অধ্যায় 16

16.1

অথ ষোডশোঽধ্যায়ঃ

অগ্নে জাতান্প্রণুদা নঃ সপত্নান্প্রত্যজাতাঞ্জাতবেদো নুদস্ব ।
অধি নো ব্রূহি সুমনা অহেলংস্তব স্যাম শর্মংস্ত্রিবরূথ উদ্ভৌ ॥১॥

16.2

সহসা জাতান্প্রণুদা নঃ সপত্নান্প্রত্যজাতান্নুদ জাতবেদঃ ।
অধি নো ব্রূহি সুমনস্যমানো বয়ং স্যাম প্রণুদা নঃ সপত্নান্ ।
ষোলশী স্তোম ওজো দ্রবিণং চতুশ্চত্বারিংশ স্তোমো বর্চো দ্রবিণম্ ॥২॥

16.3

অগ্নেঃ পুরীষমস্যপ্সো নাম তাং ত্বা বিশ্বে অভিগৃণন্তু দেবাঃ ।
স্তোমপৃষ্ঠা ঘৃতবতীহ সীদ প্রজাবদস্মে দ্রবিণায়জস্ব ॥৩॥

16.4

এবশ্ছন্দো বরিবশ্ছন্দঃ শম্ভূশ্ছন্দঃ পরিভূশ্ছন্দঃ । আচ্ছচ্ছন্দো মনশ্ছন্দো ব্যচশ্ছন্দঃ ॥৪॥

16.5

সিন্ধুশ্ছন্দঃ সমুদ্রশ্ছন্দঃ সরিরং ছন্দঃ ।
ককুপ্ ছন্দস্ত্রিককুপ্ ছন্দঃ কাব্যং ছন্দো অঙ কুপং ছন্দঃ ॥৫॥

16.6

অক্ষরপঙ্ক্তিশ্ছন্দঃ পদপঙ্ক্তিশ্ছন্দো বিষ্টারপঙ্ক্তিশ্ছন্দঃ ক্ষুরোভ্রাজশ্ছন্দঃ ।
আচ্ছচ্ছন্দঃ প্রচ্ছচ্ছন্দঃ সংয়চ্ছন্দো বিয়চ্ছন্দঃ ॥৬॥

16.7

বৃহচ্ছন্দো রথন্তরং ছন্দো নিকায়শ্ছন্দো বিবধশ্ছন্দঃ ।
গিরশ্ছন্দো ভ্রজশ্ছন্দঃ সংস্তুপ্ ছন্দোঽনুষ্টুপ্ ছন্দঃ ॥৭॥

16.8

এবশ্ছন্দো বরিবশ্ছন্দো বয়শ্ছন্দো বয়স্কৃচ্ছন্দঃ ।
বিষ্পর্ধাশ্ছন্দো বিশালং ছন্দশ্ছদিশ্ছন্দো দূরোহণং ছন্দঃ । তন্দ্রং ছন্দো অঙ্কাঙ্কং ছন্দঃ ॥৮॥

16.9

(১) ৮
রশ্মিনা সত্যায় সত্যং জিন্ব প্রেতিনা ধর্মণা ধর্মং জিন্ব ।
অন্বিত্যা দিবা দিবং জিন্ব সন্ধিনান্তরিক্ষেণান্তরিক্ষং জিন্ব ॥১॥

16.10

প্রতিধিনা পৃথিব্যা পৃথিবীং জিন্ব বিষ্টম্ভেন বৃষ্ট্যা বৃষ্টিং জিন্ব ।
প্রবয়াহ্নাহর্জিন্বানুয়া রাত্র্যা রাত্রীং জিন্ব ॥২॥

16.11

উশিজা বসুভ্যো বসূঞ্জিন্ব প্রকেতেনাদিত্যেভ্য আদিত্যাঞ্জিন্ব ।
তন্তুনা রায়স্পোষেণ রায়স্পোষং জিন্ব সংসর্পেণ শ্রুতায় শ্রুতং জিন্ব ॥৩॥

16.12

ঐলেনৌষধীভিরোষধীর্জিন্বোত্তমেন তনূভিস্তনূর্জিন্ব ।
বয়োধসাধীতেনাধীতং জিন্বাভিজিতা তেজসা তেজো জিন্ব ॥৪॥

