সর্গ 62

62.1

তথোক্তে তানৃষীন্রামঃ প্রত্যুবাচ কৃতাঞ্জলিঃ ।
কিমাহারঃ কিমাচারো লবণঃ ক্ব চ বর্ততে ।। ৭.৬২.১ ॥

রাঘবস্য বচঃ শ্রুত্বা ঋষয়ঃ সর্ব এব তে ।
ততো নিবেদয়ামাসুর্লবণো ববৃধে যথা ।। ৭.৬২.২ ॥

আহারঃ সর্বসত্ত্বানি বিশেষেণ চ তাপসাঃ ।
আচারো রৌদ্রতা নিত্যং বাসো মধুবনে তথা ।। ৭.৬২.৩ ॥

হত্বা বহুসহস্রাণি সিংহব্যাঘ্রমৃগদ্বিপান্ ।
মানুষাংশ্চৈব কুরুতে নিত্যমাহারমাহ্নিকম্ ।। ৭.৬২.৪ ॥

ততো ঽন্তরাণি সত্ত্বানি খাদতে স মহাবলঃ ।
সংহারে সমনুপ্রাপ্তে ব্যাদিতাস্য ইবান্তকঃ ।। ৭.৬২.৫ ॥

তচ্ছ্রুত্বা রাঘবো বাক্যমুবাচ স মহামুনীন্ ।
ঘাতয়িষ্যামি তদ্রক্ষো হ্যপগচ্ছতু বো ভয়ম্ ।। ৭.৬২.৬ ॥

প্রতিজ্ঞায় তথা তেষাং মুনীনামুগ্রতেজসাম্ ।
স ভ্রাতঽন্সহিতান্সর্বানুবাচ রঘুনন্দনঃ ।। ৭.৬২.৭ ॥

কো হন্তা লবণং বীরঃ কস্যাংশঃ স বিধীয়তাম্ ।
ভরতস্য মহাবাহোঃ শত্রুঘ্নস্য চ ধীমতঃ ।। ৭.৬২.৮ ॥

রাঘবেণৈবমুক্তস্তু ভরতো বাক্যমব্রবীৎ ।
অহমেনং বধিষ্যামি মমাংশঃ স বিধীয়তাম্ ।। ৭.৬২.৯ ॥

ভরতস্য বচঃ শ্রুত্বা ধৈর্যশৌর্যসমন্বিতম্ ।
লক্ষ্মণাবরজস্তস্থৌ হিত্বা সৌবর্ণমাসনম্ ।। ৭.৬২.১০ ॥

শত্রুঘ্নস্ত্বব্রবীদ্বাক্যং প্রণিপত্য নরাধিপম্ ।
কৃতকর্মা মহাবাহুর্মধ্যমো রঘুনন্দনঃ ।। ৭.৬২.১১ ॥

আর্যেণ হি পুরা শূন্যা ত্বয়োধ্যা পরিপালিতা ।
সন্তাপং হৃদয়ে কৃত্বা আর্যস্যাগমনং প্রতি ।। ৭.৬২.১২ ॥

দুঃখানি চ বহূনীহ হ্যনুভূতানি পার্থিব ।
শয়ানো দুঃখশয্যাসু নন্দিগ্রামে ঽবসত্পুরা ।। ৭.৬২.১৩ ॥

ফলমূলাশনো ভূত্বা জটী চীরধরস্তথা ।
অনুভূয়েদৃশং দুঃখমেষ রাঘবনন্দনঃ ।প্রেষ্যে ময়ি স্থিতে রাজন্ন ভূয়ঃ ক্লেশমাপ্নুয়াৎ ।। ৭.৬২.১৪ ॥

তথা ব্রুবতি শত্রুঘ্নে রাঘবঃ পুনরব্রবীৎ ।
এবং ভবতু কাকুত্স্থ ক্রিয়তাং মম শাসনম্ ।। ৭.৬২.১৫ ॥

রাজ্যে ত্বামভিষেক্ষ্যামি মধোস্তু নগরে শুভে ।
নিবেশয় মহাবাহো ভরতং যদ্যবেক্ষসে ।। ৭.৬২.১৬ ॥

শূরস্ত্বং কৃতবিদ্যশ্চ সমর্থশ্চ নিবেশনে ।
। ৭.৬২.১৭ ॥

যো হি শত্রুং সমুত্পাট্য পার্থিবস্য পুনঃ ক্ষয়ে ।
ন বিধত্তে নৃপং তত্র নরকং স হি গচ্ছতি ।। ৭.৬২.১৮ ॥

স ত্বং হত্বা মধুসুতং লবণং পাপনিশ্চয়ম্ ।
রাজ্যং প্রশাধি ধর্মেণ বাক্যং মে যদ্যবেক্ষসে ।। ৭.৬২.১৯ ॥

উত্তরং চ ন বক্তব্যং শূর বাক্যান্তরে মম ।
বালেন পূর্বজস্যাজ্ঞা কর্তব্যা নাত্র সংশয়ঃ ।। ৭.৬২.২০ ॥

অভিষেকং চ কাকুত্স্থ প্রতীচ্ছস্ব ময়োদ্যতম্ ।
বসিষ্ঠপ্রমুখৈর্বিপ্রৈর্বিধিমন্ত্রপুরস্কৃতম্ ।। ৭.৬২.২১ ।।