Utshovসর্গ 27
27.1
কৈলাসং লঙ্ঘয়িত্বাথ দশগ্রীবঃ স রাবণঃ ।
আসসাদ মহাতেজা ইন্দ্রলোকং নিশাচরঃ ।। ৭.২৭.১ ॥
27.2
তস্য রাক্ষসসৈন্যস্য সমন্তাদুপয়াস্যতঃ ।
দেবলোকং যয়ৌ শব্দো মথ্যমানার্ণবোপমঃ ।। ৭.২৭.২ ॥
27.3
শ্রুত্বা তু রাবণং প্রাপ্তমিন্দ্রশ্চলিত আসনাৎ ।
অব্রবীত্তত্র তান্ দেবান্ সর্বানেব সমাগতান্ ।। ৭.২৭.৩ ॥
27.4
আদিত্যান্সবসূন্রুদ্রান্বিশ্বান্সাধ্যান্মরুদ্গণান্ ।
সজ্জীভবত যুদ্ধার্থং রাবণস্য দুরাত্মনঃ ।। ৭.২৭.৪ ॥
27.5
এবমুক্তাস্তু শক্রেণ দেবাঃ শক্রসমা যুধি ।
সন্নহ্য সুমহাসত্ত্বা যুদ্ধশ্রদ্ধাসমন্বিতাঃ ।। ৭.২৭.৫ ॥
27.6
স তু দীনঃ পরিত্রস্তো মহেন্দ্রো রাবণং প্রতি ।
বিষ্ণোঃ সমীপমাগত্য বাক্যমেতদুবাচ হ ।। ৭.২৭.৬ ॥
27.7
বিষ্ণো কথং করিষ্যামি মহাবীর্যপরাক্রমঃ ।
অসৌ হি বলবদ্রক্ষো যুদ্ধার্থমভিবর্ততে ।। ৭.২৭.৭ ॥
27.8
বরপ্রদানাদ্বলবান্ন খল্বন্যেন হেতুনা ।
তত্তু সত্যবচঃ কার্যং যদুক্তং পদ্ময়োনিনা ।। ৭.২৭.৮ ॥
27.9
তদ্যথা নমুচির্বৃত্রো বলির্নরকশম্বরৌ ।
ত্বদ্বলং সমবষ্টভ্য ময়া দগ্ধাস্তথা কুরু ।। ৭.২৭.৯ ॥
27.10
নহ্যন্যো দেবদেবেশ ত্বামৃতে মধুসূদন ।
গতিঃ পরায়ণং নাস্তি ত্রৈলোক্যে সচরাচরে ।। ৭.২৭.১০ ॥
27.11
ত্বং হি নারায়ণঃ শ্রীমান্পদ্মনাভঃ সনাতনঃ ।
ত্বয়েমে স্থাপিতা লোকাঃ শক্রশ্চাহং সুরেশ্বরঃ ।। ৭.২৭.১১ ॥
27.12
ত্বয়া সৃষ্টমিদং সর্বং ত্রৈলোক্যং সচরাচরম্ ।
ত্বামেব ভগবন্সর্বে প্রবিশন্তি যুগক্ষয়ে ।। ৭.২৭.১২ ॥
27.13
তদাচক্ষ্ব যথা তত্ত্বং দেবদেব মম স্বয়ম্ ।
অপি চক্রসহায়স্ত্বং যোত্স্যসে রাবণং প্রভো ।। ৭.২৭.১৩ ॥
27.14
এবমুক্তঃ স শক্রেণ দেবো নারায়ণঃ প্রভুঃ ।
অব্রবীন্ন পরিত্রাসঃ কর্তব্যঃ শ্রূয়তাং চ মে ।। ৭.২৭.১৪ ॥
27.15
ন তাবদেষ দুষ্টাত্মা শক্যো জেতুং সুরাসুরৈঃ ।
হন্তুং চাপি সমাসাদ্য বরদানেন দুর্জয়ঃ ।। ৭.২৭.১৫ ॥
27.16
সর্বথা তু মহত্কর্ম করিষ্যতি বলোত্কটঃ ।
রাক্ষসঃ পুত্রসহিতো দৃষ্টমেতন্নিসর্গতঃ ।। ৭.২৭.১৬ ॥
27.17
যত্তু মাং ত্বমভাষিষ্ঠ যুদ্ধ্যস্বেতি সুরেশ্বর ।
নাহং তং প্রতিয়োত্স্যামি রাবণং রাক্ষসং যুধি ।। ৭.২৭.১৭ ॥
