শুক্ল যজুর্বেদ (কাণ্ব) 15.16

রাজ্ঞ্যসি প্রাচী দিগ্বিরালসি দক্ষিণা দিক্ সম্রালসি প্রতীচীদিক্
স্বরালস্যুদীচী দিগধিপত্ন্যসি বৃহতী দিক্ ।
বিশ্বকর্মা ত্বা সাদয়ত্বন্তরিক্ষস্য পৃষ্ঠে জ্যোতিষ্মতীম্ ।
বিশ্বস্মৈ প্রাণায়াপানায় ব্যানায় বিশ্বং জ্যোতির্যচ্ছ ।
বায়ুষ্টেঽধিপতিস্তয়া দেবতয়াঙ্গিরস্বদ্ ধ্রুবা সীদ ।
নভশ্চ নভস্যশ্চ বার্ষিকা ঋতূ অগ্নেরন্তঃ শ্লেষোঽসি ।
কল্পেতাং দ্যাবাপৃথিবী কল্পন্তামাপ ওষধয়ঃ কল্পন্তামগ্নয়ঃ পৃথঙ্ মম জ্যৈষ্ঠ্যায় সব্রতাঃ ।
যে অগ্নয়ঃ সমনসোঽন্তরা দ্যাবাপৃথিবী ইমে ।
বার্ষিকা ঋতূ অভিকল্পমানা ইন্দ্রমিব দেবা অভিসংবিশন্তু তয়া দেবতয়াঙ্গিরস্বদ্ ধ্রুবে সীদতম্ ।
ইষশ্চোর্জশ্চ শারদা ঋতূ অগ্নেরন্তঃশ্লেষোঽসি ।
কল্পেতাং দ্যাবাপৃথিবী কল্পন্তাপ ওষধয়ঃ কল্পন্তামগ্নয়ঃ পৃথঙ্ মম জ্যৈষ্ঠ্যায় সব্রতাঃ ।
যে অগ্নয়ঃ সমনসোঽন্তরা দ্যাবাপৃথিবী ইমে ।
শারদা ঋতূ অভিকল্পমানা ইন্দ্রমিব দেবা অভিসংবিশন্তু
তয়া দেবতয়াঙ্গিরস্বদ্ ধ্রুবে সীদতম্ ॥৩॥

সম্পূর্ণ অধ্যায়