Utshovসর্গ 19
19.1
অথ জিত্বা মরুত্তং স প্রয়য়ৌ রাক্ষসাধিপঃ ।
নগরাণি নরেন্দ্রাণাং যুদ্ধকাঙ্ক্ষী দশাননঃ ।। ৭.১৯.১ ॥
19.2
সমাসাদ্য তু রাজেন্দ্রান্মহেন্দ্রবরুণোপমান্ ।
অব্রবীদ্রাক্ষসেন্দ্রস্তু যুদ্ধং মে দীয়তামিতি ।। ৭.১৯.২ ॥
19.3
নির্জিতাঃ স্মেতি বা ব্রূত এষ মে হি সুনিশ্চয়ঃ ।
অন্যথা কুর্বতামেবং মোক্ষো নৈবোপপদ্যতে ।। ৭.১৯.৩ ।।ততস্ত্বভীরবঃ প্রাজ্ঞাঃ পার্থিবা ধর্মনিশ্চয়াঃ ।মন্ত্রয়িত্বা ততো ঽন্যোন্যং রাজানঃ সুমহাবলাঃ ।নির্জিতাঃ স্মেত্যভাষন্ত জ্ঞাত্বা বরবলং রিপোঃ ।। ৭.১৯.৪ ॥
19.4
দুষ্যন্তঃ সুরথো গাধির্গয়ো রাজা পুরূরবাঃ ।
এতে সর্বে ঽব্রুবংস্তাত নির্জিতাঃ স্মেতি পার্থিবাঃ ।। ৭.১৯.৫ ॥
19.5
অথায়োধ্যাং সমাসাদ্য রাবণো রাক্ষসাধিপঃ ।
। ৭.১৯.৬ ॥
19.6
সুগুপ্তামনরণ্যেন শক্রেণেবামরাবতীম্ ।
স তং পুরুষশার্দূলং পুরন্দরসমং বলে ।। ৭.১৯.৭ ॥
19.7
প্রাহ রাজানমাসাদ্য যুদ্ধং দেহীতি রাবণঃ ।
নির্জিতো ঽস্মীতি বা ব্রূহি ত্বমেবং মম শাসনম্ ।। ৭.১৯.৮ ॥
19.8
অয়োধ্যাধিপতিস্তস্য শ্রুত্বা পাপাত্মনো বচঃ ।
অনরণ্যস্তু সঙ্ক্রুদ্ধো রাক্ষসেন্দ্রমথাব্রবীৎ ।। ৭.১৯.৯ ॥
19.9
দীয়তে দ্বন্দ্বয়ুদ্ধং তে রাক্ষসাধিপতে ময়া ।
সন্তিষ্ঠ ক্ষিপ্রমায়ত্তো ভব চৈবং ভবাম্যহম্ ।। ৭.১৯.১০ ॥
19.10
অথ পূর্বং শ্রুতার্থেন নির্জিতং সুমহদ্বলম্ ।
নিষ্ক্রামত্তন্নরেন্দ্রস্য বলং রক্ষোবধোদ্যতম্ ।। ৭.১৯.১১ ॥
19.11
নাগানাং দশসাহস্রং বাজিনাং নিয়ুতং তথা ।
রথানাং বহুসাহস্রং পত্তীনাং চ নরোত্তম ।। ৭.১৯.১২ ॥
19.12
মহীং সঞ্ছাদ্য নিষ্ক্রান্তং সপদাতিরথং রণে ।
ততঃ প্রবৃত্তং সুমহদ্যুদ্ধং যুদ্ধবিশারদ ।। ৭.১৯.১৩ ॥
19.13
অনরণ্যস্য নৃপতে রাক্ষসেন্দ্রস্য চাদ্ভুতম্ ।
তদ্রাবণবলং প্রাপ্য বলং তস্য মহীপতেঃ ।। ৭.১৯.১৪ ॥
19.14
প্রাণশ্যত তদা সর্বং হব্যং হুতমিবানলে ।
যুদ্ধ্বা চ সুচিরং কালং কৃত্বা বিক্রমমুত্তমম্ ।। ৭.১৯.১৫ ॥
19.15
প্রজ্বলন্তং তমাসাদ্য ক্ষিপ্রমেবাবশেষিতম্ ।
প্রাবিশত্সঙ্কুলং তত্র শলভা ইব পাবকম্ ।নশ্যতি স্ম বলং তত্র হব্যং হুতমিবানলে ।। ৭.১৯.১৬ ॥
19.16
