Utshovসর্গ 17
17.1
অথ রাজন্মহাবাহুর্বিচরন্স মহীতলে ।
হিমবদ্বনমাসাদ্য পরিচক্রাম রাবণঃ ।। ৭.১৭.১ ॥
17.2
তত্রাপশ্যত্স বৈ কন্যাং কৃষ্ণাজিনজটাধরাম্ ।
আর্ষেণ বিধিনা যুক্তাং দীপ্যন্তীং দেবতামিব ।। ৭.১৭.২ ॥
17.3
স দৃষ্ট্বা রূপসম্পন্নাং কন্যাং তাং সুমহাব্রতাম্ ।
কামমোহপরীতাত্মা পপ্রচ্ছ প্রহসন্নিব ।। ৭.১৭.৩ ॥
17.4
কিমিদং বর্তসে ভদ্রে বিরুদ্ধং যৌবনস্য তে ।
নহি যুক্তা তবৈতস্য রূপস্যৈব প্রতিক্রিয়া ।। ৭.১৭.৪ ।।রূপং তে ঽনুপমং ভীরু কামোন্মাদকরং নৃণাম্ ।ন যুক্তং তপসি স্থাতুং নির্গতো হ্যেষ নির্ণয়ঃ ।। ৭.১৭.৫ ॥
17.5
কস্যাসি কিমিদং ভদ্রে কশ্চ ভর্তা বরাননে ।
যেন সম্ভুজ্যসে ভীরু স নরঃ পুণ্যভাগ্ভুবি ।। ৭.১৭.৬ ॥
17.6
পৃচ্ছতঃ শংস মে সর্বং কস্য হেতোঃ পরিশ্রমঃ ।
এবমুক্তা তু সা কন্যা রাবণেন যশস্বিনী ।। ৭.১৭.৭ ॥
17.7
অব্রবীদ্বিধিবত্কৃত্বা তস্যাতিথ্যং তপোধনা ।
কুশধ্বজো মম পিতা ব্রহ্মর্ষিরমিতপ্রভঃ ।বৃহস্পতিসুতঃ শ্রীমান্বুদ্ধ্যা তুল্যো বৃহস্পতেঃ ।। ৭.১৭.৮ ॥
17.8
তস্যাহং কুর্বতো নিত্যং বেদাভ্যাসং মহাত্মনঃ ।
সম্ভূয় বাঙ্ময়ী কন্যা নাম্না বেদবতী স্মৃতা ।। ৭.১৭.৯ ॥
17.9
ততো দেবাঃ সগন্ধর্বা যক্ষরাক্ষসপন্নগাঃ ।
তে ঽপি গত্বা হি পিতরং বরণং রোচয়ন্তি মে ।। ৭.১৭.১০ ॥
17.10
ন চ মাং স পিতা তেভ্যো দত্তবান্রাক্ষসর্ষভ ।
কারণং তদ্বদিষ্যামি নিশাচর নিশাময় ।। ৭.১৭.১১ ॥
17.11
পিতুস্তু মম জামাতা বিষ্ণুঃ কিল সুরেশ্বরঃ ।
অভিপ্রেতস্ত্রিলোকেশস্তস্মান্নান্যস্য মে পিতা ।। ৭.১৭.১২ ॥
17.12
দাতুমিচ্ছতি তস্মৈ তু তচ্ছ্রুত্বা বলদর্পিতঃ ।
দম্ভুর্নাম ততো রাজা দৈত্যানাং কুপিতো ঽভবৎ ।। ৭.১৭.১৩ ॥
17.13
তেন রাত্রৌ শয়ানো মে পিতা পাপেন হিংসিতঃ ।
। ৭.১৭.১৪ ॥
17.14
ততো মে জননী দীনা তচ্ছরীরং পিতুর্মম ।
পরিষ্বজ্য মহাভাগা প্রবিষ্টা হব্যবাহনম্ ।। ৭.১৭.১৫ ॥
