অধ্যায় 15

15.1

অথ পঞ্চদশোঽধ্যায়ঃ

ধ্রুবক্ষিতির্ধ্রুবয়োনির্ধ্রুবাসি ধ্রুবং যোনিমাসীদ সাধুয়া ।
উখ্যস্য কেতুং প্রথমং জুষাণাশ্বিনাধ্বর্যূ সাদয়তামিহ ত্বা ॥১॥

15.2

কুলায়িনী ঘৃতবতী পুরন্ধিঃ স্যোনে সীদ সদনে পৃথিব্যাঃ ।
অভি ত্বা রুদ্রা বসবো গৃণন্ত্বিমা ব্রহ্ম পীপিহি সৌভগায়াশ্বিনাধ্বর্যূ সাদয়তামিহ ত্বা ॥২॥

15.3

২ (৮১৬)
স্বৈর্দক্ষৈর্দক্ষপিতেহ সীদ দেবানাং সুম্নে বৃহতে রণায় ।
পিতেবৈধি সূনব আ সুশেবা স্বাবেশা তন্বা সংবিশস্বাশ্বিনাধ্বর্যূ সাদয়তামিহ ত্বা ॥৩॥

15.4

পৃথিব্যাঃ পুরীষমস্যপ্সো নাম তাং ত্বা বিশ্বে অভিগৃণন্তু দেবাঃ ।
স্তোমপৃষ্ঠা ঘৃতবতীহ সীদ প্রজাবদস্মে দ্রবিণায়জস্বাশ্বিনাধ্বর্যূ সাদয়তামিহ ত্বা ॥৪॥

15.5

৪॥
অদিত্যাস্ত্বা পৃষ্ঠে সাদয়াম্যন্তরিক্ষস্য ধর্ত্রীং বিষ্টম্ভনীং দিশামধিপত্নীং ভুবনানাম্ ।
ঊর্মির্দ্রপ্সো অপামসি বিশ্বকর্মা ত ঋষিরশ্বিনাধ্বর্যূ সাদয়তামিহ ত্বা ।
শুক্রশ্চ শুচিশ্চ গ্রৈষ্মা ঋতূ অগ্নেরন্তঃশ্লেষোঽসি।
কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্ মম জ্যৈষ্ঠ্যায় সব্রতাঃ ।
যে অগ্নয়ঃ সমনসোঽন্তরা দ্যাবাপৃথিবী ইমে । গ্রৈষ্মা ঋতূ অভিকল্পমানা ইন্দ্রমিব দেবা অভিসংবিশন্তু
তয়া দেবতয়াঙ্গিরস্বদ্ ধ্রুবে সীদতম্ ॥৫॥

15.6

(১) ৫
সজূরৃতুভিঃ সজূর্বিধাভিঃ সজূর্দেবৈঃ সজূর্দেবৈর্বয়োনাধৈঃ ।
অগ্নয়ে ত্বা বৈশ্বানরায়াশ্বিনাধ্বর্যূ সাদয়তামিহ ত্বা ।
সজূরৃতুভিঃ সজূর্বিধাভিঃ সজূর্বসুভিঃ সজূর্দেবৈর্বয়োনাধৈঃ ।
অগ্নয়ে ত্বা বৈশ্বানরায়াশ্বিনাধ্বর্যূ সাদয়তামিহ ত্বা ।
সজূরৃতুভিঃ সজূর্বিধাভিঃ সজূ রুদ্রৈঃ সজূর্দেবৈর্বয়োনাধৈঃ ।
অগ্নয়ে ত্বা বৈশ্বানরায়াশ্বিনাধ্বর্যূ সাদয়তামিহ ত্বা ।
সজূরৃতুভিঃ সজূর্বিধাভিঃ সজূরাদিত্যৈঃ সজূর্দেবৈর্বয়োনাধৈঃ ।
অগ্নয়ে ত্বা বৈশ্বানরায়াশ্বিনাধ্বর্যূ সাদয়তামিহ ত্বা ।
সজূরৃতুভিঃ সজূর্বিধাভিঃ সজূর্বিশ্বৈর্দেবৈঃ সজূর্দেবৈর্বয়োনাধৈঃ ।
অগ্নয়ে ত্বা বৈশ্বানরায়াশ্বিনাধ্বর্যূ সাদয়তামিহ ত্বা ॥১॥

15.7

প্রাণং মে পাহ্যপানং মে পাহি ব্যানং মে পাহি । চক্ষুর্ম উর্ব্যা বিভাহি শ্রোত্রং মে শ্লোকয় ॥২॥

