Utshovসর্গ 69
69.1
তচ্ছ্রুত্বা ভাষিতং তস্য শত্রুঘ্নস্য মহাত্মনঃ ।
ক্রোধামাহারয়ত্তীব্রং তিষ্ঠ তিষ্ঠেতি চাব্রবীৎ ।। ৭.৬৯.১ ॥
69.2
পাণৌ পাণিং বিনিষ্পিষ্য দন্তান্কটকটায্য চ ।
লবণো রঘুশার্দূলমাহ্বয়ামাস চাসকৃৎ ।। ৭.৬৯.২ ॥
69.3
তং ব্রুবাণং তথা বাক্যং লবণং ঘোরদর্শনম্ ।
শত্রুঘ্নো দেবশত্রুঘ্ন ইদং বচনমব্রবীৎ ।। ৭.৬৯.৩ ॥
69.4
ন শত্রুঘ্নস্তথা জাতো যথা ঽন্যে নির্জিতাস্ত্বয়া ।
তদদ্য বাণাভিহতো ব্রজ ত্বং যমসাদনম্ ।। ৭.৬৯.৪ ॥
69.5
ঋষয়ো ঽপ্যদ্য পাপাত্মন্ময়া ত্বাং নিহতং রণে ।
পশ্যন্তু বিপ্রা বিদ্বাংসস্ত্রিদশা ইব রাবণম্ ।। ৭.৬৯.৫ ॥
69.6
ত্বয়ি মদ্বাণনির্দগ্ধে পতিতে ঽদ্য নিশাচর ।
পুরে জনপদে চাপি ক্ষেমমেব ভবিষ্যতি ।। ৭.৬৯.৬ ॥
69.7
অদ্য মদ্বাহুনিষ্ক্রান্তঃ শরো বজ্রনিভাননঃ ।
প্রবেক্ষ্যতে তে হৃদয়ং পদ্মমংশুরিবার্কজঃ ।। ৭.৬৯.৭ ॥
69.8
এবমুক্তো মহাবৃক্ষং লবণঃ ক্রোধমূর্চ্ছিতঃ ।
শত্রুঘ্নোরসি চিক্ষেপ স চ তং শতধাচ্ছিনৎ ।। ৭.৬৯.৮ ॥
69.9
তদ্দৃষ্ট্বা বিফলং কর্ম রাক্ষসঃ পুনরেব তু ।
পাদপান্সুবহূন্গৃহ্য শত্রুঘ্নায়াসৃজদ্বলী ।। ৭.৬৯.৯ ॥
69.10
শত্রুঘ্নশ্চাপি তেজস্বী বৃক্ষানাপততো বহূন্ ।
ত্রিভিশ্চতুর্ভিরেকৈকং চিচ্ছেদ নতপর্বভিঃ ।। ৭.৬৯.১০ ॥
69.11
ততো বাণময়ং বর্ষং ব্যসৃজদ্রাক্ষসোরসি ।
শত্রুঘ্নো বীর্যসম্পন্নো বিব্যথে ন স রাক্ষসঃ ।। ৭.৬৯.১১ ॥
69.12
ততঃ প্রহস্য লবণো বৃক্ষমুদ্যম্য বীর্যবান্ ।
শিরস্যভ্যহনচ্ছূরং স্রস্তাঙ্গঃ স মুমোহ বৈ ।। ৭.৬৯.১২ ॥
69.13
তস্মিন্নিপতিতে বীরে হাহাকারো মহানভূৎ ।
ঋষীণাং দেবসঙ্ঘানাং গন্ধর্বাপ্সরসাং তথা ।। ৭.৬৯.১৩ ॥
69.14
তমবজ্ঞায় তু হতং শত্রুঘ্নং ভুবি পাতিতম্ ।
রক্ষো লব্ধান্তরমপি ন বিবেশ স্বমালয়ম্ ।। ৭.৬৯.১৪ ॥
69.15
নাপি শূলং প্রজগ্রাহ তং দৃষ্ট্বা ভুবি পাতিতম্ ।
ততো হত ইতি জ্ঞাত্বা তান্ভক্ষান্সমুদাবহৎ ।। ৭.৬৯.১৫ ॥
69.16
মুহূর্তাল্লব্ধসঞ্জ্ঞস্তু পুনস্তস্থৌ ধৃতায়ুধঃ ।
শত্রুঘ্নো বৈ পুরদ্বারি ঋষিভিঃ সম্প্রপূজিতঃ ।। ৭.৬৯.১৬ ॥
69.17
ততো দিব্যমমোঘং তং জগ্রাহ শরমুত্তমম্ ।
জ্বলন্তং তেজসা ঘোরং পূরয়ন্তং দিশো দশ ।। ৭.৬৯.১৭ ॥
69.18
বজ্রাননং বজ্রবেগং মেরুমন্দরসন্নিভম্ ।
নতং পর্বসু সর্বেষু সংয়ুগেষ্বপরাজিতম্ ।। ৭.৬৯.১৮ ॥
69.19
অসৃক্চন্দনদিগ্ধাঙ্গং চারুপত্রং পতত্রিণম্ ।
দানবেন্দ্রাচলেন্দ্রাণামসুরাণাং চ দারণম্ ।। ৭.৬৯.১৯ ॥
69.20
তং দীপ্তমিব কালাগ্নিং যুগান্তে সমুপস্থিতে ।
দৃষ্ট্বা সর্বাণি ভূতানি পরিত্রাসমুপাগমন্ ।। ৭.৬৯.২০ ॥
