Utshovসর্গ 26
26.1
স তু তত্র দশগ্রীবঃ সহ সৈন্যেন বীর্যবান্ ।
অস্তং প্রাপ্তে দিনকরে নিবাসং সমরোচয়ৎ ।। ৭.২৬.১ ॥
26.2
উদিতে বিমলে চন্দ্রে তুল্যপর্বতবর্চসি ।
প্রসুপ্তং সুমহত্সৈন্যং নানাপ্রহরণায়ুধম্ ।। ৭.২৬.২ ॥
26.3
রাবণস্তু মহাবীর্যো নিষণ্ণঃ শৈলমূর্ধনি ।
স দদর্শ গুণাংস্তত্র চন্দ্রপাদপশোভিতান্ ।। ৭.২৬.৩ ॥
26.4
কর্ণিকারবনৈর্দীপ্তৈঃ কদম্বগহনৈস্তথা ।
পদ্মিনীভিশ্চ ফুল্লাভির্মন্দাকিন্যা জলৈরপি ।। ৭.২৬.৪ ॥
26.5
চম্পকাশোকপুন্নাগমন্দারতরুভিস্তথা ।
চূতপাটললোধ্রৈশ্চ প্রিয়ঙ্গ্বর্জুনকেতকৈঃ ।তগরৈর্নারিকৈলৈশ্চ প্রিয়ালপনসৈস্তথা ।। ৭.২৬.৫ ॥
26.6
আরগ্বধৈস্তমালৈশ্চ প্রিয়ালবকুলৈরপি ।
এতৈরন্যৈশ্চ তরুভিরুদ্ভাসিতবনান্তরে ।কিন্নরা মদনেনার্তা রক্তা মধুরকণ্ঠিনঃ ।। ৭.২৬.৬ ॥
26.7
সমং সম্প্রজগুর্যত্র মনস্তুষ্টিবিবর্ধনম্ ।
। ৭.২৬.৭ ॥
26.8
ভিরুদ্ভাসিতবনান্তরে ।
বিদ্যাধরা মদক্ষীবা মদরক্তান্তলোচনাঃ ।যোষিদ্ভিঃ সহ সঙ্ক্রান্তাশ্চিক্রীডুর্জহৃষুশ্চ বৈ ।। ৭.২৬.৮ ॥
26.9
ঘণ্টানামিব সন্নাদঃ শুশ্রুবে মধুরস্বরঃ ।
অপ্সরোগণসঙ্ঘানাং গায়তাং ধনদালয়ে ।। ৭.২৬.৯ ॥
26.10
পুষ্পবর্ষাণি মুঞ্চন্তো নগাঃ পবনতাডিতাঃ ।
শৈলং তং বাসয়ন্তীব মধুমাধবগন্ধিনঃ ।। ৭.২৬.১০ ॥
26.11
মধুপুষ্পরজঃপৃক্তং গন্ধমাদায় পুষ্কলম্ ।
প্রববৌ বর্ধয়ন্কামং রাবণস্য সুখো ঽনিলঃ ।। ৭.২৬.১১ ॥
26.12
গেয়াত্পুষ্পসমৃদ্ধ্যা চ শৈত্যাদ্বায়োর্গিরের্গুণাৎ ।
প্রবৃত্তায়াং রজন্যাং চ চন্দ্রস্যোদয়নেন চ ।। ৭.২৬.১২ ॥
26.13
রাবণস্তু মহাবীর্যঃ কামস্য বশমাগতঃ ।
বিনিঃশ্বস্য বিনিঃশ্বস্য শশিনং সমবৈক্ষত ।। ৭.২৬.১৩ ॥
26.14
এতস্মিন্নন্তরে তত্র দিব্যাভরণভূষিতা ।
সর্বাপ্সরোবরা রম্ভা দিব্যপুষ্পবিভূষিতা ।। ৭.২৬.১৪ ॥
26.15
দিব্যচন্দনলিপ্তাঙ্গী মন্দারকৃতমূর্ধজা ।
দিব্যোত্সবকৃতারম্ভা পূর্ণচন্দ্রনিভাননা ।। ৭.২৬.১৫ ॥
26.16
চক্ষুর্মনোহরং পীনং মেখলাদামভূষিতম্ ।