17.15
ততো মনোরথং সত্যং পিতুর্নারায়ণং প্রতি ।
করোমীতি তমেবাহং হৃদয়েন সমুদ্বহে ।। ৭.১৭.১৬ ॥
17.16
ইতি প্রতিজ্ঞামারুহ্য চরামি বিপুলং তপঃ ।
এতত্তে সর্বমাখ্যাতং ময়া রাক্ষসপুঙ্গব ।। ৭.১৭.১৭ ॥
17.17
নারায়ণো মম পতির্ন ত্বন্যঃ পুরুষোত্তমাৎ ।
আশ্রয়ে নিয়মং ঘোরং নারায়ণপরীপ্সয়া ।বিজ্ঞাতস্ত্বং হি মে রাজন্গচ্ছ পৌলস্ত্যনন্দন ।। ৭.১৭.১৮ ॥
17.18
জানামি তপসা সর্বং ত্রৈলোক্যে যদ্ধি বর্ততে ।
। ৭.১৭.১৯ ॥
17.19
সো ঽব্রবীদ্রাবণো ভূয়স্তাং কন্যাং সুমহাব্রতাম্ ।
অবরুহ্য বিমানাগ্রাত্কন্দর্পশরপীডিতঃ ।। ৭.১৭.২০ ॥
17.20
অবলিপ্তা ঽসি সুশ্রোণি যস্যাস্তে মতিরীদৃশী ।
বৃদ্ধানাং মৃগশাবাক্ষি ভ্রাজতে পুণ্যসঞ্চয়ঃ ।। ৭.১৭.২১ ॥
17.21
ত্বং সর্বংগুণসম্পন্না নার্হসে বক্তুমীদৃশম্ ।
ত্রৈলোক্যসুন্দরী ভীরু যৌবনং তে নিবর্ততে ।। ৭.১৭.২২ ॥
17.22
অহং লঙ্কাপতির্ভদ্রে দশগ্রীব ইতি শ্রুতঃ ।
তস্য মে ভব ভার্যা ত্বং ভুঙ্ক্ষ্ব ভোগান্যথাসুখম্ ।। ৭.১৭.২৩ ॥
17.23
কশ্চ তাবদসৌ যং ত্বং বিষ্ণুরিত্যভিভাষসে ।
বীর্যেণ তপসা চৈব ভোগেন চ বলেন চ ॥
17.24
ন ময়া স সমো ভদ্রে যং ত্বং কাময়সে ঽঙ্গনে ।
। ৭.১৭.২৪ ॥
17.25
ইত্যুক্তবতি তস্মিংস্তু বেদবত্যথ সা ঽব্রবীৎ ।
। ৭.১৭.২৫ ।।ৈব ভোগেন চ বলেন চ ॥
17.26
মা মৈবমিতি সা কন্যা তমুবাচ নিশাচরম্ ।
ত্রৈলোক্যাধিপতি বিষ্ণুং সর্বলোকনমস্কৃতম্ ।ত্বদৃতে রাক্ষসেন্দ্রান্যঃ কো ঽবমন্যেত বুদ্ধিমান্ ।। ৭.১৭.২৬ ॥
17.27
এবমুক্তস্তয়া তত্র বেদবত্যা নিশাচরঃ ।
মূর্ধজেষু তদা কন্যাং করাগ্রেণ পরামৃশৎ ।। ৭.১৭.২৭ ॥
17.28
ততো বেদবতী ক্রুদ্ধা কেশান্হস্তেন সা ঽচ্ছিনৎ ।
অসির্ভূত্বা করস্তস্যাঃ কেশাংশ্ছিন্নাংস্তদা ঽকরোৎ ।। ৭.১৭.২৮ ॥
17.29
সা জ্বলন্তীব রোষেণ দহন্তীব নিশাচরম্ ।
উবাচাগ্নিং সমাধায় মরণায় কৃতত্বরা ।। ৭.১৭.২৯ ॥