69.21
সদেবাসুরগন্ধর্বং মুনিভিঃ সাপ্সরোগণম্ ।
জগদ্ধি সর্বমস্বস্থং পিতামহমুপস্থিতম্ ।। ৭.৬৯.২১ ॥
69.22
উবাচ দেবদেবেশং বরদং প্রপিতামহম্ ।
দেবানাং ভয়সংমোহো লোকানাং সঙ্ক্ষয়ং প্রতি ।। ৭.৬৯.২২ ॥
69.23
নেদৃশং দৃষ্টপূর্বং চ ন শ্রুতং প্রপিতামহ ।
দেবানাং ভয়সম্মোহো লোকানাং সঙ্ক্ষয়ং প্রতি ।। ৭.৬৯.২৩ ॥
69.24
তেষাং তদ্বচনং শ্রুত্বা ব্রহ্মা লোকপিতামহঃ ।
ভয়কারণমাচষ্ট লোকানামভয়ঙ্করঃ ।উবাচ মধুরাং বাণীং শৃণুধ্বং সর্বদেবতাঃ ।। ৭.৬৯.২৪ ॥
69.25
বধায় লবণস্যাজৌ শরঃ শত্রুঘ্নধারিতঃ ।
তেজসা তস্য সম্মূঢাঃ সর্বে স্মঃ সুরসত্তমাঃ ।। ৭.৬৯.২৫ ॥
69.26
এষ পূর্বস্য দেবস্য লোককর্তুঃ সনাতনঃ ।
শরস্তেজোময়ো বত্সা যেন বৈ ভয়মাগতম্ ।। ৭.৬৯.২৬ ॥
69.27
এষ বৈ কৈটভস্যার্থে মধুনশ্চ মহাশরঃ ।
সৃষ্টো মহাত্মনা তেন বধার্থে দৈত্যয়োস্তয়োঃ ।। ৭.৬৯.২৭ ॥
69.28
এক এব প্রজানাতি বিষ্ণুস্তেজোময়ং শরম্ ।
এষা এব তনুঃ পূর্বা বিষ্ণোস্তস্য মহাত্মনঃ ।। ৭.৬৯.২৮ ॥
69.29
ইতো গচ্ছত পশ্যধ্বং বধ্যমানং মহাত্মনা ।
রামানুজেন বীরেণ লবণং রাক্ষসোত্তমম্ ।। ৭.৬৯.২৯ ॥
69.30
তস্য তে দেবদেবস্য নিশম্য বচনং সুরাঃ ।
আজগ্মুর্যত্র যুধ্যেতে শত্রুঘ্নলবণাবুভৌ ।। ৭.৬৯.৩০ ॥
69.31
তং শরং দিব্যসঙ্কাশং শত্রুঘ্নকরধারিতম্ ।
দদৃশুঃ সর্বভূতানি যুগান্তাগ্নিমিবোত্থিতম্ ।। ৭.৬৯.৩১ ॥
69.32
অকাশমাবৃতং দৃষ্ট্বা দেবৈর্হি রঘুনন্দনঃ ।
সিংহনাদং ভৃশং কৃত্বা দদর্শ লক্ষণং পুনঃ ।। ৭.৬৯.৩২ ॥
69.33
আহূতশ্চ পুনস্তেন শত্রুঘ্নেন মহাত্মনা ।
লবণঃ ক্রোধসংয়ুক্তো যুদ্ধায় সমুপস্থিতঃ ।। ৭.৬৯.৩৩ ॥
69.34
আকর্ণাত্স বিকৃষ্যাথ তদ্ধনুর্ধন্বিনাং বরঃ ।
তং মুমোচ মহাবাণং লবণস্য মহোরসি ।। ৭.৬৯.৩৪ ॥
69.35
উরস্তস্য বিদার্যাশু প্রবিবেশ রসাতলম্ ।
। ৭.৬৯.৩৫ ॥
69.36
গত্বা রসাতলং দিব্যঃ শরো বিবুধপূজিতঃ ।
পুনরেবাগমত্তূর্ণমিক্ষ্বাকুকুলনন্দনম্ ।। ৭.৬৯.৩৬ ॥
69.37
শত্রুঘ্নশরনির্ভিন্নো লবণঃ স নিশাচরঃ ।
পপাত সহসা ভূমৌ বজ্রাহত ইবাচলঃ ।। ৭.৬৯.৩৭ ॥
69.38
তচ্চ শূলং মহত্তেন হতে লবণরাক্ষসে ।
পশ্যতাং সর্বদেবানাং রুদ্রস্য বশমন্বগাৎ ।। ৭.৬৯.৩৮ ॥
69.39
একেষুপাতেন ভৃশং নিপাত্য লোকত্রয়স্যাপি রঘুপ্রবীরঃ ।
বিনির্বভাবুত্তমচাপবাণস্তমঃ প্রণুদ্যেব সহস্ররশ্মিঃ ।। ৭.৬৯.৩৯ ॥
69.40
ততো হি দেবা ঋষিপন্নগাশ্চ প্রপূজিরে হ্যপ্সরসশ্চ সর্বাঃ ।
দিষ্ট্যা জয়ো দাশরথেরবাপ্তস্ত্যক্ত্বা ভয়ং সর্প ইব প্রশান্তঃ ।। ৭.৬৯.৪০ ।।