Utshovসর্গ 5
5.1
সুকেশং ধার্মিকং দৃষ্ট্বা বরলব্ধং চ রাক্ষসম্ ।
গ্রামণীর্নাম গন্ধর্বো বিশ্বাবসুসমপ্রভঃ ।। ৭.৫.১ ॥
5.2
তস্য দেববতী নাম দ্বিতীয়া শ্রীরিবাত্মজা ।
ত্রিষু লোকেষু বিখ্যাতা রূপয়ৌবনশালিনী ।তাং সুকেশায় ধর্মেণ দদৌ রক্ষঃশ্রিয়ং যথা ।। ৭.৫.২ ॥
5.3
বরদানকৃতৈশ্বর্যং সা তং প্রাপ্য পতিং প্রিয়ম্ ।
আসীদ্দেববতী তুষ্টা ধনং প্রাপ্যেব নির্ধনঃ ।। ৭.৫.৩ ॥
5.4
স তয়া সহ সংয়ুক্তো ররাজ রজনীচরঃ ।
অঞ্জনাদভিনিষ্ক্রান্তঃ করেণ্বেব মহাগজঃ ।। ৭.৫.৪ ॥
5.5
দেববত্যাং সুকেশস্তু জনয়ামাস রাঘব ।
। ৭.৫.৫ ॥
5.6
ত্রীন্ পুত্রান্ জনয়ামাস ত্রেতাগ্নিসমবিগ্রহান্ ।
মাল্যবন্তং সুমালিং চ মালিং চ বলিনাং বরম্ ।ত্রীংস্ত্রিনেত্রসমান্পুত্রান্রাক্ষসান্রাক্ষসাধিপঃ ।। ৭.৫.৬ ॥
5.7
ত্রয়ো লোকা ইবাব্যগ্রাঃ স্থিতাস্ত্রয় ইবাগ্নয়ঃ ।
ত্রয়ো মন্ত্রা ইবাত্যুগ্রাস্ত্রয়ো ঘোরা ইবাময়াঃ ।। ৭.৫.৭ ॥
5.8
ত্রয়ঃ সুকেশস্য সুতাস্ত্রেতাগ্নিসমতেজসঃ ।
বিবৃদ্ধিমগমংস্তত্র ব্যাধয়োপেক্ষিতা ইব ।। ৭.৫.৮ ॥
5.9
বরপ্রাপ্তিং পিতুস্তে তু জ্ঞাত্বেশ্বরতপোবলাৎ ।
তপস্তপ্তুং গতা মেরুং ভ্রাতরঃ কৃতনিশ্চয়াঃ ।। ৭.৫.৯ ॥
5.10
প্রগৃহ্য নিয়মান্ঘোরান্রাক্ষসা নৃপসত্তম ।
বিচেরুস্তে তপো ঘোরং সর্বভূতভয়াবহম্ ।। ৭.৫.১০ ॥
5.11
সত্যার্জবশমোপেতৈস্তপোভিরতিদুষ্করৈঃ ।
সন্তাপয়ন্তস্ত্রীল্লোঁকান্সদেবাসুরমানুষান্ ।। ৭.৫.১১ ॥
5.12
ততো বিভুশ্চতুর্বক্ত্রো বিমানবরমাস্থিতঃ ।
সুকেশপুত্রানামন্ত্র্য বরদো ঽস্মীত্যভাষত ।। ৭.৫.১২ ॥
5.13
ব্রহ্মাণং বরদং জ্ঞাত্বা সেন্দ্রৈর্দেবগণৈর্বৃতম্ ।
ঊচুঃ প্রাঞ্জলয়ঃ সর্বে বেপমানা ইব দ্রুমাঃ ।। ৭.৫.১৩ ॥
5.14
তপসারাধিতো দেব যদি নো দিশসে বরম্ ।
অজেয়াঃ শত্রুহন্তারস্তথৈব চিরজীবিনঃ ।। ৭.৫.১৪ ॥
5.15
প্রভবিষ্ণ্বো ভবামেতি পরস্পরমনুব্রতাঃ ।
। ৭.৫.১৫ ॥
5.16
এবং ভবিষ্যতীত্যুক্ত্বা সুকেশতনয়ান্বিভুঃ ।
