহোভিঃ ॥৫॥

22.26

উষাসানক্তা বৃহতী বৃহন্তং পয়স্বতী সুদুঘে শূরমিন্দ্রম্ ।
তন্তুং ততং পেশসা সংবয়ন্তী দেবানাং দেবং যজতঃ সুরুক্মে ॥৬॥

22.27

দৈব্যা মিমানা মনুষঃ পুরুত্রা হোতারা ইন্দ্রং প্রথমা সুবাচা ।
মূর্ধন্যজ্ঞস্য মধুনা দধানা প্রাচীনং জ্যোতির্হবিষা বৃধাতঃ ॥৭॥

22.28

তিস্রো দেবীর্হবিষা বর্ধমানা ইন্দ্রং জুষাণা জনয়ো ন পত্নীঃ ।
অচ্ছিন্নং তন্তুং পয়সা সরস্বতীলা দেবী ভারতী বিশ্বতূর্তিঃ ॥৮॥

22.29

২৮ (১৩০৭)
ত্বষ্টা দধচ্ছুষ্মমিন্দ্রায় বৃষ্ণেঽপাকোচিষ্টুর্যশসে পুরূণি ।
বৃষা যজন্বৃষণং ভূরিরেতা মূর্ধন্যজ্ঞস্য সমনক্তু দেবান্ ॥৯॥

22.30

বনস্পতিরবসৃষ্টো ন পাশৈস্ত্মন্যা সমঞ্জঞ্ছমিতা ন দেবঃ ।
ইন্দ্রস্য হব্যৈর্জঠরং পৃণানঃ স্বদাতি যজ্ঞং মধুনা ঘৃতেন ॥১০॥

22.31

৩০॥
স্তোকানামিন্দুং প্রতি শূর ইন্দ্রো বৃষায়মাণো বৃষভস্তুরাষাট্ ।
ঘৃতপ্রুষা মনসা মোদমানাঃ স্বাহা দেবা অমৃতা মাদয়ন্তাম্ ॥১১॥

22.32

(৪) ৩১
আ যাত্বিন্দ্রোবস উপ ন ইহ স্তুতঃ সধমাদস্তু শূরঃ ।
বাবৃধানস্তবিষীর্যস্য পূর্বীর্দ্যৌর্ন ক্ষত্রমভিভূতি পুষ্যাৎ ॥১॥

22.33

আ ন ইন্দ্রো দূরাদা ন আসাদভিষ্টিকৃদবসে যাসদুগ্রঃ ।
ওজিষ্ঠেভির্নৃপতির্বজ্রবাহুঃ সংগে সমত্সু তুর্বণিঃ পৃতন্যূন্ ॥২॥

22.34

আ ন ইন্দ্রো হরিভির্যাত্বচ্ছার্বাচীনোঽবসে রাধসে চ ।
তিষ্ঠাতি বজ্রী মঘবা বিরপ্শীমং যজ্ঞমনু নো বাজসাতৌ ॥৩॥

22.35

ত্রাতারমিন্দ্রমবিতারমিন্দ্রং হবেহবে সুহবং শূরমিন্দ্রম্ ।
হ্বয়ামি শক্রং পুরুহূতমিন্দ্রং স্বস্তি নো মঘবা ধাত্বিন্দ্রঃ ॥৪॥

22.36

ইন্দ্রঃ সুত্রামা স্ববাঁ২ অবোভিঃ সুমৃলীকো ভবতু বিশ্ববেদাঃ ।
বাধতাং দ্বেষো অভয়ং কৃণোতু সুবীর্যস্য পতয়ঃ স্যাম ॥৫॥

22.37

তস্য বয়ং সুমতৌ যজ্ঞিয়স্যাপি ভদ্রে সৌমনসে স্যাম ।
স সুত্রামা স্ববাঁ২ ইন্দ্রো অস্মে আরাচ্চিদ্ দ্বেষঃ সনুতর্যুয়োতু ॥৬॥

22.38

আ মন্দ্রৈরিন্দ্র হরিভির্যাহি ময়ূররোমভিঃ ।
মা ত্বা কে চিন্নি যমন্বিং না পাশিনোতি ধন্বেব তাঁ২ ইহি ॥৭॥

