Utshovসর্গ 110
110.1
অধ্যর্ধয়োজনং গত্বা নদীং পশ্চান্মুখাশ্রিতাম্ ।
সরয়ূং পুণ্যসলিলাং দদর্শ রঘুনন্দনঃ ।। ৭.১১০.১ ॥
110.2
তাং নদীমাকুলাবর্তাং সর্বত্রানুসরন্নৃপঃ ।
আগতঃ সপ্রজো রামস্তং দেশং রঘুনন্দনঃ ।। ৭.১১০.২ ॥
110.3
অথ তস্মিন্মুহূর্তে তু ব্রহ্মা লোকপিতামহঃ ।
সর্বৈঃ পরিবৃতো দেবৈর্ঋষিভিশ্চ মহাত্মভিঃ ।। ৭.১১০.৩ ॥
110.4
আয়য়ৌ যত্র কাকুত্স্থঃ স্বর্গায় সমুপস্থিতঃ ।
বিমানশতকোটীভির্দিব্যাভিরভিসংবৃতঃ ।। ৭.১১০.৪ ॥
110.5
দিব্যতেজোবৃতং ব্যোম জ্যোতির্ভূতমনুত্তমম্ ।
স্বয়ম্প্রভৈঃ স্বতেজোভিঃ স্বর্গিভিঃ পুণ্যকর্মভিঃ ।। ৭.১১০.৫ ॥
110.6
পুণ্যা বাতা ববুশ্চৈব গন্ধবন্তঃ সুখপ্রদাঃ ।
পপাত পুষ্পবৃষ্টিশ্চ দেবৈর্মুক্তা মহৌঘবৎ ।। ৭.১১০.৬ ॥
110.7
তস্মিংস্তূর্যশতৈঃ কীর্ণে গন্ধর্বাপ্সরসঙ্কুলে ।
সরয়ূসলিলং রামঃ পদ্ভ্যাং সমুপচক্রমে ।। ৭.১১০.৭ ॥
110.8
ততঃ পিতামহো বাণীমন্তরিক্ষাদভাষত ।
আগচ্ছ বিষ্ণো ভদ্রং তে দিষ্ট্যা প্রাপ্তো ঽসি রাঘব ।। ৭.১১০.৮ ॥
110.9
ভ্রাতৃভিঃ সহ দেবাভৈঃ প্রবিশস্ব স্বিকাং তনুম্ ।
যামিচ্ছসি মহাবাহো তাং তনুং প্রবিশ স্বিকাম্ ।বৈষ্ণবীং তাং মহাতেজস্তদ্বাকাশং সনাতনম্ ।। ৭.১১০.৯ ॥
110.10
ত্বং হি লোকগতির্দেব ন ত্বাং কেচিত্প্রজানতে ।
ঋতে মায়াং বিশালাক্ষীং তব পূর্বপরিগ্রহাম্ ।ত্বামচিন্ত্যং মহদ্ভূতমক্ষয়ং সর্বসঙ্গ্রহম্ ।। ৭.১১০.১০ ॥
110.11
যামিচ্ছসি মহাতেজস্তাং তনুং প্রবিশ স্বয়ম্ ।
। ৭.১১০.১১ ।।
110.12
াং বিশালাক্ষীং তব পূর্বপরিগ্রহাম্ ।
পিতামহবচঃ শ্রুত্বা বিনিশ্চিত্য মহামতিঃ ।বিবেশ বৈষ্ণবং তেজঃ সশরীরঃ সহানুজঃ ।। ৭.১১০.১২ ॥
110.13
ততো বিষ্ণুময়ং দেবং পূজয়ন্তি স্ম দেবতাঃ ।
সাধ্যা মরুদ্গণাশ্চৈব সেন্দ্রাঃ সাগ্নিপুরোগমাঃ ।। ৭.১১০.১৩ ॥
110.14
যে চ দিব্যা ঋষিগণা গন্ধর্বাপ্সরসশ্চ যাঃ ।
সুপর্ণনাগয়ক্ষাশ্চ দৈত্যদানবরাক্ষসাঃ ।। ৭.১১০.১৪ ॥