16.13

প্রতিপদসি প্রতিপদে ত্বানুপদস্যনুপদে ত্বা । সম্পদসি সম্পদে ত্বা তেজোঽসি তেজসে ত্বা ॥৪॥

16.14

ত্রিবৃদসি ত্রিবৃতে ত্বা প্রবৃদসি প্রবৃতে ত্বা । বিবৃদসি বিবৃতে ত্বা সবৃদসি সবৃতে ত্বা ॥৬॥

16.15

১৪ (৮৬৩)
আক্রমোঽস্যাক্রমায় ত্বা সঙ্ক্রমোঽসি সঙ্ক্রমায় ত্বা ।
উত্ক্রমোঽস্যুত্ক্রমায় ত্বোত্ক্রান্তিরস্যুত্ক্রান্ত্যৈ ত্বা ।
অধিপতিনোর্জোর্জং জিন্ব বেষশ্রীঃ ক্ষত্রায় ক্ষত্রং জিন্ব ॥৭॥

16.16

(২) ১৫
রাজ্ঞ্যসি প্রাচী দিগ্বসবস্তে দেবা অধিপতয়ঃ । অগ্নির্হেতীনাং প্রতিধর্তা ॥১॥

16.17

ত্রিবৃৎ ত্বা স্তোমঃ পৃথিব্যাং শ্রয়ত্বাজ্যমুক্থমব্যথায়ৈ স্তভ্নাতু ।
রথন্তরং সাম প্রতিষ্ঠিত্যা অন্তরিক্ষে ॥২॥

16.18

ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু ।
বিধর্তা চায়মধিপতিশ্চ তে ত্বা সর্বে সংবিদানা নাকস্য
পৃষ্ঠে স্বর্গে লোকে যজমানং চ সাদয়ন্তু ॥৩॥

16.19

বিরালসি দক্ষিণা দিগ্রুদ্রাস্তে দেবা অধিপতয়ঃ । ইন্দ্রো হেতীনাং প্রতিধর্তা ॥৪॥

16.20

পঞ্চদশস্ত্বা স্তোমঃ পৃথিব্যাং শ্রয়তু প্র উগমুক্থমব্যথায়ৈ স্তভ্নাতু ।
বৃহত্সাম প্রতিষ্ঠিত্যা অন্তরিক্ষে ॥৫॥

16.21

ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু ।
বিধর্তা চায়মধিপতিশ্চ তে ত্বা সর্বে সংবিদাংনা নাকস্য
পৃষ্ঠে স্বর্গে লোকে যজমানং চ সাদয়ন্তু ॥৬॥

16.22

সম্রালসি প্রতীচী দিগাদিত্যাস্তে দেবা অধিপতয়ঃ । বরুণো হেতীনাং প্রতিধর্তা ॥৭॥

16.23

সপ্তদশস্ত্বা স্তোমঃ পৃথিব্যাং শ্রয়তু মরুত্বতীয়মুক্থমব্যথায়ৈ স্তভ্নাতু ।
বৈরূপং সাম প্রতিষ্ঠিত্যা অন্তরিক্ষে ॥৮॥

16.24

ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু ।
বিধর্তা চায়মধিপতিশ্চ তে ত্বা সর্বে সংবিদানা নাকস্য
পৃষ্ঠে স্বর্গে লোকে যজমানং চ সাদয়ন্তু ॥৯॥

16.25

স্বরালস্যুদীচী দিঙ্ মরুতস্তে দেবা অধিপতয়ঃ । সোমো হেতীনাং প্রতিধর্তা ॥১০॥

16.26

একবিংশস্ত্বা স্তোমঃ পৃথিব্যাং শ্রয়তু নিষ্কেবল্যমুক্থমব্যথায়ৈ স্তভ্নাতু ।
বৈরাজং সাম প্রতিষ্ঠিত্যা অন্তরিক্ষে ॥১১॥

16.27

ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু ।
বিধর্তা চায়মধিপতিশ্চ তে ত্বা সর্বে সংবিদানা নাকস্য পৃষ্ঠে স্বর্গে লোকে যজমানং চ সাদয়ন্তু ॥১২॥

16.28

অধিপত্ন্যসি বৃহতী দিগ্বিশ্বে তে দেবা অধিপতয়ঃ । বৃহস্পতির্হেতীনাং প্রতিধর্তা ॥১৩॥

