Utshovসর্গ 32
32.1
নর্মদাপুলিনে যত্র রাক্ষসেন্দ্রঃ সুদারুণঃ ।
পুষ্পোপহারং কুরুতে তস্মাদ্দেশাদদূরতঃ ।। ৭.৩২.১ ॥
32.2
অর্জুনো জয়তাং শ্রেষ্ঠো মাহিষ্মত্যাঃ পতিঃ প্রভুঃ ।
ক্রীডতে সহ নারীভির্নর্মদাতোয়মাশ্রিতঃ ।। ৭.৩২.২ ॥
32.3
তাসাং মধ্যগতো রাজা ররাজ চ তদার্জুনঃ ।
করেণূনাং সহস্রস্য মধ্যস্থ ইব কুঞ্জরঃ ।। ৭.৩২.৩ ॥
32.4
জিজ্ঞাসুঃ স তু বাহূনাং সহস্রস্যোত্তমং বলম্ ।
রুরোধ নর্মদাবেগং বাহুভির্বহুভির্বৃতঃ ।। ৭.৩২.৪ ॥
32.5
কার্তবীর্যভুজাসক্তং তজ্জলং প্রাপ্য নির্মলম্ ।
কূলোপহারং কুর্বাণং প্রতিস্রোতঃ প্রধাবতি ।। ৭.৩২.৫ ॥
32.6
সমীননক্রমকরঃ সপুষ্পকুশসংস্তরঃ ।
স নর্মদাম্ভসো বেগঃ প্রাবৃট্কাল ইবাবভৌ ।। ৭.৩২.৬ ॥
32.7
স বেগঃ কার্তবীর্যেণ সম্প্রেষিত ইবাম্ভসঃ ।
পুষ্পোপহারং সকলং রাবণস্য জহার হ ।। ৭.৩২.৭ ॥
32.8
রাবণো ঽর্ধসমাপ্তং তমুত্সৃজ্য নিয়মং তদা ।
নর্মদাং পশ্যতে কান্তাং প্রতিকূলাং যথা প্রিয়াম্ ।। ৭.৩২.৮ ॥
32.9
পশ্চিমেন তু তং দৃষ্ট্বা সাগরোদ্গারসন্নিভম্ ।
বর্ধন্তমম্ভসো বেগং পূর্বামাশাং প্রবিশ্য তু ।। ৭.৩২.৯ ॥
32.10
ততো ঽনুভ্রান্তশকুনাং স্বভাবোপরমে স্থিতাম্ ।
নির্বিকারাঙ্গনাভাসামপশ্যদ্রাবণো নদীম্ ।। ৭.৩২.১০ ॥
32.11
সব্যেতরকরাঙ্গুল্যা সশব্দং চ দশাননঃ ।
বেগপ্রভাবমন্বেষ্টুং সো ঽদিশচ্ছুকসারণৌ ।। ৭.৩২.১১ ॥
32.12
তৌ তু রাবণসন্দিষ্টৌ ভ্রাতরৌ শুকসারণৌ ।
ব্যোমান্তরগতৌ বীরৌ প্রস্থিতৌ পশ্চিমামুখৌ ।। ৭.৩২.১২ ॥
32.13
অর্ধয়োজনমাত্রং তু গত্বা তৌ রজনীচরৌ ।
পশ্যেতাং পুরুষং তোয়ে ক্রীডন্তং সহয়োষিতম্ ।। ৭.৩২.১৩ ॥
32.14
বৃহত্সালপ্রতীকাশং তোয়ব্যাকুলমূর্ধজম্ ।
মদরক্তান্তনয়নং মদব্যাকুলতেজসম্ ।। ৭.৩২.১৪ ॥
32.15
নদীং বাহুসহস্রেণ রুন্ধন্তমরিমর্দনম্ ।
গিরিং পাদসহস্রেণ রুন্ধন্তমিব মেদিনীম্ ।। ৭.৩২.১৫ ॥
