Utshovসর্গ 36
36.1
ততঃ পিতামহং দৃষ্ট্বা বায়ুঃ পুত্রবধার্দিতঃ ।
শিশুকং তং সমাদায় উত্তস্থৌ ধাতুরগ্রতঃ ।। ৭.৩৬.১ ॥
36.2
চলকুণ্ডলমৌলিস্রক্তপনীয়বিভূষণঃ ।
পাদয়োর্ন্যপতদ্বায়ুস্তিস্রোপস্থায় বেধসে ।। ৭.৩৬.২ ॥
36.3
তং তু বেদবিদা তেন লম্বাভরণশোভিনা ।
বায়ুমুত্থাপ্য হস্তেন শিশুং তং পরিমৃষ্টবান্ ।। ৭.৩৬.৩ ॥
36.4
স্পৃষ্টমাত্রস্ততঃ সো ঽথ সলীলং পদ্ময়োনিনা ।
জলসিক্তং যথা সস্যং পুনর্জীবিতমাপ্তবান্ ।। ৭.৩৬.৪ ॥
36.5
প্রাণবন্তমিমং দৃষ্ট্বা প্রাণো গন্ধবহো মুদা ।
চচার সর্বভূতেষু সন্নিরুদ্ধং যথা পুরা ।। ৭.৩৬.৫ ॥
36.6
মরুদ্রোধাদ্বিনির্মুক্তাস্তাঃ প্রজা মুদিতা ঽভবন্ ।
শীতদাহবিনির্মুক্তাঃ পদ্মিন্য ইব সাম্বুজাঃ ।। ৭.৩৬.৬ ॥
36.7
ততস্ত্রিয়ুগ্মস্ত্রিককুত্িত্রধামা ত্রিদশার্চিতঃ ।
উবাচ দেবতা ব্রহ্মা মারুতপ্রিয়কাম্যয়া ।। ৭.৩৬.৭ ॥
36.8
ভো মহেন্দ্রেশবরুণপ্রজেশ্বরধনেশ্বরাঃ ।
জানতামপি বঃ সর্বং বক্ষ্যামি শ্রূয়তাং হিতম্ ।। ৭.৩৬.৮ ॥
36.9
অনেন শিশুনা কার্যং কর্তব্যং বো ভবিষ্যতি ।
তদ্বদধ্বং বরান্সর্বে মারুতস্যাস্য তুষ্টয়ে ।। ৭.৩৬.৯ ॥
36.10
ততঃ সহস্রনয়নঃ প্রীতিয়ুক্তঃ শুভাননঃ ।
কুশেশয়ময়ীং মালামুত্ক্ষিপ্যেদং বচো ঽব্রবীৎ ।। ৭.৩৬.১০ ॥
36.11
মত্করোত্সৃষ্টবজ্রেণ হনুরস্য যথা হতঃ ।
নাম্না বৈ কপিশার্দূলো ভবিতা হনুমানিতি ।। ৭.৩৬.১১ ॥
36.12
অহমস্য প্রদাস্যামি পরমং বরমদ্ভুতম্ ।
ইতঃ প্রভৃতি বজ্রস্য মমাবধ্যো ভবিষ্যতি ।। ৭.৩৬.১২ ॥
36.13
মার্তণ্ডস্ত্বব্রবীত্তত্র ভগবাংস্তিমিরাপহঃ ।
তেজসো ঽস্য মদীয়স্য দদামি শতিকাং কলাম্ ।। ৭.৩৬.১৩ ॥
36.14
যদা তু শাস্ত্রাণ্যধ্যেতুং শক্তিরস্য ভবিষ্যতি ।
তদাস্য শাস্ত্রং দাস্যামি যেন বাগ্গ্মী ভবিষ্যতি ।। ৭.৩৬.১৪ ॥
36.15
নচাস্য ভবিতা কশ্চিত্সদৃশঃ শাস্ত্রদর্শনে ।
বরুণশ্চ বরং প্রাদান্নাস্য মৃত্যুর্ভবিষ্যতি ।বর্ষায়ুতশতেনাপি মত্পাশাদুদকাদপি ।। ৭.৩৬.১৫ ॥
36.16
যমো দণ্ডাদবধ্যত্বমরোগত্বং চ নিত্যশঃ ।
