Utshovসর্গ 59
59.1
শ্রুত্বা তূশনসং ক্রুদ্ধং তদা ঽ ঽর্তো নহুষাত্মজঃ ।
জরাং পরমিকাং প্রাপ্য যদুং বচনমব্রবীৎ ।। ৭.৫৯.১ ॥
59.2
যদো ত্বমসি ধর্মজ্ঞো মদর্থং প্রতিগৃহ্যতাম্ ।
জরাং পরমিকাং পুত্র ভোগৈ রংস্যে মহায়শঃ ।। ৭.৫৯.২ ॥
59.3
ন তাবত্কৃতকৃত্যো ঽস্মি বিষয়েষু নরর্ষভ ।
অনুভূয় তদা কামং ততঃ প্রাপ্স্যাম্যহং জরাম্ ।। ৭.৫৯.৩ ॥
59.4
যদুস্তদ্বচনং শ্রুত্বা প্রত্যুবাচ নরর্ষভম্ ।
পুত্রস্তে দয়িতঃ পূরুঃ প্রতিগৃহ্ণাতু বৈ জরাম্ ।। ৭.৫৯.৪ ॥
59.5
বহিষ্কৃতো ঽহমর্থেষু সন্নিকর্ষাচ্চ পার্থিব ।
প্রতিগৃহ্ণাতু বৈ রাজন্ক সহাশ্নাতি ভোজনম্ ।। ৭.৫৯.৫ ।।
59.6
তস্য তদ্বচনং শ্রুত্বা রাজা পূরুমথাব্রবীৎ ।
ইয়ং জরা মহাবাহো মদর্থং প্রতিগৃহ্যতাম্ ।। ৭.৫৯.৬ ॥
59.7
নাহুষেণৈবমুক্তস্তু পূরুঃ প্রাঞ্জলিরব্রবীৎ ।
ধন্যো ঽস্ম্যনুগৃহীতো ঽস্মি শাসনে ঽস্মি তব স্থিতঃ ।। ৭.৫৯.৭ ॥
59.8
পূরোর্বচনমাজ্ঞায় নাহুষঃ পরয়া মুদা ।
প্রহর্ষমতুলং লেভে জরাং সঙ্ক্রাময়চ্চ তাম্ ।। ৭.৫৯.৮ ।।
59.9
ততঃ স রাজা তরুণঃ প্রাপ্য যজ্ঞান্সহস্রশঃ ।
বহুবর্ষসহস্রাণি পালয়ামাস মেদিনীম্ ।। ৭.৫৯.৯ ॥
59.10
অথ দীর্ঘস্য কালস্য রাজা পূরুমথাব্রবীৎ ।
আনয়স্ব জরাং পুত্র ন্যাসং নির্যাতয়স্ব মে ।। ৭.৫৯.১০ ॥
59.11
ন্যাসভূতা ময়া পুত্র ত্বয়ি সঙ্ক্রামিতা জরা ।
তস্মাত্প্রতিগ্রহীষ্যামি তাং জরাং মা ব্যথাং কৃথাঃ ।। ৭.৫৯.১১ ॥
59.12
প্রীতশ্চাস্মি মহাবাহো শাসনস্য প্রতিগ্রহাৎ ।
ত্বাং চাহমভিষেক্ষ্যামি প্রীতিয়ুক্তো নরাধিপম্ ।। ৭.৫৯.১২ ॥
59.13
এবমুক্ত্বা সুতং পূরুং যয়াতির্নহুষাত্মজঃ ।
দেবয়ানীসুতং ক্রুদ্ধো রাজা বাক্যমুবাচ হ ।। ৭.৫৯.১৩ ॥
59.14
রাক্ষসস্ত্বং ময়া জাতঃ পুত্ররূপো দুরাসদঃ ।
প্রতিহংসি মমাজ্ঞাং যৎ প্রজার্থে বিফলো ভব ।। ৭.৫৯.১৪ ॥
59.15
পিতরং গুরুভূতং মাং যস্মাত্ত্বমবমন্যসে ।
রাক্ষসান্যাতুধানাংস্ত্বং জনয়িষ্যসি দারুণান্ ।। ৭.৫৯.১৫ ॥
59.16
ন তু সোমকুলোত্পন্নে বংশে স্থাস্যতি দুর্মতেঃ ।
বংশো ঽপি ভবতস্তুল্যো দুর্বিনীতো ভবিষ্যতি ।। ৭.৫৯.১৬ ॥
59.17
তমেবমুক্ত্বা রাজর্ষিঃ পূরুং রাজ্যবিবর্ধনম্ ।
অভিষেকেণ সম্পূজ্য আশ্রমং প্রবিবেশ হ ।। ৭.৫৯.১৭ ॥
59.18
ততঃ কালেন মহতা দিষ্টান্তমুপজগ্মিবান্ ।
ত্রিদিবং সঙ্গতো রাজা যয়াতির্নহুষাত্মজঃ ।। ৭.৫৯.১৮ ॥
59.19
পূরুশ্চকার তদ্রাজ্যং ধর্মেণ মহতা বৃতঃ ।
প্রতিষ্ঠানে পুরবরে কাশিরাজ্যে মহায়শাঃ ।। ৭.৫৯.১৯ ॥
59.20
যদুস্তু জনয়ামাস যাতুধানান্সহস্রশঃ ।
পুরে ক্রৌঞ্চবনে দুর্গে রাজবংশবহিষ্কৃতঃ ।। ৭.৫৯.২০ ॥
59.21
এষ তূশনসা মুক্তঃ শাপোত্সর্গো যয়াতিনা ।
ধারিতঃ ক্ষত্রধর্মেণ যন্নিমিশ্চ ন চক্ষমে ।। ৭.৫৯.২১ ॥
59.22
এতত্তে সর্বমাখ্যাতং দর্শনং সর্বকারিণাম্ ।
অনুবর্তামহে সৌম্য দোষো ন স্যাদ্যথা নৃগে ।। ৭.৫৯.২২ ॥
59.23
ইতি কথয়তি রামে চন্দ্রতুল্যাননে চ প্রবিরলতরতারং ব্যোম জজ্ঞে তদানীম্ ।
অরুণকিরণরক্তা দিগ্বভৌ চৈব পূর্বা কুসুমরসবিমুক্তং বস্ত্রমাকুণ্ঠিতেব ।। ৭.৫৯.২৩ ।।