Utshovসর্গ 94
94.1
তৌ রজন্যাং প্রভাতায়াং স্নাতৌ হুতহুতাশনৌ ।
যথোক্তমৃষিণা পূর্বং সর্বং তত্রোপগায়তাম্ ।। ৭.৯৪.১ ॥
94.2
তাং স শুশ্রাব কাকুত্স্থঃ পূর্বাচার্যবিজির্মিতাম্ ।
অপূর্বাং পাঠ্যজাতিং চ গেয়েন সমলঙ্কৃতাম্ ।। ৭.৯৪.২ ॥
94.3
প্রমাণৈর্বহুভির্বদ্ধাং তন্ত্রীলয়সমন্বিতাম্ ।
বালাভ্যাং রাঘবঃ শ্রুত্বা কৌতূহলপরো ঽভবৎ ।। ৭.৯৪.৩ ॥
94.4
অথ কর্মান্তরে রাজা সমাহূয় মহামুনীন্ ।
পার্থিবাংশ্চ নরব্যাঘ্রঃ পণ্ডিতান্নৈগমাংস্তথা ।। ৭.৯৪.৪ ॥
94.5
পৌরাণিকাঞ্ছব্দবিদো যে চ বৃদ্ধা দ্বিজাতয়ঃ ।
স্বরাণাং লক্ষণজ্ঞাংশ্চ উত্সুকান্দ্বিজসত্তমান্ ।। ৭.৯৪.৫ ॥
94.6
লক্ষণজ্ঞাংশ্চ গান্ধর্বান্নৈগমাংশ্চ বিশেষতঃ ।
পাদাক্ষরসমাসজ্ঞাংশ্ছন্দঃসু পরিনিষ্ঠিতান্ ।। ৭.৯৪.৬ ॥
94.7
কলামাত্রাবিশেষজ্ঞাঞ্জ্যোতিষে চ পরং গতান্ ।
ক্রিয়াকল্পবিদশ্চৈব তথা কার্যবিদো জনান্ ।। ৭.৯৪.৭ ॥
94.8
ভাষাজ্ঞানিঙ্গিতজ্ঞাংশ্চ নৈগমাংশ্চাপ্যশেষতঃ ।
হেতূপচারকুশলান্ বচনে চাপি হৈতুকান্ ।। ৭.৯৪.৮ ॥
94.9
ছন্দোবিদঃ পুরাণজ্ঞান্বৈদিকান্দ্বিজসত্তমান্ ।
চিত্রজ্ঞান্বৃত্তসূত্রজ্ঞান্গীতনৃত্যবিশারদান্ ।। ৭.৯৪.৯ ॥
94.10
শাস্ত্রজ্ঞান্নীতিনিপুণান্বেদান্তার্থপ্রবোধকান্ ।
এতান্সর্বান্সমানীয় গাতারৌ সমবেশয়ৎ ।। ৭.৯৪.১০ ॥
94.11
দৃষ্ট্বা মুনিগণাঃ সর্বে পার্থিবাশ্চ মহৌজসঃ ।
পিবন্ত ইব চক্ষুর্ভ্যাং রাজানং গায়কৌ চ তৌ ।। ৭.৯৪.১১ ॥
94.12
ঊচুঃ পরস্পরং চেদং সর্ব এব সমন্ততঃ ।
উভৌ রামস্য সদৃশৌ বিম্বাদ্বিম্বমিবোত্থিতৌ ।। ৭.৯৪.১২ ॥
94.13
জটিলৌ যদি ন স্যাতাং ন বল্কলধরৌ যদি ।
বিশেষং নাধিগচ্ছামো গায়তো রাঘবস্য চ ।। ৭.৯৪.১৩ ॥
94.14
তেষাং সংবদতামেবং শ্রোতঽণাং হর্ষবর্ধনম্ ।
গেয়ং প্রচক্রতুস্তত্র তাবুভৌ মুনিদারকৌ ।। ৭.৯৪.১৪ ॥
94.15
ততঃ প্রবৃত্তং মধুরং গান্ধর্বমতিমানুষম্ ।
ন চ তৃপ্তিং যয়ুঃ সর্বে শ্রোতারো গানসম্পদা ।। ৭.৯৪.১৫ ॥
94.16
প্রবৃত্তমাদিতঃ পূর্বসর্গং নারদদর্শিতম্ ।
ততঃ প্রভৃতি সর্গাংশ্চ যাবদ্বিংশত্যগায়তাম্ ।। ৭.৯৪.১৬ ॥
94.17
