Utshovসর্গ 6
6.1
তৈর্বধ্যমানা দেবাশ্চ ঋষয়শ্চ তপোধনাঃ ।
ভয়ার্তাঃ শরণং জগ্মুর্দেবদেবং মহেশ্বরম্ ।। ৭.৬.১ ॥
6.2
জগত্সৃষ্ট্যন্তকর্তারমজমব্যক্তরূপিণম্ ।
আধারং সর্বলোকানামারাধ্যং পরমং গুরুম্ ।। ৭.৬.২ ॥
6.3
তে সমেত্য তু কামারিং ত্রিপুরারিং ত্রিলোচনম্ ।
ঊচুঃ প্রাঞ্জলয়ো দেবা ভয়গদ্গদভাষিণঃ ।। ৭.৬.৩ ॥
6.4
সুকেশপুত্রৈর্ভগবন্পিতামহবরোদ্ধতৈঃ ।
প্রজাধ্যক্ষ প্রজাঃ সর্বা বাধ্যন্তে রিপুবাধনৈঃ ।। ৭.৬.৪ ॥
6.5
শরণ্যান্যশরণ্যানি হ্যাশ্রমাণি কৃতানি নঃ ।
স্বর্গাচ্চ দেবান্প্রচ্যাব্য স্বর্গে ক্রীডন্তি দেববৎ ।। ৭.৬.৫ ॥
6.6
অহং বিষ্ণুরহং রুদ্রো ব্রহ্মাহং দেবরাডহম্ ।
অহং যমশ্চ বরুণশ্চন্দ্রো ঽহং রবিরপ্যহম্ ।। ৭.৬.৬ ॥
6.7
ইতি মালী সুমালী চ মাল্যবাংশ্চৈব রাক্ষসাঃ ।
বাধন্তে সমরোদ্ধর্ষা যে চ তেষাং পুরঃসরাঃ ।তন্নো দেব ভয়ার্তানামভয়ং দাতুমর্হসি ।। ৭.৬.৭ ॥
6.8
অশিবং বপুরাস্থায় জহি বৈ দেবকণ্টকান্ ।
। ৭.৬.৮ ।।ধন্তে সমরোদ্ধর্ষা যে চ তেষাং পুরঃসরাঃ ।ইত্যুক্তস্তু সুরৈঃ সর্বৈঃ কপর্দী নীললোহিতঃ ।সুকেশং প্রতি সাপেক্ষঃ প্রাহ দেবগণান্প্রভুঃ ।। ৭.৬.৯ ॥
6.9
অহং তান্ন হনিষ্যামি ময়াবধ্যা হি তে সুরাঃ ।
কিং তু মন্ত্রং প্রদাস্যামি যো বৈ তান্নিহনিষ্যতি ।। ৭.৬.১০ ॥
6.10
এতমেব সমুদ্যোগং পুরস্কৃত্য মহর্ষয়ঃ ।
গচ্ছধ্বং শরণং বিষ্ণুং হনিষ্যতি স তান্প্রভুঃ ।। ৭.৬.১১ ॥
6.11
ততস্তু জয়শব্দেন প্রতিনন্দ্য মহেশ্বরম্ ।
বিষ্ণোঃ সমীপমাজগ্মুর্নিশাচরভয়ার্দিতাঃ ।। ৭.৬.১২ ॥
6.12
শঙ্খচক্রধরং দেবং প্রণম্য বহুমান্য চ ।
ঊচুঃ সম্ভ্রান্তবদ্বাক্যং সুকেশতনয়ান্প্রতি ।। ৭.৬.১৩ ॥
6.13
সুকেশতনয়ৈর্দেব ত্রিভিস্ত্রেতাগ্নিসন্নিভৈঃ ।
আক্রম্য বরদানেন স্থানান্যপহৃতানি নঃ ।। ৭.৬.১৪ ॥
