Utshovসর্গ 24
24.1
নিবর্তমানঃ সংহৃষ্টো রাবণস্সুদুরাত্মবান্ ।
জহ্রে পথি নরেন্দ্রর্ষিদেবগন্ধর্বকন্যকাঃ ।। ৭.২৪.১ ॥
24.2
দর্শনীয়াং হি রক্ষঃ স কন্যাং স্ত্রীং বাপি পশ্যতি ।
হত্বা বন্ধুজনং তস্যা বিমানে তাং রুরোধ হ ।। ৭.২৪.২ ॥
24.3
এবং পন্নগকন্যাশ্চ রাক্ষসাসুরমানুষীঃ ।
যক্ষদানবকন্যাশ্চ বিমানে সো ঽধ্যরোপয়ৎ ।। ৭.২৪.৩ ॥
24.4
তাশ্চ সর্বাঃ সমং দুঃখান্মুমুচুর্বাষ্পজং জলম্ ।
তুল্যমগ্ন্যর্চিষাং তত্র শোকাগ্নিভয়সম্ভবম্ ।। ৭.২৪.৪ ॥
24.5
তাভিঃ সর্বানবদ্যাভির্নদীভিরিব সাগরঃ ।
আপূরিতং বিমানং তদ্ভয়শোকাশিবাশ্রুভিঃ ।। ৭.২৪.৫ ॥
24.6
নাগগন্ধর্বকন্যাশ্চ মহর্ষিতনয়াশ্চ যাঃ ।
দৈত্যদানবকন্যাশ্চ বিমানে শতশো ঽরুদন্ ।। ৭.২৪.৬ ॥
24.7
দীর্ঘকেশ্যঃ সুচার্বঙ্গ্যঃ পূর্ণচন্দ্রনিভাননাঃ ।
পীনস্তন্যস্তথা বজ্রবেদিমধ্যসমপ্রভাঃ ।। ৭.২৪.৭ ॥
24.8
রথকূবরসঙ্কাশৈঃ শ্রোণিদেশৈর্মনোহরাঃ ।
স্ত্রিয়ঃ সুরাঙ্গনাপ্রখ্যা নিষ্টপ্তকনকপ্রভাঃ ।। ৭.২৪.৮ ॥
24.9
শোকদুঃখভয়ত্রস্তা বিহ্বলাশ্চ সুমধ্যমাঃ ।
তাসাং নিশ্বাসবাতেন সর্বতঃ সম্প্রদীপিতম্ ।। ৭.২৪.৯ ॥
24.10
অগ্নিহোত্রমিবাভাতি সন্নিরুদ্ধাগ্নিপুষ্পকম্ ।
দশগ্রীববশং প্রাপ্তাস্তাস্তু শোকাকুলাঃ স্ত্রিয়ঃ ।। ৭.২৪.১০ ॥
24.11
দীনবক্রেক্ষণাঃ শ্যামা মৃগ্যঃ সিংহবশা ইব ।
কাচিচ্চিন্তয়তী তত্র কিং নু মাং ভক্ষয়িষ্যতি ।। ৭.২৪.১১ ॥
24.12
কাচিদ্দধ্যৌ সুদুঃখার্তা অপি মাং মারয়েদয়ম্ ।
ইতি মাতৃপিতঽন্স্মৃত্বা ভর্তঽন্ভ্রাতঽংস্তথৈব চ ।দুঃখশোকসমাবিষ্টা বিলেপুঃ সহিতাঃ স্ত্রিয়ঃ ।। ৭.২৪.১২ ॥
24.13
কথং নু খলু মে পুত্রো ভবিষ্যতি ময়া বিনা ।
কথং মাতা কথং ভ্রাতা নিমগ্নাঃ শোকসাগরে ।। ৭.২৪.১৩ ।॥
24.14
হা কথং নু করিষ্যামি ভর্তুস্তস্মাদহং বিনা ।
