Utshovসর্গ 3
3.1
অথ পুত্রঃ পুলস্ত্যস্য বিশ্রবা মুনিপুঙ্গবঃ ।
অচিরেণৈব কালেন পিতেব তপসি স্থিতঃ ।। ৭.৩.১ ॥
3.2
সত্যবাঞ্ছীলবাঞ্ছান্তঃ স্বাধ্যায়নিরতঃ শুচিঃ ।
সর্বভোগেষ্বসংসক্তো নিত্যং ধর্মপরায়ণঃ ।। ৭.৩.২ ॥
3.3
জ্ঞাত্বা তস্য তু তদ্বৃত্তং ভরদ্বাজো মহামুনিঃ ।
দদৌ বিশ্রবসে ভার্যাং স্বসুতাং দেববর্ণিনীম্ ।। ৭.৩.৩ ॥
3.4
প্রতিগৃহ্য তু ধর্মেণ ভরদ্বাজসুতাং তদা ।
প্রজান্বেক্ষিকয়া বুদ্ধ্যা শ্রেয়ো হ্যস্য বিচিন্তয়ন্ ।। ৭.৩.৪ ॥
3.5
মুদা পরময়া যুক্তো বিশ্রবা মুনিপুঙ্গবঃ ।
স তস্যাং বীর্যসম্পন্নমপত্যং পরমাদ্ভুতম্ ।। ৭.৩.৫ ॥
3.6
জনয়ামাস ধর্মজ্ঞঃ সর্বৈর্ব্রহ্মগুণৈর্যুতম্ ।
তস্মিঞ্জাতে তু সংহৃষ্টঃ সম্বভূব পিতামহঃ ।। ৭.৩.৬ ॥
3.7
দৃষ্ট্বা শ্রেয়স্করীং বুদ্ধিং ধনাধ্যক্ষো ভবিষ্যতি ।
নাম তস্যাকরোত্প্রীতঃ সার্ধং দেবর্ষিভিস্তদা ।। ৭.৩.৭ ॥
3.8
যস্মাদ্বিশ্রবসো ঽপত্যং সাদৃশ্যাদ্বিশ্রবা ইব ।
তস্মাদ্বৈশ্রবণো নাম ভবিষ্যত্বেষ বিশ্রুতঃ ।। ৭.৩.৮ ॥
3.9
স তু বৈশ্রবণস্তত্র তপোবনগতস্তদা ।
অবর্ধতাহুতিহুতো মহাতেজা যথানলঃ ।। ৭.৩.৯ ॥
3.10
তস্যাশ্রমপদস্থস্য বুদ্ধির্জজ্ঞে মহাত্মনঃ ।
চরিষ্যে পরমং ধর্মং ধর্মো হি পরমা গতিঃ ।। ৭.৩.১০ ॥
3.11
স তু বর্ষসহস্রাণি তপস্তপ্ত্বা মহাবনে ।
যন্ত্রিতো নিয়মৈরুগ্রৈশ্চকার সুমহত্তপঃ ।। ৭.৩.১১ ॥
3.12
পূর্ণে বর্ষসহস্রান্তে তং তং বিধিমকল্পয়ৎ ।
জলাশী মারুতাহারো নিরাহারস্তথৈব চ ।। ৭.৩.১২ ॥
3.13
এবং বর্ষসহস্রাণি জগ্মুস্তান্যেকবর্ষবৎ ।
অথ প্রীতো মহাতেজাঃ সেন্দ্রৈঃ সুরগণৈঃ সহ ।। ৭.৩.১৩ ॥
3.14
গত্বা তস্যাশ্রমপদং ব্রহ্মেদং বাক্যমব্রবীৎ ।
পরিতুষ্টো ঽস্মি তে বত্স কর্মণানেন সুব্রত ।বরং বৃণীষ্ব ভদ্রং তে বরার্হস্ত্বং মহামতে ।। ৭.৩.১৪ ॥
3.15
অথাব্রবীদ্বৈশ্রবণঃ পিতামহমুপস্থিতম্ ।
ভগবঁল্লোকপালত্বমিচ্ছেয়ং বিত্তরক্ষণম্ ।। ৭.৩.১৫ ॥
3.16
অথাব্রবীদ্বৈশ্রবণং পরিতুষ্টেন চেতসা ।
ব্রহ্মা সুরগণৈঃ সার্ধং বাঢমিত্যেব হৃষ্টবৎ ।। ৭.৩.১৬ ॥
3.17
অহং বৈ লোকপালানাং চতুর্থং স্রষ্টুমুদ্যতঃ ।
। ৭.৩.১৭ ॥
3.18
যমেন্দ্রবরুণানাং চ পদং যত্তব চেপ্সিতম্ ।
তদ্গচ্ছ ত্বং হি ধর্মজ্ঞ নিধীশত্বমবাপ্নুহি ।শক্রাম্বুপয়মানাং চ চতুর্থস্ত্বং ভবিষ্যসি ।। ৭.৩.১৮ ॥