22.39

এবেদিন্দ্রং বৃষণং বজ্রবাহুং বসিষ্ঠাসো অভ্যর্চন্ত্যর্কৈঃ ।
স ন স্তুতো বীরবদ্ধাতু গোমদ্যূয়ং পাত স্বস্তিভিঃ সদা নঃ ॥৮॥

22.40

(৫) ৩৯
সমিদ্ধো অগ্নিরশ্বিনা তপ্তো ঘর্মো বিরাট্ সুতঃ ।
দুহে ধেনুঃ সরস্বতী সোমং শুক্রমিহেন্দ্রিয়ম্ ॥১॥

22.41

তনূপা ভিষজা সুতেঽস্বিনোভা সরস্বতী । মধ্বা রজাংসীন্দ্রিয়মিন্দ্রায় পথিভির্বহান্ ॥২॥

22.42

ইন্দ্রায়েন্দুং সরস্বতী নরাশংসেন নগ্নহুম্ ।
অধাতামশ্বিনা মধু ভেষজং ভিষজা সুতে ॥৩॥

22.43

৪২ (১৩২১)
আজুহ্বানা সরস্বতীন্দ্রায়েন্দ্রিয়াণি বীর্যম্ । ইলাভিরশ্বিনা ইষং সমূর্জং সং রয়িং দধুঃ ॥৪॥

22.44

অশ্বিনা নমুচেঃ সুতং সোমং শুক্রং পরিস্রুতা । সরস্বতী তমা ভরদ্বর্হিষেন্দ্রায় পাতবে ॥৫॥

22.45

কবষ্যো ন ব্যচস্বতীরশ্বিভ্যাং ন দুরো দিশঃ ।
ইন্দ্রো ন রোদসী উভে দুহে কামান্ত্সরস্বতী ॥৬॥

22.46

উষাসানক্তমশ্বিনা দিবেন্দ্রং সায়মিন্দ্রিয়ৈঃ । সংজানানে সুপেশসা সমঞ্জাতে সরস্বত্যা ॥৭॥

22.47

পাতং নো অশ্বিনা দিবা পাহি নক্তং সরস্বতি ।
দৈব্যা হোতারা ভিষজা পাতামিন্দ্রং সচা সুতে ॥৮॥

22.48

তিস্রস্ত্রেধা সরস্বত্যশ্বিনা ভারতীলা । তীব্রং পরিস্রুতা সোমমিন্দ্রায় সুষুবুর্মদম্ ॥৯॥

22.49

অশ্বিনা ভেষজং মধু ভেষজং নঃ সরস্বতী । ইন্দ্রে ত্বষ্টা যশঃ শ্রিয়ং রূপংরূপমধুঃ সুতে ॥১০॥

22.50

ঋতুথেন্দ্রো বনস্পতিঃ শশমানঃ পরিস্রুতা । কীলালমশ্বিভ্যাং মধু দুহে ধেনুঃ সরস্বতী ॥১১॥

22.51

গোভির্ন সোমমশ্বিনা মাসরেণ পরিস্রুতা । সমধাতং সরস্বত্যা স্বাহেন্দ্রে সুতং মধু ॥১২॥

22.52

(৬) ৫১
অশ্বিনা হবিরিন্দ্রিয়ং নমুচের্ধিয়া সরস্বতী । আ শুক্রমাসুরাদ্বসু মঘমিন্দ্রায় জভ্রিরে ॥১॥

22.53

যমশ্বিনা সরস্বতী হবিষেন্দ্রমবর্ধয়ন্ । স বিভেদ বলং মঘং নমুচা আসুরে সচা ॥২॥

22.54

তমিন্দ্রং পশবঃ সচাশ্বিনোভা সরস্বতী । দধানা অভ্যনূষত হবিষা যজ্ঞ ইন্দ্রিয়ৈঃ ॥৩॥

22.55

য ইন্দ্র ইন্দ্রিয়ং দধুঃ সবিতা বরুণো ভগঃ । স সুত্রামা হবিষ্পতির্যজমানায় সশ্চত ॥৪॥

22.56

সবিতা বরুণো দধদ্যজমানায় দাশুষে । আদত্ত নমুচের্বসু সুত্রামা বলমিন্দ্রিয়ম্ ॥৫॥

22.57

বরুণঃ ক্ষত্রমিন্দ্রিয়ং ভগেন সবিতা শ্রিয়ম্ । সুত্রামা যশসা বলং দধানা যজ্ঞমাশত ॥৬॥

