Utshovসর্গ 51
51.1
তথা সঞ্চোদিতঃ সূতো লক্ষ্মণেন মহাত্মনা ।
তদ্বাক্যমৃষিণা প্রোক্তং ব্যাহর্তুমুপচক্রমে ।। ৭.৫১.১ ॥
51.2
পুরা নাম্না হি দুর্বাসা অত্রেঃ পুত্রো মহামুনিঃ ।
বসিষ্ঠস্যাশ্রমে পুণ্যে বার্ষিক্যং সমুবাস হ ।। ৭.৫১.২ ॥
51.3
তমাশ্রমং মহাতেজাঃ পিতা তে সুমহায়শাঃ ।
পুরোহিতং মহাত্মানং দিদৃক্ষুরগমস্ত্বয়ম্ ।। ৭.৫১.৩ ॥
51.4
স দৃষ্ট্বা সূর্যসঙ্কাশং জ্বলন্তমিব তেজসা ।
উপবিষ্টং বসিষ্ঠস্য সব্যপার্শ্বে মহামুনিম্ ।। ৭.৫১.৪ ॥
51.5
তৌ মুনী তাপসশ্রেষ্ঠৌ বিনীতো হ্যভিবাদয়ৎ ।
স তাভ্যাং পূজিতো রাজা স্বাগতেনাসনেন চ ॥
51.6
পাদ্যেন ফলমূলৈশ্চ উবাস মুনিভিঃ সহ ।
। ৭.৫১.৫ ॥
51.7
তেষাং তত্রোপবিষ্টানাং তাস্তাঃ সুমধুরাঃ কথাঃ ।
বভূবুঃ পরমর্ষীণাং মধ্যাদিত্যগতে ঽহনি ।। ৭.৫১.৬ ॥
51.8
ততঃ কথায়াং কস্যাঞ্চিত্প্রাঞ্জলিঃ প্রগ্রহো নৃপঃ ।
উবাচ তং মহাত্মানমত্রেঃ পুত্রং তপোধনম্ ।। ৭.৫১.৭ ॥
51.9
ভগবন্কিং প্রমাণেন মম বংশো ভবিষ্যতি ।
কিমায়ুশ্চ হি মে রামঃ পুত্রাশ্চান্যে কিমায়ুষঃ ।। ৭.৫১.৮ ॥
51.10
রামস্য চ সুতা যে স্যুস্তেষামায়ুঃ কিয়দ্ভবেৎ ।
কাম্যয়া ভগবন্বূহি বংশস্যাস্য গতিং মম ।। ৭.৫১.৯ ॥
51.11
তচ্ছ্রুত্বা ব্যাহৃতং বাক্যং রাজ্ঞো দশরথস্য চ ।
দুর্বাসাঃ সুমহাতেজা ব্যাহর্তুমুপচক্রমে ।। ৭.৫১.১০ ॥
51.12
শৃণু রাজন্পুরাবৃত্তং তদা দেবাসুরে যুধি ।
দৈত্যাঃ সুরৈর্ভর্ত্স্যমানা ভৃগুপত্নীং সমাশ্রিতাঃ ।। ৭.৫১.১১ ॥
51.13
তয়া দত্তাভয়াস্তত্র ন্যবসন্নভয়াস্তদা ।
। ৭.৫১.১২ ॥
51.14
তয়া পরিগৃহীতাংস্তান্দৃষ্ট্বা ক্রুদ্ধঃ সুরেশ্বরঃ ।
চক্রেণ শিতধারেণ ভৃগুপত্ন্যাঃ শিরো ঽহরৎ ।। ৭.৫১.১৩ ॥
51.15
ততস্তাং নিহতাং দৃষ্ট্বা পত্নীং ভৃগুকুলোদ্বহঃ ।
শশাপ সহসা ক্রুদ্ধো বিষ্ণুং রিপুকুলার্দনম্ ।। ৭.৫১.১৪ ॥
51.16
যস্মাদবধ্যাং মে পত্নীমবধীঃ ক্রোধমূর্চ্ছিতঃ ।
তস্মাত্ত্বং মানুষে লোকে জনিষ্যসি জনার্দন ।। ৭.৫১.১৫ ॥
