Utshovসর্গ 98
98.1
হন্যমানে বলে তূর্ণমন্যোন্যং তে মহামৃধে।
সরসীব মহাঘর্মে সোপক্ষীণে বভূবতুঃ ।। ৬.৯৮.১ ।।
98.2
স্ববলস্য বিঘাতেন বিরূপাক্ষবধেন চ।
বভূব দ্বিগুণং ক্রুদ্ধো রাবণো রাক্ষসাধিপঃ ।। ৬.৯৮.২ ।।
98.3
প্রক্ষীণং তু বলং দৃষ্ট্বা বধ্যমানং বলীমুখৈঃ।
বভূবাস্য ব্যথা যুদ্ধে প্রেক্ষ্য দৈববিপর্যয়ম্।উবাচ চ সমীপস্থং মহোদরমরিন্দমম্ ।। ৬.৯৮.৩ ।।
98.4
অস্মিন্ কালে মহাবাহো জয়াশা ত্বয়ি মে স্থিতা।
জহি শত্রুচমূং বীর দর্শয়াদ্য পরাক্রমম্ ।। ৬.৯৮.৪ ।।
98.5
ভর্তৃপিণ্ডস্য কালো ঽয়ং নির্দেষ্টুং সাধু যুধ্যতাম্ ।
। ৬.৯৮.৫ ।।
98.6
এবমুক্তস্তথেত্যুক্ত্বা রাক্ষসেন্দ্রো মহোদরঃ।
প্রবিবেশারিসেনাং তাং পতঙ্গ ইব পাবকম্ ।। ৬.৯৮.৬ ।।
98.7
ততঃ স কদনং চক্রে বানরাণাং মহাবলঃ।
ভর্তৃবাক্যেন তেজস্বী স্বেন বীর্যেণ চোদিতঃ ।। ৬.৯৮.৭ ।।
98.8
বানরাশ্চ মহাসত্ত্বাঃ প্রগৃহ্য বিপুলাঃ শিলাঃ।
প্রবিশ্যারিবলং ভীমং জঘ্নুস্তে রজনীচরান্ ।। ৬.৯৮.৮ ।।
98.9
মহোদরস্তু সঙ্ক্রুদ্ধঃ শরৈঃ কাঞ্চনভূষণৈঃ।
চিচ্ছেদ পাণিপাদোরূন্ বানরাণাং মহাহবে ।। ৬.৯৮.৯ ।।
98.10
ততস্তে বানরাঃ সর্বে রাক্ষসৈরর্দিতা ভৃশম্।
দিশো দশ দ্রুতাঃ কেচিৎ কেচিৎ সুগ্রীবমাশ্রিতাঃ ।। ৬.৯৮.১০ ।।
98.11
প্রভগ্নাং সমরে দৃষ্ট্বা বানরাণাং মহাচমূম্।
অভিদুদ্রাব সুগ্রীবো মহোদরমনন্তরম্ ।। ৬.৯৮.১১ ।।
98.12
প্রগৃহ্য বিপুলাং ঘোরাং মহীধরসমাং শিলাম্।
চিক্ষেপ চ মহাতেজাস্তদ্বধায় হরীস্বরঃ ।। ৬.৯৮.১২ ।।
98.13
তামাপতন্তীং সহসা শিলাং দৃষ্ট্বা মহোদরঃ।
অসম্ভ্রান্তস্ততো বাণৈর্নির্বিভেদ দুরাসদাম্ ।। ৬.৯৮.১৩ ।।
98.14
রক্ষসা তেন বাণৌঘৈর্নিকৃত্তা সা সহস্রধা।
নিপপাত শিলা ভূমৌ গৃধ্রচক্রমিবাকুলম্ ।। ৬.৯৮.১৪ ।।
98.15
তাং তু ভিন্নাং শিলাং দৃষ্ট্বা সুগ্রীবঃ ক্রোধমূর্চ্ছিতঃ।
সালমুত্পাট্য চিক্ষেপ রাক্ষসে রণমূর্ধনি ।। ৬.৯৮.১৫ ।।
98.16
শরৈশ্চ বিদদারৈনং শূরঃ পরপুরঞ্জয়ঃ ।
। ৬.৯৮.১৬ ।।্চ্ছিতঃ।স দদর্শ ততঃ ক্রুদ্ধঃ পরিঘং পতিতং ভুবি ।। ৬.৯৮.১৭ ।।তঃ।আবিধ্য তু স তং দীপ্তং পরিঘং তস্য দর্শয়ন্।পরিঘাগ্রেণ বেগেন জঘানাস্য হয়োত্তমান্ ।। ৬.৯৮.১৮ ।।
98.17
তস্মাদ্ধতহয়াদ্বীরঃ সো ঽবপ্লুত্য মহারথাৎ।
গদাং জগ্রাহ সঙ্ক্রুদ্ধো রাক্ষসো ঽথ মহোদরঃ ।। ৬.৯৮.১৯ ।।
98.18
গদাপরিঘহস্তৌ তৌ যুধি বীরৌ সমীয়তুঃ।
নর্দন্তৌ গৌবৃষপ্রখ্যৌ ঘনাবিব সবিদ্যুতৌ ।। ৬.৯৮.২০ ।।
98.19
ততঃ ক্রুদ্ধো গদাং তস্মৈ চিক্ষেপ রজনীচরঃ।
