Utshovসর্গ 30
30.1
জিতে মহেন্দ্রে ঽতিবলে রাবণস্য সুতেন বৈ ।
প্রজাপতিং পুরস্কৃত্য যয়ুর্লঙ্কাং সুরাস্তদা ।। ৭.৩০.১ ॥
30.2
তত্র রাবণমাসাদ্য পুত্রভ্রাতৃভিরাবৃতম্ ।
অব্রবীদ্গগনে তিষ্ঠন্সামপূর্বং প্রজাপতিঃ ।। ৭.৩০.২ ॥
30.3
বত্স রাবণ তুষ্টো ঽস্মি পুত্রস্য তব সংয়ুগে ।
অহো ঽস্য বিক্রমৌদার্যং তব তুল্যো ঽধিকো ঽপি বা ।। ৭.৩০.৩ ॥
30.4
জিতং হি ভবতা সর্বং ত্রৈলোক্যং স্বেন তেজসা ।
কৃতা প্রতিজ্ঞা সফলা প্রীতো ঽস্মি স্বসুতেন বৈ ।। ৭.৩০.৪ ॥
30.5
অয়ং চ পুত্রো ঽতিবলস্তব রাবণ বীর্যবান্ ।
জগতীন্দ্রজিদিত্যেব পরিখ্যাতো ভবিষ্যতি ।। ৭.৩০.৫ ॥
30.6
বলবান্দুর্জয়শ্চৈব ভবিষ্যত্যেব রাক্ষসঃ ।
যং সমাশ্রিত্য তে রাজন্স্থাপিতাস্ত্রিদশা বশে ।। ৭.৩০.৬ ॥
30.7
তন্মুচ্যতাং মহাবাহো মহেন্দ্রঃ পাকশাসনঃ ।
কিঞ্চাস্য মোক্ষণার্থায় প্রয়চ্ছন্তু দিবৌকসঃ ।। ৭.৩০.৭ ॥
30.8
অথাব্রবীন্মহাতেজা ইন্দ্রজিত্সমিতিঞ্জয়ঃ ।
অমরত্বমহং দেব বৃণে যদ্যেষ মুচ্যতে ।। ৭.৩০.৮ ॥
30.9
চতুষ্পদাং খেচরাণামন্যেষাং বা মহৌজসাম্ ।
বৃক্ষগুল্মক্ষুপলতাতৃণোপলমহীভৃতাম্ ।। ৭.৩০.৯ ॥
30.10
সর্বে ঽপি জন্তবো ঽন্যোন্যং ভেতব্যে সতি বিভ্যতি ।
অতো ঽত্র লোকে সর্বেষাং সর্বস্মাচ্চ ভবেদ্ভয়ম্ ।। ৭.৩০.১০ ॥
30.11
ততো ঽব্রবীন্মহাতেজা মেঘনাদং প্রজাপতিঃ ।
নাস্তি সর্বামরত্বং হি কস্যচিত্প্রাণিনো ভুবি ।চতুষ্পদঃ পক্ষিণশ্চ ভূতানাং বা মহৌজসাম্ ।। ৭.৩০.১১ ॥
30.12
শ্রুত্বা পিতামহেনোক্তমিন্দ্রজিত্প্রভুণাব্যয়ম্ ।
। ৭.৩০.১২ ॥
30.13
্বং হি কস্যচিত্প্রাণিনো ভুবি ।
অথাব্রবীত্স তত্রস্থং মেঘনাদো মহাবলঃ ।শ্রূয়তাং বা ভবেত্সিদ্ধিঃ শতক্রতুবিমোক্ষণে ।। ৭.৩০.১৩ ॥
30.14
মমেষ্টং নিত্যশো হর্ব্যৈর্মন্ত্রৈঃ সম্পূজ্য পাবকম্ ।
সঙ্গ্রামমবতর্ত্তুং চ শত্রুনির্জয়কাঙ্ক্ষিণঃ ।। ৭.৩০.১৪ ॥
30.15
অশ্বয়ুক্তো রথো মহ্যমুত্তিষ্ঠেত্তু বিভাবসোঃ ।
তত্স্থস্যামরতা স্যান্মে এষ মে নিশ্চয়ো বরঃ ।। ৭.৩০.১৫ ॥
30.16
তস্মিন্যদ্যসমাপ্তে চ জপ্যহোমে বিভাবসৌ ।
যুধ্যেয়ং দেব সঙ্গ্রামে তদা মে স্যাদ্বিনাশনম্ ।। ৭.৩০.১৬ ॥
30.17
সর্বো হি তপসা দেব বৃণোত্যমরতাং পুমান্ ।
বিক্রমেণ ময়া ত্বেতদমরত্বং প্রবর্তিতম্ ।। ৭.৩০.১৭ ॥
30.18
এবমস্ত্বিতি তং চাহ বাক্যং দেবঃ পিতামহঃ ।
মুক্তশ্চেন্দ্রজিতা শক্রো গতাশ্চ ত্রিদিবং সুরাঃ ।। ৭.৩০.১৮ ॥
30.19
এতস্মিন্নন্তরে রাম দীনো ভ্রষ্টাম্বরদ্যুতিঃ ।
