Utshovসর্গ 96
96.1
আর্তানাং রাক্ষসীনাং তু লঙ্কায়াং বৈ কুলে কুলে।
রাবণঃ করুণং শব্দং শুশ্রাব পরিদেবিতম্ ।। ৬.৯৬.১ ।।
96.2
স তু দীর্ঘং বিনিশ্বস্য মুহূর্তং ধ্যানমাস্থিতঃ।
বভূব পরমক্রুদ্ধো রাবণো ভীমদর্শনঃ ।। ৬.৯৬.২ ।।
96.3
সন্দশ্য দশনৈরোষ্ঠং ক্রোধসংরক্তলোচনঃ।
রাক্ষসৈরপি দুর্দর্শঃ কালাগ্নিরিব মূর্চ্ছিতঃ ।। ৬.৯৬.৩ ।।
96.4
উবাচ চ সমীপস্থান্ রাক্ষসান্ রাক্ষসেশ্বরঃ।
ভয়াব্যক্তকথস্তত্র নির্দহন্নিব চক্ষুষা ।। ৬.৯৬.৪ ।।
96.5
মহোদরমাহপার্শ্বৌ বিরূপাক্ষং চ রাক্ষসম্।
শীঘ্রং বদত সৈন্যানি নির্যাতেতি মমাজ্ঞয়া ।। ৬.৯৬.৫ ।।
96.6
তস্য তদ্বচনং শ্রুত্বা রাক্ষসাস্তে ভয়ার্দিতাঃ।
চোদয়ামাসুরব্যগ্রান্ রাক্ষসাংস্তান্ নৃপাজ্ঞয়া ।। ৬.৯৬.৬ ।।
96.7
তে তু সর্বে তথেত্যুক্ত্বা রাক্ষসা ঘোরদর্শনাঃ।
কৃতস্বস্ত্যয়নাঃ সর্বে রণায়াভিমুখা যয়ুঃ ।। ৬.৯৬.৭ ।।
96.8
প্রতিপূজ্য যথান্যায়ং রাবণং তে নিশাচরাঃ।
তস্থুঃ প্রাঞ্জলয়ঃ সর্বে ভর্তুর্বিজয়কাঙ্ক্ষিণঃ ।। ৬.৯৬.৮ ।।
96.9
অথোবাচ প্রহস্যৈতান্ রাবণঃ ক্রোধমূর্চ্ছিতঃ।
মহোদরমহাপার্শ্বৌ বিরূপাক্ষং চ রাক্ষসম্ ।। ৬.৯৬.৯ ।।
96.10
অদ্য বাণৈর্ধনুর্মুক্তৈর্যুগান্তাদিত্যসন্নিভৈঃ।
রাঘবং লক্ষ্মণং চৈব নেষ্যামি যমসাদনম্ ।। ৬.৯৬.১০ ।।
96.11
খরস্য কুম্ভকর্ণস্য প্রহস্তেন্দ্রজিতোস্তথা।
করিষ্যামি প্রতীকারমদ্য শত্রুবধাদহম্ ।। ৬.৯৬.১১ ।।
96.12
নৈবান্তরিক্ষং ন দিশো ন নদ্যো নাপি সাগরাঃ।
প্রকাশত্বং গমিষ্যন্তি মদ্বাণজলদাবৃতাঃ ।। ৬.৯৬.১২ ।।
96.13
অদ্য বানরমুখ্যানাং তানি যূথানি ভাগশঃ।
ধনুষা শরজালেন বিধমিষ্যামি পত্রিণা ।। ৬.৯৬.১৩ ।।
96.14
অদ্য বানরসৈন্যানি রথেন পবনৌজসা।
ধনুঃসমুদ্রাদুদ্ভূতৈর্মথিষ্যামি শরোর্মিভিঃ ।। ৬.৯৬.১৪ ।।
96.15
আকোশপদ্মবক্ত্রাণি পদ্মকেসরবর্চসাম্।
