Utshovসর্গ 100
100.1
কস্যচিত্ত্বথ কালস্য যুধাজিত্কেকয়ো নৃপঃ ।
স্বগুরুং প্রেষয়ামাস রাঘবায় মহাত্মনে ।গার্গ্যমঙ্গিরসঃ পুত্রং ব্রহ্মর্ষিমমিতপ্রভম্ ।। ৭.১০০.১ ॥
100.2
দশ চাশ্বসহস্রাণি প্রীতিদানমনুত্তমম্ ।
। ৭.১০০.২ ॥
100.3
কম্বলানি চ রত্নানি চিত্রবস্ত্রমথোত্তমম্ ।
রামায় প্রদদৌ রাজা শুভান্যাভরণানি চ ।। ৭.১০০.৩ ॥
100.4
শ্রুত্বা তু রাঘবো ধীমান্মহর্ষিং গার্গ্যমাগতম্ ।
মাতুলস্যাশ্বপতিনঃ প্রহিতং তন্মহাধনম্ ।। ৭.১০০.৪ ॥
100.5
প্রত্যুদ্গম্য চ কাকুত্স্থঃ ক্রোশমাত্রং সহানুজঃ ।
গার্গ্যং সম্পূজয়ামাস যথা শক্রো বৃহস্পতিম্ ।। ৭.১০০.৫ ॥
100.6
তথা সম্পূজ্য তমৃষিং তদ্ধনং প্রতিগৃহ্য চ ।
পৃষ্ট্বা প্রতিপদং সর্বং কুশলং মাতুলস্য চ ।উপবিষ্টং মহাভাগং রামঃ প্রষ্টুং প্রচক্রমে ।। ৭.১০০.৬ ॥
100.7
কিমাহ মাতুলো বাক্যং যদর্থং ভগবানিহ ।
প্রাপ্তো বাক্যবিদাং শ্রেষ্ঠঃ সাক্ষাদিব বৃহস্পতিঃ ।। ৭.১০০.৭ ॥
100.8
রামস্য ভাষিতং শ্রুত্বা মহর্ষিঃ কার্যবিস্তরম্ ।
বক্তুমদ্ভুতসঙ্কাশং রাঘবায়োপচক্রমে ।। ৭.১০০.৮ ॥
100.9
মাতুলস্তে মহাবাহো বাক্যমাহ নরর্ষভঃ ।
যুধাজিত্প্রীতিসংয়ুক্তং শ্রূয়তাং যদি রোচতে ।। ৭.১০০.৯ ॥
100.10
অয়ং গন্ধর্ববিষয়ঃ ফলমূলোপশোভিতঃ ।
সিন্ধোরুভয়তঃ পার্শ্বে দেশঃ পরমশোভনঃ ।। ৭.১০০.১০ ॥
100.11
তং চ রক্ষন্তি গন্ধর্বাঃ সায়ুধা যুদ্ধকোবিদাঃ ।
শৈলূষস্য সুতা বীর ত্রিকোট্যো বৈ মহাবলাঃ ।। ৭.১০০.১১ ॥
100.12
তান্বিনির্জিত্য কাকুত্স্থ গন্ধর্বনগরং শুভম্ ।
নিবেশয় মহাবোহো স্বে পুরে সুসমাহিতে ।। ৭.১০০.১২ ॥
100.13
অন্যস্য ন গতিস্তত্র দেশঃ পরমশোভনঃ ।
রোচতাং তে মহাবাহো নাহং ত্বামহিতং বদে ।। ৭.১০০.১৩ ॥
100.14
তচ্ছ্রুত্বা রাঘবঃ প্রীতো মহর্ষের্মাতুলস্য চ ।
উবাচ বাঢমিত্যেব ভরতং চান্ববৈক্ষত ।। ৭.১০০.১৪ ॥
100.15
সো ঽব্রবীদ্রাঘবঃ প্রীতঃ সাঞ্জলিপ্রগ্রহো দ্বিজম্ ।
ইমৌ কুমারৌ তং দেশং ব্রহ্মর্ষে বিচরিষ্যতঃ ।। ৭.১০০.১৫ ॥
100.16
ভরতস্যাত্মজৌ বীরৌ তক্ষঃ পুষ্কল এব চ ।
মাতুলেন সুগুপ্তৌ তু ধর্মেণ সুসমাহিতৌ ।। ৭.১০০.১৬ ॥
100.17
ভরতং চাগ্রতঃ কৃত্বা কুমারৌ সবলানুগৌ ।
নিহত্য গন্ধর্বসুতান্দ্বে পুরে বিভজিষ্যতঃ ।। ৭.১০০.১৭ ॥
100.18
নিবেশ্য তে পুরবরে আত্মজৌ সন্নিবেশ্য চ ।
আগমিষ্যতি মে ভূয়ঃ সকাশমতিধার্মিকঃ ।। ৭.১০০.১৮ ॥
100.19
ব্রহ্মর্ষিমেবমুক্ত্বা তু ভরতং সবলানুগম্ ।
আজ্ঞাপয়ামাস তদা কুমারৌ চাভ্যষেচয়ৎ ।। ৭.১০০.১৯ ॥
100.20
নক্ষত্রেণ চ সৌম্যেন পুরস্কৃত্যাঙ্গিরস্সুতম্ ।
ভরতঃ সহ সৈন্যেন কুমারাভ্যাং বিনির্যয়ৌ ।। ৭.১০০.২০ ॥
100.21
সা সেনা শক্রয়ুক্তেব নগরান্নির্যয়াবথ ।
রাঘবানুগতা দূরং দুরাধর্ষা সুরৈরপি ।। ৭.১০০.২১ ॥
100.22
মাংসাদানি চ সত্ত্বানি রক্ষাংসি সুমহান্তি চ ।
অনুজগ্মুর্হি ভরতং রুধিরস্য পিপাসয়া ।। ৭.১০০.২২ ॥
100.23
ভূতগ্রামাশ্চ বহবো মাংসভক্ষাঃ সুদারুণাঃ ।
গন্ধর্বপুত্রমাংসানি ভোক্তুকামাঃ সহস্রশঃ ।। ৭.১০০.২৩ ॥
100.24
সিংহব্যাঘ্রবরাহাণাং খেচরাণাং চ পক্ষিণাম্ ।
বহূনি বৈ সহস্রাণি সেনায়া যয়ুরগ্রতঃ ।। ৭.১০০.২৪ ॥
100.25
অধ্যর্ধমাসমুষিতা পথি সেনা নিরাময়া ।
হৃষ্টপুষ্টজনাকীর্ণা কেকয়ং সমুপাগমৎ ।। ৭.১০০.২৫ ।।