ইন্দ্রশ্চিন্তাপরীতাত্মা ধ্যানতত্পরতাং গতঃ ।। ৭.৩০.১৯ ॥
30.20
তং তু দৃষ্ট্বা তথাভূতং প্রাহ দেবঃ প্রজাপতিঃ ।
শতক্রতো কিমু পুরা করোতি স্ম সুদুষ্কৃতম্ ।। ৭.৩০.২০ ॥
30.21
অমরেন্দ্র ময়া বহ্ব্যঃ প্রজাঃ সৃষ্টাস্তথা প্রভো ।
একবর্ণাঃ সমাভাষা একরূপাশ্চ সর্বশঃ ।। ৭.৩০.২১ ॥
30.22
তাসাং নাস্তি বিশেষো হি দর্শনে লক্ষণে ঽপি বা ।
ততো ঽহমেকাগ্রমনাস্তাঃ প্রজাঃ পরিচিন্তয়ম্ ।। ৭.৩০.২২ ॥
30.23
সো ঽহং তাসাং বিশেষার্থং স্ত্রিয়মেকাং বিনির্মমে ।
যদ্যত্প্রজানাং প্রত্যঙ্গং বিশিষ্টং তত্তদুদ্ধৃতম্ ।। ৭.৩০.২৩ ॥
30.24
ততো ময়া রূপগুণৈরহল্যা স্ত্রী বিনির্মিতা ।
হলং নামেহ বৈরূপং হল্যং তত্প্রভবং ভবেৎ ।। ৭.৩০.২৪ ॥
30.25
যস্মান্ন বিদ্যতে হল্যং তেনাহল্যেতি বিশ্রুতা ।
অহল্যেতি ময়া শক্র তস্যা নাম প্রবর্তিতম্ ।। ৭.৩০.২৫ ॥
30.26
নির্মিতায়াং চ দেবেন্দ্র তস্যাং নার্যাং সুরর্ষভ ।
ভবিষ্যতীতি কস্যৈষা মম চিন্তা ততো ঽভবৎ ।। ৭.৩০.২৬ ॥
30.27
ত্বং তু শক্র তদা নারীং জানীষে মনসা প্রভো ।
স্থানাধিকতয়া পত্নী মমৈষেতি পুরন্দর ।। ৭.৩০.২৭ ॥
30.28
সা ময়া ন্যাসভূতা তু গৌতমস্য মহাত্মনঃ ।
ন্যস্তা বহূনি বর্ষাণি তেন নির্যাতিতা চ হ ।। ৭.৩০.২৮ ॥
30.29
ততস্তস্য পরিজ্ঞায় মহাস্থৈর্যং মহামুনেঃ ।
জ্ঞাত্বা তপসি সিদ্ধিং চ পত্ন্যর্থং স্পর্শিতা তদা ।। ৭.৩০.২৯ ॥
30.30
সঙ্ক্রুদ্ধস্ত্বং হি ধর্মাত্মন্ গত্বা তস্যাশ্রমং মুনেঃ ।
দৃষ্টবাংশ্চ তদা তাং স্ত্রীং দীপ্তামগ্নিশিখামিব ।। ৭.৩০.৩০ ॥
30.31
সা ত্বয়া ধর্ষিতা শক্র কামার্তেন সমন্যুনা ।
দৃষ্টস্ত্বং চ তদা তেন হ্যাশ্রমে পরমর্ষিণা ।। ৭.৩০.৩১ ॥
30.32
ততঃ ক্রুদ্ধেন তেনা ঽসি শপ্তঃ পরমতেজসা ।
গতো ঽসি যেন দেবেন্দ্র দশাভাগবিপর্যয়ম্ ।। ৭.৩০.৩২ ॥
30.33
যস্মান্মে ধর্ষিতা পত্নী ত্বয়া বাসব নির্ভয়ম্ ।
তস্মাত্ত্বং সমরে রাজঞ্ছত্রুহস্তং গমিষ্যসি ।। ৭.৩০.৩৩ ॥
30.34
অয়ং তু ভাবো দুর্বুদ্ধে যস্ত্বয়েহ প্রবর্তিতঃ ।
মানুষেষ্বপি লোকেষু ভবিষ্যতি ন সংশয়ঃ ।। ৭.৩০.৩৪ ॥
30.35
তত্রার্ধং তস্য যঃ কর্তা ত্বয্যর্ধং নিপতিষ্যতি ।
ন চ তে স্থাবরং স্থানং ভবিষ্যতি ন সংশয়ঃ ।। ৭.৩০.৩৫ ॥
30.36
যশ্চ যশ্চ সুরেন্দ্রঃ স্যাদ্ধ্রুবঃ স ন ভবিষ্যতি ।
এষ শাপো ময়া মুক্ত ইত্যসৌ ত্বাং তদা ঽব্রবীৎ ।। ৭.৩০.৩৬ ॥
30.37
তাং তু ভার্যাং স নির্ভর্ত্স্য সো ঽব্রবীত্সুমহাতপাঃ ।
