Utshovসর্গ 54
54.1
রামস্য ভাষিতং শ্রুত্বা লক্ষ্মণঃ পরমার্থবিৎ ।
উবাচ প্রাঞ্জলির্বাক্যং রাঘবং দীপ্ততেজসম্ ।। ৭.৫৪.১ ॥
54.2
অল্পাপরাধে কাকুত্স্থ দ্বিজাভ্যাং শাপ ঈদৃশঃ ।
মহান্নৃগস্য রাজর্ষের্যমদণ্ড ইবাপরঃ ।। ৭.৫৪.২ ॥
54.3
শ্রুত্বা তু পাপসংয়ুক্তমাত্মানং পুরষর্ষভ ।
কিমুবাচ নৃগো রাজা দ্বিজৌ ক্রোধসমন্বিতৌ ।। ৭.৫৪.৩ ॥
54.4
লক্ষ্মণেনৈবমুক্তস্তু রাঘবঃ পুনরব্রবীৎ ।
শৃণু সৌম্য যথা পূর্বং স রাজা শাপবিক্ষতঃ ।। ৭.৫৪.৪ ॥
54.5
অথাধ্বনি গতৌ বিপ্রৌ বিজ্ঞায় স নৃগস্তদা ।
আহূয় মন্ত্রিণঃ সর্বান্নৈগমান্সপুরোধসঃ ।। ৭.৫৪.৫ ॥
54.6
তানুবাচ নৃগো রাজা সর্বাশ্চ প্রকৃতীস্তথা ।
দুঃখেন সুসমাবিষ্টঃ শ্রূয়তাং মে সমাহিতৈঃ ।। ৭.৫৪.৬ ॥
54.7
নারদঃ পর্বতশ্চৈব মম দত্ত্বা মহদ্ভয়ম্ ।
গতৌ ত্রিভুবনং ভদ্রৌ বায়ুভূতাবনিন্দিতৌ ।। ৭.৫৪.৭ ॥
54.8
কুমারো ঽয়ং বসুর্নাম স দেবো ঽদ্যাভিষিচ্যতাম্ ।
শ্বভ্রং চ যত্সুখস্পর্শং ক্রিয়তাং শিল্পিভির্মম ।যত্রাহং সঙ্ক্ষয়িষ্যামি শাপং ব্রাহ্মণনিঃসৃতম্ ।। ৭.৫৪.৮ ॥
54.9
বর্ষঘ্নমেকং শ্বভ্রং তু হিমঘ্নমপরং তথা ।
গ্রীষ্মঘ্নং তু সুখস্পর্শমেকং কুর্বন্তু শিল্পিনঃ ।। ৭.৫৪.৯ ॥
54.10
ফলবন্তশ্চ যে বৃক্ষাঃ পুষ্পবত্যশ্চ যা লতাঃ ।
বিরোপ্যন্তাং বহুবিধাশ্ছায়াবন্তশ্চ গুল্মিনঃ ।। ৭.৫৪.১০ ॥
54.11
ক্রিয়তাং রমণীয়ং চ শ্বভ্রাণাং সর্বতোদিশম্ ।
সুখমত্র বসিষ্যামি যাবত্কালস্য পর্যয়ঃ ।। ৭.৫৪.১১ ॥
54.12
পুষ্পাণি চ সুগন্ধীনি ক্রিয়তাং তেষু নিত্যশঃ ।
পরিবার্য যথা মে স্যুরধ্যর্ধং যোজনং তথা ।। ৭.৫৪.১২ ॥
54.13
এবং কৃত্বা বিধানং স সন্দিদেশ বসং তদা ।
ধর্মনিত্যঃ প্রজাঃ পুত্র ক্ষত্রধর্মেণ পালয় ।। ৭.৫৪.১৩ ॥
54.14
প্রত্যক্ষং তে যথা শাপো দ্বিজাভ্যাং ময়ি পাতিতঃ ।
নরশ্রেষ্ঠ সরোষাভ্যামপরাধে ঽপি তাদৃশে ।। ৭.৫৪.১৪ ॥
54.15
মা কৃথাস্তনুসন্তাপং মত্কৃতে ঽপি নরর্ষভ ।
কৃতান্তঃ কুশলঃ পুত্র যেনাস্মি ব্যসনীকৃতঃ ।। ৭.৫৪.১৫ ॥
54.16
প্রাপ্তব্যান্যেব প্রাপ্নোতি গন্তব্যান্যেব গচ্ছতি ।
লব্ধব্যান্যেব লভতে দুঃখানি চ সুখানি চ ।। ৭.৫৪.১৬ ॥
54.17
পূর্বে জাত্যন্তরে বত্স মা বিষাদং কুরুষ্ব হ ।
। ৭.৫৪.১৭ ॥
54.18
এবমুক্ত্বা নৃপস্তত্র সুতং রাজা মহায়শাঃ ।
শ্বভ্রং জগাম সুকৃতং বাসায় পুরুষর্ষভ ।। ৭.৫৪.১৮ ॥
54.19
এবং প্রবিশ্যৈব নৃপস্তদানীং শ্বভ্রং মহারত্নবিভূষিতং তৎ ।
সম্পাদয়ামাস তদা মহাত্মা শাপং দ্বিজাভ্যাং হি রুষা বিমুক্তম্ ।। ৭.৫৪.১৯ ।।