22.58

অশ্বিনা গোভিরিন্দ্রিয়মশ্বেভির্বীর্যং বলম্ । হবিষেন্দ্রং সরস্বতী যজমানমবর্ধয়ন্ ॥৭॥

22.59

তা নাসত্যা সুপেশসা হিরণ্যবর্তনী নরা । সরস্বতী হবিষ্মতীন্দ্র কর্মসু নোঽবত ॥৮॥

22.60

তা ভিষজা সুকর্মণা সা সুদুঘা সরস্বতী । স বৃত্রহা শতক্রতুরিন্দ্রায় দধুরিন্দ্রিয়ম্ ॥৯॥

22.61

যুবং সুরামমশ্বিনা নমুচা আসুরে সচা । বিপিপানাঃ সরস্বতীন্দ্রং কর্মস্বাবত ॥১০॥

22.62

পুত্রমিব পিতরা অশ্বিনোভেন্দ্রাবথুঃ কাব্যৈর্দংসনাভিঃ ।
যত্সুরামং ব্যপিবঃ শচীভিঃ সরস্বতী ত্বা মঘবন্নভিষ্ণক্ ॥১১॥

22.63

যস্মিন্নশ্বাস ঋষভাস উক্ষণো বশা মেষা অবসৃষ্টাস আহুতাঃ ।
কীলালপে সোমপৃষ্ঠায় বেধসে হৃদা মতিং জনয়ে চারুমগ্নয়ে ॥১২॥

22.64

অহাব্যগ্নে হবিরাস্যে তে স্রুচীব ঘৃতং চম্বীব সোমঃ ।
বাজসনিং রয়িমস্মে সুবীরং প্রশস্তং ধেহি যশসং বৃহন্তম্ ॥১৩॥

22.65

(৭) ৬৪ (১৩৪৩)
অশ্বিনা তেজসা চক্ষুঃ প্রাণেন সরস্বতী বীর্যম্ । বাচেন্দ্রো বলেনেন্দ্রায় দধুরিন্দ্রিয়ম্ ॥১॥

22.66

গোমদূ ষু ণাসত্যাশ্বাবদ্যাতমশ্বিনা । বর্তী রুদ্রা নৃপায্যম্ ॥২॥

22.67

ন যত্পরো নান্তর আদধর্ষদ্বৃষণ্বসূ । দুঃশংসো মর্ত্যো রিপুঃ ॥৩॥

22.68

তা ন আ বোলহমশ্বিনা রয়িং পিশঙ্গ সংদৃশম্ । ধিষ্ণ্যা বরিবোবিদম্ ॥৪॥

22.69

পাবকা নঃ সরস্বতী বাজেভির্বাজিনীবতী । যজ্ঞং বষ্টু ধিয়াবসুঃ ॥৫॥

22.70

চোদয়িত্রী সূনৃতানাং চেতন্তী সুমতীনাম্ । যজ্ঞং দধে সরস্বতী ॥৬॥

22.71

মহো অর্ণঃ সরস্বতী প্র চেতয়তি কেতুনা । ধিয়ো বিশ্বা বি রাজতি ॥৭॥

22.72

ইন্দ্রা যাহি চিত্রভানো সুতা ইমে ত্বায়বঃ । অণ্বীভিস্তনা পূতাসঃ ॥৮॥

22.73

ইন্দ্রা যাহি ধিয়েষিতো বিপ্রজূতঃ সুতাবতঃ । উপ ব্রহ্মাণি বাঘতঃ ॥৯॥

22.74

ইন্দ্রা যাহি তূতুজান উপ ব্রহ্মাণি হরিবঃ । সুতে দধিষ্ব নশ্চনঃ ॥১০॥

22.75

অশ্বিনা পিবতাং মধু সরস্বত্যা সজোষসা ।
ইন্দ্রঃ সুত্রামা বৃত্রহা জুষন্তাং সোম্যং মধু ॥১১॥

22.76

(৮) ৭৫ (১৩৫৪)
॥ইতি শুক্লয়জুঃকাণ্বসংহিতায়াং দ্বাবিংশোঽধ্যায়ঃ ॥২২॥