দুর্বিনীতে বিনিধ্বংস মমাশ্রমসমীপতঃ ।। ৭.৩০.৩৭ ॥
30.38
রূপয়ৌবনসম্পন্না যস্মাত্ত্বমনবস্থিতা ।
তস্মাদ্রূপবতী লোকে ন ত্বমেকা ভবিষ্যতি ।। ৭.৩০.৩৮ ॥
30.39
রূপং চ তে প্রজাঃ সর্বা গমিষ্যন্তি ন সংশয়ঃ ।
যত্তদেকং সমাশ্রিত্য বিভ্রমো ঽয়মুপস্থিতঃ ।। ৭.৩০.৩৯ ॥
30.40
তদাপ্রভৃতি ভূয়িষ্ঠং প্রজা রূপসমন্বিতাঃ ।
সা তং প্রসাদয়ামাস মহর্ষিং গৌতমং তদা ।। ৭.৩০.৪০ ॥
30.41
অজ্ঞানাদ্ধর্ষিতা বিপ্র ত্বদ্রূপেণ দিবৌকসা ।
ন কামকারাদ্বিপ্রর্ষে প্রসাদং কর্তুমর্হসি ।। ৭.৩০.৪১ ॥
30.42
অহল্যয়া ত্বেবমুক্তঃ প্রত্যুবাচ স গৌতমঃ ।
উত্পত্স্যতি মহাতেজা ইক্ষ্বাকূণাং মহারথঃ ।। ৭.৩০.৪২ ॥
30.43
রামো নাম শ্রুতো লোকে বনং চাপ্যুপয়াস্যতি ।
ব্রাহ্মণার্থে মহাবাহুর্বিষ্ণুর্মানুষবিগ্রহঃ ।তং দ্রক্ষ্যসি যদা ভদ্রে ততঃ পূতা ভবিষ্যসি ।। ৭.৩০.৪৩ ॥
30.44
স হি পাবয়িতুং শক্তস্ত্বয়া যদ্দুষ্কৃতং কৃতম্ ।
তস্যাতিথ্যং চ কৃত্বা বৈ মত্সমীপং গমিষ্যসি ।। ৭.৩০.৪৪ ॥
30.45
বত্স্যসি ত্বং ময়া সার্ধং তদা হি বরবর্ণিনি ।
এবমুক্ত্বা স বিপ্রর্ষিরাজগাম স্বমাশ্রমম্ ।। ৭.৩০.৪৫ ॥
30.46
তপশ্চাচার সুমহত্সা পত্নী ব্রহ্মবাদিনঃ ।
শাপোত্সর্গাদ্ধি তস্যেদং মুনেঃ সর্বমুপস্থিতম্ ।। ৭.৩০.৪৬ ॥
30.47
তত্স্মর ত্বং মহাবাহো দুষ্কৃতং যত্ত্বয়া কৃতম্ ।
তেন ত্বং গ্রহণং শত্রোর্যাতো নান্যেন বাসব ।। ৭.৩০.৪৭ ॥
30.48
শীঘ্রং বৈ যজ যজ্ঞং ত্বং বৈষ্ণবং সুসমাহিতঃ ।
পাবিতস্তেন যজ্ঞেন যাস্যসে ত্রিদিবং ততঃ ।। ৭.৩০.৪৮ ॥
30.49
পুত্রশ্চ তব দেবেন্দ্র ন বিনষ্টো মহারণে ।
নীতঃ সন্নিহিতশ্চৈব আর্যকেণ মহোদধৌ ।। ৭.৩০.৪৯ ॥
30.50
এতচ্ছ্রুত্বা মহেন্দ্রস্তু যজ্ঞমিষ্ট্বা চ বৈষ্ণবম্ ।
পুনস্ত্রিদিবমাক্রামদন্বশাসচ্চ দেবরাট্ ।। ৭.৩০.৫০ ॥
30.51
এতদিন্দ্রজিতো নাম বলং যত্কীর্তিতং ময়া ।
নির্জিতস্তেন দেবেন্দ্রঃ প্রাণিনো ঽন্যে তু কিং পুনঃ ।। ৭.৩০.৫১ ॥
30.52
আশ্চর্যমিতি রামশ্চ লক্ষ্মণশ্চাব্রবীত্তদা ।
অগস্ত্যবচনং শ্রুত্বা বানরা রাক্ষসাস্তদা ।। ৭.৩০.৫২ ॥
30.53
বিভীষণস্তু রামস্য পার্শ্বস্থো বাক্যমব্রবীৎ ।
আশ্চর্যং স্মারিতো ঽস্ম্যদ্য যত্তদ্দৃষ্টং পুরাতনম্ ।। ৭.৩০.৫৩ ॥
30.54
অগস্ত্যং ত্বব্রবীদ্রামঃ সত্যমেতচ্ছ্রুতং চ মে ।
। ৭.৩০.৫৪ ॥
30.55
এবং রাম সমুদ্ভূতো রাবণো লোককণ্টকঃ ।
সপুত্রো যেন সঙ্গ্রামে জিতঃ শক্রঃ সুরেশ্বরঃ ।। ৭.৩০.৫৫ ।।