27.18
নাহত্বা সমরে শত্রুং বিষ্ণুঃ প্রতিনিবর্ততে ।
দুর্লভশ্চৈব কামো ঽদ্য বরগুপ্তাদ্ধি রাবণাৎ ।। ৭.২৭.১৮ ॥
27.19
প্রতিজানে চ দেবেন্দ্র ত্বত্সমীপে শতক্রতো ।
ভবিতা ঽস্মি যথা ঽস্যাহং রক্ষসো মৃত্যুকারণম্ ।। ৭.২৭.১৯ ॥
27.20
অহমেব নিহন্তা ঽস্মি রাবণং সপুরঃসরম্ ।
দেবতা নন্দয়িষ্যামি জ্ঞাত্বা কালমুপাগতম্ ।এতত্তে কথিতং তত্ত্বং দেবরাজ শচীপতে ।। ৭.২৭.২০ ॥
27.21
যুদ্ধ্যস্ব বিগতত্রাসঃ সর্বৈঃ সার্ধং মহাবল ।
। ৭.২৭.২১ ॥
27.22
যামি জ্ঞাত্বা কালমুপাগতম্ ।
ততো রুদ্রাঃ সহাদিত্যা বসবো মরুতো ঽশ্বনৌ ।সন্নদ্ধা নির্যয়ুস্তূর্ণং রাক্ষসানভিতঃ পুরাৎ ।। ৭.২৭.২২ ॥
27.23
এতস্মিন্নন্তরে নাদঃ শুশ্রুবে রজনীক্ষয়ে ।
তস্য রাবণসৈন্যস্য প্রয়ুদ্ধস্য সমন্ততঃ ।। ৭.২৭.২৩ ॥
27.24
তে প্রয়ুদ্ধা মহাবীর্যা হ্যন্যোন্যমভিবীক্ষ্য বৈ ।
সঙ্গ্রামমেবাভিমুখা হ্যভবর্তন্ত হৃষ্টবৎ ।। ৭.২৭.২৪ ॥
27.25
ততো দৈবতসৈন্যনাং সঙ্ক্ষোভঃ সমজায়ত ।
তদক্ষয়ং মহাসৈন্যং দৃষ্ট্বা সমরমূর্ধনি ।। ৭.২৭.২৫ ॥
27.26
ততো যুদ্ধং সমভবেদ্দেবদানবরক্ষসাম্ ।
ঘোরং তুমুলনির্হ্রাদং নানাপ্রহরণোদ্যতম্ ।। ৭.২৭.২৬ ॥
27.27
এতস্মিন্নন্তরে শূরা রাক্ষসা ঘোরদর্শনাঃ ।
যুদ্ধার্থং সমবর্তন্ত সচিবা রাবণস্য তে ।। ৭.২৭.২৭ ॥
27.28
মারীচশ্চ প্রহস্তশ্চ মহাপার্শ্বমহোদরৌ ।
অকম্পনো নিকুম্ভশ্চ শুকঃ সারণ এব চ ।। ৭.২৭.২৮ ॥
27.29
সংহ্লাদো ধূমকেতুশ্চ মহাদংষ্ট্রো ঘটোদরঃ ।
জম্বুমালী মহাহ্রাদো বিরূপাক্ষশ্চ রাক্ষসঃ ।। ৭.২৭.২৯ ॥
27.30
সুপ্তঘ্নো যজ্ঞকোপশ্চ দুর্মুখো দূষণঃ খরঃ ।
ত্রিশিরাঃ করবীরাক্ষঃ সূর্যশত্রুশ্চ রাক্ষসঃ ।। ৭.২৭.৩০ ॥
27.31
মহাকায়ো ঽতিকায়শ্চ দেবান্তকনরান্তকৌ ।
এতৈঃ সর্বৈঃ পরিবৃতো মহাবীর্যো মহাবলঃ ।। ৭.২৭.৩১ ॥
27.32
রাবণস্যার্যকঃ সৈন্যং সুমালী প্রবিবেশ হ ।
স দৈবতগণান্সর্বান্নানাপ্রহরণৈঃ শিতৈঃ ।ব্যধ্বংসয়ত্সুসঙ্ক্রুদ্ধো বায়ুর্জলধরানিব ।। ৭.২৭.৩২ ॥
27.33
তদ্দৈবতবলং রাম হন্যমানং নিশাচরৈঃ ।
প্রণুন্নং সর্বতো দিগ্ভ্যঃ সিংহনুন্না মৃগা ইব ।। ৭.২৭.৩৩ ॥
27.34
এতস্মিন্নন্তরে শূরো বসূনামষ্টমো বসুঃ ।