16.29

২৮ (৮৭৭)
ত্রিণবত্রয়স্ত্রিংশৌ ত্বা স্তোমৌ পৃথিব্যাং শ্রয়তাং বৈশ্বদেবাগ্নিমারুতে উক্থে অব্যথায়ৈ স্তভ্নীতাম্ ।
শাক্বররৈবতে সামনী প্রতিষ্ঠিত্যা অন্তরিক্ষে ॥১৪॥

16.30

ঋষয়স্ত্বা প্রথমজা দেবেষু দিবো মাত্রয়া বরিম্ণা প্রথন্তু ।
বিধর্তা চায়মধিপতিশ্চ তে ত্বা সর্বে সংবিদানা নাকস্য
পৃষ্ঠে স্বর্গে লোকে যজমানং চ সাদয়ন্তু ॥১৫॥

16.31

(৩) ৩০
অয়ং পুরো হরিকেশঃ সূর্যরশ্মিস্তস্য রথগৃত্সশ্চ রথৌজাশ্চ সেনানীগ্রামণ্যৌ ।
পুঞ্জিকস্থলা চ ক্রতুস্থলা চাপ্সরসৌ দঙ্ক্ষ্ণবঃ পশবো হেতিঃ পৌরুষেয়ো বধঃ প্রহেতিঃ ॥১॥

16.32

তেভ্যো নমো অস্তু তে নো মৃলয়ন্তু তে নোঽবন্তু ।
তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥২॥

16.33

অয়ং দক্ষিণা বিশ্বকর্মা তস্য রথস্বনশ্চ রথেচিত্রশ্চ সেনানীগ্রামণ্যৌ ।
মেনকা চ সহজন্যা চাপ্সরসৌ যাতুধানা হেতী রক্ষাংসি প্রহেতিঃ ॥৩॥

16.34

তেভ্যো নমো অস্তু তে নো মৃলয়ন্তু তে নোঽবন্তু । তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥৪॥

16.35

অয়ং পশ্চাদ্বিশ্বব্যচাস্তস্য রথপ্রোতশ্চাসমরথশ্চ সেনানীগ্রামণ্যৌ ।
প্রম্লোচন্তী চানুম্লোচন্তী চাপ্সরসৌ ব্যাঘ্রা হেতিঃ সর্পা প্রহেতিঃ ॥৫॥

16.36

তেভ্যো নমো অস্তু তে নো মৃলয়ন্তু তে নোঽবন্তু ।
তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥৬॥

16.37

অয়মুত্তরাত্সংয়দ্বসুস্তস্য তার্ক্ষ্যশ্চারিষ্টনেমিশ্চ সেনানীগ্রামণ্যৌ ।
বিশ্বাচী চ ঘৃতাচী চাপ্সরসা আপো হেতির্বাতঃ প্রহেতিঃ ॥৭॥

16.38

তেভ্যো নমো অস্তু তে নো মৃলয়ন্তু তে নোঽবন্তু ।
তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥৮॥

16.39

অয়মুপর্যর্বাগ্বসুস্তস্য সেনজিচ্চ সুষেণশ্চ সেনানীগ্রামণ্যৌ ।
উর্বশী চ পূর্বচিত্তিশ্চাপ্সরসা অবস্ফূর্জন্হেতির্বিদ্যুত্প্রহেতি ॥৯॥

16.40

তেভ্যো নমো অস্তু তে নো মৃলয়ন্তু তে নোঽবন্তু।
তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥১০॥

16.41

অগ্নির্মূর্ধা দিবঃ ককুত্পতিঃ পৃথিব্যা অয়ম্ । অপাং রেতাংসি জিন্বতি ॥১॥

16.42

অয়মগ্নিঃ সহস্রিণো বাজস্য শতিনস্পতিঃ । মূর্ধা কবী রয়ীণাম্ ॥২॥

16.43

ত্বামগ্নে পুষ্করাদধ্যথর্বা নিরমন্থত । মূর্ধ্নো বিশ্বস্য বাঘতঃ ॥৩॥

16.44

৪৩ (৮৯২)
ভুবো যজ্ঞস্য রজসশ্চ নেতা যত্রা নিয়ুদ্ভিঃ সচসে শিবাভিঃ ।
দিবি মূর্ধানং দধিষে স্বর্ষাং জিহ্বামগ্নে চকৃষে হব্যবাহম্ ॥৪॥

