Utshovসর্গ 46
46.1
ততো রজন্যাং ব্যুষ্টায়াং লক্ষ্মণো দীনচেতনঃ ।
সুমন্ত্রমব্রবীদ্বাক্যং মুখেন পরিশুষ্যতা ।। ৭.৪৬.১ ॥
46.2
সারথে তুরগাঞ্ছীঘ্রং যোজয়স্ব রথোত্তমে ।
স্বাস্তীর্ণং রাজভবনাত্সীতায়াশ্চাসনং কুরু ।। ৭.৪৬.২ ॥
46.3
সীতা হি রাজবচনাদাশ্রমং পুণ্যকর্মণাম্ ।
ময়া নেয়া মহর্ষীণাং শ্রীঘ্রমানীয়তাং রথঃ ।। ৭.৪৬.৩ ॥
46.4
সুমন্ত্রস্তু তথেত্যুক্ত্বা যুক্তং পরমবাজিভিঃ ।
রথং সুরুচিরপ্রখ্যং স্বাস্তীর্ণং সুখশয্যয়া ।। ৭.৪৬.৪ ॥
46.5
আনীয়োবাচ সৌমিত্রিং মিত্রাণাং মানবর্ধনম্ ।
রথো ঽয়ং সমনুপ্রাপ্তো যত্কার্যং ক্রিয়তাং প্রভো ।। ৭.৪৬.৫ ॥
46.6
এবমুক্তঃ সুমন্ত্রেণ রাজবেশ্মনি লক্ষ্মণঃ ।
প্রবিশ্য সীতামাসাদ্য ব্যাজহার নরর্ষভঃ ।। ৭.৪৬.৬ ॥
46.7
ত্বয়া কিলৈষ নৃপতির্বরং বৈ যাচিতঃ প্রভুঃ ।
নৃপেণ চ প্রতিজ্ঞাতমাজ্ঞপ্তশ্চাশ্রমং প্রতি ।। ৭.৪৬.৭ ॥
46.8
গঙ্গীতীরে ময়া দেবি ঋষীণামাশ্রমাঞ্ছুভান্ ।
শীঘ্রং গত্বা তু বৈদেহি শাসনাত্পার্থিবস্য নঃ ।অরণ্যে মুনিভির্জুষ্টে অপনেয়া ভবিষ্যসি ।। ৭.৪৬.৮ ॥
46.9
এবমুক্তা তু বৈদেহী লক্ষ্মণেন মহাত্মনা ।
প্রহর্ষমতুলং লেভে গমনং চাপ্যরোচয়ৎ ।। ৭.৪৬.৯ ॥
46.10
বাসাংসি চ মহার্হাণি রত্নানি বিবিধানি চ ।
গৃহীত্বা তানি বৈদেহী গমনায়োপচক্রমে ।। ৭.৪৬.১০ ॥
46.11
ইমানি মুনিপত্নীনাং দাস্যাম্যাভরণান্হম্ ।
বস্ত্রাণি চ মহার্হাণি ধনানি বিবিধানি চ ।। ৭.৪৬.১১ ॥
46.12
সৌমিত্রিস্তু তথেত্যুক্ত্বা রথমারোপ্য মৈথিলীম্ ।
প্রয়য়ৌ শীঘ্রতুরগৈ রামস্যাজ্ঞামনুস্মরন্ ।। ৭.৪৬.১২ ॥
46.13
অব্রবীচ্চ তদা সীতা লক্ষ্মণং লক্ষ্মিবর্ধনম্ ।
অশুভানি বহূন্যেব পশ্যামি রঘুনন্দন ।। ৭.৪৬.১৩ ॥
46.14
নয়নং মে স্ফুরত্যদ্য গাত্রোত্কম্পশ্চ জায়তে ।
হৃদয়ং চৈব সৌমিত্রে অস্বস্থমিব লক্ষয়ে ।। ৭.৪৬.১৪ ॥
46.15
ঔত্সুক্যং পরমং চাপি অধৃতিশ্চ পরা মম ।
শূন্যামেব চ পশ্যামি পৃথিবীং পৃথুলোচন ।। ৭.৪৬.১৫ ॥
46.16
অপি স্বস্তি ভবেত্তস্য ভ্রাতুস্তে ভ্রাতৃবত্সল ।
শ্বশ্রূণাং চৈব মে বীর সর্বাসামবিশেষতঃ ।। ৭.৪৬.১৬ ॥
46.17
পুরে জনপদে চৈব কুশলং প্রাণিনামপি ।
