অধ্যায় 17

17.1

অথ সপ্তদশোঽধ্যায়ঃ

নমস্তে রুদ্র মন্যব উতো ত ইষবে নমঃ । বাহুভ্যামুত তে নমঃ ॥১॥

17.2

যা তে রুদ্র শিবা তনূরঘোরাপাপকাশিনী । তয়া নস্তন্বা শন্তময়া গিরিশন্তাভিচাকশীহি ॥২॥

17.3

যামিষুং গিরিশন্ত হস্তে বিভর্ষ্যস্তবে । শিবাং গিরিত্র তাং কুরু মা হিংসীঃ পুরুষং জগৎ ॥৩॥

17.4

শিবেন বচসা ত্বা গিরিশাচ্ছা বদামসি । যথা নঃ সর্বমিজ্জগদয়ক্ষ্মং সুমনা অসৎ ॥৪॥

17.5

অধ্যবোচদধিবক্তা প্রথমো দৈব্যো ভিষক্ । অহীংশ্চ সর্বাঞ্জম্ভয়ন্ত্সর্বাশ্চ যাতুধান্যোঽধরাচীঃ পরাসুব ॥৫॥

17.6

অসৌ যস্তাম্রো অরুণ উত বভ্রুঃ সুমঙ্গলঃ ।
যে চৈনং রুদ্রা অভিতো দিক্ষু শ্রিতাঃ সহস্রশোঽবৈষাং হেল ঈমহে ॥৬॥

17.7

অসৌ যোঽবসর্পতি নীলগ্রীবো বিলোহিতঃ ।
উতৈনং গোপা অদৃশ্রন্নদৃশ্রন্নুদহার্যঃ স দৃষ্টো মৃলয়াতি নঃ ॥৭॥

17.8

নমোঽস্তু নীলগ্রীবায় সহস্রাক্ষায় মীলহুষে ।
অথো যে অস্য সত্বানোঽহং তেভ্যোঽকরং নমঃ ॥৮॥

17.9

প্রমুঞ্চ ধন্বনস্ত্বমুভয়োরার্ত্ন্যোর্জ্যাম্ । যাশ্চ তে হস্ত ইষবঃ পরা তা ভগবো বপ ॥৯॥

17.10

বিজ্যং ধনুঃ কপর্দিনো বিশল্যো বাণবাঁ৩ উত ।
অনেশন্নস্য যা ইষব আভুরস্য নিষঙ্গধিঃ ॥১০॥

17.11

পরি তে ধন্বনো হেতিরস্মান্বৃণক্তু বিশ্বতঃ । অথো য ইষুধিস্তবারে অস্মন্নিধেহি তম্ ॥১১॥

17.12

যা তে হেতির্মীলহুষ্টম হস্তে বভূব তে ধনুঃ । তয়াস্মান্বিশ্বতস্ত্বময়ক্ষ্ময়া পরি ভুজ ॥১২॥

17.13

অবতত্য ধনুষ্ট্বং সহস্রাক্ষ শতেষুধে । নিশীর্য শল্যানাং মুখা শিবো নঃ সুমনা ভব ॥১৩॥

17.14

নমস্ত আয়ুধায়ানাততায় ধৃষ্ণবে । উভাভ্যামুত তে নমো বাহুভ্যাং তব ধন্বনে ॥১৪॥

17.15

মা নো মহান্তমুত মা নো অর্ভকং মা ন উক্ষন্তমুত মা ন উক্ষিতম্ ।
মা নো বধীঃ পিতরং মোত মাতরং মা নঃ প্রিয়াস্তন্বো রুদ্র রীরিষঃ ॥১৫॥

17.16

মা নস্তোকে তনয়ে মা ন আয়ুষি মা নো গোষু মা নো অশ্বেষু রীরিষঃ ।
মা নো বীরান্ রুদ্র ভামিনো বধীর্হবিষ্মন্তঃ সদমিৎ ত্বা হবামহে ॥১৬॥

