Utshovসর্গ 21
21.1
এবং সঞ্চিন্ত্য বিপ্রেন্দো জগাম লঘুবিক্রমঃ ।
আখ্যাতুং তদ্যথাবৃত্তং যমস্য সদনং প্রতি ।। ৭.২১.১ ॥
21.2
অপশ্যত্স যমং তত্র দেবমগ্নিপুরস্কৃতম্ ।
বিধানমুপতিষ্ঠন্তং প্রাণিনো যস্য যাদৃশম্ ।। ৭.২১.২ ॥
21.3
স তু দৃষ্ট্বা যমঃ প্রাপ্তং মহর্ষিং তত্র নারদম্ ।
অব্রবীত্সুখমাসীনমর্ঘ্যমাবেদ্য ধর্মতঃ ।। ৭.২১.৩ ॥
21.4
কচ্চিত্ক্ষেমং তু দেবর্ষে কচ্চিদ্ধর্মো ন নশ্যতি ।
কিমাগমনকৃত্যং তে দেবগন্ধর্বসেবিত ।। ৭.২১.৪ ॥
21.5
অব্রবীত্তু তদা বাক্যং নারদো ভগবানৃষিঃ ।
শ্রূয়তামভিধাস্যামি বিধানং চ বিধীয়তাম্ ।। ৭.২১.৫ ॥
21.6
এষ নাম্নো দশগ্রীবঃ পিতৃরাজ নিশাচরঃ ।
উপয়াতি বশং নেতুং বিক্রমৈস্ত্বাং সুদুর্জয়ম্ ।। ৭.২১.৬ ॥
21.7
এতেন কারণেনাহং ত্বরিতো হ্যাগতঃ প্রভো ।
দণ্ডপ্রহরণস্যাদ্য তব কিং নু ভবিষ্যতি ।। ৭.২১.৭ ॥
21.8
এতস্মিন্নন্তরে দুরাদংশুমন্তমিবোদিতম্ ।
দদৃশুর্দীপ্তমায়ান্তং বিমানং তস্য রক্ষসঃ ।। ৭.২১.৮ ॥
21.9
তং দেশং প্রভয়া তস্য পুষ্পকস্য মহাবলঃ ।
কৃত্বা বিতিমিরং সর্বং সমীপং সো ঽভ্যবর্তত ।। ৭.২১.৯ ॥
21.10
সো ঽপশ্যত্স মহাবাহুর্দশগ্রীবস্ততস্ততঃ ।
প্রাণিনঃ সুকৃতং কর্ম ভুঞ্জানাংশ্চৈব দুষ্কৃতম্ ।। ৭.২১.১০ ॥
21.11
অপশ্যত্সৈনিকাংশ্চাস্য যমস্যানুচরৈঃ সহ ।
যমস্য পুরুষৈরুগ্রৈর্ঘোররূপৈর্ভয়ানকৈঃ ।। ৭.২১.১১ ॥
21.12
দদর্শ বধ্যমানাংশ্চ ক্লিশ্যমানাংশ্চ দেহিনঃ ।
ক্রোশতশ্চ মহানাদং তীব্রনিষ্টনতত্পরান্ ।। ৭.২১.১২ ॥
21.13
কৃমিভির্ভক্ষ্যমাণাংশ্চ সারমেয়ৈশ্চ দারুণৈঃ ।
। ৭.২১.১৩ ॥
21.14
ক্ষোত্রায়াসকরা বাচো বদতশ্চ ভয়াবহাঃ ।
সন্তার্যমাণান্বৈতরণীং বহুশঃ শোণিতোদকাম্ ।। ৭.২১.১৪ ॥
21.15
বালুকাসু চ তপ্তাসু তপ্যমানান্মুহূর্মুহুঃ ।
অসিপত্রবনে চৈব ভিদ্যমানানধার্মিকান্ ।। ৭.২১.১৫ ॥
21.16
রৌরবে ক্ষারনদ্যাং চ ক্ষুরধারাসু চৈব হি ।
পানীয়ং যাচমানাংশ্চ তৃষিতান্ক্ষুধিতানপি ।। ৭.২১.১৬ ॥
