Utshovসর্গ 40
40.1
তথা স্ম তেষাং বসতামৃক্ষবানররক্ষসাম্ ।
রাঘবস্তু মহাতেজাঃ সুগ্রীবমিদমব্রবীৎ ।। ৭.৪০.১ ॥
40.2
গম্যতাং সৌম্য কিষ্কিন্ধাং দুরাধর্ষাং সুরাসুরৈঃ ।
পালয়স্ব সহামাত্যো রাজ্যং নিহতকণ্টকম্ ।। ৭.৪০.২ ॥
40.3
অঙ্গদং চ মহাবাহো প্রীত্যা পরময়া যুতঃ ।
পশ্য ত্বং হনুমন্তং চ নলং চ সুমহাবলম্ ।। ৭.৪০.৩ ॥
40.4
সুষেণং শ্বশুরং বীরং তারং চ বলিনাং বরম্ ।
কুমুদং চৈব দুর্ধর্ষং নীলং চৈব মহাবলম্ ।। ৭.৪০.৪ ॥
40.5
বীরং শতবলিং চৈব মৈন্দং দ্বিবিদমেব চ ।
গজং গবাক্ষং গবয়ং শরভং চ মহাবলম্ ।পশ্য প্রীতিসমায়ুক্তো গন্ধমাদনমেব চ ।। ৭.৪০.৫ ॥
40.6
ঋষভং চ সুবিক্রান্তং জাম্ববন্তং মহাবলম্ ।
যে চেমে সুমহাত্মানো মদর্থে ত্যক্তজীবিতাঃ ।। ৭.৪০.৬ ॥
40.7
পশ্য ত্বং প্রীতিসংয়ুক্তো মা চৈষাং বিপ্রিয়ং কৃথাঃ ।
। ৭.৪০.৭ ॥
40.8
এবমুক্ত্বা তু সুগ্রীবমাশ্লিষ্য চ পুনঃ পুনঃ ।
বিভীষণমুবাচাথ রামো মধুরয়া গিরা ।। ৭.৪০.৮ ॥
40.9
লঙ্কাং প্রশাধি ধর্মেণ ধর্মজ্ঞস্ত্বং মতো মম ।
পুরস্য রাক্ষসানাং চ স্বভ্রাতুস্সম্মতো হ্যসি ।। ৭.৪০.৯ ॥
40.10
মা চ বুদ্ধিমধর্মে ত্বং কুর্যা রাজন্কথঞ্চন ।
বুদ্ধিমন্তো হি রাজানো ধ্রুবমশ্নন্তি মেদিনীম্ ।। ৭.৪০.১০ ॥
40.11
অহং চ নিত্যশো রাজন্সুগ্রীবসহিতস্ত্বয়া ।
স্মর্তব্যঃ পরয়া প্রীত্যা গচ্ছ ত্বং বিগতজ্বরঃ ।। ৭.৪০.১১ ॥
40.12
রামস্য ভাষিতং শ্রুত্বা ঋক্ষবানররাক্ষসাঃ ।
সাধুসাধ্বিতি কাকুত্স্থং প্রশশংসুঃ পুনঃ পুনঃ ।। ৭.৪০.১২ ॥
40.13
তব বুদ্ধির্মহাবাহো বীর্যমদ্ভুতমেব চ ।
মাধুর্যং পরমং রাম স্বয়ম্ভোরিব নিত্যদা ।। ৭.৪০.১৩ ॥
40.14
তেষামেবং ব্রুবাণানাং বানরাণাং চ রাক্ষসাম্ ।
হনূমান্প্রবণঃ ভূত্বা রাঘবং বাক্যমব্রবীৎ ।। ৭.৪০.১৪ ॥
40.15
স্নেহো মে পরমো রাজংস্ত্বয়ি তিষ্ঠতু নিত্যদা ।
ভক্তিশ্চ নিয়তা বীর ভাবো নান্যত্র গচ্ছতু ।। ৭.৪০.১৫ ॥
40.16