17.17

(১) ১৬
নমো হিরণ্যবাহবে সেনান্যে দিশাং চ পতয়ে নমো নমো বৃক্ষেভ্যো হরিকেশেভ্যঃ পশূনাং পতয়ে নমঃ ।
নমঃ শষ্পিঞ্জরায় ত্বিষীমতে পথীনাং পতয়ে নমো নমো
হরিকেশায়োপবীতিনে পুষ্টানাং পতয়ে নমঃ ॥১॥

17.18

নমো বভ্রুশায়াব্যাধিনেঽন্নানাং পতয়ে নমো নমো ভবস্য হেত্যৈ জগতাং পতয়ে নমঃ ।
নমো রুদ্রায়াততায়িনে ক্ষেত্রাণাং পতয়ে নমো নমঃ সূতায়াহন্ত্যৈ বনানাং পতয়ে নমঃ ॥২॥

17.19

নমো রোহিতায় স্থপতয়ে বৃক্ষাণাং পতয়ে নমো নমো ভুবন্তয়ে বারিবস্কৃতায়ৌষধীনাং পতয়ে নমঃ ।
নমো মন্ত্রিণে বাণিজায় কক্ষাণাং পতয়ে নমো নম উচ্চৈর্ঘোষায়াক্রন্দয়তে পত্তীনাং পতয়ে নমঃ ॥৩১॥

17.20

৯॥ (৯৫৩)
নমঃ কৃত্স্নায়তয়া ধাবতে সত্বনাং পতয়ে নমো নমঃ সহমানায় নিব্যাধিন আব্যাধিনীনাং পতয়ে নমো নমঃ ।
নমঃ ককুভায় নিষঙ্গিণে স্তেনানাং পতয়ে নমো নমো নিচেরবে পরিচরায়ারণ্যানাং পতয়ে নমঃ ॥৪॥

17.21

নমো বঞ্চতে পরিবঞ্চতে স্তায়ূনাং পতয়ে নমো নমো নিষঙ্গিণ ইষুধিমতে তস্করাণাং পতয়ে নমঃ ।
নমঃ সৃকায়িভ্যো জিঘাংসদ্ভ্যো মুষ্ণতাং পতয়ে নমো
নমোঽসিমদ্ভ্যো নক্তঞ্চরদ্ভ্যো বিকৃন্তানাং পতয়ে নমঃ ॥৫॥

17.22

(২) ২১
নম উষ্ণীষিণে গিরিচরায় কুলুঞ্চানাং পতয়ে নমো নম ইষুমদ্ভ্যো ধন্বায়িভ্যশ্চ বো নমঃ ।
নম আতন্বানেভ্যঃ প্রতিদধানেভ্যশ্চ বো নমো নম আয়চ্ছদ্ভ্যোঽস্যদ্ভ্যশ্চ বো নমঃ ॥১॥

17.23

নমো বিসৃজদ্ভ্যো বিধ্যদ্ভ্যশ্চ বো নমো নমঃ স্বপদ্ভ্যো জাগ্রদ্ভ্যশ্চ বো নমঃ ।
নমঃ শয়ানেভ্য আসীনেভ্যশ্চ বো নমো নমস্তিষ্ঠদ্ভ্যো ধাবদ্ভ্যশ্চ বো নমঃ ॥২॥

17.24

নমঃ সভাভ্যঃ সভাপতিভ্যশ্চ বো নমো নমোঽশ্বেভ্যোঽশ্বপতিভ্যশ্চ বো নমঃ ।
নম আব্যাধিনীভ্যো বিবিধ্যন্তীভ্যশ্চ বো নমো নম উগণাভ্যস্তৃংহতীভ্যশ্চ বো নমঃ ॥৩॥

17.25

নমো গণেভ্যো গণপতিভ্যশ্চ বো নমো নমো ব্রাতেভ্যো ব্রাতপতিভ্যশ্চ বো নমঃ ।
নমো গৃত্সেভ্যো গৃত্সপতিভ্যশ্চ বো নমো নমো বিরূপেভ্যো বিশ্বরূপেভ্যশ্চ বো নমঃ ॥৪॥