6.14
লঙ্কা নাম পুরী দুর্গা ত্রিকূটশিখরে স্থিতা ।
তত্র স্থিতাঃ প্রবাধন্তে সর্বান্নঃ ক্ষণদাচরাঃ ।। ৭.৬.১৫ ॥
6.15
স ত্বমস্মদ্ধিতার্থায় জহি তান্মধুসূদন ।
শরণং ত্বাং বয়ং প্রাপ্তা গতির্ভব সুরেশ্বর ।। ৭.৬.১৬ ॥
6.16
চক্রকৃত্তাস্যকমলান্নিবেদয় যমায় বৈ ।
ভয়েষ্বভয়দো ঽস্মাকং নান্যো ঽস্তি ভবতা বিনা ।। ৭.৬.১৭ ॥
6.17
রাক্ষসান্সমরে দুষ্টান্সানুবন্ধান্মদোদ্ধতান্ ।
নুদং ত্বং নো ভয়ং দেব নীহারমিব ভাস্করঃ ।। ৭.৬.১৮ ॥
6.18
ইত্যেবং দৈবতৈরুক্তো দেবদেবো জনার্দনঃ ।
অভয়ং ভয়দো ঽরীণাং দত্ত্বা দেবানুবাচ হ ।। ৭.৬.১৯ ॥
6.19
সুকেশং রাক্ষসং জানে ঈশানবরদর্পিতম্ ।
তাংশ্চাস্য তনয়াঞ্জানে যেষাং জ্যেষ্ঠঃ স মাল্যবান্ ।। ৭.৬.২০ ॥
6.20
তানহং সমতিক্রান্তমর্যাদান্রাক্ষসাধমান্ ।
নিহনিষ্যামি সঙ্ক্রুদ্ধঃ সুরা ভবত বিজ্বরাঃ ।। ৭.৬.২১ ॥
6.21
ইত্যুক্তাস্তে সুরাঃ সর্বে বিষ্ণুনা প্রভবিষ্ণুনা ।
যথাবাসং যয়ুর্হৃষ্টাঃ প্রশংসন্তো জনার্দনম্ ।। ৭.৬.২২ ॥
6.22
বিবুধানাং সমুদ্যোগং মাল্যবাংস্তু নিশাচরঃ ।
শ্রুত্বা তৌ ভ্রাতরৌ বীরাবিদং বচনমব্রবীৎ ।। ৭.৬.২৩ ॥
6.23
অমরা ঋষয়শ্চৈব সঙ্গম্য কিল শকরম্ ।
অস্মদ্বধং পরীপ্সন্ত ইদং বচনমব্রুবন্ ।। ৭.৬.২৪ ॥
6.24
সুকেশতনয়া দেব বরদানবলোদ্ধতাঃ ।
বাধন্তে ঽস্মান্সমুদ্দৃপ্তা ঘোররূপাঃ পদে পদে ।। ৭.৬.২৫ ॥
6.25
রাক্ষসৈরভিভূতাঃ স্ম ন শক্তাঃ স্ম প্রজাপতে ।
স্বেষু সদ্মসু সংস্থাতুং ভয়াত্তেষাং দুরাত্মনাম্ ।। ৭.৬.২৬ ॥
6.26
তদস্মাকং হিতার্থায় জহি তাংশ্চ ত্রিলোচন ।
রাক্ষসান্হুঙ্কৃতেনৈব দহ প্রদহতাং বর ।। ৭.৬.২৭ ॥
6.27
ইত্যেবং ত্রিদশৈরুক্তো নিশম্যান্ধকসূদনঃ ।
শিরঃ করং চ ধুন্বান ইদং বচনমব্রবীৎ ।। ৭.৬.২৮ ॥
6.28