বরং দদামি সন্তুষ্ট অবিষাদং চ সংয়ুগে ।। ৭.৩৬.১৬ ॥
36.17
গদেয়ং মামিকা নৈনং সংয়ুগেষু বধিষ্যতি ।
ইত্যেবং বরদঃ প্রাহ তদা হ্যেকাক্ষিপিঙ্গলঃ ।। ৭.৩৬.১৭ ॥
36.18
মত্তো মদায়ুধানাং চ ন বধ্যো ঽয়ং ভবিষ্যতি ।
ইত্যেবং শঙ্করেণাপি দত্তো ঽস্য পরমো বরঃ ।। ৭.৩৬.১৮ ॥
36.19
সর্বেষাং ব্রহ্মদণ্ডানামবধ্যো ঽয়ং ভবিষ্যতি ।
দীর্ঘায়ুশ্চ মহাত্মা চ ইতি ব্রহ্মাব্রবীদ্বচঃ ।। ৭.৩৬.১৯ ॥
36.20
বিশ্বকর্মা চ দৃষ্ট্বৈনং বালসূর্যোপমং শিশুম্ ।
শিল্পিনাং প্রবরঃ প্রাদাদ্বরমস্য মহামতিঃ ।। ৭.৩৬.২০ ॥
36.21
মত্কৃতানি চ শস্ত্রাণি যানি দিব্যানি সংয়ুগে ।
তৈরবধ্যত্বমাপন্নশ্চিরজীবী ভবিষ্যতি ।। ৭.৩৬.২১ ॥
36.22
ততঃ সুরাণাং তু বরৈর্দৃষ্ট্বা হ্যেনমলঙ্কৃতম্ ।
চতুর্মুখস্তুষ্টমনা বায়ুমাহ জগদ্গুরুঃ ।। ৭.৩৬.২২ ॥
36.23
অমিত্রাণাং ভয়করো মিত্রাণামভয়ঙ্করঃ ।
অজেয়ো ভবিতা পুত্রস্তব মারুত মারুতিঃ ।। ৭.৩৬.২৩ ॥
36.24
কামরূপঃ কামচারী কামগঃ প্লবতাং বরঃ ।
ভবত্যব্যাহতগতিঃ কীর্তিমাংশ্চ ভবিষ্যতি ।। ৭.৩৬.২৪ ॥
36.25
রাবণোত্সাদনার্থানি রামপ্রিয়করণি চ ।
রোমহর্ষকরাণ্যেষ কর্তা কর্মাণি সংয়ুগে ।। ৭.৩৬.২৫ ॥
36.26
এবমুক্ত্বা তমামন্ত্র্য মারুতং ত্বমরৈঃ সহ ।
যথাগতং যয়ুঃ সর্বে পিতামহপুরোগমাঃ ।। ৭.৩৬.২৬ ॥
36.27
সো ঽপি গন্ধবহঃ পুত্রং প্রগৃহ্য গৃহমানয়ৎ ।
অঞ্জনায়াস্তমাচখ্যৌ বরদত্তং বিনির্গতঃ ।। ৭.৩৬.২৭ ॥
36.28
প্রাপ্য রাম বরানেষ বরদানসমন্বিতঃ ।
বলেনাত্মনি সংস্থেন সো ঽপূর্যত যথা ঽর্ণবঃ ।। ৭.৩৬.২৮ ॥
36.29
তরসা পূর্যমাণো ঽপি তদা বানরপুঙ্গবঃ ।
আশ্রমেষু মহর্ষীণামপরাধ্যতি নির্ভয়ঃ ।। ৭.৩৬.২৯ ॥
36.30
স্রুগ্ভাণ্ডান্যগ্নিহোত্রং চ বল্কলাজিনসঞ্চয়ান্ ।
ভগ্নবিচ্ছিন্নবিধ্বস্তান্সংশান্তানাং করোত্যয়ম্ ।। ৭.৩৬.৩০ ॥
36.31
এবংবিধানি কর্মাণি প্রাবর্তত মহাবলঃ ।
সর্বেষাং ব্রহ্মদণ্ডানামবধ্যঃ শম্ভুনা কৃতঃ ।। ৭.৩৬.৩১ ॥
36.32
জানন্ত ঋষয়স্তং বৈ সহন্তে তস্য শক্তিতঃ ।
। ৭.৩৬.৩২ ॥
36.33
যথা কেসরিণা ত্বেষ বায়ুনা সো ঽঞ্জনাসুতঃ ।
