Utshovসর্গ 25
25.1
স তু দত্ত্বা দশগ্রীবো বনং ঘোরং স্বরস্য তৎ ।
ভগিনীং চ সমাশ্বাস্য হৃষ্টঃ স্বস্থতরো ঽভবৎ ।। ৭.২৫.১ ॥
25.2
ততো নিকুম্ভিলা নাম লঙ্কোপবনমুত্তমম্ ।
তদ্রাক্ষসেন্দ্রো বলবান্প্রবিবেশ সহানুগঃ ।। ৭.২৫.২ ॥
25.3
ততো যূপশতাকীর্ণং সৌম্যচৈত্যোপশোভিতম্ ।
দদর্শ বিষ্ঠিতং যজ্ঞং শ্রিয়া সম্প্রজ্বলন্নিব ।। ৭.২৫.৩ ॥
25.4
ততঃ কৃষ্ণাজিনধরং কমণ্ডলুশিখাধ্বজম্ ।
দদর্শ স্বসুতং তত্র মেঘনাদং ভয়াবহম্ ।। ৭.২৫.৪ ॥
25.5
তং সমাসাদ্য লঙ্কেশঃ পরিষ্বজ্বাথ বাহুভিঃ ।
অব্রবীত্কিমিদং বত্স বর্তসে ব্রূহি তত্ত্বতঃ ।। ৭.২৫.৫ ॥
25.6
উশনা ত্বব্রবীত্তত্র যজ্ঞসম্পত্সমৃদ্ধয়ে ।
রাবণং রাক্ষসশ্রেষ্ঠং দ্বিজশ্রেষ্ঠো মহাতপাঃ ।। ৭.২৫.৬ ॥
25.7
অহমাখ্যামি তে রাজঞ্ছ্রূয়তাং সর্বমেব তৎ ।
যজ্ঞাস্তে সপ্ত পুত্রেণ প্রাপ্তাস্সুবহুবিস্তরাঃ ।। ৭.২৫.৭ ॥
25.8
অগ্নিষ্টোমো ঽশ্বমেধশ্চ যজ্ঞো বহুসুবর্ণকঃ ।
রাজসূয়স্তথা যজ্ঞো গোমেধো বৈষ্ববস্তথা ।। ৭.২৫.৮ ॥
25.9
মাহেশ্বরে প্রবৃত্তে তু যজ্ঞে পুম্ভিঃ সুদুর্লভে ।
বরাংস্তে লব্ধবান্পুত্রঃ সাক্ষাত্পশুপতেরিহ ।। ৭.২৫.৯ ॥
25.10
কামগং স্যন্দনং দিব্যমন্তরিক্ষচরং ধ্রুবম্ ।
মায়াং চ তামসীং নাম যয়া সম্পদ্যতে তমঃ ।। ৭.২৫.১০ ॥
25.11
এতয়া কিল সঙ্গ্রামে মায়য়া রাক্ষসেশ্বর ।
প্রয়ুক্তয়া গতিঃ শক্যা নহি জ্ঞাতুং সুরাসুরৈঃ ।। ৭.২৫.১১ ॥
25.12
অক্ষয়াবিষুধী বাণৈশ্চাপং চাপি সুদুর্জয়ম্ ।
অস্ত্রং চ বলবদ্রাজঞ্ছত্রুবিধ্বংসনং রণে ।। ৭.২৫.১২ ॥
25.13
এতান্সর্বান্বরাংল্লব্ধ্বা পুত্রস্তে ঽয়ং দশানন ।
অদ্য যজ্ঞসমাপ্তৌ চ ত্বাং দিদৃক্ষুস্স্থিতো হ্যহম্ ।। ৭.২৫.১৩ ॥
25.14
ততো ঽব্রবীদৃশগ্রীবো ন শোভনমিদং কৃতম্ ।
পূজিতাঃ শত্রবো যস্মাদ্দ্রব্যৈরিন্দ্রপুরোগমাঃ ।। ৭.২৫.১৪ ॥
25.15
এহীদানীং কৃতং বিদ্ধি সুকৃতং তন্ন সংশয়ঃ ।
আগচ্ছ সৌম্য গচ্ছামঃ স্বমেব ভবনং প্রতি ।। ৭.২৫.১৫ ॥
25.16
ততো গত্বা দশগ্রীবঃ সপুত্রঃ সবিভীষণঃ ।
স্ত্রিয়ো ঽবতারয়ামাস সর্বাস্তা বাষ্পগদ্গদাঃ ।। ৭.২৫.১৬ ॥
25.17
লক্ষিণ্যো রত্নভূতাশ্চ দেবদানবরক্ষসাম্ ।
তস্য তাসু মতিং জ্ঞাত্বা ধর্মত্মা বাক্যমব্রবীৎ ।। ৭.২৫.১৭ ॥
25.18
ঈদৃশৈস্ত্বং সমাচারৈর্যশোর্থকুলনাশনৈঃ ।