জ্বলন্তীং ভাস্করাভাসাং সুগ্রীবায় মহোদরঃ ।। ৬.৯৮.২১ ।।
98.20
গদাং তাং সুমহাঘোরামাপতন্তীং মহাবলঃ।
সুগ্রীবো রোষতাম্রাক্ষঃ সমুদ্যম্য মহাহবে।আজঘান গদাং তস্য পরিঘেণ হরীশ্বরঃ ।। ৬.৯৮.২২ ।।
98.21
পপাত স গদোদ্ভিন্নঃ পরিঘস্তস্য ভূতলে ।
। ৬.৯৮.২৩ ।।োষতাম্রাক্ষঃ সমুদ্যম্য মহাহবে।ততো জগ্রাহ তেজস্বী সুগ্রীবো বসুধাতলাৎ।আয়সং মুসলং ঘোরং সর্বতো হেমভূষিতম্ ।। ৬.৯৮.২৪ ।।
98.22
স তমুদ্যম্য চিক্ষেপ সো ঽপ্যন্যাং ব্যাক্ষিপদ্গদাম্।
ভিন্নাবন্যোন্যমাসাদ্য পেততুর্ধরণীতলে ।। ৬.৯৮.২৫ ।।
98.23
ততো ভগ্নপ্রহরণৌ মুষ্টিভ্যাং তৌ সমীয়তুঃ।
তেজোবলসমাবিষ্টৌ দীপ্তাবিব হুতাশনৌ ।। ৬.৯৮.২৬ ।।
98.24
জঘ্নতুস্তৌ তদা ঽন্যোন্যং নেদতুশ্চ পুনঃপুনঃ।
তলৈশ্চান্যোন্যমাহত্য পেততুর্ধরণীতলে ।। ৬.৯৮.২৭ ।।
98.25
উত্পেততুস্ততস্তূর্ণং জঘ্নতুশ্চ পরস্পরম্।
ভুজৈশ্চিক্ষিপতুর্বীরাবন্যোন্যমপরাজিতৌ।জগ্মতুস্তৌ শ্রমং বীরৌ বাহুয়ুদ্ধে পরন্তপৌ ।। ৬.৯৮.২৮ ।।
98.26
আজহার ততঃ খড্গমদূরপরিবর্তিনম্।
রাক্ষসশ্চর্মণা সার্ধং মহাবেগো মহোদরঃ ।। ৬.৯৮.২৯ ।।
98.27
তথৈব চ মহাখড্গং চর্মণা পতিতং সহ।
জগ্রাহ বানরশ্রেষ্ঠঃ সুগ্রীবো বেগবত্তরঃ ।। ৬.৯৮.৩০ ।।
98.28
তৌ তু রোষপরীতাঙ্গৌ নর্দন্তাবভ্যধাবতাম্।
উদ্যতাসী রণে হৃষ্টৌ যুধি শস্ত্রবিশারদৌ ।। ৬.৯৮.৩১ ।।
98.29
দক্ষিণং মণ্ডলং চোভৌ সুতূর্ণং সম্পরীয়তুঃ।
অন্যোন্যমভিসঙ্ক্রুদ্ধৌ জয়ে প্রণিহিতাবুভৌ ।। ৬.৯৮.৩২ ।।
98.30
স তু শূরো মহাবেগো বীর্যশ্লাঘী মহোদরঃ।
মহাচর্মণি তং খড্গং পাতয়ামাস দুর্মতিঃ ।। ৬.৯৮.৩৩ ।।
98.31
লগ্নমুত্কর্ষতঃ খড্গং খড্গেন কপিকুঞ্জরঃ।
জহার সশিরস্ত্রাণং কুণ্ডলোপহিতং শিরঃ ।। ৬.৯৮.৩৪ ।।
98.32
নিকৃত্তশিরসস্তস্য পতিতস্য মহীতলে।
তদ্বলং রাক্ষসেন্দ্রস্য দৃষ্ট্বা তত্র ন তিষ্ঠতে ।। ৬.৯৮.৩৫ ।।
98.33
হত্বা তং বানরৈঃ সার্ধং ননাদ মুদিতো হরিঃ।
চুক্রোধ চ দশগ্রীবো বভৌ হৃষ্টশ্চ রাঘবঃ ।। ৬.৯৮.৩৬ ।।
98.34
বিষণ্ণবদনাঃ সর্বে রাক্ষসা দীনচেতসঃ।
বিদ্রবন্তি ততঃ সর্বে ভয়বিত্রস্তচেতসঃ ।। ৬.৯৮.৩৭ ।।
98.35
মহোদরং তং বিনিপাত্য ভূমৌ মহাগিরেঃ কীর্ণমিবৈকদেশম্।
সূর্যাত্মজস্তত্র ররাজ লক্ষ্ম্যা সূর্যঃ স্বতেজোভিরিবাপ্রধৃষ্যঃ ।। ৬.৯৮.৩৮ ।।
98.36
অথ বিজয়মবাপ্য বানরেন্দ্রঃ সমরমুখে সুরয়ক্ষসিদ্ধসঙ্ঘৈঃ।
অবনিতলগতৈশ্চ ভূতসঙ্ঘৈর্হরুষসমাকুলিতৈঃ স্তুতো মহাত্মা ।। ৬.৯৮.৩৯ ।।
98.37
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে অষ্টনবতিতমঃ সর্গঃ ।
। ৯৮ ।।