32.16
বালানাং বরনারীণাং সহস্রেণ সমাবৃতম্ ।
সমদানাং করেণূনাং সহস্রেণেব কুঞ্জরম্ ।। ৭.৩২.১৬ ॥
32.17
তমদ্ভুততমং দৃষ্ট্বা রাক্ষসৌ শুকসারণৌ ।
সন্নিবৃত্তাবুপাগম্য রাবণং তমথোচতুঃ ।। ৭.৩২.১৭ ॥
32.18
বৃহত্সালপ্রতীকাশঃ কো ঽপ্যসৌ রাক্ষসেশ্বর ।
নর্মদাং রোধবদ্রুদ্ধ্বা ক্রীডাপয়তি যোষিতঃ ।। ৭.৩২.১৮ ॥
32.19
তেন বাহুসহস্রেণ সন্নিরুদ্ধজলা নদী ।
সাগরোদ্গারসঙ্কাশানুদ্গারান্সৃজতে মুহুঃ ।। ৭.৩২.১৯ ॥
32.20
ইত্যেবং ভাষমাণৌ তৌ নিশাম্য শুকসারণৌ ।
রাবণো ঽর্জুন ইত্যুক্ত্বা প্রয়য়ৌ যুদ্ধলালসঃ ।। ৭.৩২.২০ ॥
32.21
অর্জুনাভিমুখে তস্মিন্রাবণে রাক্ষসাধিপে ।
চণ্ডঃ প্রবাতি পবনঃ সনাদঃ সুরজাস্তথা ।। ৭.৩২.২১ ॥
32.22
সকৃদেব কৃতো রাবঃ সরক্তঃ প্রেষিতো ঘনৈঃ ।
মহোদরমহাপার্শ্বধূম্রাক্ষশুকসারণৈঃ ।। ৭.৩২.২২ ॥
32.23
সংবৃতো রাক্ষসেন্দ্রস্তু তত্রাগাদ্যত্র চার্জুনঃ ।
অদীর্ঘেণৈব কালেন স তদা রাক্ষসো বলী ।তং নর্মদাহ্রদং ভীমমাজগামাঞ্জনপ্রভঃ ।। ৭.৩২.২৩ ॥
32.24
স তত্র স্ত্রীপরিবৃতং বাশিতাভিরিব দ্বিপম্ ।
নরেন্দ্রং পশ্যতে রাজা রাক্ষসানাং তদার্জুনম্ ।। ৭.৩২.২৪ ॥
32.25
স রোষাদ্রক্তনয়নো রাক্ষসেন্দ্রো বলোদ্ধতঃ ।
। ৭.৩২.২৫ ॥
32.26
ইত্যেবমর্জুনামাত্যনাহ গম্ভীরয়া গিরা ।
অমাত্যাঃ ক্ষিপ্রমাখ্যাত হৈহয়স্য নৃপস্য বৈ ।। ৭.৩২.২৬ ॥
32.27
যুদ্ধার্থী সমনুপ্রাপ্তো রাবণো নাম রাক্ষসঃ ।
রাবণস্য বচঃ শ্রুত্বা মন্ত্রিণো ঽথার্জুনস্য তে ।উত্তস্থুঃ সায়ুধাস্ত্রাশ্চ রাবণং বাক্যমব্রুবন্ ।। ৭.৩২.২৭ ॥
32.28
যুদ্ধস্য কালো বিজ্ঞেয়ঃ সাধু ভোঃ সাধু রাবণ ।
। ৭.৩২.২৮ ।।
32.29
চঃ শ্রুত্বা মন্ত্রিণো ঽথার্জুনস্য তে ।
যঃ ক্ষীবং স্ত্রীবৃতং চৈব যোদ্ধুমুত্সহতে নৃপম্ ।স্ত্রীসমক্ষং কথং যত্তদ্যোদ্ধুমুত্সহসে ঽর্জুনম্ ।বাশিতামধ্যগং মত্তং শার্দূল ইব কুঞ্জরম্ ।। ৭.৩২.২৯ ॥