16.45

অবোধ্যগ্নিঃ সমিধা জনানাং প্রতি ধেনুমিবায়তীমুষাসম্ ।
যহ্বা ইব প্র বয়ামুজ্জিহানাঃ প্র ভানবঃ সিস্রতে নাকমচ্ছ ॥৫॥

16.46

অবোচাম কবয়ে মেধ্যায় বচো বন্দারু বৃষভায় বৃষ্ণে ।
গবিষ্ঠিরো নমসা স্তোমমগ্নৌ দিবীব রুক্মমুরুব্যঞ্চমশ্রেৎ ॥৬॥

16.47

অয়মিহ প্রথমো ধায়ি ধাতৃভির্হোতা যজিষ্ঠো অধ্বরেষ্বীড্যঃ ।
যমপ্নবানো ভৃগবো বিরুরুচুর্বনেষু চিত্রং বিভ্বং বিশেবিশে ॥৭॥

16.48

জনস্য গোপা অজনিষ্ট জাগৃবিরগ্নিঃ সুদক্ষঃ সুবিতায় নব্যসে ।
ঘৃতপ্রতীকো বৃহতা দিবিস্পৃশা দ্যুমদ্বি ভাতি ভরতেভ্যঃ শুচিঃ ॥৮॥

16.49

ত্বামগ্নে অঙ্গিরসো গুহা হিতমন্ববিন্দচ্ছিশ্রিয়াণং বনেবনে ।
স জায়সে মথ্যমানঃ সহো মহত্ত্বামাহুঃ সহসস্পুত্রমঙ্গিরঃ ॥৯॥

16.50

সখায়ঃ সং বঃ সম্যঞ্চমিষং স্তোমং চাগ্নয়ে । বর্ষিষ্ঠায় ক্ষিতীনামূর্জো নপ্ত্রে সহস্বতে ॥১০॥

16.51

সংসমিদ্যুবসে বৃষন্নগ্নে বিশ্বান্যর্য আ । ইলস্পদে সমিধ্যসে স নো বসূন্যা ভর ॥১১॥

16.52

ত্বামগ্নে হবিষ্মন্তো দেবং মর্তাস ঈলতে । মন্যে ত্বা জাতবেদসং স হব্যা বক্ষ্যানুষক্ ॥১২॥

16.53

ত্বাং চিত্রশ্রবস্তম হবন্তে বিক্ষু জন্তবঃ । শোচিষ্কেশং পুরুপ্রিয়াগ্নে হব্যায় বোলহবে ॥১৩॥

16.54

এনা বো অগ্নিং নমসোর্জো নপাতমাহুবে । প্রিয়ং চেতিষ্ঠমরতিং স্বধ্বরং বিশ্বস্য দূতমমৃতম্ ॥১৪॥

16.55

বিশ্বস্য দূতমমৃতং বিশ্বস্য দূতমমৃতম্ । স যোজতে অরুষা বিশ্বভোজসা স দুদ্রবত্স্বাহুতঃ ॥১৫॥

16.56

স দুদ্রবৎ স্বাহুতঃ স দুদ্রবৎ স্বাহুতঃ । সুব্রহ্মা যজ্ঞঃ সুশমী বসূনাং দেবং রাধো জনানাম্ ॥১৬॥

16.57

অগ্নে বাজস্য গোমত ঈশানঃ সহসো যহো । অস্মে ধেহি জাতবেদো মহি শ্রবঃ ॥১৭॥

16.58

স ইধানো বসুষ্কবিরগ্নিরীডেন্যো গিরা । রেবদস্মভ্যং পুর্বণীক দীদিহি ॥১৮॥

16.59

ক্ষপো রাজন্নুত ত্মনাগ্নে বস্তোরুতোষসঃ । স তিগ্মজম্ভ রক্ষসো দহ প্রতি ॥১৯॥

16.60

ভদ্রো নো অগ্নিরাহুতো ভদ্রা রাতিঃ সুভগ ভদ্রো অধ্বরঃ । ভদ্রা উত প্রশস্তয়ঃ ॥২০॥

16.61

ভদ্রা উত প্রশস্তয়ো ভদ্রং মনঃ কৃণুষ্ব বৃত্রতূর্যে । যেনা সমত্সু সাসহঃ ॥২১॥

16.62

যেনা সমত্সু সাসহোঽব স্থিরা তনুহি ভূরি শর্ধতাম্ । বনেমা তে অভিষ্টিভিঃ ॥২২॥

16.63

অগ্নিং তং মন্যে যো বসুরস্তং যং যন্তি ধেনবঃ ।
অস্তমর্বন্ত আশবোঽস্তং নিত্যাসো বাজিন ইষং স্তোতৃভ্য আভর ॥২৩॥