17.26

নমঃ সেনাভ্যঃ সেনানিভ্যশ্চ বো নমো নমো রথিভ্যো অরথেভ্যশ্চ বো নমঃ ।
নমঃ ক্ষতৃভ্য সঙ্গৃহীতৃভ্যশ্চ বো নমো নমো মহদ্ভ্যো অর্ভকেভ্যশ্চ বো নমঃ ॥৫॥

17.27

(৩) ২৬
নমস্তক্ষভ্যো রথকারেভ্যশ্চ বো নমো নমঃ কুলালেভ্যঃ কর্মারেভ্যশ্চ বো নমঃ ।
নমো নিষাদেভ্যঃ পুঞ্জিষ্টেভ্যশ্চ বো নমো নমঃ শ্বনিভ্যো মৃগয়ুভ্যশ্চ বো নমঃ ॥১॥

17.28

নমঃ শ্বভ্যঃ শ্বপতিভ্যশ্চ বো নমো নমো ভবায় চ রুদ্রায় চ ।
নমঃ শর্বায় চ পশুপতয়ে চ নমো নীলগ্রীবায় চ শিতিকণ্ঠায় চ ॥২॥

17.29

নমঃ কপর্দিনে চ ব্যুপ্তকেশায় চ নমঃ সহস্রাক্ষায় চ শতধন্বনে চ ।
নমো গিরিশয়ায় চ শিপিবিষ্টায় চ নমো মীলহুষ্টমায় চেষুমতে চ ॥২৯॥

17.30

নমো হ্রস্বায় চ বামনায় চ নমো বৃহতে চ বর্ষীয়সে চ।
নমো বৃদ্ধায় চ সবৃধে চ নমোঽগ্র্যায় চ প্রথমায় চ ॥৪॥

17.31

নম আশবে চাজিরায় চ নমঃ শীঘ্র্যায় চ শীভ্যায় চ ।
নম ঊর্ম্যায় চাবস্বন্যায় চ নমো নাদেয়ায় চ দ্বীপ্যায় চ ॥৫॥

17.32

(৪) ৩১ (৯৬৫)
নমো জ্যেষ্ঠায় চ কনিষ্ঠায় চ নমঃ পূর্বজায় চাপরজায় চ ।
নমো মধ্যমায় চাপগল্ভায় চ নমো জঘন্যায় চ বুধ্ন্যায় চ ॥১॥

17.33

নমঃ সোভ্যায় চ প্রতিসর্যায় চ নমো যাম্যায় চ ক্ষেম্যায় চ ।
নমঃ শ্লোক্যায় চাবসান্যায় চ নম উর্বর্যায় চ খল্যায় চ ॥২॥

17.34

নমো বন্যায় চ কক্ষ্যায় চ নমঃ শ্রবায় চ প্রতিশ্রবায় চ ।
নম আশুষেণায় চাশুরথায় চ নমঃ শূরায় চাবভেদিনে চ ॥৩॥

17.35

নমো বিল্মিনে চ কবচিনে চ নমো বর্মিণে চ বরূথিনে চ ।
নমঃ শ্রুতায় চ শ্রুতসেনায় চ নমো দুন্দুভ্যায় চাহনন্যায় চ ॥৪॥

17.36

নমো ধৃষ্ণবে চ প্রমৃশায় চ নমো নিষঙ্গিণে চেষুধিমতে চ ।
নমস্তীক্ষ্ণেষবে চায়ুধিনে চ নমঃ স্বায়ুধায় চ সুধন্বনে চ ॥৫॥

17.37

(৫) ৩৬
নমঃ স্রুত্যায় চ পথ্যায় চ নমঃ কাট্যায় চ নীপ্যায় চ ।
নমঃ কুল্যায় চ সরস্যায় চ নমো নাদেয়ায় চ বৈশন্তায় চ ॥১॥

17.38

নমঃ কূপ্যায় চাবট্যায় চ নম ঈধ্র্যায় চাতপ্যায় চ।
নমো মেঘ্যায় চ চ বিদ্যুত্যায় নমো বর্ষ্যায় চাবর্ষ্যায় চ ॥২॥

