Utshovসর্গ 20
20.1
ততো বিত্রাসয়ন্মর্ত্যান্পৃথিব্যাং রাক্ষসাধিপঃ ।
আসসাদ ঘনে তস্মিন্নারদং মুনিপুঙ্গবম্ ।। ৭.২০.১ ॥
20.2
তস্যাভিবাদনং কৃত্বা দশগ্রীবো নিশাচরঃ ।
অব্রবীত্কুশলং পৃষ্ট্বা হেতুমাগমনস্য চ ।। ৭.২০.২ ॥
20.3
নারদস্তু মহাতেজা দেবর্ষিরমিতপ্রভঃ ।
অব্রবীন্মেঘপৃষ্ঠস্থো রাবণং পুষ্পকে স্থিতম্ ।। ৭.২০.৩ ॥
20.4
রাক্ষসাধিপতে সৌম্য তিষ্ঠ বিশ্রবসঃ সুত ।
প্রীতো ঽস্ম্যভিজনোপেতবিক্রমৈরূর্জিতৈস্তব ।। ৭.২০.৪ ॥
20.5
বিষ্ণুনা দৈত্যঘাতৈশ্চ গন্ধর্বোরগধর্ষণৈঃ ।
ত্বয়া সমং বিমর্দৈশ্চ ভৃশং হি পরিতোষিতঃ ।। ৭.২০.৫ ॥
20.6
কিংচিদ্বক্ষ্যামি তাবত্তে শ্রোতব্যং শ্রোষ্যসে যদি ।
শ্রুত্বা চানন্তরং কার্যং ত্বয়া রাক্ষসসত্তম ।তন্মে নিগদতস্তাত সমাধিং শ্রবণে কুরু ।। ৭.২০.৬ ॥
20.7
কিময়ং বধ্যতে তাত ত্বয়া ঽবধ্যেন দৈবতৈঃ ।
হত এব হ্যয়ং লোকো যদা মৃত্যুবশং গতঃ ।। ৭.২০.৭ ।।্তম ।দেবদানবদৈত্যানাং যক্ষগন্ধর্বরক্ষসাম্ ।অবধ্যেন ত্বয়া লোকঃ ক্লেষ্টুং যুক্তো ন মানুষঃ ।। ৭.২০.৮ ॥
20.8
নিত্যং শ্রেয়সি সম্মূঢং মহদ্ভির্ব্যসনৈর্বৃতম্ ।
হন্যাত্কস্তাদৃশং লোকং জরাব্যাধিশতৈর্যুতম্ ।। ৭.২০.৯ ॥
20.9
তৈস্তৈরনিষ্টোপগমৈরজস্রং যত্র কুত্র কঃ ।
মতিমান্মানুষে লোকে যুদ্ধেন প্রণয়ী ভবেৎ ।। ৭.২০.১০ ॥
20.10
ক্ষীয়মাণং দৈবহতং শ্রুত্পিপাসাজরাদিভিঃ ।
বিষাদশোকসম্মূঢং লোকং ত্বং ক্ষপয়স্ব মা ।। ৭.২০.১১ ॥
20.11
পশ্য তাবন্মহাবাহো রাক্ষসেশ্বর মানুষম্ ।
মূঢমেবং বিচিত্রার্থং যস্য ন জ্ঞায়তে গতিঃ ।। ৭.২০.১২ ॥
20.12
ক্বচিদ্বাদিত্রনৃত্যাদি সেব্যতে মুদিতৈর্জনৈঃ ।
রুদ্যতে চাপরৈরার্তৈর্ধারাশ্রুনয়নাননৈঃ ।। ৭.২০.১৩ ॥
20.13
মাতাপিতৃসুতস্নেহৈর্ভার্যাবন্ধুমনোরমৈঃ ।
মোহিতো ঽয়ং জনো ধ্বস্তঃ ক্লেশং স্বং নাববুধ্যতে ।। ৭.২০.১৪ ॥
20.14
অলমেনং পরিক্লিশ্য লোকং মোহনিরাকৃতম্ ।
জিত এব ত্বয়া সৌম্য মর্ত্যলোকো ন সংশয়ঃ ।। ৭.২০.১৫ ॥
20.15
অবশ্যমেভিঃ সর্বৈশ্চ গন্তব্যং যমসাদনম্ ।
তন্নিগৃহ্ণীষ্ব পৌলস্ত্য যমং পরপুরঞ্জয় ।। ৭.২০.১৬ ॥
20.16
তস্মিঞ্জিতে জিতং সর্বং ভবত্যেব ন সংশয়ঃ ।