15.8

অপঃ পিন্বৌষধীর্জিন্ব দ্বিপাদব চতুষ্পাৎ পাহি । দিবো বৃষ্টিমেরয় ॥৩॥

15.9

(২) ৮
মূর্ধা বয়ঃ প্রজাপতিশ্ছন্দঃ ক্ষত্রং বয়ো ময়ংদং ছন্দঃ ।
বিষ্টম্ভো বয়োঽধিপতিশ্ছন্দো বিশ্বকর্মা বয়ঃ পরমেষ্ঠী ছন্দঃ ॥১॥

15.10

বস্তো বয়ো বিবলং ছন্দো বৃষ্ণির্বয়ো বিশালং ছন্দঃ ।
পুরুষো বয়স্তন্দ্রং ছন্দো ব্যাঘ্রো বয়োঽনাধৃষ্টং ছন্দঃ ॥২॥

15.11

১০ (৮২৪)
সিংহো বয়শ্ছদিশ্ছন্দঃ পষ্ঠবাড্বয়ো বৃহতী ছন্দঃ ।
উক্ষা বয়ঃ ককুপ্ছন্দঃ ঋষভো বয়ঃ সতোবৃহতী ছন্দঃ ॥৩॥

15.12

অনড্বান্বয়ঃ পঙ্ক্তিশ্ছন্দো ধেনুর্বয়ো জগতী ছন্দঃ ।
ত্র্যবির্বয়স্ত্রিষ্টুপ্ ছন্দো দিত্যবাড্বয়ো বিরাট্ ছন্দঃ ॥৪॥

15.13

পঞ্চাবির্বয়ো গায়ত্রী ছন্দস্ত্রিবত্সো বয় উষ্ণিক্ ছন্দঃ ।
তুর্যবাড্বয়োঽনুষ্টুপ্ছন্দো লোকং পৃণ তা অস্যেন্দ্রং বিশ্বাঃ ॥৫॥

15.14

(৩) ১৩
ইন্দ্রাগ্নী অব্যথমানামিষ্টকাং দৃংহতং যুবম্ । পৃষ্ঠেন দ্যাবাপৃথিবী অন্তরিক্ষং চ বিবাধসে ॥১॥

15.15

বিশ্বকর্মা ত্বা সাদয়ত্বন্তরিক্ষস্য পৃষ্ঠে ব্যচস্বতীং প্রথস্বতীম্ ।
অন্তরিক্ষং যচ্ছান্তরিক্ষং দৃংহান্তরিক্ষং মা হিংসীঃ ।
বিশ্বস্মৈ প্রাণায়াপানায় ব্যানায়োদানায় প্রতিষ্ঠায়ৈ চরিত্রায় ।
বায়ুষ্ট্বাভিপাতু মহ্যা স্বস্ত্যা ছর্দিষা শন্তমেন তয়া দেবতয়াঙ্গিরস্বদ্ ধ্রুবা সীদ ॥২॥

15.16

রাজ্ঞ্যসি প্রাচী দিগ্বিরালসি দক্ষিণা দিক্ সম্রালসি প্রতীচীদিক্
স্বরালস্যুদীচী দিগধিপত্ন্যসি বৃহতী দিক্ ।
বিশ্বকর্মা ত্বা সাদয়ত্বন্তরিক্ষস্য পৃষ্ঠে জ্যোতিষ্মতীম্ ।
বিশ্বস্মৈ প্রাণায়াপানায় ব্যানায় বিশ্বং জ্যোতির্যচ্ছ ।
বায়ুষ্টেঽধিপতিস্তয়া দেবতয়াঙ্গিরস্বদ্ ধ্রুবা সীদ ।
নভশ্চ নভস্যশ্চ বার্ষিকা ঋতূ অগ্নেরন্তঃ শ্লেষোঽসি ।
কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্ মম জ্যৈষ্ঠ্যায় সব্রতাঃ ।
যে অগ্নয়ঃ সমনসোঽন্তরা দ্যাবাপৃথিবী ইমে ।
বার্ষিকা ঋতূ অভিকল্পমানা ইন্দ্রমিব দেবা অভিসংবিশন্তু তয়া দেবতয়াঙ্গিরস্বদ্ ধ্রুবে সীদতম্ ।
ইষশ্চোর্জশ্চ শারদা ঋতূ অগ্নেরন্তঃশ্লেষোঽসি ।
কল্পেতাং দ্যাবাপৃথিবী কল্পন্তাপ ওষধয়ঃ কল্পন্তামগ্নয়ঃ পৃথঙ্ মম জ্যৈষ্ঠ্যায় সব্রতাঃ ।
যে অগ্নয়ঃ সমনসোঽন্তরা দ্যাবাপৃথিবী ইমে ।
শারদা ঋতূ অভিকল্পমানা ইন্দ্রমিব দেবা অভিসংবিশন্তু
তয়া দেবতয়াঙ্গিরস্বদ্ ধ্রুবে সীদতম্ ॥৩॥