সমুদ্বহন্তী জঘনং রতিপ্রাভৃতমুত্তমম্ ।। ৭.২৬.১৬ ॥
26.17
কৃতৈর্বিশেষকৈরার্দ্রৈঃ ষডর্তুকুসুমোদ্ভবৈঃ ।
। ৭.২৬.১৭ ॥
26.18
বভাবন্যতমেব শ্রীকান্তিদ্যুতিমতিহ্রিয়াম্ ।
নীলং সতোয়মেঘাভং বস্ত্রং সমবকুণ্ঠিতা ।। ৭.২৬.১৮ ॥
26.19
যস্যা বক্ত্রং শশিনিভং ভ্রুবৌ চাপনিভে শুভে ।
ঊরূ করিকরাকারৌ করৌ পল্লবকোমলৌ ।সৈন্যমধ্যেন গচ্ছন্তী রাবণেনোপবীক্ষিতা ।। ৭.২৬.১৯ ॥
26.20
তাং সমুত্থায় গচ্ছন্তীং কামবাণবশং গতঃ ।
করে গৃহীত্বা লজ্জন্তীং স্ময়মানো ঽভ্যভাষত ।। ৭.২৬.২০ ॥
26.21
ক্ব গচ্ছসি বরারোহে কাং সিদ্ধিং ভজসে স্বয়ম্ ।
কস্যাভ্যুদয়কালো ঽয়ং যস্ত্বাং সমুপভোক্ষ্যতে ।। ৭.২৬.২১ ॥
26.22
ত্বদাননরসস্যাদ্য পদ্মোত্পলসুগন্ধিনঃ ।
সুধামৃতরসস্যেব কো ঽদ্য তৃপ্তিং গমিষ্যতি ।। ৭.২৬.২২ ॥
26.23
স্বর্ণকুম্ভনিভৌ পীনৌ শুভৌ ভীরু নিরন্তরৌ ।
কস্যোরস্থলসংস্পর্শং দাস্যতস্তে কুচাবিমৌ ।। ৭.২৬.২৩ ॥
26.24
সুবর্ণচক্রপ্রতিমং স্বর্ণদামচিতং পৃথু ।
অধ্যারোহতি কস্তে ঽদ্য জঘনং স্বর্গরূপিণম্ ।। ৭.২৬.২৪ ॥
26.25
মদ্বিশিষ্টঃ পুমান্কো ঽদ্য শক্রো বিষ্ণুরথাশ্বিনৌ ।
মামতীত্য হি যং চ ত্বং যাসি ভীরু ন শোভনম্ ।। ৭.২৬.২৫ ॥
26.26
বিশ্রম ত্বং পৃথুশ্রোণি শিলাতলমিদং শুভম্ ।
। ৭.২৬.২৬ ॥
26.27
ত্রৈলোক্যে যঃ প্রভুশ্চৈব মদন্যো নৈব বিদ্যতে ।
। ৭.২৬.২৭ ॥
26.28
তদেবং প্রাঞ্জলিঃ প্রহ্বো যাচতে ত্বাং দশাননঃ ।
ভর্তুর্ভর্তা বিধাতা চ ত্রৈলোক্যস্য ভজস্ব মাম্ ।। ৭.২৬.২৮ ॥
26.29
এবমুক্তা ঽব্রবীদ্রম্ভা বেপমানা কৃতাঞ্জলিঃ ।
প্রসীদ নার্হসে বক্তুমীদৃশং ত্বং হি মে গুরুঃ ।। ৭.২৬.২৯ ॥
26.30
অন্যেভ্যো হি ত্বয়া রক্ষ্যা প্রাপ্নুয়াং ধর্ষণং যদি ।
তদ্ধর্মতঃ স্নুষা তে ঽহং তত্ত্বমেব ব্রবীমি তে ।। ৭.২৬.৩০ ॥
26.31
অথাব্রবীদ্দশগ্রীবশ্চরণাধোমুখীং স্থিতাম্ ।
রোমহর্ষমনুপ্রাপ্তাং দৃষ্টমাত্রেণ তাং তদা ।। ৭.২৬.৩১ ॥
26.32
