Utshovসর্গ 12
12.1
রাক্ষসেন্দ্রো ঽভিষিক্তস্তু ভ্রাতৃভ্যাং সহিতস্তদা ।
ততঃ প্রদানং রাক্ষস্যা ভগিন্যাঃ সমচিন্তয়ৎ ।। ৭.১২.১ ॥
12.2
স্বসারং কালকেয়ায় দানবেন্দ্রায় রাক্ষসীম্ ।
দদৌ শূর্পণখাং নাম বিদ্যুজ্জিহ্বায় নামতঃ ।। ৭.১২.২ ॥
12.3
অথ দত্ত্বা স্বয়ং রক্ষো মৃগয়ামটতে স্ম তৎ ।
তত্রাপশ্যত্ততো রাম ময়ং নাম দিতেঃ সুতম্ ।। ৭.১২.৩ ॥
12.4
কন্যাসহায়ং তং দৃষ্ট্বা দশগ্রীবো নিশাচরঃ ।
অপৃচ্ছত্কো ভবানেকো নির্মনুষ্যমৃগে বনে ।অনয়া মৃগশাবাক্ষ্যা কিমর্থং সহ তিষ্ঠসি ।। ৭.১২.৪ ॥
12.5
ময়স্তথাব্রবীদ্রাম পৃচ্ছন্তং তং নিশাচরম্ ।
শ্রূয়তাং সর্বমাখ্যাস্যে যথাবৃত্তমিদং মম ।। ৭.১২.৫ ॥
12.6
হেমা নামাপ্সরাস্তাত শ্রুতপূর্বা যদি ত্বয়া ।
দৈবতৈর্মম সা দত্তা পৌলোমীব শতক্রতোঃ ।। ৭.১২.৬ ॥
12.7
তস্যাং সক্তমনাস্তাত পঞ্চবর্ষশতান্যহম্ ।
সা চ দৈবতকার্যেণ ত্রয়োদশ সমা গতাঃ ।। ৭.১২.৭ ॥
12.8
বর্ষং চতুর্দশং চৈব ততো হেমময়ং পুরম্ ।
বজ্রবৈডূর্যচিত্রং চ মায়য়া নির্মিতং ময়া ।। ৭.১২.৮ ॥
12.9
তত্রাহমবসং দীনস্তয়া হীনঃ সুদুঃখিতঃ ।
। ৭.১২.৯ ॥
12.10
তস্মাত্পুরাদ্দুহিতরং গৃহীত্বা বনমাগতঃ ।
ইয়ং মমাত্মজা রাজংস্তস্যাঃ কুক্ষৌ বিবর্ধিতা ।। ৭.১২.১০ ॥
12.11
ভর্তারমনয়া সার্ধমস্যাঃ প্রাপ্তো ঽস্মি মার্গিতুম্ ।
কন্যাপিতৃত্বং দুঃখং হি সর্বেষাং মানকাঙ্ক্ষিণাম্ ।। ৭.১২.১১ ॥
12.12
কন্যা হি দ্বে কুলে নিত্যং সংশয়ে স্থাপ্য তিষ্ঠতি ।
পুত্রদ্বয়ং মমাপ্যস্যাং ভার্যায়াং সম্বভূব হ ।। ৭.১২.১২ ॥
12.13
মায়াবী প্রথমস্তাত দুন্দুভিস্তদনন্তরঃ ।
এবং তে সর্বমাখ্যাতং যাথাতথ্যেন পৃচ্ছতঃ ।। ৭.১২.১৩ ॥
12.14
ত্বামিদানীং কথং তাত জানীয়াং কো ভবানিতি ।
এবমুক্তস্তু তদ্রক্ষো বিনীতমিদমব্রবীৎ ।। ৭.১২.১৪ ॥
12.15
অহং পৌলস্ত্যতনয়ো দশগ্রীবশ্চ নামতঃ ।
মুনের্বিশ্রবসো যস্তু তৃতীয়ো ব্রহ্মণো ঽভবৎ ।। ৭.১২.১৫ ॥
12.16
এবমুক্তস্তদা রাম রাক্ষসেন্দ্রেণ দানবঃ ।