মৃত্যো প্রসাদয়ামি ত্বাং নয় মাং দুঃখভাগিনীম্ ।। ৭.২৪.১৪ ॥
24.15
কিন্নু তদ্দুষ্কৃতং কর্ম পুরা দেহান্তরে কৃতম্ ।
। ৭.২৪.১৫ ॥
24.16
এবং স্ম দুঃখিতাঃ সর্বাঃ পতিতাঃ শোকসাগরে ।
ন খল্বিদানীং পশ্যামো দুঃখস্যাস্যান্তমাত্মনঃ ।। ৭.২৪.১৬ ॥
24.17
অহো ধিঙ্মানুষং লোকং নাস্তি খল্বধমঃ পরঃ ।
যদ্দুর্বলা বলবতা ভর্তারো রাবণেন নঃ ।। ৭.২৪.১৭ ॥
24.18
সূর্যেণোদয়তা কালে নক্ষত্রাণীব নাশিতাঃ ।
অহো সুবলবদ্রক্ষো বধোপায়েষু যুজ্যতে ।। ৭.২৪.১৮ ॥
24.19
অহো দুর্বৃত্তমাস্থায় নাত্মানং বৈজুগুপ্সতে ।
সর্বথা সদৃশস্তাবদ্বিক্রমো ঽস্য দুরাত্মনঃ ।। ৭.২৪.১৯ ॥
24.20
ইদং ত্বসদৃশং কর্ম পরদারাভিমর্শনম্ ।
যস্মাদেষ পরক্যাসু রমতে রাক্ষসাধমঃ ।। ৭.২৪.২০ ॥
24.21
তস্মাদ্বৈ স্ত্রীকৃতেনৈব প্রাপ্স্যতে দুর্মতির্বধম্ ।
সতীভির্বরনারীভিরেবং বাক্যে ঽভ্যুদীরিতে ।। ৭.২৪.২১ ॥
24.22
নেদুর্দুন্দুভয়ঃ খস্থাঃ পুষ্পবৃষ্টিঃ পপাত চ ।
শপ্তঃ স্ত্রীভিঃ স তু সমং হতৌজা ইব নিষ্প্রভঃ ।। ৭.২৪.২২ ॥
24.23
পতিব্রতাভিঃ সাধ্বীভির্বভূব বিমনা ইব ।
এবং বিলপিতং তাসাং শৃণ্বন্রাক্ষসপুঙ্গবঃ ।প্রবিবেশ পুরীং লঙ্কাং পূজ্যমানো নিশাচরৈঃ ।। ৭.২৪.২৩ ॥
24.24
এতস্মিন্নন্তরে ঘোরা রাক্ষসী কামরূপিণী ।
সহসা পতিতা ভূমৌ ভগিনী রাবণস্য সা ।। ৭.২৪.২৪ ॥
24.25
তাং স্বসারং সমুত্থাপ্য রাবণঃ পরিসান্ত্বয়ন্ ।
অব্রবীত্কিমিদং ভদ্রে বক্তুকামা ঽসি মে দ্রুতম্ ।। ৭.২৪.২৫ ॥
24.26
সা বাষ্পপরিরুদ্ধাক্ষী রক্তাক্ষী বাক্যমব্রবীৎ ।
কৃতা ঽস্মি বিধবা রাজংস্ত্বয়া বলবতা বলাৎ ।। ৭.২৪.২৬ ॥
24.27
এতে রাজংস্ত্বয়া বীরা দৈত্যা বিনিহতা রণে ।
কালকেয়া ইতি খ্যাতাঃ সহস্রাণি চতুর্দশ ।। ৭.২৪.২৭ ॥
24.28
প্রাণেভ্যো ঽপি গরীয়ান্মে তত্র ভর্তা মহাবলঃ ।
। ৭.২৪.২৮ ॥
24.29
সো ঽপি ত্বয়া হতস্তাত রিপুণা ভ্রাতৃগৃধ্নুনা ।