প্রতিষিদ্ধো ঽপি মর্যাদাং লঙ্ঘয়ত্যেব বানরঃ ।। ৭.৩৬.৩৩ ॥
36.34
ততো মহর্ষয়ঃ ক্রুদ্ধা ভৃগ্বঙ্গিরসবংশজাঃ ।
শেপুরেনং রঘুশ্রেষ্ঠ নাতিক্রুদ্ধাতিমন্যবঃ ।। ৭.৩৬.৩৪ ॥
36.35
বাধসে যত্সমাশ্রিত্য বলমস্মান্প্লবঙ্গম ।
তদ্দীর্ঘকালং বেত্তাসি নাস্মাকং শাপমোহিতঃ ।যদা তে স্মার্যতে কীর্তিস্তদা তে বর্ধতে বলম্ ।। ৭.৩৬.৩৫ ॥
36.36
ততস্স হৃততেজৌজা মহর্ষিবচনৌজসা ।
এষোশ্রমাণি তান্যেব মৃদুভাবং গতো ঽচরৎ ।। ৭.৩৬.৩৬ ॥
36.37
অথর্ক্ষরজসো নাম বালিসুগ্রীবয়োঃ পিতা ।
সর্ববানররাজা ঽ ঽসীত্তেজসা ভাস্করপ্রভঃ ।। ৭.৩৬.৩৭ ॥
36.38
স তু রাজ্যং চিরং কৃত্বা বানরাণাং হরীশ্বরঃ ।
স চ ঋক্ষরজা নাম কালধর্মেণ সঙ্গতঃ ।। ৭.৩৬.৩৮ ॥
36.39
তস্মিন্নস্তমিতে চাথ মন্ত্রিভির্মন্ত্রকোবিদৈঃ ।
পিত্র্যে পদে কৃতো বালী সুগ্রীবো বালিনঃ পদে ।। ৭.৩৬.৩৯ ॥
36.40
সুগ্রীবেণ সমং ত্বস্য অদ্বৈধং ছিদ্রবর্জিতম্ ।
আবাল্যং সখ্যমভবদনিলস্যাগ্নিনা যথা ।। ৭.৩৬.৪০ ॥
36.41
এষ শাপবশাদেব ন বেদ বলমাত্মনঃ ।
বালিসুগ্রীবয়োর্বৈরং যদা রাম সমুত্থিতম্ ।। ৭.৩৬.৪১ ॥
36.42
ন হ্যেষ রাম সুগ্রীবো ভ্রাম্যমাণো ঽপি বালিনা ।
। ৭.৩৬.৪২ ॥
36.43
দেব জানাতি ন হ্যেষ বলমাত্মনি মারুতিঃ ।
ঋষিশাপাহৃতবলস্তদৈষ কপিসত্তমঃ ।। ৭.৩৬.৪৩ ॥
36.44
সিংহঃ কুঞ্জররুদ্ধো বা আস্থিতঃ সহিতো রণে ।
। ৭.৩৬.৪৪ ॥
36.45
পরাক্রমোত্সাহমতিপ্রতাপসৌশীল্যমাধুর্যনয়ানয়ৈশ্চ ।
গাম্ভীর্যচাতুর্যসুবীর্যধৈর্যৈর্হনূমতঃ কো ঽভ্যধিকো ঽস্তি লোকে ।। ৭.৩৬.৪৫ ॥
36.46
অসৌ পুনর্ব্যাকরণং গ্রহীষ্যন্সূর্যোন্মুখঃ প্রষ্টুমনা কপীন্দ্রঃ ।
উদ্যদ্গিরেরস্তগিরিং জগাম গ্রন্থং মহদ্ধারয়নপ্রমেয়ঃ ।। ৭.৩৬.৪৬ ॥
36.47
সসূত্রবৃত্ত্যর্থপদং মহার্থং সসঙ্গ্রহং সাদ্ধ্যতি বৈ কপীন্দ্রঃ ।
নহ্যস্য কশ্চিত্সদৃশো ঽস্তি শাস্ত্রে বৈশারদে চ্ছন্দগতৌ তথৈব ।। ৭.৩৬.৪৭ ॥
36.48
সর্বাসু বিদ্যাসু তপোবিধানে প্রস্পর্ধতে ঽয়ো হি গুরুং সুরাণাম্ ।