ধর্ষণং জ্ঞাতিনাং জ্ঞাত্বা স্বমতেন বিচেষ্টসে ।। ৭.২৫.১৮ ॥
25.19
জ্ঞাতীংস্তান্ধর্ষয়িত্বেমাস্ত্বয়া ঽ ঽনীতা বরাঙ্গনাঃ ।
ত্বামতিক্রম্য মধুনা রাজন্কুম্ভীনসী হৃতা ।। ৭.২৫.১৯ ॥
25.20
রাবণস্ত্বব্রবীদ্বাক্যং নাবগচ্ছামি কিং ত্বিদম্ ।
কো ঽয়ং যস্তু ত্বয়া ঽ ঽখ্যাতো মধুরিত্যেব নামতঃ ।। ৭.২৫.২০ ॥
25.21
বিভীষণস্তু সঙ্ক্রুদ্ধো ভ্রাতরং বাক্যমব্রবীৎ ।
শ্রূয়তামস্য পাপস্য কর্মণঃ ফলমাগতম্ ।। ৭.২৫.২১ ॥
25.22
মাতামহস্য যো ভ্রাতা জ্যেষ্ঠো ভ্রাতা সুমালিনঃ ।
মাল্যবানিতি বিখ্যাতো বৃদ্ধঃ প্রাজ্ঞো নিশাচরঃ ।। ৭.২৫.২২ ॥
25.23
পিতা জ্যেষ্ঠো জনন্যা নো হ্যস্মাকং চার্যকো ঽভবৎ ।
তস্য কুম্ভীনসী নাম দুহিতুর্দুহিতা ঽভবৎ ।। ৭.২৫.২৩ ॥
25.24
মাতৃষ্বসুরথাস্মাকং সা চ কন্যা ঽনলোদ্ভবা ।
ভবত্যস্মাকমেবৈষা ভ্রাতৃণাং ধর্মতঃ স্বসা ।। ৭.২৫.২৪ ॥
25.25
সা হৃতা, মধুনা রাজন্রাক্ষসেন বলীয়সা ।
যজ্ঞপ্রবৃত্তে পুত্রে তু ময়ি চান্তর্জলোষিতে ।। ৭.২৫.২৫ ॥
25.26
কুম্ভকর্ণে মহারাজ নিদ্রামনুভবত্যথ ।
নিহত্য রাক্ষসশ্রেষ্ঠানমাত্যানিহ সম্মতান্ ।। ৭.২৫.২৬ ॥
25.27
ধর্ষয়িত্বা হৃতা সা তু সুপ্তাপ্যন্তঃপুরে তব ।
শ্রুত্বা ঽপি তন্মহারাজ ক্ষান্তমেব হতো ন সঃ ।। ৭.২৫.২৭ ॥
25.28
যস্মাদবশ্যং দাতব্যা কন্যা ভর্ত্রে হি ভ্রাতৃভিঃ ।
তদেতত্কর্মণো হ্যস্য ফলং পাপস্য দুর্মতে ।। ৭.২৫.২৮ ॥
25.29
অস্মিন্নেবাভিসম্প্রাপ্তং লোকে বিদিতমস্তু তে ।
বিভীষণবচঃ শ্রুত্বা রাক্ষসেন্দ্রঃ স রাবণঃ ।দৌরাত্ম্যেনাত্মনোদ্ধূতস্তপ্তাম্ভ ইব সাগরঃ ।। ৭.২৫.২৯ ॥
25.30
ততো ঽব্রবীদৃশগ্রীবঃ ক্রুদ্ধঃ সংরক্তলোচনঃ ।
কল্প্যতাং মে রথঃ শীঘ্রং শূরাঃ সজ্জীভবন্তু নঃ ।। ৭.২৫.৩০ ॥
25.31
ভ্রাতা মে কুম্ভকর্ণশ্চ যে চ মুখ্যা নিশাচরাঃ ।
বাহনান্যধিরোহন্তু নানাপ্রহরণায়ুধাঃ ।। ৭.২৫.৩১ ॥
25.32
অদ্য তং সমরে হত্বা মধুং রাবণনির্ভয়ম্ ।
সুরলোকং গমিষ্যামি যুদ্ধকাঙ্ক্ষী সুহৃদ্বৃতঃ ।। ৭.২৫.৩২ ॥
25.33
অক্ষৌহিণীসহস্রাণি চত্বার্যগ্র্যাণি রক্ষসাম্ ।
নানাপ্রহরণান্যাশু নির্যয়ুর্যুদ্ধকাঙ্ক্ষিণাম্ ।। ৭.২৫.৩৩ ॥
25.34
ইন্দ্রজিত্ত্বগ্রতঃ (অগ্রতঃ) সৈন্যাত্সৈনিকান্পরিগৃহ্য চ ।
জগাম রাবণো মধ্যে কুম্ভকর্ণশ্চ পৃষ্ঠতঃ ।। ৭.২৫.৩৪ ॥
25.35