ততো ঽপরাহ্ণসময়ে রাঘবঃ সমভাষত ।
শ্রুত্বা বিংশতিসর্গাংস্তান্ভ্রাতরং ভ্রাতৃবত্সলঃ ।। ৭.৯৪.১৭ ॥
94.18
অষ্টাদশসহস্রাণি সুবর্ণস্য মহাত্মনোঃ ।
প্রয়চ্ছ শীঘ্রং কাকুত্স্থ যদন্যদভিকাঙ্ক্ষিতম্ ।দদৌ শীঘ্রং স কাকুত্স্থো বালয়োর্বৈ পৃথক্পৃথক্ ।। ৭.৯৪.১৮ ॥
94.19
দীয়মানং সুবর্ণং তু নাগৃহ্ণীতাং কুশীলবৌ ।
ঊচতুশ্চ মহাত্মানৌ কিমনেনেতি বিস্মিতৌ ।। ৭.৯৪.১৯ ॥
94.20
বন্যেন ফলমূলেন নিরতৌ বনবাসিনৌ ।
সুবর্ণেন হিরণ্যেন কিং করিষ্যাবহে বনে ।। ৭.৯৪.২০ ॥
94.21
তথা তয়োঃ প্রব্রুবতোঃ কৌতূহলসমন্বিতাঃ ।
শ্রোতারশ্চৈব রামশ্চ সর্ব এব সুবিস্মিতাঃ ।। ৭.৯৪.২১ ॥
94.22
তস্য চৈবাগমং রামঃ কাব্যস্য শ্রোতুমুত্সুকঃ ।
পপ্রচ্ছ তৌ মহাতেজাস্তাবুভৌ মুনিদারকৌ ।। ৭.৯৪.২২ ॥
94.23
কিম্প্রমাণমিদং কাব্যং কা প্রতিষ্ঠা মহাত্মনঃ ।
কর্তা কাব্যস্য মহতঃ ক্ব চাসৌ মুনিপুঙ্গবঃ ।। ৭.৯৪.২৩ ॥
94.24
পৃচ্ছন্তং রাঘবং বাক্যমূচতুর্মুনিদারকৌ ।
। ৭.৯৪.২৪ ॥
94.25
বাল্মীকির্ভগবান্কর্তা সম্প্রাপ্তো যজ্ঞসংবিধম্ ।
যেনেদং চরিতং তুভ্যমশেষং সম্প্রদর্শিতম্ ।। ৭.৯৪.২৫ ॥
94.26
সন্নিবদ্ধং হি শ্লোকানাং চতুর্বিশত্সহস্রকম্ ।
উপাখ্যানশতং চৈব ভার্গবেণ তপস্বিনা ।। ৭.৯৪.২৬ ॥
94.27
আদিপ্রভৃতি বৈ রাজন্পঞ্চসর্গশতানি চ ।
কাণ্ডানি ষট্ কৃতানীহ সোত্তরাণি মহাত্মনা ।কৃতানি গুরুণাস্মাকমৃষিণা চরিতং তব ।। ৭.৯৪.২৭ ॥
94.28
প্রতিষ্ঠা ঽ ঽজীবিতং যাবত্তাবত্সর্বস্য বর্ততে ।
। ৭.৯৪.২৮ ।।
94.29
সোত্তরাণি মহাত্মনা ।
যদি বুদ্ধিঃ কৃতা রাজঞ্ছ্রবণায় মহারথ ।কর্মান্তরে ক্ষণীভূতস্তচ্ছৃণুষ্ব সহানুজঃ ।। ৭.৯৪.২৯ ॥
94.30
বাঢমিত্যব্রবীদ্রামস্তৌ চানুজ্ঞাপ্য রাঘবম্ ।
প্রহৃষ্টৌ জগ্মতুঃ স্থানং যত্রাস্তে মুনিপুঙ্গবঃ ।। ৭.৯৪.৩০ ॥
94.31
রামো ঽপি মুনিভিঃ সার্ধং পার্থিবৈশ্চ মহাত্মভিঃ ।
শ্রুত্বা তদ্গীতিমাধুর্যং কর্মশালামুপাগমৎ ।। ৭.৯৪.৩১ ॥
94.32
শুশ্রাব তত্তাললয়োপপন্নং সর্গান্বিতং স স্বরশব্দয়ুক্তম্ ।
তন্ত্রীলয়ব্যঞ্জনয়োগয়ুক্তং কুশীলবাভ্যাং পরিগীয়মানম্ ।। ৭.৯৪.৩২ ।।