Utshovসর্গ 31
31.1
ততো রামো মহাতেজা বিস্ময়াত্পুনরেব হি ।
উবাচ প্রণতো বাক্যমগস্ত্যমৃষিসত্তমম্ ।। ৭.৩১.১ ॥
31.2
ভগবন্রাক্ষসঃ ক্রূরো যদাপ্রভৃতি মেদিনীম্ ।
পর্যটত্কিং তদা লোকাঃ শূন্যা আসন্দ্বিজোত্তম ।। ৭.৩১.২ ॥
31.3
রাজা বা রাজমাত্রো বা কিং তদা নাত্র কশ্চন ।
ধর্ষণং যত্র ন প্রাপ্তো রাবণো রাক্ষসেশ্বরঃ ।। ৭.৩১.৩ ॥
31.4
উতাহো হতবীর্যাস্তে বভূবুঃ পৃথিবীক্ষিতঃ ।
বহিষ্কৃতা বরাস্ত্রৈশ্চ বহবো নির্জিতা নৃপাঃ ।। ৭.৩১.৪ ॥
31.5
রাঘবস্য বচঃ শ্রুত্বা হ্যগস্ত্যো ভগবানৃষিঃ ।
উবাচ রামং প্রহসন্পিতামহ ইবেশ্বরম্ ।। ৭.৩১.৫ ॥
31.6
ইত্যেবং বাধমানস্তু পার্থিবান্পার্থিবর্ষভ ।
চচার রাবণো রাম পৃথিবীং পৃথিবীপতে ।। ৭.৩১.৬ ॥
31.7
ততো মাহিষ্মতীং নাম পুরীং স্বর্গপুরীপ্রভাম্ ।
সম্প্রাপ্তো যত্র সান্নিধ্যং সদাসীদ্বসুরেতসঃ ।। ৭.৩১.৭ ॥
31.8
তুল্য আসীন্নৃপস্তস্য প্রভাবাদ্বসুরেতসঃ ।
অর্জুনো নাম যত্রাগ্নিঃ শরকুণ্ডেশয়ঃ সদা ।। ৭.৩১.৮ ॥
31.9
তমেব দিবসং সো ঽথ হৈহয়াধিপতির্বলী ।
অর্জুনো নর্মদাং রন্তুং গতঃ স্ত্রীভিঃ সহেশ্বরঃ ।। ৭.৩১.৯ ॥
31.10
তমেব দিবসং সো ঽথ রাবণস্তত্র আগতঃ ।
রাবণো রাক্ষসেন্দ্রস্তু তস্যামাত্যানপৃচ্ছত ।। ৭.৩১.১০ ॥
31.11
ক্বার্জুনো নৃপতিঃ শীঘ্রং সম্যগাখ্যাতুমর্হথ ।
রাবণো ঽহমনুপ্রাপ্তো যুদ্ধেপ্সুর্নৃবরেণ হ ।মমাগমনমপ্যগ্রে যুষ্মাভিঃ সন্নিবেদ্যতাম্ ।। ৭.৩১.১১ ॥
31.12
ইত্যেবং রাবণেনোক্তাস্তে ঽমাত্যাঃ সুবিপশ্চিতঃ ।
অব্রুবন্রাক্ষসপতিমসান্নিধ্যং মহীপতেঃ ।। ৭.৩১.১২ ॥
31.13
শ্রুত্বা বিশ্রবসঃ পুত্রঃ পৌরাণামর্জুনং গতম্ ।
অপসৃত্যাগতো বিন্ধ্যং হিমবত্সন্নিভং গিরিম্ ।। ৭.৩১.১৩ ॥
31.14
স তমভ্রমিবাবিষ্টমুদ্ভ্রন্তমিব মেদিনীম্ ।
অপশ্যদ্রাবণো বিন্ধ্যমালিখন্তমিবাম্বরম্ ।। ৭.৩১.১৪ ॥
31.15
সহস্রশিখরোপেতং সিংহাধ্যুষিতকন্দরম্ ।