17.39

নমো বাত্যায় চ রেষ্ম্যায় চ নমো বাস্তব্যায় চ বাস্তুপায় চ ।
নমঃ সোমায় চ রুদ্রায় চ নমস্তাম্রায় চারুণায় চ ॥৩॥

17.40

নমঃ শঙ্গবে চ পশুপতয়ে চ নম উগ্রায় চ ভীমায় চ ।
নমোঽগ্রেবধায় চ দূরেবধায় চ নমো হন্ত্রে চ হনীয়সে চ ॥৪॥

17.41

নমো বৃক্ষেভ্যো হরিকেশেভ্যো নমস্তারায় ।
নমঃ শম্ভবে চ ময়োভবে চ নমঃ শঙ্করায় চ ময়স্করায় ।
চ নমঃ শিবায় চ শিবতরায় চ ॥৫॥

17.42

(৬) ৪১
নমঃ পার্যায় চাবার্যায় চ নমঃ প্রতরণায় চোত্তরণায় চ ।
নমস্তীর্থ্যায় চ কূল্যায় চ নমঃ শষ্প্যায় চ ফেন্যায় চ ॥১॥

17.43

নমঃ সিকত্যায় চ প্রবাহ্যায় চ নমঃ কিংশিলায় চ ক্ষয়ণায় চ ।
নমঃ কপর্দিনে চ পুলস্তিনে চ নম ইরিণ্যায় চ প্রপথ্যায় চ ॥২॥

17.44

নমো ব্রজ্যায় চ গোষ্ঠ্যায় চ নমস্তল্প্যায় চ গেহ্যায় চ ।
নমো হৃদ্যায় চ নিবেষ্যায় চ নমঃ কাট্যায় চ গহ্বরেষ্ঠায় চ ॥৩॥

17.45

৪৪(৯৭৮)
নমঃ শুষ্ক্যায় চ হরিত্যায় চ নমঃ পাংসব্যায় চ রজস্যায় চ ।
নমো লোপ্যায় চোলপ্যায় চ নম ঊর্ব্যায় চ সূর্ব্যায় চ ॥৪॥

17.46

নমঃ পর্ণায় চ পর্ণশদায় চ নম উদ্গুরমাণায় চাভিঘ্নতে চ ।
নম আখিদতে চ প্রখিদতে চ নম ইষুকৃদ্ভ্যো ধনুষ্কৃদ্ভ্যশ্চ বো নমঃ ।
নমো বঃ কিরিকেভ্যো দেবানাং হৃদয়েভ্যো নমো বিচিন্বত্কেভ্যো
নমো বিক্ষিণত্কেভ্যো নম আনির্হতেভ্যঃ ॥৫॥

17.47

(৭) ৪৬
দ্রাপে অন্ধসস্পতে দরিদ্র নীললোহিত ।
আসাং প্রজানামেষাং পশূনাং মা ভের্মো রোঙ্মো চ নঃ কিঞ্চনামমৎ ॥১॥

17.48

ইমা রুদ্রায় তবসে কপর্দিনে ক্ষয়দ্বীরায় প্রভরামহে মতীঃ ।
যথা শমসদ্ দ্বিপদে চতুষ্পদে বিশ্বং পুষ্টং গ্রামে অস্মিন্ননাতুরম্ ॥২॥

17.49

যা তে রুদ্র শিবা তনূঃ শিবা বিশ্বাহা ভেষজী । শিবা রুতস্য ভেষজী তয়া নো মৃল জীবসে ॥৩॥

17.50

পরি ণো হেতী রুদ্রস্য বৃজ্যাৎ পরি ত্বেষস্য দুর্মতির্মহীগাৎ ।
অব স্থিরা মঘবদ্ভ্যস্তনুষ্ব মীঢ্বস্তোকায় তনয়ায় মৃল ॥৪॥

17.51

মীলহুষ্টম শিবতম শিবো নঃ সুমনা ভব ।
পরমে বৃক্ষ আয়ুধং নিধায় কৃত্তিং বসান আচর পিনাকং বিভ্রদাগহি ॥৫॥

17.52

বিকিরিদ্র বিলোহিত নমস্তে অস্তু ভগবঃ । যাস্তে সহস্রং হেতয়োঽন্যমস্মন্নিবপন্তু তাঃ ॥৬॥

