Utshovসর্গ 91
91.1
এতদাখ্যায় কাকুত্স্থো ভ্রাতৃভ্যামমিতপ্রভঃ ।
লক্ষ্মণং পুনরেবাহ ধর্ময়ুক্তমিদং বচঃ ।। ৭.৯১.১ ॥
91.2
বসিষ্ঠং বামদেবং চ জাবালিমথ কশ্যপম্ ।
দ্বিজাংশ্চ সর্বপ্রবরানশ্বমেধপুরস্কৃতান্ ।। ৭.৯১.২ ॥
91.3
এতান্সর্বান্সমানীয় মন্ত্রয়িত্বা চ লক্ষ্মণ ।
হয়ং লক্ষণসম্পন্নং বিমোক্ষ্যামি সমাধিনা ।। ৭.৯১.৩ ॥
91.4
তদ্বাক্যং রাঘবেণোক্তং শ্রুত্বা ত্বরিতবিক্রমঃ ।
দ্বিজান্সর্বান্সমাহূয় দর্শয়ামাস রাঘবম্ ।। ৭.৯১.৪ ॥
91.5
তে দৃষ্ট্বা দেবসঙ্কাশং কৃতপাদাভিবন্দনম্ ।
রাঘবং সুদুরাধর্ষমাশীর্ভিঃ সমপূজয়ন্ ।। ৭.৯১.৫ ॥
91.6
প্রাঞ্জলিঃ স তদা ভূত্বা রাঘবো দ্বিজসত্তমান্ ।
আচচক্ষে ঽশ্বমেধস্য হ্যভিপ্রায়ং মহায়শাঃ ।। ৭.৯১.৬ ॥
91.7
তে তু রামস্য তচ্ছ্রুত্বা নমস্কৃত্বা বৃষধ্বজম্ ।
অশ্বমেধং দ্বিজাঃ সর্বে পূজয়ন্তি স্ম সর্বশঃ ।। ৭.৯১.৭ ॥
91.8
স তেষাং দ্বিজমুখ্যানাং বাক্যমদ্ভুতদর্শনম্ ।
অশ্বমেধাশ্রিতং শ্রুত্বা ভৃশং প্রীতো ঽভবত্তদা ।। ৭.৯১.৮ ॥
91.9
বিজ্ঞায় কর্ম তত্তেষাং রামো লক্ষ্মণমব্রবীৎ ।
প্রেষয়স্ব দ্রুতং দূতান্ সুগ্রীবায় মহাত্মনে ।। ৭.৯১.৯ ॥
91.10
যথা মহদ্ভির্হরিভির্বহুভিশ্চ বনৌকসাম্ ।
সার্ধমাগচ্ছ ভদ্রং তে হ্যনুভোক্তুং মহোত্সবম্ ।। ৭.৯১.১০ ॥
91.11
বিভীষণশ্চ রক্ষোভিঃ কামগৈর্বহুভির্বৃতঃ ।
অশ্বমেধং মহায়জ্ঞমায়াত্বতুলবিক্রমঃ ।। ৭.৯১.১১ ॥
91.12
রাজানশ্চ মহাভাগা যে মে প্রিয়চিকীর্ষবঃ ।
সানুগাঃ ক্ষিপ্রমায়ান্তু যজ্ঞং দ্রষ্টুমনুত্তমম্ ।। ৭.৯১.১২ ॥
91.13
দেশান্তরগতা যে চ দ্বিজা ধর্মসমাহিতাঃ ।
আমন্ত্রয়স্ব তান্সর্বানশ্বমেধায় লক্ষ্মণ ।। ৭.৯১.১৩ ॥
91.14
ঋষয়শ্চ মহাবাহো আহূয়ন্তাং তপোধনাঃ ।
দেশান্তরগতাঃ সর্বে সদারাশ্চ দ্বিজাতয়ঃ ।তথৈব তালাবচরাস্তথৈব নটনর্তকাঃ ।। ৭.৯১.১৪ ॥
91.15
যজ্ঞবাটশ্চ সুমহান্গোমত্যা নৈমিশে বনে ।
আজ্ঞাপ্যতাং মহাবাহো তদ্ধি পুণ্যমনুত্তমম্ ।। ৭.৯১.১৫ ॥
91.16
শান্তয়শ্চ মহাবাহো প্রবর্ত্যন্তাং সমন্ততঃ ।
। ৭.৯১.১৬ ॥
91.17
শতশশ্চাপি ধর্মজ্ঞাঃ ক্রতুমুখ্যমনুত্তমম্ ।
অনুভূয় মহায়জ্ঞং নৈমিশে রঘুনন্দন ।। ৭.৯১.১৭ ॥
91.18
তুষ্টঃ পুষ্টশ্চ সর্বো ঽসৌ মানিতশ্চ যথাবিধি ।
প্রীতিং যাস্যতি ধর্মজ্ঞ শীঘ্রমামন্ত্র্যতাং জনঃ ।। ৭.৯১.১৮ ॥
91.19
শতং বাহসহস্রাণাং তণ্ডুলানাং বপুষ্মতাম্ ।
অয়ুতং তিলমুদ্গানাং প্রয়াত্বগ্রে মহাবল ।। ৭.৯১.১৯ ॥
91.20
চণকানাং কুলিত্থানাং মাষাণাং লবণস্য চ ।
অতো ঽনুরূপং স্নেহং চ গন্ধং সঙ্ক্ষিপ্তমেব চ ।। ৭.৯১.২০ ॥
91.21
সুবর্ণকোট্যো বহুলা হিরণ্যস্য শতোত্তরাঃ ।
অগ্রতো ভরতঃ কৃত্বা গচ্ছত্বগ্রে সমাধিনা ।। ৭.৯১.২১ ॥
91.22
অন্তরা পণ্যবীথ্যশ্চ সর্বে চ নটনর্তকাঃ ।
সূদা নার্যশ্চ বহবো নিত্যং যৌবনশালিনঃ ।। ৭.৯১.২২ ॥
91.23
ভরতেন তু সার্ধং তে যান্তু সৈন্যানি চাগ্রতঃ ।
নৈগমা বলবৃদ্ধাশ্চ দ্বিজাশ্চ সুসমাহিতাঃ ।। ৭.৯১.২৩ ॥
91.24
কর্মান্তিকান্বর্ধকিনঃ কোশাধ্যক্ষাংশ্চ নৈগমান্ ।
মম মাতঽস্তথা সর্বাঃ কুমারান্তঃপুরাণি চ ।। ৭.৯১.২৪ ॥
91.25
কাঞ্চনীং মম পত্নীং চ দীক্ষায়াং জ্ঞাংশ্চ কর্মণি ।
অগ্রতো ভরতঃ কৃত্বা গচ্ছত্বগ্রে মহায়শাঃ ।। ৭.৯১.২৫ ॥
91.26
উপকার্যা মহার্হাশ্চ পার্থিবানাং মহৌজসাম্ ।
সানুগানাং নরশ্রেষ্ঠো ব্যাদিদেশ মহাবলঃ ।। ৭.৯১.২৬ ।।