16.64

৬৩ (৯১২)
সো অগ্নির্যো বসুর্গৃণে সং যমায়ন্তি ধেনবঃ ।
সমর্বন্তো রঘুদ্রুবঃ সং সুজাতাসঃ সূরয় ইষং স্তোতৃভ্য আভর ॥২৪॥

16.65

উভে সুশ্চন্দ্র সর্পিষো দর্বী শ্রীণীষ আসনি ।
উতো ন উত্পুপূর্যা উক্থেষু শবসস্পত ইষং স্তোতৃভ্য আভর ॥২৫॥

16.66

অগ্নে তমদ্যাশ্বং ন স্তোমৈঃ ক্রতুং ন ভদ্রং হৃদিস্পৃশম্ । ঋধ্যামা ত ওহৈঃ ॥২৬॥

16.67

অধা হ্যগ্নে ক্রতোর্ভদ্রস্য দক্ষস্য সাধোঃ । রথীরৃতস্য বৃহতো বভূথ ॥২৭॥

16.68

এভির্নো অর্কৈর্ভবা নো অর্বাঙ্ স্বর্ণ জ্যোতিঃ । অগ্নে বিশ্বেভিঃ সুমনা অনীকৈঃ ॥২৮॥

16.69

অগ্নিং হোতারং মন্যে দাস্বন্তং বসুং সূনুং সহসো জাতবেদসং বিপ্রং ন জাতবেদসম্ ।
য ঊর্ধ্বয়া স্বধ্বরো দেবো দেবাচ্যা কৃপা ।
ঘৃতস্য বিভ্রাষ্টিমনুবষ্টি শোচিষাজুহ্বানস্য সর্পিষঃ ॥২৯॥

16.70

অগ্নে ত্বং নো অন্তম উত ত্রাতা শিবো ভবা বরূথ্যঃ ।
বসুরগ্নির্বসুশ্রবা অচ্ছা নক্ষি দ্যুমত্তমং রয়িন্দাঃ ।
তং ত্বা শোচিষ্ঠ দীদিবঃ সুম্নায় নূনমীমহে সখিভ্যঃ ॥৩০॥

16.71

(৫) ৭০
যেন ঋষয়স্তপসা সত্রমায়ন্নিন্ধানা অগ্নিং স্বরাভরন্তঃ ।
তস্মিন্নহং নিদধে নাকে অগ্নিং যমাহুর্মনব স্তীর্ণবর্হিষম্ ॥১॥

16.72

তং পত্নীভিরনু গচ্ছেম দেবাঃ পুত্রৈর্ভ্রাতৃভিরুত বা হিরণ্যৈঃ ।
নাকং গৃভ্ণানাঃ সুকৃতস্য লোকে তৃতীয়ে পৃষ্ঠে অধিরোচনে দিবঃ ॥২॥

16.73

আ বাচো মধ্যমরুহদ্ভুরণ্যুরয়মগ্নিঃ সত্পতিশ্চেকিতানঃ ।
পৃষ্ঠে পৃথিব্যা নিহিতো দবিদ্যুতদধস্পদং কৃণুতাং যে পৃতন্যবঃ ॥৩॥

16.74

অয়মগ্নির্বীরতমো বয়োধাঃ সহস্রিয়ো দ্যোততামপ্রয়ুচ্ছন্ ।
বিভ্রাজমানঃ সরিরস্য মধ্য উপ প্রয়াহি দিব্যানি ধাম ॥৪॥

16.75

সংপ্রচ্যবধ্বমুপ সংপ্রয়াতাগ্নে পথো দেবয়ানান্ কৃণুধ্বম্ ।
পুনঃ কৃণ্বানা পিতরা যুবানান্বাতাংসীৎ ত্বয়ি তন্তুমেতম্ ॥৫॥