অবধ্যা মম তে দেবাঃ সুকেশতনয়া রণে ।
মন্ত্রং তু বঃ প্রদাস্যামি যস্তান্বৈ নিহনিষ্যতি ।। ৭.৬.২৯ ॥
6.29
যো ঽসৌ চক্রগদাপাণিঃ পীতবাসা জনার্দনঃ ।
হরির্নারায়ণঃ শ্রীমান্ শরণং তং প্রপদ্যথ ।। ৭.৬.৩০ ॥
6.30
হরাদবাপ্য তে মন্ত্রং কামারিমভিবাদ্য চ ।
নারায়ণালয়ং প্রাপ্য তস্মৈ সর্বং ন্যবেদয়ন্ ।। ৭.৬.৩১ ॥
6.31
ততো নারায়ণেনোক্তা দেবা ইন্দ্রপুরোগমাঃ ।
সুরারীংস্তান্হনিষ্যামি সুরা ভবত বিজ্বরাঃ ।। ৭.৬.৩২ ॥
6.32
দেবানাং ভয়ভীতানাং হরিণা রাক্ষসর্ষভৌ ।
প্রতিজ্ঞাতো বধো ঽস্মাকং চিন্ত্যতাং যদিহ ক্ষমম্ ।। ৭.৬.৩৩ ॥
6.33
হিরণ্যকশিপোর্মৃত্যুরন্যেষাং চ সুরদ্বিষাম্ ।
নমুচিঃ কালনেমিশ্চ সংহ্রাদো বীরসত্তমঃ ।। ৭.৬.৩৪ ॥
6.34
রাধেয়ো বহুমায়ী চ লোকপালো ঽথ ধার্মিকঃ ।
যমলার্জুনৌ চ হার্দিক্যঃ শুম্ভশ্চৈব নিশুম্ভকঃ ।। ৭.৬.৩৫ ॥
6.35
অসুরা দানবাশ্চৈব সত্ত্ববন্তো মহাবলাঃ ।
সর্বে সমরমাসাদ্য ন শ্রূয়ন্তে ঽপরাজিতাঃ ।। ৭.৬.৩৬ ॥
6.36
সর্বৈঃ ক্রতুশতৈরিষ্টং সর্বে মায়াবিদস্তথা ।
সর্বে সর্বাস্ত্রকুশলাঃ সর্বে শত্রুভয়ঙ্করাঃ ।। ৭.৬.৩৭ ॥
6.37
নারায়ণেন নিহতাঃ শতশো ঽথ সহস্রশঃ ।
এতজ্জ্ঞাত্বা তু সর্বেষাং ক্ষমং কর্তুমিহার্হথ ।। ৭.৬.৩৮ ॥
6.38
ততঃ সুমালী মালী চ শ্রুত্বা মাল্যবতো বচঃ ।
ঊচতুর্ভ্রাতরং জ্যেষ্ঠং ভগাংশাবিব বাসবম্ ।। ৭.৬.৩৯ ॥
6.39
স্বধীতং দত্তমিষ্টং চাপ্যৈশ্বর্যং পরিপালিতম্ ।
আয়ুর্নিরাময়ং প্রাপ্তং সুধর্মঃ প্রাপিতঃ পথি ।। ৭.৬.৪০ ॥
6.40
দেবসাগরমক্ষোভ্যং শস্ত্রৈঃ সমবগাহ্য চ ।
জিতা দ্বিষো হ্যপ্রতিমাস্তন্নো মৃত্যুকৃতং ভয়ম্ ।। ৭.৬.৪১ ॥
6.41
নারায়ণশ্চ রুদ্রশ্চ শক্রশ্চাপি যমস্তথা ।
অস্মাকং প্রমুখে স্থাতুং সর্বে বিভ্যতি সর্বদা ।। ৭.৬.৪২ ॥
6.42
বিষ্ণোর্দেবস্য নাস্ত্যেব কারণং রাক্ষসেশ্বর ।