স যয়ৌ ব্রহ্মলোকায় ব্রহ্মা ব্রাহ্মণবত্সলঃ ।। ৭.৫.১৬ ॥
5.17
বরং লব্ধ্বা তু তে সর্বে রাম রাত্রিঞ্চরাস্তদা ।
সুরাসুরান্প্রবাধন্তে বরদানসুনির্ভয়াঃ ।। ৭.৫.১৭ ॥
5.18
তৈর্বধ্যমানাস্ত্রিদশাঃ সর্ষিসঙ্ঘাঃ সচারণাঃ ।
ত্রাতারং নাধিগচ্ছন্তি নিরয়স্থা যথা নরাঃ ।। ৭.৫.১৮ ॥
5.19
অথ তে বিশ্বকর্মাণং শিল্পিনাং বরমব্যয়ম্ ।
ঊচুঃ সমেত্য সংহৃষ্টা রাক্ষসা রঘুসত্তম ।। ৭.৫.১৯ ॥
5.20
ওজস্তেজোবলবতাং মহতামাত্মতেজসা ।
গৃহকর্তা ভবানেব দেবানাং হৃদয়েপ্সিতম্ ।। ৭.৫.২০ ॥
5.21
অস্মাকমপি তাবত্ত্বং গৃহং কুরু মহামতে ।
হিমবন্তমপাশ্রিত্য মেরুমন্দরমেব বা ।মহেশ্বরগৃহপ্রখ্যং গৃহং নঃ ক্রিয়তাং মহৎ ।। ৭.৫.২১ ॥
5.22
বিশ্বকর্মা ততস্তেষাং রাক্ষসানাং মহাভুজঃ ।
নিবাসং কথয়ামাস শক্রস্যেবামরাবতীম্ ।। ৭.৫.২২ ॥
5.23
দক্ষিণস্যোদধেস্তীরে ত্রিকূটো নাম পর্বতঃ ।
সুবেল ইতি চাপ্যন্যো দ্বিতীয়স্তত্র সত্তমাঃ ।। ৭.৫.২৩ ॥
5.24
শিখরে তস্য শৈলস্য মধ্যমে ঽম্বুদসন্নিভে ।
শকুনৈরপি দুষ্প্রাপে টঙ্কচ্ছিন্নচতুর্দিশি ।। ৭.৫.২৪ ॥
5.25
ত্রিংশদ্যোজনক্স্তীর্ণা শতয়োজনমায়তা ।
স্বর্ণপ্রাকারসংবীতা হেমতোরণসংবৃতা ।। ৭.৫.২৫ ॥
5.26
ময়া লঙ্কেতি নগরী শক্রাজ্ঞপ্তেন নির্মিতা ।
তস্যাং বসত দুর্ধর্ষা যূয়ং রাক্ষসপুঙ্গবাঃ ।। ৭.৫.২৬ ॥
5.27
অমরাবতীং সমাসাদ্য সেন্দ্রা ইব দিবৌকসঃ ।
লঙ্কাদুর্গং সমাসাদ্য রাক্ষসৈর্বহুভির্বৃতাঃ ।। ৭.৫.২৭ ॥
5.28
ভবিষ্যথ দুরাধর্ষাঃ শত্রূণাং শত্রুসূদনাঃ ।
। ৭.৫.২৮ ॥
5.29
বিশ্বকর্মবচঃ শ্রুত্বা ততস্তে রাক্ষসোত্তমাঃ ।
সহস্রানুচরা ভূত্বা গত্বা তামবসন্পুরীম্ ।। ৭.৫.২৯ ॥
5.30
দৃঢপ্রাকারপরিখাং হৈমৈর্গৃহশতৈর্বৃতাম্ ।
লঙ্কামবাপ্য তে হৃষ্টা ন্যবসন্রজনীচরাঃ ।। ৭.৫.৩০ ॥
5.31
এতস্মিন্নেব কালে তু যথাকামং চ রাঘব ।
নর্মদা নাম গন্ধর্বী বভূব রঘুনন্দন ।। ৭.৫.৩১ ॥
5.32
তস্যাঃ কান্যাত্রয়ং হ্যাসীৎ ধীশ্রীকির্তিসমদ্যুতি ।