সুতস্য যদি মে ভার্যা ততস্ত্বং হি স্নুষা ভবেঃ ।
বাঢমিত্যেব সা রম্ভা প্রাহ রাবণমুত্তরম্ ।। ৭.২৬.৩২ ॥
26.33
ধর্মতস্তে সুতস্যাহং ভার্যা রাক্ষসপুঙ্গব ।
পুত্রঃ প্রিয়তরঃ প্রাণৈর্ভ্রাতুর্বৈশ্রবণস্য তে ।বিখ্যাতস্ত্রিষু লোকেষু নলকূবর ইত্যয়ম্ ।। ৭.২৬.৩৩ ॥
26.34
ধর্মতো যো ভবেদ্বিপ্রঃ ক্ষত্রিয়ো বীর্যতো ভবেৎ ।
ক্রোধাদ্যশ্চ ভবেদগ্নিঃ ক্ষান্ত্যা চ বসুধাসমঃ ।। ৭.২৬.৩৪ ॥
26.35
তস্যাস্মি কৃতসঙ্কেতা লোকপালসুতস্য বৈ ।
তমুদ্দিশ্য তু মে সর্বং বিভূষণমিদং কৃতম্ ।। ৭.২৬.৩৫ ॥
26.36
তথা তস্য হি নান্যস্য ভাবো মাং প্রতি তিষ্ঠতি ।
। ৭.২৬.৩৬ ॥
26.37
তেন সত্যেন মাং রাজন্মোক্তুমর্হস্যরিন্দম ।
। ৭.২৬.৩৭ ॥
26.38
স হি তিষ্ঠতি ধর্মাত্মা মাং প্রতীক্ষ্য সমুত্সুকঃ ।
তত্র বিঘ্নং সুতস্যেহ কর্তুং নার্হসি মুঞ্চ মাম্ ।। ৭.২৬.৩৮ ॥
26.39
সদ্ভিরাচরিতং মার্গং গচ্ছ রাক্ষসুপুঙ্গব ।
মাননীয়ো মম ত্বং হি পালনীয়া তথা ঽস্মি তে ।। ৭.২৬.৩৯ ॥
26.40
এবমুক্তো দশগ্রীবঃ প্রত্যুবাচ বিনীতবৎ ।
স্নুষা ঽস্মি যদবোচস্ত্বমেকপত্নীষ্বয়ং ক্রমঃ ।দেবলোকস্থিতিরিয়ং সুরাণাং শাশ্বতী মতা ।। ৭.২৬.৪০ ॥
26.41
পতিরপ্সরসাং নাস্তি ন চৈকস্ত্রীপরিগ্রহঃ ।
। ৭.২৬.৪১ ॥
26.42
স্মি যদবোচস্ত্বমেকপত্নীষ্বয়ং ক্রমঃ ।
এবমুক্ত্বা স তাং রক্ষো নিবেশ্য চ শিলাতলে ।কামভোগাভিসংসক্তো মৈথুনায়োপচক্রমে ।। ৭.২৬.৪২ ॥
26.43
সা বিমুক্তা ততো রম্ভা ভ্রষ্টমাল্যবিভূষণা ।
গজেন্দ্রাক্রীডমথিতা নদীবাকুলতাং গতা ।। ৭.২৬.৪৩ ॥
26.44
লুলিতাকুলকেশান্তা করবেপিতপল্লবা ।
পবনেনাবধূতেব লতা কুসুমশালিনী ।। ৭.২৬.৪৪ ॥
26.45
সা বেপমানা লজ্জন্তী ভীতা করকৃতাঞ্জলিঃ ।
নলকূবরমাসাদ্য পাদয়োর্নিপপাত হ ।। ৭.২৬.৪৫ ॥
26.46
তদবস্থাং চ তাং দৃষ্ট্বা মহাত্মা নলকূবরঃ ।
অব্রবীত্কিমিদং ভদ্রে পাদয়োঃ পতিতা ঽসি মে ।। ৭.২৬.৪৬ ॥
26.47
সা বৈ নিঃশ্বসমানা তু বেপমানা কৃতাঞ্জলিঃ ।