সাবিত্র ইতি বিখ্যাতঃ প্রবিবেশ রণাজিরম্ ।। ৭.২৭.৩৪ ॥
27.35
তথা ঽ ঽদিত্যৌ মহাবীর্যৌ ত্বষ্টা পূষা চ দংশিতৌ ।
নিংর্ভয়ৌ সহ সৈন্যেন তদা প্রাবিশতাং রণে ।। ৭.২৭.৩৫ ॥
27.36
ততো যুদ্ধং সমভবত্সুরাণাং সহ রাক্ষসৈঃ ।
ক্রুদ্ধানাং রক্ষসাং কীর্তিং সমরেষ্বনিবর্তিনাম্ ।। ৭.২৭.৩৬ ॥
27.37
ততস্তে রাক্ষসাঃ সর্বে বিবুধান্সমরে স্থিতান্ ।
নানাপ্রহরণৈর্ঘোরৈর্জঘ্নুঃ শতসহস্রশঃ ।। ৭.২৭.৩৭ ॥
27.38
দেবাশ্চ রাক্ষসান্ঘোরান্মহাবলপরাক্রমান্ ।
সমরে বিমলৈঃ শস্ত্রৈরুপনিন্যুর্যমক্ষয়ম্ ।। ৭.২৭.৩৮ ॥
27.39
এতস্মিন্নন্তরে রাম সুমালী নাম রাক্ষসঃ ।
নানাপ্রহরণৈঃ ক্রুদ্ধস্তত্সৈন্যং সো ঽভ্যবর্তত ।। ৭.২৭.৩৯ ॥
27.40
স দৈবতবলং সর্বং নানাপ্রহণৈঃ শিতৈঃ ।
ব্যধ্বংসয়ত সঙ্ক্রুদ্ধো বায়ুর্জলধরং যথা ।। ৭.২৭.৪০ ॥
27.41
তে মহাবাণবর্ষৈশ্চ শূলপ্রাসৈঃ সুদারুণৈঃ ।
হন্যমানাঃ সুরাঃ সর্বে ন ব্যতিষ্ঠন্ত সংহতাঃ ।। ৭.২৭.৪১ ॥
27.42
ততো বিদ্রাব্যমাণেষু দৈবতেষু সুমালিনা ।
বসূনামষ্টমঃ ক্রুদ্ধঃ সাবিত্রো বৈ ব্যবস্থিতঃ ।। ৭.২৭.৪২ ॥
27.43
সংবৃতঃ স্বৈরথানীকৈঃ প্রহরন্তং নিশাচরম্ ।
বিক্রমেণ মহাতেজা বারয়ামাস সংয়ুগে ।। ৭.২৭.৪৩ ॥
27.44
ততস্তয়োর্মহায়ুদ্ধমভবদ্রোমহর্ষণম্ ।
। ৭.২৭.৪৪ ॥
27.45
সুমালিনো বসোশ্চৈব সমরেষ্বনিবর্তিনোঃ ।
ততস্তস্য মহাবাণৈর্বসুনা সুমহাত্মনা ।নিহতঃ পন্নগরথঃ ক্ষণেন বিনিপাতিতঃ ।। ৭.২৭.৪৫ ॥
27.46
হত্বা তু সংয়ুগে তস্য রথং বাণশতৈশ্চিতম্ ।
গদাং তস্য বধার্থায় বসুর্জগ্রাহ পাণিনা ।। ৭.২৭.৪৬ ॥
27.47
ততঃ প্রগৃহ্য দীপ্তাগ্রাং কালদণ্ডোপমাং গদাম্ ।
তাং মূর্ধ্নি পাতয়ামাস সাবিত্রো বৈ সুমালিনঃ ।। ৭.২৭.৪৭ ॥
27.48
সা তস্যোপরি চোল্কাভা পতন্তীব বভৌ গদা ।
ইন্দ্রপ্রমুক্তা গর্জন্তী গিরাবিব মহাশনিঃ ।। ৭.২৭.৪৮ ॥
27.49
তস্য নৈবাস্থি ন শিরো ন মাংসং দদৃশে তদা ।
গদয়া ভস্মতাং নীতং নিহতস্য রণাজিরে ।। ৭.২৭.৪৯ ॥
27.50
তং দৃষ্ট্বা নিহতং সঙ্খ্যে রাক্ষসাস্তে সমন্ততঃ ।
ব্যদ্রবন্সহিতাঃ সর্বে ক্রোশমানাঃ পরস্পরম্ ।বিদ্রাব্যমাণা বসুনা রাক্ষসা নাবতস্থিরে ।। ৭.২৭.৫০ ।।