মহর্ষেস্তনয়ং জ্ঞাত্বা ময়ো হর্ষমুপাগতঃ ।দাতুং দুহিতরং তস্মৈ রোচয়ামাস যত্র বৈ ।। ৭.১২.১৬ ॥
12.17
করেণ তু করং তস্যা গ্রাহয়িত্বা ময়স্তদা ।
প্রহসন্প্রাহ দৈত্যেন্দ্রো রাক্ষসেন্দ্রমিদং বচঃ ।। ৭.১২.১৭ ॥
12.18
ইয়ং মমাত্মজা রাজন্হেময়া ঽপ্সরসা ধৃতা ।
কন্যা মন্দোদরী নাম পত্ন্যর্থং প্রতিগৃহ্যতাম্ ।। ৭.১২.১৮ ॥
12.19
বাঢমিত্যেব তং রাম দশগ্রীবো ঽভ্যভাষত ।
প্রজ্চাল্য তত্র চৈবাগ্নিমকরোত্পাণিসঙ্গ্রহম্ ।। ৭.১২.১৯ ॥
12.20
স হি তস্য ময়ো রাম শাপাভিজ্ঞস্তপোধনাৎ ।
বিদিত্বা তেন সা দত্তা তস্য পৈতামহং কুলম্ ।। ৭.১২.২০ ॥
12.21
অমোঘাং তস্য শক্তিং চ প্রদদৌ পরমাদ্ভুতাম্ ।
পরেণ তপসা লব্ধাং জঘ্নিবাঁল্লক্ষ্মণং যয়া ।। ৭.১২.২১ ॥
12.22
এবং সীকৃতদারো বৈ লঙ্কায়া ঈশ্বরঃ প্রভুঃ ।
গত্বা তু নগরীং ভার্যে ভ্রাতৃভ্যাং সমুপাহরৎ ।। ৭.১২.২২ ॥
12.23
বৈরোচনস্য দৌহিত্রীং বজ্রজ্বালেতি নামতঃ ।
তাং ভার্যাং কুম্ভকর্ণস্য রাবণঃ সমকল্পয়ৎ ।। ৭.১২.২৩ ॥
12.24
গন্ধর্বরাজস্য সুতাং শৈলূষস্য মহাত্মনঃ ।
সরমাং নাম ধর্মজ্ঞাং লেভে ভার্যাং বিভীষণঃ ।। ৭.১২.২৪ ॥
12.25
তীরে তু সরসো বৈ তু সঞ্জজ্ঞে মানসস্য হি ।
সরস্তদা মানসং তু ববৃধে জলদাগমে ।। ৭.১২.২৫ ॥
12.26
মাত্রা তু তস্যাঃ কন্যায়াঃ স্নেহেনাক্রন্দিতং বচঃ ।
সরো মা বর্ধয়স্বেতি ততঃ সা সরমা ঽভবৎ ।। ৭.১২.২৬ ॥
12.27
এবং তে কৃতদারা বৈ রেমিরে তত্র রাক্ষসাঃ ।
স্বাং স্বাং ভার্যামুপাগম্য গন্ধর্বা ইব নন্দনে ।। ৭.১২.২৭ ॥
12.28
ততো মন্দোদরী পুত্রং মেঘনাদমজীজনৎ ।
স এষ ইন্দ্রজিন্নাম যুষ্মাভিরভিধীয়তে ।। ৭.১২.২৮ ॥
12.29
জাতমাত্রেণ হি পুরা তেন রাবণসূনুনা ।
রুদতা সুমহান্মুক্তো নাদো জলধরোপমঃ ।। ৭.১২.২৯ ॥
12.30
জডীকৃতা চ সা লঙ্কা তস্য নাদেন রাঘব ।
পিতা তস্যাকরোন্নাম মেঘনাদ ইতি স্বয়ম্ ।। ৭.১২.৩০ ॥
12.31
সো ঽবর্ধত তদা রাম রাবণান্তঃপুরে শুভে ।
রক্ষ্যমাণো বরস্ত্রীভিশ্ছন্নঃ কাষ্ঠৈরিবানলঃ ।। ৭.১২.৩১ ॥
12.32
মাতাপিত্রোর্মহাহর্ষং জনয়ন্রাবণাত্মজঃ ।
। ৭.১২.৩২ ।।