110.15
সর্বং পুষ্টং প্রমুদিতং সুসম্পূর্ণমনোরথম্ ।
সাধু সাধ্বিতি তৈর্দেবৈস্ত্রিদিবং গতকল্মষম্ ।। ৭.১১০.১৫ ॥
110.16
অথ বিষ্ণুর্মহাতেজাঃ পিতামহমুবাচ হ ।
এষাং লোকং জনৌঘানাং দাতুমর্হসি সুব্রত ।। ৭.১১০.১৬ ॥
110.17
ইমে হি সর্বে স্নেহান্মামনুয়াতা যশস্বিনঃ ।
ভক্তা হি ভজিতব্যাশ্চ ত্যক্তাত্মানশ্চ মত্কৃতে ।। ৭.১১০.১৭ ॥
110.18
তচ্ছ্রুত্বা বিষ্ণুবচনং ব্রহ্মা লোকগুরুঃ প্রভুঃ ।
লোকান্সান্তানিকান্নাম যাস্যন্তীমে সমাগতাঃ ।। ৭.১১০.১৮ ॥
110.19
যচ্চ তির্যগ্গতং কিঞ্চিত্ত্বামেবমনুচিন্তয়ৎ ।
প্রাণাংস্ত্যক্ষ্যতি ভক্ত্যা বৈ তত্সন্তানে নিবত্স্যতি ।। ৭.১১০.১৯ ॥
110.20
সর্বৈর্ব্রহ্মগুণৈর্যুক্তে ব্রহ্মলোকাদনন্তরে ।
। ৭.১১০.২০ ॥
110.21
বানরাশ্চ স্বিকাং যোনিমৃক্ষাশ্চৈব তথা যয়ুঃ ।
যেভ্যো বিনিস্সৃতাঃ সর্বে সুরেভ্যঃ সুরসম্ভবাঃ ।। ৭.১১০.২১ ॥
110.22
তেষু প্রবিবিশে চৈব সুগ্রীবঃ সূর্যমণ্ডলম্ ।
পশ্যতাং সর্বদেবানাং স্বান্পিতঽন্প্রতিপেদিরে ।। ৭.১১০.২২ ॥
110.23
তথোক্তবতি দেবেশে গোপ্রতারমুপাগতাঃ ।
ভেজিরে সরয়ূং সর্বে হর্ষপূর্ণাশ্রুবিক্লবাঃ ।। ৭.১১০.২৩ ॥
110.24
অবগাহ্য জলং যো যঃ প্রাণী হ্যাসীৎ প্রহৃষ্টবৎ ।
মানুষং দেহমুত্সৃজ্য বিমানং সো ঽধ্যরোহত ।। ৭.১১০.২৪ ॥
110.25
তির্যগ্যোনিগতানাং চ শতানি সরয়ূজলম্ ।
সম্প্রাপ্য ত্রিদিবং জগ্মুঃ প্রভাসুরবপূংষি চ ।দিব্যা দিব্যেন বপুষা দেবা দীপ্তা ইবাভবন্ ।। ৭.১১০.২৫ ॥
110.26
গত্বা তু সরয়ূতোয়ং স্থাবরাণি চরাণি চ ।
প্রাপ্য তত্তোয়বিক্লেদং দেবলোকমুপাগমন্ ।। ৭.১১০.২৬ ॥
110.27
তস্মিন্নপি সমাপন্না ঋক্ষবানররাক্ষসাঃ ।
তে ঽপি স্বর্গং প্রবিবিশুর্দেহান্নিক্ষিপ্য চাম্ভসি ।। ৭.১১০.২৭ ॥
110.28
ততঃ সমাগতান্সর্বান্স্থাপ্য লোকগুরুর্দিবি ।
জগাম ত্রিদশৈঃ সার্ধং সদা হৃষ্টৈর্দিবং মহৎ ।। ৭.১১০.২৮ ।।