বিভীষণশ্চ ধর্মাত্মা লঙ্কায়াং ধর্মামাচরৎ ।
শোষাঃ সর্বে মহাভাগা যয়ুর্মধুপুরং প্রতি ।। ৭.২৫.৩৫ ॥
25.36
খরৈরুষ্ট্রৈর্হয়ৈর্দীপ্তৈঃ শিংশুমারৈর্মহোরগৈঃ ।
রাক্ষসাঃ প্রয়য়ুঃ সর্বে কৃত্বা ঽ ঽকাশং নিরন্তরম্ ।। ৭.২৫.৩৬ ॥
25.37
দৈত্যাশ্চ শতশস্তত্র কৃতবৈরাশ্চ দৈবতৈঃ ।
রাবণং প্রেক্ষ্য গচ্ছন্তমন্বগচ্ছন্হি পৃষ্ঠতঃ ।। ৭.২৫.৩৭ ॥
25.38
স তু গত্বা মধুপুরং প্রবিশ্য চ দশাননঃ ।
ন দদর্শ মধুং তত্র ভগিনীং তত্র দৃষ্টবান্ ।। ৭.২৫.৩৮ ॥
25.39
সা চ প্রহ্বাঞ্জলির্ভূত্বা শিরসা চরণৌ গতা ।
। ৭.২৫.৩৯ ॥
25.40
তস্য রাক্ষসরাজস্য ত্রস্তা কুম্ভীনসী তদা ।
তাং সমুত্থাপয়ামাস ন ভেতব্যমিতি ব্রুবন্ ।। ৭.২৫.৪০ ॥
25.41
রাবণো রাক্ষসশ্রেষ্ঠঃ কিং চাপি করবাণি তে ।
সাব্রবীদ্যদি মে রাজন্প্রসন্নস্ত্বং মহাভুজ ।ভর্তারং ন মমেহাদ্য হন্তুর্মহসি মানদ ।। ৭.২৫.৪১ ॥
25.42
ন হীদৃশং ভয়ং কিঞ্চিত্কুলস্ত্রীণামিহোচ্যতে ।
ভয়ানামপি সর্বেষাং বৈধব্যং ব্যসনং মহৎ ।। ৭.২৫.৪২ ॥
25.43
সত্যবাগ্ভব রাজেন্দ্র মামবেক্ষস্ব যাচতীম্ ।
ত্বয়াপ্যুক্তং মহারাজ ন ভেতব্যমিতি স্বয়ম্ ।। ৭.২৫.৪৩ ॥
25.44
রাবণস্ত্বব্রবীদ্ধৃষ্টঃ স্বসারং তত্র সংস্থিতাম্ ।
ক্ব চাসৌ তব ভর্তা বৈ মম শীঘ্রং নিবেদ্যতাম্ ।। ৭.২৫.৪৪ ॥
25.45
সহ তেন গমিষ্যামি সুরলোকং জয়াবহে ।
তব কারুণ্যসৌহার্দান্নিবৃত্তো ঽস্মি মধোর্বধাৎ ।। ৭.২৫.৪৫ ॥
25.46
ইত্যুক্তা সা সমুত্থাপ্য প্রসুপ্তং তং নিশাচরম্ ।
অব্রবীত্সম্প্রহৃষ্টেব রাক্ষসী সা পতিং বচঃ ।। ৭.২৫.৪৬ ॥
25.47
এষ প্রাপ্তো দশগ্রীবো মম ভ্রাতা মহাবলঃ ।
সুরলোকজয়াকাঙ্ক্ষী সাহায্যে ত্বাং বৃণোতি চ ।। ৭.২৫.৪৭ ॥
25.48
তদস্য ত্বং সহায়ার্থং সবন্ধুর্গচ্ছ রাক্ষস ।
স্নিগ্ধস্য ভজমানস্য যুক্তমর্থায় কল্পিতুম্ ।। ৭.২৫.৪৮ ॥
25.49
তস্যাস্তদ্বচনং শ্রুত্বা তথেত্যাহ মধুর্বচঃ ।
। ৭.২৫.৪৯ ॥
25.50
দদর্শ রাক্ষসশ্রেষ্ঠং যথান্যায়মুপেত্য সঃ ।
পূজয়মাস ধর্মেণ রাবণং রাক্ষসাধিপম্ ।। ৭.২৫.৫০ ॥
25.51
প্রাপ্য পূজাং দশগ্রীবো মধুবেশ্মানি বীর্যবান্ ।
তত্র চৈকাং নিশামুষ্য গমনায়োপচক্রমে ।। ৭.২৫.৫১ ॥
25.52
ততঃ কৈলাসমাসাদ্য শৈলং বৈশ্রবণালয়ম্ ।
রাক্ষসেন্দ্রো মহেন্দ্রাভঃ সেনামুপনিবেশয়ৎ ।। ৭.২৫.৫২ ।।