তস্মৈ সর্বং যথাতত্ত্বমাখ্যাতুমুপচক্রমে ।। ৭.২৬.৪৭ ॥
26.48
এষ দেব দশগ্রীবঃ প্রাপ্তো গন্তুং ত্রিবিষ্টপম্ ।
তেন সৈন্যসহায়েন নিশেয়ং পরিণামিতা ।। ৭.২৬.৪৮ ॥
26.49
আয়ন্তী তেন দৃষ্টা ঽস্মি ত্বত্সকাশমরিন্দম ।
গৃহীতা তেন পৃষ্টা ঽস্মি কস্য ত্বমিতি রক্ষসা ।। ৭.২৬.৪৯ ॥
26.50
ময়া তু সর্বং যত্সত্যং তস্মৈ সর্বং নিবেদিতম্ ।
কামমোহাভিভূতাত্মা নাশ্রৌষীত্তদ্বচো মম ।। ৭.২৬.৫০ ॥
26.51
যাচ্যমানো ময়া দেব স্নুষা তে ঽহমিতি প্রভো ।
তত্সর্বং পৃষ্ঠতঃ কৃত্বা বলাত্তেনাস্মি ধর্ষিতা ।। ৭.২৬.৫১ ॥
26.52
এবং ত্বমপরাধং মে ক্ষন্তুমর্হসি সুব্রত ।
ন হি তুল্যং বলং সৌম্য স্ত্রিয়াশ্চ পুরুষস্য চ ।। ৭.২৬.৫২ ॥
26.53
এতছুত্বা তু সঙ্ক্রুদ্ধস্তদা বৈশ্রবণাত্মজঃ ।
ধর্ষণাং তাং পরাং শ্রুত্বা ধ্যানং সম্প্রবিবেশ হ ।। ৭.২৬.৫৩ ॥
26.54
তস্য তত্কর্ম বিজ্ঞায় তদা বৈশ্রবণাত্মজঃ ।
মুহূর্তাত্ক্রোধতাম্রাক্ষস্তোয়ং জগ্রাহ পাণিনা ।। ৭.২৬.৫৪ ॥
26.55
গৃহীত্বা সলিলং সর্বমুপস্পৃশ্য যথাবিধি ।
উত্সসর্জ যথা শাপং রাক্ষসেন্দ্রায় দারুণম্ ।। ৭.২৬.৫৫ ॥
26.56
অকামা তেন যস্মাত্ত্বং বলাদ্ভদ্রে প্রধর্ষিতা ।
তস্মাত্স যুবতীমন্যাং নাকামামুপয়াস্যতি ।। ৭.২৬.৫৬ ॥
26.57
যদা হ্যকামাং কামার্তো ধর্ষয়িষ্যতি যোষিতম্ ।
মূর্ধা তু সপ্তধা তস্য শকলীভবিতা তদা ।। ৭.২৬.৫৭ ॥
26.58
তস্মিন্নুদাহৃতে শাপে জ্বলিতাগ্নিসমপ্রভে ।
দেবদুন্দুভয়ো নেদুঃ পুষ্পবৃষ্টিশ্চ খাচ্চ্যুতা ।পিতামহমুখাশ্চৈব সর্বে দেবাঃ প্রহর্ষিতাঃ ।। ৭.২৬.৫৮ ॥
26.59
জ্ঞাত্বা লোকগতিং সর্বাং তস্য মৃত্যুং চ রক্ষসঃ ।
ঋষয়ঃ পিতরশ্চৈব প্রীতিমাপুরনুত্তমাম্ ।। ৭.২৬.৫৯ ॥
26.60
শ্রুত্বা তু স দশগ্রীবস্তং শাপং রোমহর্ষণম্ ।
নারীষু মৈথুনে ভাবং নাকামাস্বভ্যরোচয়ৎ ।। ৭.২৬.৬০ ॥
26.61
তেন নীতাঃ স্ত্রিয়ঃ প্রীতিমাপুঃ সর্বাঃ পতিব্রতাঃ ।
নলকূবরনির্মুক্তং শাপং শ্রুত্বা মনঃপ্রিয়ম্ ।। ৭.২৬.৬১ ।।