17.30
ধর্ষিতায়াস্ত্বয়ানার্য ন মে জীবিতমিষ্যতে ।
রক্ষস্তস্মাত্প্রবেক্ষ্যামি পশ্যতস্তে হুতাশনম্ ।। ৭.১৭.৩০ ॥
17.31
যস্মাত্তু ধর্ষিতা চাহং ত্বয়া পাপাত্মনা বনে ।
তস্মাত্তব বধার্থং হি সমুত্পত্স্যে হ্যহং পুনঃ ।। ৭.১৭.৩১ ॥
17.32
ন হি শক্যং স্ত্রিয়া হন্তুং পুরুষঃ পাপনিশ্চঃ ।
শাপে ত্বয়ি ময়োত্সৃষ্টে তপসশ্চ ব্যয়ো ভবেৎ ।। ৭.১৭.৩২ ॥
17.33
যদি ত্বস্তি ময়া কিঞ্চিত্কৃতং দত্তং হুতং তথা ।
তস্মাত্ত্বয়োনিজা সাধ্বী ভবেয়ং ধর্মিণঃ সুতা ।। ৭.১৭.৩৩ ॥
17.34
এবমুক্ত্বা প্রবিষ্টা সা জ্বলিতং জাতবেদসম্ ।
পপাত চ দিবো দিব্যা পুষ্পবৃষ্টিঃ সমন্ততঃ ।। ৭.১৭.৩৪ ॥
17.35
পুনরেব সমুদ্ভূতা পদ্মে পদ্মসমপ্রভা ।
তস্মাদপি পুনঃ প্রাপ্তা পূর্ববত্তেন রক্ষসা ।। ৭.১৭.৩৫ ॥
17.36
কন্যাং কমলগর্ভাভাং প্রগৃহ্য স্বগৃহং যয়ৌ ।
প্রগৃহ্য রাবণস্ত্বেতাং দর্শয়ামাস মন্ত্রিণে ।। ৭.১৭.৩৬ ॥
17.37
লক্ষণজ্ঞো নিরীক্ষ্যৈব রাবণং চৈবমব্রবীৎ ।
গৃহস্থৈষাং হি সুশ্রোণী ত্বদ্বধায়ৈব দৃশ্যতে ।। ৭.১৭.৩৭ ॥
17.38
এতচ্ছ্রুত্বা ঽর্ণবে রাম তাং প্রচিক্ষেপ রাবণঃ ।
সা চৈব ক্ষিতিমাসাদ্য যজ্ঞায়তনমধ্যগা ।। ৭.১৭.৩৮ ॥
17.39
রাজ্ঞো হলমুখোত্কৃষ্টা পুনরপ্যুত্থিতা সতী ।
সৈষা জনকরাজস্য প্রসূতা তনয়া প্রভো ।তব ভার্যা মহাবাহো বিষ্ণুস্ত্বং হি সনাতনঃ ।। ৭.১৭.৩৯ ॥
17.40
পূর্বং ক্রোধাহিতঃ শত্রুর্যয়া ঽসৌ নিহতস্তথা ।
উপাশ্রয়িত্বা শৈলভস্তব বীর্যমমানুষম্ ।। ৭.১৭.৪০ ॥
17.41
এবমেষা মহাভাগা মর্ত্যেষূত্পত্স্যতে পুনঃ ।
ক্ষেত্রে হলমুখোত্কৃষ্টে বেদ্যামগ্নিশিখোপমা ।। ৭.১৭.৪১ ॥
17.42
এষা বেদবতী নাম পূর্বমাসীত্কৃতে যুগে ।
ত্রেতায়ুগমনুপ্রাপ্য বধার্থং তস্য রক্ষসঃ ।। ৭.১৭.৪২ ॥
17.43
উত্পন্না মৈথিলকুলে জনকস্য মহাত্মনঃ ।
সীতোত্পন্না তু সীতেতি মানুষৈঃ পুনরুচ্যতে ।। ৭.১৭.৪৩ ।।