3.19
এতচ্চ পুষ্পকং নাম বিমানং সূর্যসন্নিভম্ ।
প্রতিগৃহ্ণীষ্ব যানার্থং ত্রিদশৈঃ সমতাং ব্রজ ।। ৭.৩.১৯ ॥
3.20
স্বস্তি তে ঽস্তু গমিষ্যামঃ সর্ব এব যথাগতম্ ।
কৃতকৃত্যা বয়ং তাত দত্ত্বা তব বরদ্বয়ম্ ।। ৭.৩.২০ ॥
3.21
ইত্যুক্ত্বা স গতো ব্রহ্মা স্বস্থানং ত্রিদশৈঃ সহ ।
। ৭.৩.২১ ॥
3.22
গতেষু ব্রহ্মপূর্বেষু দেবেষ্বথ নভস্থলম্ ।
বনে স পিতরং প্রাহ প্রাঞ্জলিঃ প্রয়তাত্মবান্ ।নিবাসনং ন মে দেবো বিদধে স প্রজাপতিঃ ।। ৭.৩.২২ ॥
3.23
ভগবঁল্লব্ধবানস্মি বরমিষ্টং পিতামহাৎ ।
তং পশ্য ভগবন্কঞ্চিন্নিবাসং সাধু মে প্রভো ।। ৭.৩.২৩ ॥
3.24
ন চ পীডা ভবেদ্যত্র প্রাণিনো যস্য কস্যচিৎ ।
এবমুক্তস্তু পুত্রেণ বিশ্রবা মুনিপুঙ্গবঃ ।। ৭.৩.২৪ ॥
3.25
বচনং প্রাহ ধর্মজ্ঞঃ শ্রূয়তামিতি সত্তমঃ ।
দক্ষিণস্যোদধেস্তীরে ত্রিকূটো নাম পর্বতঃ ।। ৭.৩.২৫ ॥
3.26
তস্যাগ্রে তু বিশালা সা মহেন্দ্রস্য পুরী যথা ।
লঙ্কা নাম পুরী রম্যা নির্মিতা বিশ্বকর্মণা ।। ৭.৩.২৬ ॥
3.27
রাক্ষসানাং নিবাসার্থং যথেন্দ্রস্যামরাবতী ।
তত্র ত্বং বস ভদ্রং তে লঙ্কায়াং নাত্র সংশয়ঃ ।। ৭.৩.২৭ ॥
3.28
হেমপ্রাকারপরিঘা যন্ত্রশস্ত্রসমাবৃতা ।
রমণীয়া পুরী সা হি রুক্মবৈডূর্যতোরণা ।। ৭.৩.২৮ ॥
3.29
রাক্ষসৈঃ সা পরিত্যক্তা পুরা বিষ্ণুভয়ার্দিতৈঃ ।
শূন্যা রক্ষোগণৈঃ সর্বৈ রসাতলতলং গতৈঃ ।। ৭.৩.২৯ ॥
3.30
শূন্যা সম্প্রতি লঙ্কা সা প্রভুস্তস্যা ন বিদ্যতে ।
স ত্বং তত্র নিবাসায় গচ্ছ পুত্র যথাসুখম্ ।। ৭.৩.৩০ ॥
3.31
নির্দোষস্তত্র তে বাসো ন বাধাস্তত্র কস্যচিৎ ।
এতচ্ছুত্বা স ধর্মাত্মা ধর্মিষ্ঠং বচনং পিতুঃ ।। ৭.৩.৩১ ॥
3.32
নিবাসয়ামাস তদা লঙ্কাং পর্বতমূর্ধনি ।
নৈর্ঋতানাং সহস্রৈস্তু হৃষ্টৈঃ প্রমুদুতৈঃ সহ ।। ৭.৩.৩২ ॥
3.33
অচিরেণৈব কালেন সম্পূর্ণা তস্য শাসনাৎ ।
। ৭.৩.৩৩ ॥
3.34
স তু তত্রাবসত্প্রীতো ধর্মাত্মা নৈর্ঋতর্ষভঃ ।
সমুদ্রপরিঘায়াং তু লঙ্কায়াং বিশ্রবাত্মজঃ ।। ৭.৩.৩৪ ॥
3.35
কালে কালে তু ধর্মাত্মা পুষ্পকেণ ধনেশ্বরঃ ।
অভ্যাগচ্ছদ্বিনীতাত্মা পিতরং মাতরং চ হি ।। ৭.৩.৩৫ ॥
3.36
স দেবগন্ধর্বগণৈরভিষ্টুতস্তথাপ্সরোনৃত্যবিভূষিতালয়ঃ ।
গভস্তিভিঃ সূর্য ইবাবভাসয়ন্পিতুঃ সমীপং প্রয়য়ৌ স বিত্তপঃ ।। ৭.৩.৩৬ ।।