21.17
শবভূতান্কৃশান্দীনান্বিবর্ণান্মুক্তমূর্ধজান্ ।
মলপঙ্কধরান্দীনান্রূক্ষাংশ্চ পরিধাবতঃ ।। ৭.২১.১৭ ॥
21.18
দদর্শ রাবণো মার্গে শতশো ঽথ সহস্রশঃ ।
কাংশ্চিচ্চ গৃহমুখ্যেষু গীতবাদিত্রনিঃস্বনৈঃ ।প্রমোদমানানদ্রাক্ষীদ্রাবণঃ সুকৃতৈঃ স্বকৈঃ ।। ৭.২১.১৮ ॥
21.19
গৌরসং গোপ্রদাতারো হ্যন্নং চৈবান্নদায়িনঃ ।
গৃহাংশ্চ গৃহদাতারঃ স্বকর্মফলমশ্নতঃ ।। ৭.২১.১৯ ॥
21.20
সুবর্ণমণিমুক্তাভিঃ প্রমদাভিরলঙ্কৃতান্ ।
। ৭.২১.২০ ॥
21.21
ধার্মিকানপরাংস্তত্র দীপ্যমানান্স্বতেজসা ।
দদর্শ সুমহাবাহূ রাবণো রাক্ষসাধিপঃ ।। ৭.২১.২১ ॥
21.22
ততস্তান্ভিদ্যমানাংশ্চ কর্মভির্দুষ্কৃতৈঃ স্বকৈঃ ।
রাবণো মোচয়ামাস বিক্রমেণ বলাদ্বলী ।। ৭.২১.২২ ॥
21.23
প্রাণিনো মোচিতাস্তেন দশগ্রীবেণ রক্ষসা ।
সুখমাপুর্মুহূর্তং তে হ্যতর্কিতমচিন্তিতম্ ।। ৭.২১.২৩ ॥
21.24
প্রেতেষু মুচ্যমানেষু রাক্ষসেন মহীয়সা ।
প্রেতগোপাঃ সুসঙ্ক্রুদ্ধা রাক্ষসেন্দ্রমভিদ্রবন্ ।। ৭.২১.২৪ ॥
21.25
ততো হলহলাশব্দঃ সর্বদিগ্ভ্যঃ সমুত্থিতঃ ।
ধর্মরাজস্য যোধানাং শূরাণাং সম্প্রধাবতাম্ ।। ৭.২১.২৫ ॥
21.26
তে প্রাসৈঃ পরিঘৈঃ শূলৈর্মুসলৈঃ শক্তিতোমরৈঃ ।
পুষ্পকং সমবর্ষন্ত শূরাঃ শতসহস্রশঃ ।। ৭.২১.২৬ ॥
21.27
তস্যাসনানি প্রাসাদান্বেদিকাস্তোরণানি চ ।
পুষ্পকস্য বভঞ্জুস্তে শীঘ্রং মধুকরা ইব ।। ৭.২১.২৭ ॥
21.28
দেবনিষ্ঠানভূতং তদ্বিমানং পুষ্পকং মৃধে ।
ভজ্যমানং তথৈবাসীদক্ষয়ং ব্রহ্মতেজসা ।। ৭.২১.২৮ ॥
21.29
অসঙ্খ্যা সুমহত্যাসীত্তস্য সেনা মহাত্মনঃ ।
শূরাণামগ্রয়াতঽণাং সহস্রাণি শতানি চ ।। ৭.২১.২৯ ॥
21.30
ততো বৃক্ষৈশ্চ শৈলৈশ্চ প্রাসাদানাং শতৈস্তথা ।
ততস্তে সচিবাস্তস্য যথাকামং যথাবলম্ ।অয়ুধ্যন্ত মহাবীরাঃ স চ রাজা দশাননঃ ।। ৭.২১.৩০ ॥
21.31
তে তু শোণিতদিগ্ধাঙ্গাঃ সর্বশস্ত্রসমাহতাঃ ।
অমাত্যা রাক্ষসেন্দ্রস্য চক্রুরায়োধনং মহৎ ।। ৭.২১.৩১ ॥