জ্যেষ্ঠক্রমেণ সা তেষাং রাক্ষসানামরাক্ষসী ।। ৭.৫.৩২ ॥
5.33
কন্যাস্তাঃ প্রদদৌ হৃষ্টা পূর্ণচন্দ্রনিভাননাঃ ।
ত্রয়াণাং রাক্ষসেন্দ্রাণাং তিস্রো গন্ধর্বকন্যকাঃ ।। ৭.৫.৩৩ ॥
5.34
দত্তা মাত্রা মহাভাগা নক্ষত্রে ভগদৈবতে ।
কুতদারাস্তু তে রাম সুকেশতনয়াস্তদা ।। ৭.৫.৩৪ ॥
5.35
চিক্রীডুঃ সহ ভার্যাভিরপ্সরোভিরিবামরাঃ ।
ততো মাল্যবতো ভার্যা সুন্দরী নাম সুন্দরী ।। ৭.৫.৩৫ ॥
5.36
স তস্যাং জনয়ামাস যদপত্যং নিবোধ তৎ ।
বজ্রমুষ্টির্বিরূপাক্ষোদুর্মুখশ্চৈব রাক্ষসঃ ।। ৭.৫.৩৬ ॥
5.37
সুপ্তঘ্নো যজ্ঞকোপশ্চ মত্তোন্মত্তৌ তথৈব চ ।
অনলা চাভবত্কন্যা সুন্দর্যাং রাম সুন্দরী ।। ৭.৫.৩৭ ॥
5.38
সুমালিনো ঽপি ভার্যাসীত্পূর্ণচদ্রনিভাননা ।
নাম্না কেতুমতী রাম প্রাণেভ্যো ঽপি গরীয়সী ।। ৭.৫.৩৮ ॥
5.39
সুমালী জনয়ামাস যদপত্যং নিশাচরঃ ।
কেতুমত্যাং মহারাজ তন্নিবোধানুপূর্বশঃ ।। ৭.৫.৩৯ ॥
5.40
প্রহস্তো ঽকম্পনশ্চৈব বিকটঃ কালকার্মুখঃ ।
ধূম্রাক্ষশ্চৈব দণ্ডশ্চ সুপার্শ্বশ্চ মহাবলঃ ।। ৭.৫.৪০ ॥
5.41
সংহ্রাদিঃ প্রঘসশ্চৈব ভাসকর্ণশ্চ রাক্ষসঃ ।
রাকা পুষ্পোত্কটা চৈব কৈকসী চ শুচিস্মিতা ॥
5.42
কুম্ভীনসী চ ইত্যেতে সুমালেঃ প্রসবাঃ স্মৃতাঃ ।
। ৭.৫.৪১ ॥
5.43
মালেস্তু বসুধা নাম গন্ধর্বী রূপশালিনী ।
ভার্যাসীত্পদ্মপত্রাক্ষী স্বক্ষী যক্ষীবরোপমা ।। ৭.৫.৪২ ॥
5.44
সুমালেরনুজস্তস্যাং জনয়ামাস যৎ প্রভো ।
অপত্যং কথ্যমানং তু ময়া ত্বং শৃণু রাঘব ।। ৭.৫.৪৩ ॥
5.45
অনিলশ্চানলশ্চৈব হরঃ সম্পাতিরেব চ ।
এতে বিভীষণামাত্যা মালেয়াস্তু নিশাচরঃ ।। ৭.৫.৪৪ ॥
5.46
ততস্তু তে রাক্ষসপুঙ্গবাস্ত্রয়ো নিশাচরৈঃ পুত্রশতৈশ্চ সংবৃতাঃ ।
সুরান্সহেন্দ্রানৃষিনাগয়ক্ষান্ববাধিরে তান্বহুবীর্যদর্পিতাঃ ।। ৭.৫.৪৫ ॥
5.47
জগদ্ভ্রমন্তো ঽনিলবদ্দুরাসদা রণেষু মৃত্যুপ্রতিমানতেজসঃ ।
বরপ্রদানাদতিগর্বিতা ভৃশং ক্রতুক্রিয়াণাং প্রশমঙ্করাঃ সদা ।। ৭.৫.৪৬ ।।