16.76

উদ্বুধ্যস্বাগ্নে প্রতিজাগৃহি ত্বমিষ্টাপূর্তে সং সৃজেথাময়ং চ ।
অস্মিন্ত্সধস্থে অধ্যুত্তরস্মিন্ বিশ্বে দেবা যজমানাশ্চ সীদত ॥৬॥

16.77

যেন বহসি সহস্রং যেনাগ্নে সর্ববেদসম্ ।
তেনেমং যজ্ঞং নো নয় স্বর্দেবেষু গন্তবে ॥৭॥

16.78

অয়ং তে যোনিরৃত্বিয়ো যতো জাতো অরোচথাঃ । তং জানন্নগ্ন আরোহাথা নো বর্ধয়া রয়িম্ ॥৮॥

16.79

(৬) ৭৮ (৯২৭)
তপশ্চ তপস্যশ্চ শৈশিরা ঋতূ অগ্নেরন্তঃ শ্লেষোঽসি ।
কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্ মম জ্যৈষ্ঠ্যায় সব্রতাঃ ।
যে অগ্নয়ঃ সমনসোঽন্তরা দ্যাবাপৃথিবী ইমে ।
শৈশিরা ঋতূ অভিকল্পমানা ইন্দ্রমিব দেবা অভিসংবিশন্তু তয়া দেবতয়াঙ্গিরস্বদ্ ধ্রুবে সীদতম্ ।
পরমেষ্ঠী ত্বা সাদয়তু দিবস্পৃষ্ঠে জ্যোতিষ্মতীম্ ।
বিশ্বস্মৈ প্রাণায়াপানায় ব্যানায়া বিশ্বং জ্যোতির্যচ্ছ।
সূর্যস্তেঽধিপতিস্তয়া দেবতয়াঙ্গিরস্বদ্ ধ্রুবা সীদ ॥১॥

16.80

লোকং পৃণ ছিদ্রং পৃণাথো সীদ ধ্রুবা ত্বম্ । ইন্দ্রাগ্নী ত্বা বৃহস্পতিরস্মিন্ যোনা অসীষদন্ ॥২॥

16.81

তা অস্য সূদদোহসঃ সোমং শ্রীণন্তি পৃশ্নয়ঃ । জন্মন্দেবানাং বিশস্ত্রিষ্বারোচনে দিবঃ ॥৩॥

16.82

ইন্দ্রং বিশ্বা অবীবৃধন্ত্সমুদ্রব্যচসং গিরঃ । রথীতমং রথীনাং বাজানাং সত্পতিং পতিম্ ॥৪॥

16.83

প্রোথদশ্বো ন যবসেঽবিষ্যন্যদা মহঃ সংবরণাদ্ব্যস্থাৎ ।
আদস্য বাতো অনুবাতি শোচিরধ স্ম তে ব্রজনং কৃষ্ণমস্তি ॥৫॥

16.84

আয়োষ্ট্বা সদনে সাদয়াম্যবতশ্ছায়ায়াং সমুদ্রস্য হৃদয়ে ।
রশ্মীবতীং ভাস্বতীমা যা দ্যাং ভাস্যাপৃথিবীমোর্বন্তরিক্ষম্ ।
পরমেষ্ঠী ত্বা সাদয়তু দিবস্পৃষ্ঠে ব্যচস্বতীং প্রথস্বতীম্ । দিবং যচ্ছ দিবং দৃংহ দিবং মা হিংসীঃ ।
বিশ্বস্মৈ প্রাণায়াপানায় ব্যানায়োদানায় প্রতিষ্ঠায়ৈ চরিত্রায় ।
সূর্যস্ত্বাভিপাতু মহ্যা স্বস্ত্যা ছর্দিষা শংতমেন তয়া দেবতয়াঙ্গিরস্বদ্ ধ্রুবে সীদতম্ ॥৬॥

16.85

সহস্রস্য প্রমাসি সহস্রস্য প্রতিমাসি সহস্রস্যোন্মাসি সাহস্রোঽসি সহস্রায় ত্বা ॥৭॥

16.86

(৭) ৮৫ (৯৩৪)
॥ইতি শুক্লয়জুঃ কাণ্বসংহিতায়াং ষোডশোঽধ্যায়ঃ॥ (১৬)