17.53

সহস্রাণি সহস্রশো বাহ্বোস্তব হেতয়ঃ । তাসামীশানো ভগবঃ পরাচীনা মুখা কৃধি ॥৭॥

17.54

অসংখ্যাতা সহস্রাণি যে রুদ্রা অধি ভূম্যাম্ । তেষাঁ সহস্রয়োজনেঽব ধন্বানি তন্মসি ॥৮॥

17.55

অস্মিন্ মহত্যর্ণবেঽন্তরিক্ষে ভবা অধি । তেষাং সহস্রয়োজনেঽব ধন্বানি তন্মসি ॥৯॥

17.56

নীলগ্রীবাঃ শিতিকণ্ঠা দিবং রুদ্রা উপাশ্রিতাঃ । তেষাং সহস্রয়োজনেঽব ধন্বানি তন্মসি ॥১০॥

17.57

নীলগ্রীবাঃ শিতিকণ্ঠাঃ শর্বা অধঃ ক্ষমাচরাঃ । তেষাং সহস্রয়োজনেঽব ধন্বানি তন্মসি ॥১১॥

17.58

যে বৃক্ষেষু শষ্পিঞ্জরা নীলগ্রীবা বিলোহিতাঃ । তেষাং সহস্রয়োজনেঽব ধন্বানি তন্মসি ॥১২॥

17.59

যে ভূতানামধিপতয়ো বিশিখাসঃ কপর্দিনঃ । তেষাং সহস্রয়োজনেঽব ধন্বানি তন্মসি ॥১৩॥

17.60

যে পথাং পথিরক্ষিণ ঐলবৃদা আয়ুর্যুধঃ । তেষাং সহস্রয়োজনেঽব ধন্বানি তন্মসি ॥১৪॥

17.61

যে তীর্থানি প্রচরন্তি সৃকাহস্তা নিষঙ্গিণঃ । তেষাং সহস্রয়োজনেঽব ধন্বানি তন্মসি ॥১৫॥

17.62

যেঽন্নেষু বিবিধ্যন্তি পাত্রেষু পিবতো জনান্ । তেষাং সহস্রয়োজনেঽব ধন্বানি তন্মসি ॥১৬॥

17.63

য এতাবন্তশ্চ ভূয়াংসশ্চ দিশো রুদ্রা বিতস্থিরে । তেষাং সহস্রয়োজনেঽব ধন্বানি তন্মসি ॥১৭॥

17.64

নমোঽস্তু রুদ্রেভ্যো যে দিবি যেষাং বর্ষমিষবঃ ।
তেভ্যো দশ প্রাচীর্দশ দক্ষিণা দশ প্রতীচীর্দশোদীচীর্দশোর্ধ্বাঃ ।
তেভ্যো নমো অস্তু তে নো মৃলয়ন্তু তে নোঽবন্তু ।
তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ।
নমোঽস্তু রুদ্রেভ্যো যেঽন্তরিক্ষে যেষাং বাত ইষবঃ ।
তেভ্যো দশ প্রাচীর্দশ দক্ষিণা দশ প্রতীচীর্দশোদীচীর্দশোর্ধ্বাঃ ।
তেভ্যো নমো অস্তু তে নো মৃলয়ন্তু তে নোঽবন্তু ।
তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ।
নমোঽস্তু রুদ্রেভ্যো যে পৃথিব্যাং যেষামন্নমিষবঃ ।
তেভ্যো দশ প্রাচীর্দশ দক্ষিণা দশ প্রতীচীর্দশোদীচীর্দশোর্ধ্বাঃ ।
তেভ্যো নমো অস্তু তে নো মৃলয়ন্তু তে নোঽবন্তু ।
তে যং দ্বিষ্মো যশ্চ নো দ্বেষ্টি তমেষাং জম্ভে দধ্মঃ ॥১৮॥

17.65

(৮) ৬৪
॥ইতি শুক্লয়জুঃ কাণ্বসংহিতায়াং সপ্তদশোঽধ্যায়ঃ॥(১৭)