UtshovSarga 62
62.1
तथोक्ते तानृषीन्रामः प्रत्युवाच कृताञ्जलिः ।
किमाहारः किमाचारो लवणः क्व च वर्तते ।। ७.६२.१ ॥
Tathokte tanrishinramah pratyuvacha kritanjalih
Kimaharah kimacharo lavanah kva cha vartate
62.2
राघवस्य वचः श्रुत्वा ऋषयः सर्व एव ते ।
ततो निवेदयामासुर्लवणो ववृधे यथा ।। ७.६२.२ ॥
Raghavasya vachah shrutva rishayah sarva eva te
Tato nivedayamasurlavano vavridhe yatha
62.3
आहारः सर्वसत्त्वानि विशेषेण च तापसाः ।
आचारो रौद्रता नित्यं वासो मधुवने तथा ।। ७.६२.३ ॥
Aharah sarvasattvani visheshena cha tapasah
Acharo raudrata nityam vaso madhuvane tatha
62.4
हत्वा बहुसहस्राणि सिंहव्याघ्रमृगद्विपान् ।
मानुषांश्चैव कुरुते नित्यमाहारमाह्निकम् ।। ७.६२.४ ॥
Hatva bahusahasrani sinhavyaghramrigadvipan
Manushanshchaiva kurute nityamaharamahnikam
62.5
ततो ऽन्तराणि सत्त्वानि खादते स महाबलः ।
संहारे समनुप्राप्ते व्यादितास्य इवान्तकः ।। ७.६२.५ ॥
Tato ntarani sattvani khadate sa mahabalah
Sanhare samanuprapte vyaditasya ivantakah
62.6
तच्छ्रुत्वा राघवो वाक्यमुवाच स महामुनीन् ।
घातयिष्यामि तद्रक्षो ह्यपगच्छतु वो भयम् ।। ७.६२.६ ॥
Tachchhrutva raghavo vakyamuvacha sa mahamunin
Ghatayishyami tadraksho hyapagachchhatu vo bhayam
62.7
प्रतिज्ञाय तथा तेषां मुनीनामुग्रतेजसाम् ।
स भ्रातऽन्सहितान्सर्वानुवाच रघुनन्दनः ।। ७.६२.७ ॥
Pratigyaya tatha tesham muninamugratejasam
Sa bhratansahitansarvanuvacha raghunandanah
62.8
को हन्ता लवणं वीरः कस्यांशः स विधीयताम् ।
भरतस्य महाबाहोः शत्रुघ्नस्य च धीमतः ।। ७.६२.८ ॥
Ko hanta lavanam virah kasyanshah sa vidhiyatam
Bharatasya mahabahoh shatrughnasya cha dhimatah
62.9
राघवेणैवमुक्तस्तु भरतो वाक्यमब्रवीत् ।
अहमेनं वधिष्यामि ममांशः स विधीयताम् ।। ७.६२.९ ॥
Raghavenaivamuktastu bharato vakyamabravit
Ahamenam vadhishyami mamanshah sa vidhiyatam
62.10
भरतस्य वचः श्रुत्वा धैर्यशौर्यसमन्वितम् ।
लक्ष्मणावरजस्तस्थौ हित्वा सौवर्णमासनम् ।। ७.६२.१० ॥
Bharatasya vachah shrutva dhairyashauryasamanvitam
Lakshmanavarajastasthau hitva sauvarnamasanam
62.11
शत्रुघ्नस्त्वब्रवीद्वाक्यं प्रणिपत्य नराधिपम् ।
कृतकर्मा महाबाहुर्मध्यमो रघुनन्दनः ।। ७.६२.११ ॥
Shatrughnastvabravidvakyam pranipatya naradhipam
Kritakarma mahabahurmadhyamo raghunandanah
62.12
आर्येण हि पुरा शून्या त्वयोध्या परिपालिता ।
सन्तापं हृदये कृत्वा आर्यस्यागमनं प्रति ।। ७.६२.१२ ॥
Aryena hi pura shunya tvayodhya paripalita
Santapam hridaye kritva aryasyagamanam prati
62.13
दुःखानि च बहूनीह ह्यनुभूतानि पार्थिव ।
शयानो दुःखशय्यासु नन्दिग्रामे ऽवसत्पुरा ।। ७.६२.१३ ॥
Duhkhani cha bahuniha hyanubhutani parthiva
Shayano duhkhashayyasu nandigrame vasatpura
62.14
फलमूलाशनो भूत्वा जटी चीरधरस्तथा ।
अनुभूयेदृशं दुःखमेष राघवनन्दनः ।प्रेष्ये मयि स्थिते राजन्न भूयः क्लेशमाप्नुयात् ।। ७.६२.१४ ॥
Phalamulashano bhutva jati chiradharastatha
Anubhuyedrisham duhkhamesha raghavanandanah, preshye mayi sthite rajanna bhuyah kleshamapnuyat
62.15
तथा ब्रुवति शत्रुघ्ने राघवः पुनरब्रवीत् ।
एवं भवतु काकुत्स्थ क्रियतां मम शासनम् ।। ७.६२.१५ ॥
Tatha bruvati shatrughne raghavah punarabravit
Evam bhavatu kakutstha kriyatam mama shasanam
62.16
राज्ये त्वामभिषेक्ष्यामि मधोस्तु नगरे शुभे ।
निवेशय महाबाहो भरतं यद्यवेक्षसे ।। ७.६२.१६ ॥
Rajye tvamabhishekshyami madhostu nagare shubhe
Niveshaya mahabaho bharatam yadyavekshase
62.17
शूरस्त्वं कृतविद्यश्च समर्थश्च निवेशने ।
। ७.६२.१७ ॥
Shurastvam kritavidyashcha samarthashcha niveshane
62.18
यो हि शत्रुं समुत्पाट्य पार्थिवस्य पुनः क्षये ।
न विधत्ते नृपं तत्र नरकं स हि गच्छति ।। ७.६२.१८ ॥
Yo hi shatrum samutpatya parthivasya punah kshaye
Na vidhatte nripam tatra narakam sa hi gachchhati
62.19
स त्वं हत्वा मधुसुतं लवणं पापनिश्चयम् ।
राज्यं प्रशाधि धर्मेण वाक्यं मे यद्यवेक्षसे ।। ७.६२.१९ ॥
Sa tvam hatva madhusutam lavanam papanishchayam
Rajyam prashadhi dharmena vakyam me yadyavekshase
62.20
उत्तरं च न वक्तव्यं शूर वाक्यान्तरे मम ।
बालेन पूर्वजस्याज्ञा कर्तव्या नात्र संशयः ।। ७.६२.२० ॥
Uttaram cha na vaktavyam shura vakyantare mama
Balena purvajasyagya kartavya natra sanshayah
62.21
अभिषेकं च काकुत्स्थ प्रतीच्छस्व मयोद्यतम् ।
वसिष्ठप्रमुखैर्विप्रैर्विधिमन्त्रपुरस्कृतम् ।। ७.६२.२१ ।।
Abhishekam cha kakutstha pratichchhasva mayodyatam
Vasishthapramukhairviprairvidhimantrapuraskritam