অদ্য যূথতটাকানি গজবৎ প্রমথাম্যহম্ ।। ৬.৯৬.১৫ ।।
96.16
সশরৈরদ্য বদনৈঃ সঙ্খ্যে বানরয়ূথপাঃ।
মণ্ডয়িষ্যন্তি বসুধাং সনালৈরিব পঙ্কজৈঃ ।। ৬.৯৬.১৬ ।।
96.17
অদ্য যুদ্ধপ্রচণ্ডানাং হরীণাং দ্রুময়োধিনাম্।
মুক্তেনৈকেষুণা যুদ্ধে ভেত্স্যামি চ শতং শতম্ ।। ৬.৯৬.১৭ ।।
96.18
হতো ভর্তা হতো ভ্রাতা যাসাং চ তনয়া হতাঃ।
বধেনাদ্য রিপোস্তাসাং করোম্যস্রপ্রমার্জনম্ ।। ৬.৯৬.১৮ ।।
96.19
অদ্য মদ্বাণনির্ভিন্নৈঃ প্রকীর্ণৈর্গতচেতনৈঃ।
করোমি বানরৈর্যুদ্ধে যত্নাবেক্ষ্যতলাং মহীম্ ।। ৬.৯৬.১৯ ।।
96.20
অদ্য গোমায়বো গৃধ্রা যে চ মাংসাশিনো ঽপরে।
সর্বাংস্তাংস্তর্পয়িষ্যামি শত্রুমাংসৈঃ শরার্পিতৈঃ ।। ৬.৯৬.২০ ।।
96.21
কল্প্যতাং মে রথঃ শীঘ্রং ক্ষিপ্রমানীয়তাং ধনুঃ।
অনুপ্রয়ান্তু মাং সর্বে যে ঽবশিষ্টা নিশাচরাঃ ।। ৬.৯৬.২১ ।।
96.22
তস্য তদ্বচনং শ্রুত্বা মহাপার্শ্বো ঽব্রবীদ্বচঃ।
বলাধ্যক্ষান্ স্থিতাংস্তত্র বলং সন্ত্বর্যতামিতি ।। ৬.৯৬.২২ ।।
96.23
বলাধ্যক্ষাস্তু সংরব্ধা রাক্ষসাংস্তান্ গৃহাদ্গৃহাৎ।
চোদয়ন্তঃ পরিয়য়ুর্লঙ্কায়াং তু মহাবলাঃ ।। ৬.৯৬.২৩ ।।
96.24
ততো মুহূর্তান্নিষ্পেতূ রাক্ষসা ভীমদর্শনাঃ।
নর্দন্তো ভীমবদনা নানাপ্রহরণৈর্ভুজৈঃ ।। ৬.৯৬.২৪ ।।
96.25
অসিভিঃ পট্টিশৈঃ শূলৈর্গদাভির্মুসলৈর্হুলৈঃ।
শক্তিভিস্তীক্ষ্ণধারাভির্মহদ্ভিঃ কূটমুদ্গরৈঃ ।। ৬.৯৬.২৫ ।।
96.26
যষ্টিভির্বিমলৈশ্চক্রৈর্নিশিতৈশ্চ পরশ্বধৈঃ।
ভিণ্ডিপালৈঃ শতঘ্নীভিরন্যৈশ্চাপি বরায়ুধৈঃ ।। ৬.৯৬.২৬ ।।
96.27
অথানয়দ্বলাধ্যক্ষঃ সত্বরো রাবণাজ্ঞয়া।
দ্রুতং সূতসমায়ুক্তং যুক্তাষ্টতুরগং রথম্ ।। ৬.৯৬.২৭ ।।
96.28
আরুরোহ রথং ভীমো দীপ্যমানং স্বতেজসা ।
। ৬.৯৬.২৮ ।।
96.29
ততঃ প্রয়াতঃ সহসা রাক্ষসৈর্বহুভির্বৃতঃ।
রাবণঃ সত্ত্বগাম্ভীর্যাদ্দারয়ন্নিব মেদিনীম্ ।। ৬.৯৬.২৯ ।।
96.30
রাবণেনাভ্যনুজ্ঞাতৌ মহাপার্শ্বমহোদরৌ।