21.32
অন্যোন্যং তে মহাভাগা জঘ্নুঃ প্রহরণৈর্ভৃশম্ ।
যমস্য চ মহাবাহো রাবণস্য চ মন্ত্রিণঃ ।। ৭.২১.৩২ ॥
21.33
অমাত্যাংস্তাংস্তু সন্ত্যজ্য যময়োধা মহাবলাঃ ।
তমেব চাভ্যধাবন্ত শূলবর্ষৈর্দশাননম্ ।। ৭.২১.৩৩ ॥
21.34
ততঃ শোণিতদিগ্ধাঙ্গঃ প্রহারৈর্জর্জরীকৃতঃ ।
ফুল্লাশোক ইবাভাতি পুষ্পকে রাক্ষসাধিপঃ ।। ৭.২১.৩৪ ॥
21.35
স তু শূলগদাপাসাঞ্ছক্তিতোমরসায়কান্ ।
মুসলানি শিলাবৃক্ষান্মুমোচাস্ত্রবলাদ্বলী ।। ৭.২১.৩৫ ॥
21.36
তরূণাং চ শিলানাং চ শস্ত্রাণাং চাতিদারুণম্ ।
যমসৈন্যেষু তদ্বর্ষং পপাত ধরণীতলে ।। ৭.২১.৩৬ ॥
21.37
তাংস্তু সর্বান্বিনির্ভিদ্য তদস্ত্রমপহত্য চ ।
জঘ্নুস্তে রাক্ষসং ঘোরমেকং শতসহস্রশঃ ।। ৭.২১.৩৭ ॥
21.38
পরিবার্য চ তং সর্বে শৈলং মোঘোত্করা ইব ।
ভিন্দিপালৈশ্চ শূলৈশ্চ নিরুচ্ছ্বাসমপোথয়ন্ ।। ৭.২১.৩৮ ॥
21.39
বিমুক্তকবচঃ ক্রুদ্ধঃ সিক্তঃ শোণিতবিস্রবৈঃ ।
ততঃ স পুষ্পকং ত্যক্ত্বা পৃথিব্যামবতিষ্ঠত ।। ৭.২১.৩৯ ॥
21.40
ততঃ স কার্মুকী বাণী সমরে চাভিবর্তত ।
লব্ধসঞ্জ্ঞো মুহূর্তেন ক্রুদ্ধস্তস্থৌ যথান্তকঃ ।। ৭.২১.৪০ ॥
21.41
ততঃ পাশুপতং দিব্যমস্ত্রং সন্ধায় কার্মুকে ।
তিষ্ঠ তিষ্ঠেতি তানুক্ত্বা তচ্চাপং বিচকর্ষ স ।। ৭.২১.৪১ ॥
21.42
আকর্ণাত্স বিকৃষ্যাথ চাপমিন্দ্রারিরাহবে ।
মুমোচ তং শরং ক্রুদ্ধস্ত্রিপুরে শঙ্করো যথা ।। ৭.২১.৪২ ॥
21.43
তস্য রূপং শরস্যাসীত্বিধূমজ্বালমণ্ডলম্ ।
বনং দহিষ্যতো ঘর্মে দাবাগ্নেরিব মূর্চ্ছতঃ ।। ৭.২১.৪৩ ॥
21.44
জ্বালামালী স তু শরঃ ক্রব্যাদানুগতো রণে ।
মুক্তো গুল্মান্দ্রুমাংশ্চাপি ভস্ম কৃত্বা প্রধাবতি ।। ৭.২১.৪৪ ॥
21.45
তে তস্য তেজসা দগ্ধাঃ সৈন্যা বৈবস্বতস্য তু ।
রণে তস্মিন্নিপতিতা দাবদগ্ধা নগা ইব ।। ৭.২১.৪৫ ॥
21.46
ততস্তু সিচবৈঃ সার্ধং রাক্ষসো ভীমবিক্রমঃ ।
ননাদ সুমহানাদং কম্পয়ন্নিব মেদিনীম্ ।। ৭.২১.৪৬ ।।