Utshovসর্গ 95
95.1
রামো বহূন্যহান্যেবং তদ্গীতং পরমং শুভম্ ।
শুশ্রাব মুনিভিঃ সার্ধং পার্থিবৈঃ সহ বানরৈঃ ।। ৭.৯৫.১ ॥
95.2
তস্মিন্গীতে তু বিজ্ঞায় সীতাপুত্রৌ কুশীলবৌ ।
তস্যাঃ পরিষদো মধ্যে রামো বচনমব্রবীৎ ।দূতাঞ্ছুদ্ধসমাচারানাহূয়াত্মমনীষয়া ।। ৭.৯৫.২ ॥
95.3
মদ্বচো ব্রূত গচ্ছধ্বমিতো ভগবতো ঽন্তিকম্ ।
। ৭.৯৫.৩ ।।পরিষদো মধ্যে রামো বচনমব্রবীৎ ।যদি শুদ্ধসমাচারা যদি বা বীতকল্মষা ।করোত্বিহাত্মনঃ শুদ্ধিমনুমান্য মহামুনিম্ ।। ৭.৯৫.৪ ॥
95.4
ছন্দং মুনেশ্চ বিজ্ঞায় সীতায়াশ্চ মনোগতম্ ।
প্রত্যয়ং দাতুকামায়াস্ততঃ শংসত মে লঘু ।। ৭.৯৫.৫ ॥
95.5
শ্বঃ প্রভাতে তু শপথং মৈথিলী জনকাত্মজা ।
করোতু পরিষন্মধ্যে শোধনার্থং মমৈব চ ।। ৭.৯৫.৬ ॥
95.6
শ্রুত্বা তু রাগবস্যৈতদ্বচঃ পরমমদ্ভুতম্ ।
দূতাঃ সম্প্রয়য়ুর্বাটং যত্রাস্তে মুনিপুঙ্গবঃ ।। ৭.৯৫.৭ ॥
95.7
তে প্রণম্য মহাত্মানং জ্বলন্তমমিতপ্রভম্ ।
ঊচুস্তে রামবাক্যানি মৃদূনি মধুরাণি চ ।। ৭.৯৫.৮ ॥
95.8
তেষাং তদ্ব্যাহৃতং শ্রুত্বা রামস্য চ মনোগতম্ ।
বিজ্ঞায় সুমহাতেজা মুনির্বাক্যমথাব্রবীৎ ।। ৭.৯৫.৯ ॥
95.9
এবং ভবতু ভদ্রং বো যথা বদতি রাঘবঃ ।
তথা করিষ্যতে সীতা দৈবতং হি পতিঃ স্ত্রিয়াঃ ।। ৭.৯৫.১০ ॥
95.10
তথোক্তা মুনিনা সর্বে রাজদূতা মহৌজসম্ ।
প্রত্যেত্য রাঘবং ক্ষিপ্রং মুনিবাক্যং বভাষিরে ।। ৭.৯৫.১১ ॥
95.11
ততঃ প্রহৃষ্টঃ কাকুত্স্থঃ শ্রুত্বা বাক্যং মহাত্মনঃ ।
ঋষীংস্তত্র সমেতাংশ্চ রাজ্ঞশ্চৈবাভ্যভাষত ।। ৭.৯৫.১২ ॥
95.12
ভগবন্তঃ সশিষ্যা বৈ সানুগাশ্চ নরাধিপাঃ ।
পশ্যন্তু সীতাশপথং যশ্চৈবান্যো ঽপি কাঙ্ক্ষতে ।। ৭.৯৫.১৩ ॥
95.13
তস্য তদ্বচনং শ্রুত্বা রাঘবস্য মহাত্মনঃ ।
সর্বেষামৃষিমুখ্যানাং সাধুবাদো মহানভূৎ ।। ৭.৯৫.১৪ ॥
95.14
রাজানশ্চ মহাত্মানঃ প্রশংসন্তি স্ম রাঘবম্ ।
উপপন্নং নরশ্রেষ্ঠ ত্বয্যেব ভুবি নান্যতঃ ।। ৭.৯৫.১৫ ॥
95.15
এবং বিনিশ্চয়ং কৃত্বা শ্বোভূত ইতি রাঘবঃ ।
বিসর্জয়ামাস তদা সর্বাংস্তাঞ্ছত্রুসূদনঃ ।। ৭.৯৫.১৬ ॥
95.16
ইতি সম্প্রবিচার্য রাজসিংহঃ শ্বোভূতে শপথস্য নিশ্চয়ং বৈ ।
বিসসর্জ মুনীন্নৃপাংশ্চ সর্বান্স মহাত্মা মহতো মহানুভাবঃ ।। ৭.৯৫.১৭ ।।