ইত্যঞ্জলিকৃতা সীতা দেবতা অভ্যয়াচত ।। ৭.৪৬.১৭ ॥
46.18
লক্ষ্মণো ঽর্থং ততঃ শ্রুত্বা শিরসা বন্দ্য মৈথিলীম্ ।
শিবমিত্যব্রবীদ্ধৃষ্টো হৃদয়েন বিশুষ্যতা ।। ৭.৪৬.১৮ ॥
46.19
ততো বাসমুপাগম্য গোমতীতীর আশ্রমে ।
প্রভাতে পুনরুত্থায় সৌমিত্রিঃ সূতমব্রবীৎ ।। ৭.৪৬.১৯ ॥
46.20
যোজয়স্ব রথং শীঘ্রমদ্য ভাগীরথীজলম্ ।
শিরসা ধারয়িষ্যামি ত্র্যম্বকঃ পর্বতে যথা ।। ৭.৪৬.২০ ॥
46.21
সো ঽশ্বান্ রজ্বাথ চতুরো রথে যুঙ্ক্ত্বা মনোজবান্ ।
আরোহস্বেতি বৈদেহীং সূতঃ প্রাঞ্জলিরব্রবীৎ ।। ৭.৪৬.২১ ॥
46.22
সা তু সূতস্য বচনাদারুরোহ রথোত্তমম্ ।
সীতা সৌমিত্রিণা সার্ধং সুমন্ত্রেণ চ ধীমতা ।। ৭.৪৬.২২ ॥
46.23
আসসাদ বিশালাক্ষী গঙ্গাং পাপবিনাশিনীম্ ।
অথার্ধদিবসং গত্বা ভাগীরথ্যা জলাশয়ম্ ।। ৭.৪৬.২৩ ॥
46.24
নিরীক্ষ্য লক্ষ্মণো দীনঃ প্ররুরোদ মহাস্বনঃ ।
। ৭.৪৬.২৪ ॥
46.25
সীতা তু পরমায়ত্তা দৃষ্ট্বা লক্ষ্মণমাতুরম্ ।
উবাচ বাক্যং ধর্মজ্ঞা কিমিদং রুদ্যতে ত্বয়া ।। ৭.৪৬.২৫ ॥
46.26
জাহ্নবীতীরমাসাদ্য চিরাভিলষিতং মম ।
হর্ষকালে কিমর্থং মাং বিষাদয়সি লক্ষ্মণ ।। ৭.৪৬.২৬ ॥
46.27
নিত্যং ত্বং রামপার্শ্বেষু বর্তসে পুরুষর্ষভ ।
কচ্চিদ্বিনাকৃতস্তেন দ্বিরাত্রং শোকমাগতঃ ।। ৭.৪৬.২৭ ॥
46.28
মমাপি দয়িতো রামো জীবিতাদপি লক্ষ্মণ ।
ন চাহমেবং শোচামি মৈবং ত্বং বালিশো ভব ।। ৭.৪৬.২৮ ॥
46.29
তারয়স্ব চ মাং গঙ্গাং দর্শয়স্ব চ তাপসান্ ।
ততো মুনিভ্যো দাস্যামি বাংসাস্যাভরণানি চ ।। ৭.৪৬.২৯ ॥
46.30
ততঃ কৃত্বা মহর্ষীণাং যথার্হমভিবাদনম্ ।
তত্র চৈকাং নিশামুষ্য যাস্যামস্তাং পুরীং পুনঃ ।। ৭.৪৬.৩০ ॥
46.31
মমাপি পদ্মপত্রাক্ষং সিংহোরস্কং কৃশোদরম্ ।
ত্বরতে হি মনো দ্রষ্টুং রামং রময়তাং বরম্ ।। ৭.৪৬.৩১ ॥
46.32
তস্যাস্তদ্বচনং শ্রুত্বা প্রমৃজ্য নয়নে শুভে ।
নাবিকানাহ্বয়ামাস লক্ষ্মণঃ পরবীরহা ।। ৭.৪৬.৩২ ॥
46.33
ইয়ং চ সজ্জা নৌশ্চেতি দাশাঃ প্রাঞ্জলয়ো ঽব্রুবন্ ।
। ৭.৪৬.৩৩ ॥
46.34
তিতীর্ষুর্লক্ষ্মণো গঙ্গাং শুভাং নাবমুপারুহৎ ।
গঙ্গাং সন্তারয়ামাস লক্ষ্মণস্তাং সমাহিতঃ ।। ৭.৪৬.৩৪ ।।