এবমুক্তস্তু লঙ্কেশো দীপ্যমানং স্বতেজসা ।অব্রবীন্নারদং তত্র সম্প্রহস্যাভিবাদ্য চ ।। ৭.২০.১৭ ॥
20.17
মহর্ষে দেবগন্ধর্ববিহার সমরপ্রিয় ।
অহং সমুদ্যতো গন্তুং বিজয়ার্থং রসাতলম্ ।। ৭.২০.১৮ ॥
20.18
ততো লোকত্রয়ং জিত্বা স্থাপ্য নাগান্সুরান্বশে ।
সমুদ্রমমৃতার্থং চ মথিষ্যামি রসালয়ম্ ।। ৭.২০.১৯ ॥
20.19
অথাব্রবীদৃশগ্রীবং নারদো ভগবানৃষিঃ ।
ক্ব খল্বিদানীং মার্গেণ ত্বয়া হ্যন্যেন গম্যতে ।। ৭.২০.২০ ॥
20.20
অয়ং খলু সুদুর্গম্যঃ প্রেতরাজপুরং প্রতি ।
মার্গো গচ্ছতি দুর্ধর্ষো যমস্যামিত্রকর্শন ।। ৭.২০.২১ ॥
20.21
স তু শারদমেঘাভং হাসং মুক্ত্বা দশাননঃ ।
উবাচ কৃতমিত্যেব বচনং চেদমব্রবীৎ ।। ৭.২০.২২ ॥
20.22
তস্মাদেবমহং ব্রহ্মন্ বৈবস্বতবধোদ্যতঃ ।
গচ্ছামি দক্ষিণামাশাং যত্র সূর্যাত্মজো নৃপঃ ।। ৭.২০.২৩ ॥
20.23
ময়া হি ভগবন্ক্রোধাত্প্রতিজ্ঞাতং রণার্থিনা ।
অবজেষ্যামি চতুরো লোকপালানিতি প্রভো ।। ৭.২০.২৪ ॥
20.24
তদিহ প্রস্থিতো ঽহং বৈ প্রেতরাজপুরং প্রতি ।
প্রাণিসঙ্ক্লেশকর্তারং যোজয়িষ্যামি মৃত্যুনা ।। ৭.২০.২৫ ॥
20.25
এবমুক্ত্বা দশগ্রীবো মুনিং তমভিবাদ্য চ ।
প্রয়য়ৌ দক্ষিণামাশাং প্রবিষ্টঃ সহ মন্ত্রিভিঃ ।। ৭.২০.২৬ ॥
20.26
নারদস্তু মহাতেজা মুহূর্তং ধ্যানমাস্থিতঃ ।
চিন্তয়ামাস বিপ্রেন্দ্রো বিধূম ইব পাবকঃ ।। ৭.২০.২৭ ॥
20.27
যেন লোকাস্ত্রয়ঃ সেন্দ্রাঃ ক্লিশ্যন্তে সচরাচরাঃ ।
ক্ষীণে চায়ুষি ধর্মেণ স কালো জেষ্যতে কথম্ ।। ৭.২০.২৮ ॥
20.28
স্বদত্তকৃতসাক্ষী যো দ্বিতীয় ইব পাবকঃ ।
লব্ধসঞ্জ্ঞা বিজেষ্যন্তে লোকা যস্য মহাত্মনঃ ।। ৭.২০.২৯ ॥
20.29
যস্য নিত্যং ত্রয়ো লোকা বিদ্রবন্তি ভয়ার্দিতাঃ ।
তং কথং রাক্ষসেন্দ্রো ঽসৌ স্বয়মেব গমিষ্যতি ।। ৭.২০.৩০ ॥
20.30
যো বিধাতা চ ধাতা চ সুকৃতং দুষ্কৃতং তথা ।
ত্রৈলোক্যং বিজিতং যেন তং কথং বিজয়িষ্যতে ।। ৭.২০.৩১ ॥
20.31
অপরং কিন্তু কৃত্বায়ং বিধানং সংবিধাস্যতি ।
কৌতূহলসমুত্পন্নো যাস্যামি যমসাদনম্ ।। ৭.২০.৩২ ॥
20.32
বিমর্দং দ্রষ্টুমনয়োর্যমরাক্ষসয়োঃ স্বয়ম্ ।
। ৭.২০.৩৩ ।।