15.17

(৪) ১৬
আয়ুর্মে পাহি প্রাণং মে পাহ্যপানং মে পাহি ব্যানং মে পাহি ।
চক্ষুর্মে পাহি শ্রোত্রং মে পাহি বাচং মে পিন্ব মনো মে জিন্বাত্মানং মে পাহি জ্যোতির্মে যচ্ছ ॥১॥

15.18

১৭ (৮৩১)
মা ছন্দঃ প্রমা ছন্দঃ প্রতিমা ছন্দো অস্রীবয়শ্ছন্দঃ । পঙ্ক্তিশ্ছন্দ উষ্ণিক্ ছন্দঃ ॥২॥

15.19

বৃহতী ছন্দোঽনুষ্টুপ্ ছন্দো বিরাট্ ছন্দো গায়ত্রী ছন্দঃ । ত্রিষ্টুপ্ ছন্দো জগতী ছন্দঃ ॥৩॥

15.20

পৃথিবী ছন্দোঽন্তরিক্ষং ছন্দো দ্যৌশ্ছন্দঃ সমাশ্ছন্দঃ ।
নক্ষত্রাণি ছন্দো বাক্ ছন্দঃ ॥৪॥

15.21

মনশ্ছন্দঃ কৃষিশ্ছন্দো হিরণ্যং ছন্দো গৌশ্ছন্দঃ । অজাছন্দোঽশ্বশ্ছন্দঃ ॥৫॥

15.22

অগ্নির্দেবতা বাতো দেবতা সূর্যো দেবতা চন্দ্রমা দেবতা । বসবো দেবতা রুদ্রা দেবতা ।
আদিত্যা দেবতা মরুতো দেবতা বিশ্বে দেবা দেবতা বৃহস্পতির্দেবতা ।
ইন্দ্রো দেবতা বরুণো দেবতা ॥৬॥

15.23

(৫) ২২
মূর্ধাসি রাড্ ধ্রুবাসি ধরুণা ধর্ত্র্যসি ধরণী । আয়ুষে ত্বা বর্চসে ত্বা কৃষ্যৈ ত্বা ক্ষেমায় ত্বা ॥১॥

15.24

যন্ত্রী রাড্ যন্ত্র্যসি যমনী ধ্রুবাসি ধরিত্রী । ইষে ত্বোর্জে ত্বা রয্যৈ ত্বা পোষায় ত্বা ।
লোকং পৃণ তা অস্যেদ্রং বিশ্বাঃ ॥২॥

15.25

(৬) ২৪
আশুস্ত্রিবৃদ্ভান্তঃ পঞ্চদশো ব্যোমা সপ্তদশো ধরুণ একবিংশঃ প্রতূর্তিরষ্টাদশঃ ।
তপো নবদশোঽভীবর্তঃ সবিংশো বর্চো দ্বাবিংশঃ সংভরণস্ত্রয়োবিংশো যোনিশ্চতুর্বিংশঃ ॥১॥

15.26

গর্ভাঃ পঞ্চবিংশঃ ওজস্ত্রিণবঃ ক্রতুরেকত্রিংশঃ প্রতিষ্ঠা ত্রয়স্ত্রিংশো ব্রধ্নস্য বিষ্টপং চতুস্ত্রিংশঃ ।
নাকঃ ষট্ত্রিংশো বিবর্তোঽষ্টাচত্বারিংশো ধর্ত্রং চতুষ্টোমঃ ॥২॥

15.27

(৭) ২৬
অগ্নের্ভাগোঽসি দীক্ষায়া আধিপত্যং ব্রহ্ম স্পৃতং ত্রিবৃত্স্তোমঃ ।
ইন্দ্রস্য ভাগোসি বিষ্ণোরাধিপত্যং ক্ষত্রং স্পৃতং পঞ্চদশ স্তোমঃ ॥১॥

15.28

নৃচক্ষসাং ভাগোঽসি ধাতুরাধিপত্যং জনিত্রং স্পৃতং সপ্তদশ স্তোমঃ ।
মিত্রস্য ভাগোঽসি বরুণস্যাধিপত্যং দিবো বৃষ্টির্বাত স্পৃত একবিংশ স্তোমঃ ॥২॥