সো ঽয়ং নবব্যাকরণার্থবেত্তা ব্রহ্মা ভবিষ্যত্যপি তে প্রসাদাৎ ।। ৭.৩৬.৪৮ ॥
36.49
প্রবীবিবক্ষোরিব সাগরস্য লোকান্দিধক্ষোরিব পাবকস্যয়ুগক্ষয়ে হ্যেব যথান্তকস্য হনূমতঃ স্থাস্যতি কঃ পুরস্তাৎ ।
। ৭.৩৬.৪৯ ॥
36.50
এষেব চান্যে চ মহাকপীন্দ্রাঃ সুগ্রীবমৈন্দদ্বিবিদাঃ সনীলাঃ ।
সতারতারেয়নলাঃ সরম্ভাস্ত্বত্কারণাদ্রাম সুরৈর্হি সৃষ্টাঃ ।। ৭.৩৬.৫০ ॥
36.51
তদেত্কথিতং সর্বং যন্মাং ত্বং পরিপৃচ্ছসি ।
হনূমতো বালভাবে কর্মৈতত্কথিতং ময়া ।। ৭.৩৬.৫১ ॥
36.52
শ্রুত্বা ঽগস্ত্যস্য কথিতং রামঃ সৌমিত্রিরেব চ ।
বিস্ময়ং পরমং জগ্মুর্বানরা রাক্ষসৈঃ সহ ।। ৭.৩৬.৫২ ॥
36.53
অগস্ত্যস্ত্বব্রবীদ্রামং সর্বমেতছ্রুতং ত্বয়া ।
দৃষ্টঃ সম্ভাষিতশ্চাসি রাম গচ্ছামহে বয়ম্ ।। ৭.৩৬.৫৩ ॥
36.54
শ্রুত্বৈতদ্রাঘবো বাক্যমগস্ত্যস্যোগ্রতেজসঃ ।
প্রাঞ্জলিঃ প্রণতশ্চাপি মহর্ষিমিদমব্রবীৎ ।। ৭.৩৬.৫৪ ॥
36.55
অদ্য মে দেবতা হৃষ্টাঃ পিতরঃ প্রপিতামহাঃ ।
যুষ্মাকং দর্শনাদেব নিত্যং তুষ্টাঃ সবান্ধবাঃ ।। ৭.৩৬.৫৫ ॥
36.56
বিজ্ঞাপ্যং তু মমৈতদ্ধি যদ্বদাম্যাগতস্পৃহঃ ।
তদ্ভবদ্ভির্মম কৃতে কর্তব্যমনুকম্পয়া ।। ৭.৩৬.৫৬ ॥
36.57
পৌরজানপদান্স্থাপ্য স্বকার্যেষ্বহমাগতঃ ।
ক্রতূনেব করিষ্যামি প্রভাবাদ্ভবতাং সতাম্ ।। ৭.৩৬.৫৭ ॥
36.58
সদস্যা মম যজ্ঞেষু ভবন্তো নিত্যমেব তৎ ।
ভবিষ্যথ মহাবীর্যা মমানুগ্রহকাঙ্ক্ষিণঃ ।। ৭.৩৬.৫৮ ॥
36.59
অহং যুষ্মান্সমাশ্রিত্য তপোনির্ধূতকল্মষান্ ।
অনুগ্রহীতঃ পিতৃভির্ভবিষ্যামি সুনির্বৃতঃ ।। ৭.৩৬.৫৯ ॥
36.60
তদাগন্তব্যমনিশং ভবদ্ভিরিহ সঙ্গতৈঃ ।
অগস্ত্যাদ্যাস্তু তচ্ছ্রুত্বা ঋষয়ঃ সংশিতব্রতাঃ ।। ৭.৩৬.৬০ ॥
36.61
এবমস্ত্বিতি তং চোক্ত্বা প্রয়াতুমুপচক্রমুঃ ।
। ৭.৩৬.৬১ ॥
36.62
এবমুক্ত্বা গতাঃ সর্বে ঋষয়স্তে যথাগতম্ ।
রাঘবশ্চ তমেবার্থং চিন্তয়ামাস বিস্মিতঃ ।। ৭.৩৬.৬২ ॥
36.63
ততো ঽস্তং ভাস্করে যাতে বিসৃজ্য নৃপবানরান্ ।
সন্ধ্যামুপাস্য বিধিবত্তদা নরবরোত্তমঃ ।প্রবৃত্তায়াং রজন্যাং তু সো ঽন্তঃপুরচরো ঽভবৎ ।। ৭.৩৬.৬৩ ।।