দেবানামেব দোষেণ বিষ্ণোঃ প্রচলিতং মনঃ ।। ৭.৬.৪৩ ॥
6.43
তস্মাদদ্য সমুদ্যুক্তাঃ সর্বসৈন্যসমাবৃতাঃ ।
দেবানেব জিঘাংসাম এভ্যো দোষঃ সমুত্থিতঃ ।। ৭.৬.৪৪ ॥
6.44
এবং সম্মন্ত্র্য বলিনঃ সর্বে সৈন্যসমাবৃতাঃ ।
উদ্যোগং ঘোষয়িত্বা তু সর্বে নৈর্ঋতপুঙ্গবাঃ ॥
6.45
যুদ্ধায় নির্যয়ুঃ ক্রুদ্ধা জম্ভবৃত্রবলা ইব ।
। ৭.৬.৪৫ ॥
6.46
ইতি তে রাম সম্মন্ত্র্য সর্বোদ্যোগেন রাক্ষসাঃ ।
যুদ্ধায় নির্যয়ুঃ সর্বে মহাকায়া মহাবলাঃ ।। ৭.৬.৪৬ ॥
6.47
স্যন্দনৈর্বারণৈশ্চৈব হয়ৈশ্চ গিরিসন্নিভৈঃ ।
খরৈর্গোভী রথোষ্ট্রৈশ্চ শিংশুমারৈর্ভুজঙ্গমৈঃ ।। ৭.৬.৪৭ ॥
6.48
মকরৈঃ কচ্ছপৈর্মীনৈর্বিহঙ্গৈর্গরুডোপমৈঃ ।
সিংহৈর্ব্যাঘ্রৈর্বরাহৈশ্চ সৃমরৈশ্চমরৈরপি ।। ৭.৬.৪৮ ॥
6.49
ত্যক্ত্বা লঙ্কাং গতাঃ সর্বে রাক্ষসা বলগর্বিতাঃ ।
প্রয়াতা দেবলোকায় যোদ্ধুং দৈবতশত্রবঃ ।। ৭.৬.৪৯ ॥
6.50
লঙ্কাবিপর্যয়ং দৃষ্ট্বা যানি লঙ্কালয়ান্যথ ।
ভূতানি ভয়দর্শীনি বিমনস্কানি সর্বশঃ ।। ৭.৬.৫০ ॥
6.51
রথোত্তমৈরুহ্যমানাঃ শতশো ঽথ সহস্রশঃ ।
। ৭.৬.৫১ ॥
6.52
প্রয়াতা রাক্ষসাস্তূর্ণং দেবলোকং প্রয়ত্নতঃ ।
রক্ষসামেব মার্গেণ দৈবতান্যপচক্রমুঃ ।। ৭.৬.৫২ ॥
6.53
ভৌমাশ্চৈবান্তরিক্ষাশ্চ কালাজ্ঞপ্তা ভয়াবহাঃ ।
উত্পাতা রাক্ষসেন্দ্রাণামভাবায় সমুত্থিতাঃ ।। ৭.৬.৫৩ ॥
6.54
অস্থীনি মেঘা ববৃষুরুষ্ণং শোণিতমেব চ ।
বেলাং সমুদ্রাশ্চোত্ক্রান্তাশ্চেলুশ্চাপ্যথ ভূধরাঃ ।। ৭.৬.৫৪ ॥
6.55
অট্টহাসান্বিমুঞ্চন্তো ঘননাদসমস্বনাঃ ।
বাশ্যন্ত্যশ্চ শিবাস্তত্র দারুণং ঘোরদর্শনাঃ ।। ৭.৬.৫৫ ॥
6.56
সম্পতন্ত্যথ ভূতানি দৃশ্যন্তে চ যথাক্রমম্ ।
গৃধ্রচক্রং মহচ্চাত্র জ্বলনোদ্গারিভির্মুখৈঃ ।। ৭.৬.৫৬ ॥
6.57
