Utshovসর্গ 58
58.1
এবং ব্রুবতি রামে তু লক্ষ্মণঃ পরবীরহা ।
প্রত্যুবাচ মহাত্মানং জ্বলন্তমিব তেজসা ।। ৭.৫৮.১ ॥
58.2
মহদদ্ভুতমাশ্চর্যং বিদেহস্য পুরাতনম্ ।
নির্বৃত্তং রাজশার্দূল বসিষ্ঠস্য নিমেস্সহ ।। ৭.৫৮.২ ॥
58.3
নিমিস্তু ক্ষত্রিয়ঃ শূরো বিশেষেণ চ দীক্ষিতঃ ।
ন ক্ষমাং কৃতবান্রাজা বসিষ্ঠস্য মহাত্মনঃ ।। ৭.৫৮.৩ ॥
58.4
এবমুক্তস্তু তেনায়ং শ্রীমান্ ক্ষত্রিয়পুঙ্গবঃ ।
উবাচ লক্ষ্মণং বাক্যং সর্বশাস্ত্রবিশারদম্ ।। ৭.৫৮.৪ ॥
58.5
রামো রময়তাং শ্রেষ্ঠো ভ্রাতরং দীপ্ততেজসম্ ।
ন সর্বত্র ক্ষমা বীর পুরুষেষু প্রদৃশ্যতে ।। ৭.৫৮.৫ ॥
58.6
সৌমিত্রে দুঃসহো রোষো যথা ক্ষান্তো যয়াতিনা ।
সত্ত্বানুগং পুরস্কৃত্য তন্নিবোধ সমাহিতঃ ।। ৭.৫৮.৬ ॥
58.7
নহুষস্য সুতো রাজা যয়াতিঃ পৌরবর্ধনঃ ।
তস্য ভার্যাদ্বয়ং সৌম্য রূপেণাপ্রতিমং ভুবি ।। ৭.৫৮.৭ ॥
58.8
একা তু তস্য রাজর্ষের্নাহুষস্য পুরস্কৃতা ।
শর্মিষ্ঠা নাম দৈতেয়ী দুহিতা বৃষপর্বণঃ ।। ৭.৫৮.৮ ॥
58.9
অন্যা তূশনসঃ পত্নী যয়াতেঃ পুরুষর্ষভ ।
ন তু সা দয়িতা রাজ্ঞো দেবয়ানী সুমধ্যমা ।। ৭.৫৮.৯ ॥
58.10
তয়োঃ পুত্রৌ তু সম্ভূতৌ রূপবন্তৌ সমাহিতৌ ।
শর্মিষ্ঠা ঽজনয়ত্পূরুং দেবয়ানী যদুং তদা ।। ৭.৫৮.১০ ॥
58.11
পূরুস্তু দয়িতো রাজ্ঞো গুণৈর্মাতৃকৃতেন চ ।
ততো দুঃখসমাবিষ্টো যদুর্মাতরমব্রবীৎ ।। ৭.৫৮.১১ ॥
58.12
ভার্গবস্য কুলে জাতা দেবস্যাক্লিষ্টকর্মণঃ ।
সহসে হৃদ্গতং দুঃখমবমানং চ দুঃসহম্ ।। ৭.৫৮.১২ ॥
58.13
আবাং চ সহিতৌ দেবি প্রবিশাব হুতাশনম্ ।
রাজা তু রমতাং সার্ধং দৈত্যপুত্র্যা বহুক্ষপাঃ ।। ৭.৫৮.১৩ ॥
58.14
যদি বা সহনীয়ং তে মামনুজ্ঞাতুমর্হসি ।
ক্ষম ত্বং ন ক্ষমিষ্যে ঽহং মরিষ্যামি ন সংশয়ঃ ।। ৭.৫৮.১৪ ॥
58.15
পুত্রস্য ভাষিতং শ্রুত্বা পরমার্তস্য রোদতঃ ।
দেবয়ানী তু সঙ্ক্রুদ্ধা সস্মার পিতরং তদা ।। ৭.৫৮.১৫ ॥
58.16
ইঙ্গিতং তদভিজ্ঞায় দুহিতুর্ভার্গবস্তদা ।
আগতস্ত্বরিতং তত্র দেবয়ানী তু যত্র সা ।। ৭.৫৮.১৬ ॥
58.17
দৃষ্ট্বা চাপ্রকৃতিস্থাং তামপ্রহৃষ্টামচেতনাম্ ।
পিতা দুহিতরং বাক্যং কিমেতদিতি চাব্রবীৎ ।। ৭.৫৮.১৭ ॥
58.18
পৃচ্ছন্তমসকৃত্তং বৈ ভার্গবং দীপ্ততেজসম্ ।
দেবয়ানী তু সঙ্ক্রুদ্ধা পিতরং বাক্যমব্রবীৎ ।। ৭.৫৮.১৮ ॥
58.19
অহমগ্নিং বিষং তীক্ষ্ণমপো বা মুনিসত্তম ।
ভক্ষয়িষ্যে প্রবেক্ষ্যামি ন তু শক্ষ্যামি জীবিতুম্ ।। ৭.৫৮.১৯ ॥
58.20
ন মাং ত্বমবজানীষে দুঃখিতামবমানিতাম্ ।
বৃক্ষস্যাবজ্ঞয়া ব্রহ্মংশ্ছিদ্যন্তে বৃক্ষজীবিনঃ ।। ৭.৫৮.২০ ॥
58.21
অবজ্ঞয়া চ রাজর্ষিঃ পরিভূয় চ ভার্গব ।
ময্যবজ্ঞাং প্রয়ুঙ্ক্তে হি ন চ মাং বহু মন্যতে ।। ৭.৫৮.২১ ॥
58.22
তস্যাস্তদ্বচনং শ্রুত্বা কোপেনাভিপরিপ্লুতঃ ।
ব্যাহর্তুমুপচক্রাম ভার্গবো নহুষাত্মজম্ ।। ৭.৫৮.২২ ॥
58.23
যস্মান্মামবজানীষে নাহুষ ত্বং দুরাত্মবান্ ।
জরয়া পরয়া জীর্ণঃ শৈথিল্যমুপয়াস্যসি ।। ৭.৫৮.২৩ ॥
58.24
এবমুক্ত্বা দুহিতরং সমাশ্বাস্য চ ভার্গবঃ ।
পুনর্জগাম ব্রহ্মর্ষির্ভবনং স্বং মহায়শাঃ ।। ৭.৫৮.২৪ ॥
58.25
স এবমুক্ত্বা দ্বিজপুঙ্গবাগ্র্যঃ সুতাং সমাশ্বাস্য চ দেবয়ানীম্ ।
পুনর্যয়ৌ সূর্যসমানতেজা দত্ত্বা চ শাপং নহুষাত্মজায় ।। ৭.৫৮.২৫ ।।