সো ঽপশ্যত্তন্নরেন্দ্রস্তু নশ্যমানং মহাবলম্ ।
মহার্ণবং সমাসাদ্য বনাপগশতং যথা ।। ৭.১৯.১৭ ॥
19.17
ততঃ শক্রধনুঃপ্রখ্যং ধনুর্বিস্ফারয়ন্স্বয়ম্ ।
আসসাদ নরেন্দ্রস্তং রাবণং ক্রোধমূর্চ্ছিতঃ ।। ৭.১৯.১৮ ॥
19.18
অনরণ্যেন তে ঽমাত্যা মারীচশুকসারণাঃ ।
প্রহস্তসহিতা ভগ্না ব্যদ্রবন্ত মৃগা ইব ।। ৭.১৯.১৯ ॥
19.19
ততো বাণশতান্যষ্টৌ পাতয়ামাস মূর্ধনি ।
তস্য রাক্ষসরাজস্য ইক্ষ্বাকুকুলনন্দনঃ ।। ৭.১৯.২০ ॥
19.20
তস্য বাণাঃ পতন্তস্তে চক্রিরে ন ক্ষতং ক্বচিৎ ।
বারিধারা ইবাভ্রেভ্যঃ পতন্ত্যো গিরিমূর্ধনি ।। ৭.১৯.২১ ॥
19.21
ততো রাক্ষসরাজেন ক্রুদ্ধেন নৃপতিস্তদা ।
তলেনাভিহতো মূর্ধ্নি স রথান্নিপপাত হ ।। ৭.১৯.২২ ॥
19.22
স রাজা পতিতো ভূমৌ বিহ্বলাঙ্গঃ প্রবেপিতঃ ।
বজ্রদগ্ধ ইবারণ্যে সালো নিপতিতো যথা ।। ৭.১৯.২৩ ॥
19.23
তং প্রহস্যাব্রবীদ্দ্রক্ষ ইক্ষ্বাকুং পৃথিবীপতিম্ ।
কিমিদানীং ফলং প্রাপ্তং ত্বয়া মাং প্রতি যুদ্ধ্যতা ।। ৭.১৯.২৪ ॥
19.24
ত্রৈলোক্যে নাস্তি যো দ্বন্দ্বং মম দদ্যান্নরাধিপ ।
শঙ্কে প্রসক্তো ভোগেষু ন শৃণোষি বলং মম ।। ৭.১৯.২৫ ॥
19.25
তস্যৈবং ব্রুবতো রাজা মন্দাসুর্বাক্যমব্রবীৎ ।
কিং শক্যমিহ কর্তুং বৈ কালো হি দুরতিক্রমঃ ।। ৭.১৯.২৬ ॥
19.26
নহ্যহং নির্জিতো রক্ষস্ত্বয়া চাত্মপ্রশংসিনা ।
কালেনৈব বিপন্নো ঽহং হেতুভূতস্তু মে ভবান্ ।। ৭.১৯.২৭ ॥
19.27
কিং ত্বিদানীং ময়া শক্যং কর্তুং প্রাণপরিক্ষয়ে ।
নহ্যহং বিমুখী রক্ষো যুধ্যমানস্ত্বয়া হতঃ ।। ৭.১৯.২৮ ॥
19.28
ইক্ষ্বাকুপরিভাবিত্বাদ্বচো বক্ষ্যামি রাক্ষস ।
যদি দত্তং যদি হুতং যদি মে সুকৃতং তপঃ ॥
19.29
যদি গুপ্তাঃ প্রজাঃ সম্যক্তদা সত্যং বচো ঽস্তু মে ।
। ৭.১৯.২৯ ॥
19.30
উত্পত্স্যতে কুলে হ্যস্মিন্নিক্ষ্বাকূণাং মহাত্মনাম্ ।
রামো দাশরথির্নাম যস্তে প্রাণান্হরিষ্যতি ।। ৭.১৯.৩০ ॥
19.31
ততো জলধরোদগ্রস্তাডিতো দেবদুন্দুভিঃ ।
তস্মিন্নুদাহৃতে শাপে পুষ্পবৃষ্টিশ্চ খাচ্চ্যুতা ।। ৭.১৯.৩১ ॥
19.32
ততঃ স রাজা রাজেন্দ্র গতঃ স্থানং ত্রিবিষ্টপম্ ।
স্বর্গতে চ নৃপে তস্মিন্রাক্ষসঃ সো ঽপসর্পত ।। ৭.১৯.৩২ ।।