15.29

বসূনাং ভাগোঽসি রুদ্রাণামাধিপত্যং চতুষ্পাৎ স্পৃতং চতুর্বিংশ স্তোমঃ ।
আদিত্যানাং ভাগোঽসি মরুতামাধিপত্যং গর্ভা স্পৃতাঃ পঞ্চবিংশ স্তোমঃ ॥৩॥

15.30

অদিতের্ভাগোঽসি পূষ্ণ আধিপত্যমোজ স্পৃতং ত্রিণব স্তোমঃ ।
দেবস্য সবিতুর্ভাগোঽসি বৃহস্পতেরাধিপত্যং সমীচীর্দিশ স্পৃতাশ্চতুষ্টোম স্তোমঃ ॥৪॥

15.31

৩০ (৮৪৪)
যবানাং ভাগোঽস্যয়বানামাধিপত্যং প্রজা স্পৃতাশ্চতুশ্চত্বারিংশ স্তোমঃ ।
ঋভূণাং ভাগোঽসি বিশ্বেষাং দেবানামাধিপত্যং ভূতং স্পৃতং ত্রয়স্ত্রিংশ স্তোমঃ ।
সহশ্চ সহস্যশ্চ হৈমন্তিকা ঋতূ অগ্নেরন্তঃ শ্লেষোঽসি ।
কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্ মম জ্যৈষ্ঠ্যায় সব্রতাঃ ।
যে অগ্নয়ঃ সমনসোঽন্তরা দ্যাবাপৃথিবী ইমে ।
হৈমন্তিকা ঋতূ অভিকল্পমানা ইন্দ্রমিব দেবা অভিসংবিশন্তু
তয়া দেবতয়াঙ্গিরস্বদ্ ধ্রুবে সীদতম্ ॥৫॥

15.32

(৮) ৩১
একয়াস্তুবত প্রজা অধীয়ন্ত প্রজাপতিরধিপতিরাসীত্তিসৃভিরস্তুবত
ব্রহ্মাসৃজ্যত ব্রহ্মণস্পতিরধিপতিরাসীৎ ।
পঞ্চভিরস্তুবত ভূতান্যসৃজ্যন্ত ভূতানাং পতিরধিপতিরাসীত্সপ্তভিরস্তুবত
সপ্ত ঋষয়োঽসৃজ্যন্ত ধাতাধিপতিরাসীৎ ॥১॥

15.33

নবভিরস্তুবত পিতরোঽসৃজ্যন্তাদিতিরধিপত্ন্যাসীদেকাদশভিরস্তুবত
ঋতবোঽসৃজ্যন্তার্তবা অধিপতয় আসন্ ।
ত্রয়োদশভিরস্তুবত মাসা অসৃজ্যন্ত সংবত্সরোঽধিপতিরাসীত্পঞ্চদশভিরস্তুবত
ক্ষত্রমসৃজ্যতেন্দ্রোঽধিপতিরাসীৎ ॥২॥

15.34

সপ্তদশভিরস্তুবত গ্রাম্যাঃ পশবোঽসৃজ্যন্ত বৃহস্পতিরধিপতিরাসীন্নবদশভিরস্তুবত
শূদ্রার্যা অসৃজ্যেতামহোরাত্রে অধিপত্নী আস্তাম্ ।
একবিংশত্যাস্তুবতৈকশফাঃ পশবোঽসৃজ্যন্ত বরুণোঽধিপতিরাসীৎ ।
ত্রয়োবিংশত্যাস্তুবত ক্ষুদ্রাঃ পশবোঽসৃজ্যন্ত পূষাধিপতিরাসীৎ ॥৩॥

15.35

পঞ্চবিংশত্যাস্তুবতারণ্যাঃ পশবোঽসৃজ্যন্ত বায়ুরধিপতিরাসীত্সপ্তবিংশত্যাস্তুবত
দ্যাবাপৃথিবী ব্যৈতাং বসবো রুদ্রা আদিত্যা অনুব্যায়ংস্ত এবাধিপতয় আসন্ ।
নববিংশত্যাস্তুবত বনস্পতয়োঽসৃজ্যন্ত সোমোঽধিপতিরাসীদেকত্রিংশতাস্তুবত
প্রজা অসৃজ্যন্ত যবাশ্চায়বাশ্চাধিপতয় আসন্ ।
ত্রয়স্ত্রিংশতাস্তুবত ভূতান্যশাম্যন্প্রজাপতিঃ পরমেষ্ঠ্যধিপতিরাসীৎ ।
লোকং পৃণ তা অস্যেন্দ্রং বিশ্বাঃ ॥৪॥

15.36

(৯) ৩৫ (৮৪৯)
॥ইতি শুক্লয়জুঃ কাণ্বসংহিতায়াং পঞ্চদশোঽধ্যায়ঃ॥ (১৫)