প্রপাতপতিতৈস্তোয়ৈঃ সাট্টহাসমিবাম্বুধিম্ ।। ৭.৩১.১৫ ॥
31.16
দেবদানবগন্ধর্বৈঃ সাপ্সরোগণকিন্নরৈঃ ।
স্বস্ত্রীভিঃ ক্রীডমানৈশ্চ স্বর্গভূতং মহোচ্ছ্রয়ম্ ।। ৭.৩১.১৬ ॥
31.17
নদীভিঃ স্যন্দমানাভিঃ স্ফটিকপ্রতিমং জলম্ ।
ফণাভিশ্চলজিহ্বাভিরনন্তমিব বিষ্ঠিতম্ ।। ৭.৩১.১৭ ॥
31.18
উত্ক্রামন্তং দরীবন্তং হিমবত্সন্নিভং গিরিম্ ।
পশ্যমানস্ততো বিন্ধ্যং রাবণো নর্মদাং যয়ৌ ।। ৭.৩১.১৮ ॥
31.19
চলোপলজলাং পুণ্যাং পশ্চিমোদধিগামিনীম্ ।
। ৭.৩১.১৯ ॥
31.20
মহিষৈঃ সৃমরৈঃ সিংহৈঃ শার্দূলর্ক্ষগজোত্তমৈঃ ।
উষ্ণাভিতপ্তৈস্তৃষিতৈঃ সঙ্ক্ষোভিতজলাশয়াম্ ।। ৭.৩১.২০ ॥
31.21
চক্রবাকৈঃ সকারণ্ডৈঃ সহংসজলকুক্কুটৈঃ ।
সারসৈশ্চ সদা মত্তৈঃ সুকূজদ্ভিঃ সমাবৃতাম্ ।। ৭.৩১.২১ ॥
31.22
ফুল্লদ্রুমকৃতোত্তংসাং চক্রবাকয়ুগস্তনীম্ ।
বিস্তীর্ণপুলিনশ্রোণীং হংসাবলিসুমেখলাম্ ।। ৭.৩১.২২ ॥
31.23
পুষ্পরেণ্বনুলিপ্তাঙ্গীং জলফেনামলাংশুকাম্ ।
জলাবগাহসংস্পর্শাং ফুল্লোত্পলশুভেক্ষণাম্ ।পুষ্পকাদবরুহ্যাশু নর্মদাং সরিতাং বরাম্ ।। ৭.৩১.২৩ ॥
31.24
ইষ্টামিব বরাং নারীমবগাহ্য দশাননঃ ।
স তস্যাঃ পুলিনে রম্যে নানামুনিনিষেবিতে ।। ৭.৩১.২৪ ॥
31.25
উপোপবিষ্টৈঃ সচিবৈঃ সার্ধং রাক্ষসপুঙ্গবঃ ।
প্রখ্যায় নর্মদাং সো ঽথ গঙ্গেয়মিতি রাবণঃ ।। ৭.৩১.২৫ ॥
31.26
নর্মদাদর্শজং হর্ষমাপ্তবান্ রাক্ষসাধিপঃ ।
উবাচ সচিবাংস্তত্র সলীলং শুকসারণৌ ।। ৭.৩১.২৬ ॥
31.27
এষ রশ্মিসহস্রেণ জগত্কৃত্বৈব কাঞ্চনম্ ।
তীক্ষ্ণতাপকরঃ সূর্যো নভসো ঽর্ধং সমাশ্রিতঃ ।। ৭.৩১.২৭ ॥
31.28
মামাসীনং বিদিত্বৈব চন্দ্রায়তি দিবাকরঃ ।
। ৭.৩১.২৮ ॥
31.29
নর্মদাজলশীতশ্চ সুগন্ধিঃ শ্রমনাশনঃ ।
মদ্ভয়াদনিলো ঽপ্যত্র বাত্যেষ সুসমাহিতঃ ।। ৭.৩১.২৯ ॥
31.30
ইয়ং বাপি সরিচ্ছ্রেষ্ঠা নর্মদা নর্মবর্ধিনী ।