32.30
ক্ষমস্বাদ্য দশগ্রীব চোষ্যতাং রজনী ত্বয়া ।
যুদ্ধে শ্রদ্ধা চ যদ্যস্তি শ্বস্তাত সমরে ঽর্জুনম্ ।। ৭.৩২.৩০ ॥
32.31
যদ্যদ্যাস্তি মতির্যোদ্ধুং যুদ্ধতৃষ্ণাসমাবৃতা ।
নিহত্যাস্মাংস্ততো যুদ্ধমর্জুনেনোপয়াস্যসি ।। ৭.৩২.৩১ ॥
32.32
ততস্তে রাবণামাত্যৈরমাত্যাঃ পার্থিবস্য তু ।
সূদিতাশ্চাপি তে যুদ্ধে ভক্ষিতাশ্চ বুভুক্ষিতৈঃ ।। ৭.৩২.৩২ ॥
32.33
ততো হলহলাশব্দো নর্মদাতীর আবভৌ ।
অর্জুনস্যানুয়াতঽণাং রাবণস্য চ মন্ত্রিণাম্ ।। ৭.৩২.৩৩ ॥
32.34
ইষুভিস্তোমরৈঃ শূলৈস্ত্রিশূলৈর্বজ্রকর্ষণৈঃ ।
সরাবণানর্দয়ন্তঃ সমন্তাত্সমভিদ্রুতাঃ ।। ৭.৩২.৩৪ ॥
32.35
হৈহয়াধিপয়োধানাং বেগ আসীত্সুদারুণঃ ।
সনক্রমীনমকরসমুদ্রস্যেব নিঃস্বনঃ ।। ৭.৩২.৩৫ ॥
32.36
রাবণস্য তু তে ঽমাত্যাঃ প্রহস্তশুকসারণাঃ ।
কার্তবীর্যবলং ক্রুদ্ধা নির্দহন্তি স্ম তেজসা ।। ৭.৩২.৩৬ ॥
32.37
অর্জুনায় তু তত্কর্ম রাবণস্য সমন্ত্রিণঃ ।
ক্রীডমানায় কথিতং পুরুষৈর্দ্বাররক্ষিভিঃ ।। ৭.৩২.৩৭ ॥
32.38
শ্রুত্বা ন ভেতব্যমিতি স্ত্রীজনং তং ততো ঽর্জুনঃ ।
উত্ততার জলাত্তস্মাদ্গঙ্গাতোয়াদিবাঞ্জনঃ ।। ৭.৩২.৩৮ ॥
32.39
ক্রোধদূষিতনেত্রস্তু স ততো ঽর্জুনপাবকঃ ।
প্রজজ্বাল মহাঘোরো যুগান্ত ইব পাবকঃ ।। ৭.৩২.৩৯ ॥
32.40
স তূর্ণতরমাদায় বরহেমাঙ্গদো গদাম্ ।
অভিদুদ্রাব রক্ষাংসি তমাংসীব দিবাকরঃ ।। ৭.৩২.৪০ ॥
32.41
বাহুবিক্ষেপকরণাং সমুদ্যম্য মহাগদাম্ ।
গারুডং বেগমাস্থায় চাপপাতৈব সো ঽর্জুনঃ ।। ৭.৩২.৪১ ॥
32.42
তস্য মার্গং সমারুদ্ধ্য বিন্ধ্যো ঽর্কস্যেব পর্বতঃ ।
স্থিতো বিন্ধ্য ইবাকম্প্যঃ প্রহস্তো মুসলায়ুধঃ ।। ৭.৩২.৪২ ॥
32.43
ততো ঽস্য মুসলং ঘোরং লোহবদ্ধং মহোদ্ধতঃ ।
প্রহস্তঃ প্রেষয়ন্ক্রুদ্ধো ররাস চ যথাম্বুদঃ ।। ৭.৩২.৪৩ ॥
32.44
তস্যাগ্রে মুসলস্যাগ্নিরশোকাপীডসন্নিভঃ ।