রাক্ষসানামুপরি খে ভ্রমতে ঽলাতচক্রবৎ ।
কপোতা রক্তপাদাশ্চ শারিকা বিদ্রুতা যয়ুঃ ॥
6.58
কাকা বাশ্যন্তি তত্রৈব বিডালা বৈ দ্বিপাদয়ঃ ।
। ৭.৬.৫৭ ॥
6.59
উত্পাতাংস্তাননাদৃত্য রাক্ষসা বলগর্বিতাঃ ।
যান্ত্যেব ন নিবর্ত্তন্তে মৃত্যুপাশাবপাশিতাঃ ।। ৭.৬.৫৮ ॥
6.60
মাল্যবাংশ্চ সুমালী চ মালী চ সুমহাবলাঃ ।
আসন্পুরঃসরাস্তেষাং ক্রতূনামিব পাবকাঃ ।। ৭.৬.৫৯ ॥
6.61
মাল্যবন্তং চ তে সর্বে মাল্যবন্তমিবাচলম্ ।
নিশাচরা হ্যাশ্রয়ন্তি ধাতারমিব দেবতাঃ ।। ৭.৬.৬০ ॥
6.62
তদ্বলং রাক্ষসেন্দ্রাণাং মহাভ্রঘননাদিতম্ ।
জয়েপ্সয়া দেবলোকং যয়ৌ মালিবশে স্থিতম্ ।। ৭.৬.৬১ ॥
6.63
রাক্ষসানাং সমুদ্যোগং তং তু নারায়ণঃ প্রভুঃ ।
দেবদূতাদুপশ্রুত্য চক্রে যুদ্ধে তদা মনঃ ।। ৭.৬.৬২ ॥
6.64
স সজ্জায়ুধতূণীরো বৈনতেয়োপরি স্থিতঃ ।
আসজ্জ্য কবচং দিব্যং সহস্রার্কসমদ্যুতি ।। ৭.৬.৬৩ ॥
6.65
আবধ্য শরসম্পূর্ণে ইষুধী বিমলে তদা ।
শ্রোণিসূত্রং চ খড্গং চ বিমলং কমলেক্ষণঃ ॥
6.66
শঙ্খচক্রগদাশার্ঙ্গখড্গাখ্যপ্রবরায়ুধান্ ।
। ৭.৬.৬৪ ॥
6.67
সুপর্ণং গিরিসঙ্কাশং বৈনতেয়মথাস্থিতঃ ।
রাক্ষসানামভাবায় যয়ৌ তূর্ণতরং প্রভুঃ ।। ৭.৬.৬৫ ॥
6.68
সুপর্ণপৃষ্ঠে স বভৌ শ্যামঃ পীতাম্বরো হরিঃ ।
কাঞ্চনস্য গিরেঃ শৃঙ্গে সতডিত্তোয়দো যথা ।। ৭.৬.৬৬ ॥
6.69
স সিদ্ধদেবর্ষিমহোরগৈশ্চ গন্ধর্বয়ক্ষৈরুপগীয়মানঃ ।
সমাসসাদাসুরসৈন্যশত্রূংশ্চক্রাসিশার্ঙ্গায়ুধশঙ্খপাণিঃ ।। ৭.৬.৬৭ ॥
6.70
সুপর্ণপক্ষানিলনুন্নপক্ষং ভ্রমত্পতাকং প্রবিকীর্ণশস্ত্রম্ ।
চচাল তদ্রাক্ষসরাজসৈন্যং চলোপলং নীল ইবাচলেন্দ্রঃ ।। ৭.৬.৬৮ ॥
6.71
ততঃ শরৈঃ শোণিতমাংসরূষিতৈর্যুগান্তবৈশ্বানরতুল্যবিগ্রহৈঃ ।
নিশাচরাঃ সম্পরিবার্য মাধবং বরায়ুধৈর্নির্বিভিদুঃ সহস্রশঃ ।। ৭.৬.৬৯ ।।