নক্রমীনবিহঙ্গোর্মিঃ সভয়েবাঙ্গনা স্থিতা ।। ৭.৩১.৩০ ॥
31.31
তদ্ভবন্তঃ ক্ষতাঃ শস্ত্রৈর্নৃপৈরিন্দ্রসমৈর্যুধি ।
চন্দনস্য রসেনেব রুধিরেণ সমুক্ষিতাঃ ।। ৭.৩১.৩১ ॥
31.32
তে যূয়মবগাহধ্বং নর্মদাং শর্মদাং শুভাম্ ।
মহাপদ্মমুখা মত্তা গঙ্গামিব গহাগজাঃ ।অস্যাং স্নাত্বা মহানদ্যাং পাপ্মানং বিপ্রমোক্ষ্যথ ।। ৭.৩১.৩২ ॥
31.33
অহমপ্যদ্য পুলিনে শরদিন্দুসমপ্রভে ।
পুষ্পোপহারং শনকৈঃ করিষ্যামি কপর্দিনঃ ।। ৭.৩১.৩৩ ॥
31.34
রাবণেনৈবমুক্তাস্তু প্রহস্তশুকসারণাঃ ।
সমহোদরধূম্রাক্ষা নর্মদাং বিজগাহিরে ।। ৭.৩১.৩৪ ॥
31.35
রাক্ষসেন্দ্রগজৈস্তৈস্তু ক্ষোভিতা নর্মদা নদী ।
বামনাঞ্জনপদ্মাদ্যৈর্গঙ্গা ইব মহাগজৈঃ ।। ৭.৩১.৩৫ ॥
31.36
ততস্তে রাক্ষসাঃ স্নাত্বা নর্মদায়াং মহাবলাঃ ।
উত্তীর্য পুষ্পাণ্যাজহ্রুর্বল্যর্থং রাবণস্য তু ।। ৭.৩১.৩৬ ॥
31.37
নর্মদাপুলিনে হৃদ্যে শুভ্রাভ্রসদৃশপ্রভে ।
রাক্ষসৈস্তু মুহূর্তেন কৃতঃ পুষ্পময়ো গিরিঃ ।। ৭.৩১.৩৭ ॥
31.38
পুষ্পেষূপহৃতেষ্বেবং রাবণো রাক্ষসেশ্বরঃ ।
অবতীর্ণো নদীং স্নাতুং গঙ্গামিব মহাগজঃ ।। ৭.৩১.৩৮ ॥
31.39
তত্র স্নাত্বা চ বিধিবজ্জপ্ত্বা জপ্যমনুত্তমম্ ।
নর্মদাসলিলাত্তস্মাদুত্ততার স রাবণঃ ।। ৭.৩১.৩৯ ॥
31.40
ততঃ ক্লিন্নাম্বরং ত্যক্ত্বা শুক্লবস্ত্রসমাবৃতম্ ।
রাবণং প্রাঞ্জলিং যান্তমন্বয়ুঃ সর্বরাক্ষসাঃ ।। ৭.৩১.৪০ ॥
31.41
তদ্গতীবশমাপন্না মূর্তিমন্ত ইবাচলাঃ ।
যত্র যত্র চ যাতি স্ম রাবণো রাক্ষসেশ্বরঃ ।জাম্বূনদময়ং লিঙ্গং তত্র তত্র স্ম নীয়তে ।। ৭.৩১.৪১ ॥
31.42
বালুকাবেদিমধ্যে তু তল্লিঙ্গং স্থাপ্য রাবণঃ ।
অর্চয়ামাস গন্ধৈশ্চ পুষ্পৈশ্চামৃতগন্ধিভিঃ ।। ৭.৩১.৪২ ॥
31.43
ততঃ সতামার্তিহরং পরং বরং বরপ্রদং চন্দ্রময়ূখভূষণম্ ।
সমর্চয়িত্বা স নিশাচরো জগৌ প্রসার্য হস্তান্প্রণনর্ত চাগ্রতঃ ।। ৭.৩১.৪৩ ।।