প্রহস্তকরমুক্তস্য বভূব প্রদহন্নিব ।। ৭.৩২.৪৪ ॥
32.45
অথায়ান্তং তু মুসলং কার্তবীর্যস্তদার্জুনঃ ।
নিপুণং বঞ্চয়ামাস সগদো ঽগদবিক্রমঃ ।। ৭.৩২.৪৫ ॥
32.46
ততস্তমভিদুদ্রাব প্রহস্তং হৈহয়াধিপঃ ।
ভ্রাময়ানো গদাং গুর্বীং পঞ্চবাহুশতোচ্ছ্রয়াম্ ।। ৭.৩২.৪৬ ॥
32.47
তথা হতো ঽতিবেগেন প্রহস্তো গদয়া তদা ।
নিপপাত স্থিতঃ শৈলো বজ্রিবজ্রহতো যথা ।। ৭.৩২.৪৭ ॥
32.48
প্রহস্তং পতিতং দৃষ্ট্বা মারীচশুকসারণাঃ ।
সমহোদরধূম্রাক্ষা হ্যপসৃষ্টা রণাজিরাৎ ।। ৭.৩২.৪৮ ॥
32.49
অপক্রান্তেষ্বমাত্যেষু প্রহস্তে বৈ নিপাতিতে ।
রাবণো ঽভ্যদ্রবত্তূর্ণমর্জুনং নৃপসত্তমম্ ।। ৭.৩২.৪৯ ॥
32.50
সহস্রবাহোস্তদ্যুদ্ধং বিংশদ্বাহোশ্চ দারুণম্ ।
নৃপরাক্ষসয়োস্তত্র চারব্ধং রোমহর্ষণম্ ।। ৭.৩২.৫০ ॥
32.51
সাগরাবিব সংরব্ধৌ চলন্মূলাবিবাচলৌ ।
তেজোয়ুক্তাবিবাদিত্যৌ প্রদহন্তাবিবানলৌ ।। ৭.৩২.৫১ ॥
32.52
বলোদ্ধতৌ যথা নাগৌ বাশিতার্থে যথা বৃষৌ ।
মেঘাবিব বিনর্দন্তৌ সিংহাবিব বলোত্কটৌ ।। ৭.৩২.৫২ ॥
32.53
রুদ্রকালাবিব ক্রুদ্ধৌ তদা তৌ রাক্ষসার্জুনৌ ।
পরস্পরং গদাভ্যাং তৌ তাডয়ামাসতুর্ভৃশম্ ।। ৭.৩২.৫৩ ॥
32.54
বজ্রপ্রহারানচলা যথা ঘোরান্বিষেহিরে ।
গদাপ্রহারাংস্তৌ তত্র সেহাতে নররাক্ষসৌ ।। ৭.৩২.৫৪ ॥
32.55
যথা ঽ শনিরবেভ্যস্তু জায়তে ঽথ প্রতিশ্রুতিঃ ।
তথা তয়োর্গদাপোথৈর্দিশঃ সর্বাঃ প্রতিশ্রুতাঃ ।। ৭.৩২.৫৫ ॥
32.56
অর্জুনস্য গদা সা তু পাত্যমানা ঽহিতোরসি ।
কাঞ্চনাভং নভশ্চক্রে বিদ্যুত্সৌদামিনী যথা ।। ৭.৩২.৫৬ ॥
32.57
তথৈব রাবণেনাপি পাত্যমানা মুহুর্মুহুঃ ।
অর্জুনোরসি নির্ভাতি গদোল্কেব মহাগিরৌ ।। ৭.৩২.৫৭ ॥
32.58
নার্জুনঃ খেদমায়াতি ন রাক্ষসগণেশ্বরঃ ।
ইদমাসীত্তয়োর্যুদ্ধং যথা পূর্বং বলীন্দ্রয়োঃ ।। ৭.৩২.৫৮ ॥
32.59
শৃঙ্গৈরিব বৃষায়ুধ্যন্দন্তাগ্রৈরিব কুঞ্জরৌ ।