বায়দ্রামকথা বীর চরিষ্যতি মহীতলে ।
তাবচ্ছরীরে বত্স্যন্তি প্রাণা মম ন সংশয়ঃ ।। ৭.৪০.১৬ ॥
40.17
যচ্চৈতচ্চরিতং দিব্যং কথা তে রঘুনন্দন ।
তন্ময়াপ্সরসো নাম শ্রাবয়েয়ুর্নরর্ষভ ।। ৭.৪০.১৭ ॥
40.18
তচ্ছ্রুত্বাহং ততো বীর তব চর্যামৃতং প্রভো ।
উত্কণ্ঠাং তাং হরিষ্যামি মেঘলেখামিবানিলঃ ।। ৭.৪০.১৮ ॥
40.19
এবং ব্রুবাণং রামস্তু হনূমন্তং বরাসনাৎ ।
উত্থায় সস্বজে স্নেহাদ্বাক্যমেতদুবাচ হ ।। ৭.৪০.১৯ ॥
40.20
এবমেতত্কপিশ্রেষ্ঠ ভবিতা নাত্র সংশয়ঃ ।
চরিষ্যতি কথা যাবদেষা লোকে চ মামিকা ।তাবত্তে ভবিতা কীর্তিঃ শরীরে ঽপ্যসবস্তথা ।। ৭.৪০.২০ ॥
40.21
লোকা হি যাবত্স্থাস্যন্তি তাবত্স্থাস্যতি মে কথা ।
। ৭.৪০.২১ ।।
40.22
লোকে চ মামিকা ।
একৈকস্যোপকারস্য প্রাণান্দাস্যামি তে কপে ।নরঃ প্রত্যুপকারাণামাপস্ত্বায়াতি পাত্রতাম্ ।। ৭.৪০.২২ ॥
40.23
ততো ঽস্য হারং চন্দ্রাভং মুচ্য কণ্ঠাত্স রাঘবঃ ।
বৈডূর্যতরলং কণ্ঠে ববন্ধ চ হনূমতঃ ।। ৭.৪০.২৩ ॥
40.24
তেনোরসি নিবদ্ধেন হারেণ মহতা কপিঃ ।
ররাজ হেমশৈলেন্দ্রশ্চন্দ্রেণাক্রান্তমস্তকঃ ।। ৭.৪০.২৪ ॥
40.25
শ্রুত্বা তু রাঘবস্যৈতদুত্থায়োত্থায় বানরাঃ ।
প্রণম্য শিরসা পাদৌ নির্জগ্মুস্তে মহাবলাঃ ।। ৭.৪০.২৫ ॥
40.26
সুগ্রীবঃ স চ রামেণ নিরন্তরমুরোগতঃ ।
বিভীষণশ্চ ধর্মাত্মা সর্বে তে বাষ্পবিক্লবাঃ ।। ৭.৪০.২৬ ॥
40.27
সর্বে চ তে বাষ্পকলাঃ সাশ্রুনেত্রা বিচেতসঃ ।
সম্মূঢা ইব দুঃখেন ত্যজন্তো রাঘবং তদা ।। ৭.৪০.২৭ ॥
40.28
কৃতপ্রসাদাস্তেনৈবং রাঘবেণ মহাত্মনা ।
জগ্মুঃ স্বং স্বং গৃহং সর্বে দেহী দেহমিব ত্যজন্ ।। ৭.৪০.২৮ ॥
40.29
ততস্তু তে রাক্ষসঋক্ষবানরাঃ প্রণম্য রামং রঘুবংশবর্ধনম্ ।
বিয়োগজাশ্রুপ্রতিপূর্ণলোচনাঃ প্রতিপ্রয়াতাস্তু যথা নিবাসিনঃ ।। ৭.৪০.২৯ ॥
40.30
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদুত্তরকাণ্ডে চত্বারিংশঃ সর্গঃ ।
। ৪০ ।।