51.17
তত্র পত্নীবিয়োগং ত্বং প্রাপ্স্যসে বহুবার্ষিকম্ ।
। ৭.৫১.১৬ ॥
51.18
শাপাভিহতচেতাস্স স্বাত্মনা ভাবিতো ঽভবৎ ।
। ৭.৫১.১৭ ॥
51.19
অর্চয়ামাস তং দেবং ভৃগুঃ শাপেন পীডিতঃ ।
তপসারাধিতো দেবো হ্যব্রবীদ্ভক্তবত্সলঃ ।লোকানাং সংহিতার্থং তু তং শাপং গ্রাহ্যমুক্তবান্ ।। ৭.৫১.১৯ ॥
51.20
ইতি শপ্তো মহাতেজা ভৃগুণা পূর্বজন্মনি ।
ইহাগতো হি পুত্রত্বং তব পার্থিবসত্তম ।। ৭.৫১.২০ ॥
51.21
রাম ইত্যভিবিখ্যাতস্ত্রিষু লোকেষু মানদ ।
তত্ফলং প্রাপ্স্যতে চাপি ভৃগুশাপকৃতং মহৎ ।। ৭.৫১.২১ ॥
51.22
অয়োধ্যায়াঃ পতী রামো দীর্ঘকালং ভবিষ্যতি ।
সুখিনশ্চ সমৃদ্ধাশ্চ ভবিষ্যন্ত্যস্য যে ঽনুগাঃ ।। ৭.৫১.২২ ॥
51.23
দশ বর্ষসহস্রাণি দশ বর্ষশতানি চ ।
রামো রাজ্যমুপাসিত্বা ব্রহ্মলোকং গমিষ্যতি ।। ৭.৫১.২৩ ॥
51.24
সমৃদ্ধৈশ্চাশ্বমেধৈশ্চ ইষ্ট্বা পরমদুর্জয়ঃ ।
রাজবংশাংশ্চ বহুশো বহূন্সংস্থাপয়িষ্যতি ।। ৭.৫১.২৪ ॥
51.25
দ্বৌ পুত্রৌ তু ভবিষ্যেতে সীতায়াং রাঘবস্য তু ।
অন্যত্র ন ত্বয়োধ্যায়াং সত্যমেতন্নসংশয়ঃ ।। ৭.৫১.২৫ ॥
51.26
সীতায়াশ্চ ততঃ পুত্রাবভিষেক্ষ্যতি রাঘবঃ ।
। ৭.৫১.২৬ ॥
51.27
স সর্বমখিলং রাজ্ঞো বংশস্যাহ গতাগতম্ ।
আখ্যায় সুমহাতেজাস্তূষ্ণীমাসীন্মহামুনিঃ ।। ৭.৫১.২৭ ॥
51.28
তূষ্ণীম্ভূতে তদা তস্মিন্রাজা দশরথো মুনৌ ।
অভিবাদ্য মহাত্মানৌ পুনরায়াত্পুরোত্তমম্ ।। ৭.৫১.২৮ ॥
51.29
এতদ্বচো ময়া তত্র মুনিনা ব্যাহৃতং পুরা ।
শ্রুতং হৃদি চ নিক্ষিপ্তং নান্যথা তদ্ভবিষ্যতি ।। ৭.৫১.২৯ ॥
51.30
এবং গতে ন সন্তাপং কর্তুমর্হসি রাঘব ।
সীতার্থে রাঘবার্থে বা দৃঢো ভব নরোত্তম ।। ৭.৫১.৩০ ॥
51.31
শ্রুত্বা তু ব্যাহৃতং বাক্যং সূতস্য পরমাদ্ভুতম্ ।
প্রহর্ষমতুলং লেভে সাধু সাধ্বিতি চাব্রবীৎ ।। ৭.৫১.৩১ ॥
51.32
ততঃ সংবদতোরেবং সূতলক্ষ্মণয়োঃ পথি ।
অস্তমর্কে গতে বাসং কেশিন্যাং তাবথোষতুঃ ।। ৭.৫১.৩২ ।।