পরস্পরং তৌ নিঘ্নন্তৌ নররাক্ষসসত্তমৌ ।। ৭.৩২.৫৯ ॥
32.60
ততো ঽর্জুনেন ক্রুদ্ধেন সর্বপ্রাণেন সা গদা ।
স্তনয়োরন্তরে মুক্তা রাবণস্য মহোরসি ।। ৭.৩২.৬০ ॥
32.61
বরদানকৃতত্রাণে সা গদা রাবণোরসি ।
দুর্বলেব যথাবেগং দ্বিধাভূত্বা ঽপতত্ক্ষিতৌ ।। ৭.৩২.৬১ ॥
32.62
স ত্বর্জুনপ্রমুক্তেন গদাপাতেন রাবণঃ ।
অপাসর্পদ্ধনুর্মাত্রং নিষসাদ চ নিষ্টনন্ ।। ৭.৩২.৬২ ॥
32.63
স বিহ্বলং তদালক্ষ্য দশগ্রীবং ততো ঽর্জুনঃ ।
সহসোত্পত্য জগ্রাহ গরুত্মানিব পন্নগম্ ।। ৭.৩২.৬৩ ॥
32.64
স তু বাহুসহস্রেণ বলাদ্গৃহ্য দশাননম্ ।
ববন্ধ বলবান্রাজা বলিং নারায়ণো যথা ।। ৭.৩২.৬৪ ॥
32.65
বধ্যমানে দশগ্রীবে সিদ্ধচারণদেবতাঃ ।
সাধ্বীতিবাদিনঃ পুষ্পৈঃ কিরন্ত্যর্জুনমূর্ধনি ।। ৭.৩২.৬৫ ॥
32.66
ব্যাঘ্রো মৃগমিবাদায় মৃগরাডিব দন্তিনম্ ।
ননাদ হৈহয়ো রাজা হর্ষাদম্বুদবন্মুহুঃ ।। ৭.৩২.৬৬ ॥
32.67
প্রহস্তস্তু সমাশ্বস্তো দৃষ্ট্বা বদ্ধং দশাননম্ ।
সহ তৈ রাক্ষসৈঃ ক্রুদ্ধশ্চাভিদুদ্রাব পার্থিবম্ ।। ৭.৩২.৬৭ ॥
32.68
নক্তঞ্চরাণাং বেগস্তু তেষামাপততাং বভৌ ।
উদ্ভূত আতপাপায়ে পয়োদানামিবাম্বুধৌ ।। ৭.৩২.৬৮ ॥
32.69
মুঞ্চ মুঞ্চেতি ভাষন্তস্তিষ্ঠতিষ্ঠেতি চাসকৃৎ ।
মুসলানি সশূলানি সোত্সসর্জ তদার্জুনে ।। ৭.৩২.৬৯ ॥
32.70
অপ্রাপ্তান্যেব তান্যাশু অসম্ভ্রান্তস্তদার্জুনঃ ।
আয়ুধান্যমরারীণাং জগ্রাহারিনিষূদনঃ ।। ৭.৩২.৭০ ॥
32.71
ততস্তৈরেব রক্ষাংসি দুর্ধরৈঃ প্রবরায়ুধৈঃ ।
ভিত্ত্বা বিদ্রাবয়ামাস বায়ুরম্বুধরানিব ।। ৭.৩২.৭১ ॥
32.72
রাক্ষসাংস্ত্রাসয়িত্বা তু কার্তবীর্যো ঽর্জুনস্তদা ।
রাবণং গৃহ্য নগরং প্রবিবেশ সুহৃদ্বৃতঃ ।। ৭.৩২.৭২ ॥
32.73
স কীর্যমাণঃ কুসুমাক্ষতোত্করৈর্দ্বিজৈঃ সপৌরৈঃ পুরুহূতসন্নিভঃ ।
তদা ঽর্জুনঃ সম্প্রবিবেশ তাং পুরীং বলিং নিগৃহ্যেব সহস্রলোচনঃ ।। ৭.৩২.৭৩ ।।