ত্বয়া ঽস্মি নিহতা রাজন্স্বয়মেব হি বন্ধুনা ।। ৭.২৪.২৯ ॥
24.30
রাজন্বৈধব্যশব্দং চ ভোক্ষ্যামি ত্বত্কৃতে হ্যহম্ ।
ননু নাম ত্বয়া রক্ষ্যো জামাতা সমরেষ্বপি ।স ত্বয়া নিহতো যুদ্ধে স্বয়মেব ন লজ্জসে ।। ৭.২৪.৩০ ॥
24.31
এবমুক্তো দশগ্রীবো ভগিন্যা ক্রোশমানয়া ।
অব্রবীত্সান্ত্বয়িত্বা তাং সামপূর্বমিদং বচঃ ।। ৭.২৪.৩১ ॥
24.32
অলং বত্সে রুদিত্বা তে ন ভেতব্যং চ সর্বশঃ ।
দানমানপ্রসাদৈস্ত্বাং তোষয়িষ্যামি যত্নতঃ ।। ৭.২৪.৩২ ॥
24.33
যুদ্ধপ্রমত্তো ব্যাক্ষিপ্তো জয়াকাঙ্ক্ষী ক্ষিপঞ্ছরান্ ।
নাবগচ্ছামি যুদ্ধেষু স্বান্পরান্বাপ্যহং শুভে ।। ৭.২৪.৩৩ ॥
24.34
জামাতরং ন জানে স্ম প্রহরন্যুদ্ধদুর্মদঃ ।
তেনাসৌ নিহতঃ সঙ্খ্যে ময়া ভর্তা তব স্বসঃ ।। ৭.২৪.৩৪ ॥
24.35
অস্মিন্কালে তু যত্প্রাপ্তং তত্করিষ্যামি তে হিতম্ ।
ভ্রাতুরৈশ্বর্যয়ুক্তস্য খরস্য বস পার্শ্বতঃ ।। ৭.২৪.৩৫ ॥
24.36
চতুর্দশানাং ভ্রাতা তে সহস্রাণাং ভবিষ্যতি ।
প্রভুঃ প্রয়াণে দানে চ রাক্ষসানাং মহাবলঃ ।। ৭.২৪.৩৬ ॥
24.37
তত্র মাতৃষ্বসেয়স্তে ভ্রাতা ঽয়ং বৈ খরঃ প্রভুঃ ।
ভবিষ্যতি তবাদেশং সদা কুর্বন্নিশাচরঃ ।। ৭.২৪.৩৭ ॥
24.38
শীঘ্রং গচ্ছত্বয়ং বীরো দণ্ডকান্পরিরক্ষিতুম্ ।
দূষণো ঽস্য বলাধ্যক্ষো ভবিষ্যতি মহাবলঃ ।। ৭.২৪.৩৮ ॥
24.39
তত্র তে বচনং শূরঃ করিষ্যতি সদা খরঃ ।
রক্ষসাং কামরূপাণাং প্রভুরেষ ভবিষ্যতি ।। ৭.২৪.৩৯ ॥
24.40
এবমুক্ত্বা দশগ্রীবঃ সৈন্যমস্যাদিদেশ হ ।
চতুর্দশ সহস্রাণি রক্ষসাং বীর্যশালিনাম্ ।। ৭.২৪.৪০ ॥
24.41
স তৈঃ পরিবৃতস্সর্বৈ রাক্ষসৈর্ঘোরদর্শনৈঃ ।
আগচ্ছত খরঃ শীঘ্রং দণ্ডকানকুতোভয়ঃ ।। ৭.২৪.৪১ ॥
24.42
স তত্র কারয়ামাস রাজ্যং নিহতকণ্টকম্ ।
সা চ শূর্পণখা তত্র ন্যবসদ্দণ্ডকাবনে ।। ৭.২৪.৪২ ।।