বিরূপাক্ষশ্চ দুর্ধর্ষো রথানারুরুহুস্তদা ।। ৬.৯৬.৩০ ।।
96.31
তে তু হৃষ্টা বিনর্দন্তো ভিন্দন্ত ইব মেদিনীম্।
নাদং ঘোরং বিমুঞ্জন্তো নির্যয়ুর্জয়কাংক্ষিণঃ ।। ৬.৯৬.৩১ ।।
96.32
ততো যুদ্ধায় তেজস্বী রক্ষোগণবলৈর্বৃতঃ।
নির্যয়াবুদ্যতধনুঃ কালান্তকয়মোপমঃ ।। ৬.৯৬.৩২ ।।
96.33
ততঃ প্রজবনাশ্বেন রথেন স মহারথঃ।
দ্বারেণ নির্যয়ৌ তেন যত্র তৌ রামলক্ষ্মণৌ ।। ৬.৯৬.৩৩ ।।
96.34
ততো নষ্টপ্রভঃ সূর্যো দিশশ্চ তিমিরাবৃতাঃ ।
। ৬.৯৬.৩৪ ।।
96.35
দ্বিজাশ্চ নেদুর্ঘোরাশ্চ সঞ্চচালেব মেদিনী।
ববর্ষ রুধিরং দেবশ্চস্খলুস্তুরগাঃ পথি ।। ৬.৯৬.৩৫ ।।
96.36
ধ্বজাগ্রে ন্যপতদ্গৃধ্রো বিনেদুশ্চাশিবং শিবাঃ।
নয়নং চাস্ফুরদ্বামং সব্যো বাহুরকম্পত ।। ৬.৯৬.৩৬ ।।
96.37
বিবর্ণং বদনং চাসীৎ কিঞ্চিদভ্রশ্যত স্বরঃ ।
। ৬.৯৬.৩৭ ।।
96.38
ততো নিষ্পততো যুদ্ধে দশগ্রীবস্য রক্ষসঃ।
রণে নিধনশংসীনি রূপাণ্যেতানি জজ্ঞিরে ।। ৬.৯৬.৩৮ ।।
96.39
অন্তরিক্ষাৎ পপাতোল্কা নির্ঘাতসমনিস্বনা।
বিনেদুরশিবা গৃধ্রা বায়সৈরনুনাদিতাঃ ।। ৬.৯৬.৩৯ ।।
96.40
এতানচিন্তয়ন্ ঘোরানুত্পাতান্ সমুপস্থিতান্।
নির্যয়ৌ রাবণো মোহাদ্বধার্থী কালচোদিতঃ ।। ৬.৯৬.৪০ ।।
96.41
তেষাং তু রথঘোষেণ রাক্ষসানাং মহাত্মনাম্।
বানরাণামপি চমূর্যুদ্ধায়ৈবাভ্যবর্তত ।। ৬.৯৬.৪১ ।।
96.42
তেষাং তু তুমুলং যুদ্ধং বভূব কপিরক্ষসাম্।
অন্যোন্যমাহ্বয়ানানাং ক্রুদ্ধানাং জয়মিচ্ছতাম্ ।। ৬.৯৬.৪২ ।।
96.43
ততঃ ক্রুদ্ধো দশগ্রীবঃ শরৈঃ কাঞ্চনভূষণৈঃ।
বানরাণামনীকেষু চকার কদনং মহৎ ।। ৬.৯৬.৪৩ ।।
96.44
নিকৃত্তশিরসঃ কেচিদ্রাবণেন বলীমুখাঃ।
কেচিদ্বিচ্ছিন্ন হৃদয়াঃ কেচিচ্ছ্রোত্রবিবর্জিতাঃ।নিরুচ্ছ্বাসা হতাঃ কেচিৎ কেচিৎ পার্শ্বেষু দারিতাঃ ।। ৬.৯৬.৪৪ ।।
96.45
কেচিদ্বিভিন্নশিরসঃ কেচিচ্চক্ষুর্বিবর্জিতাঃ ।
। ৬.৯৬.৪৫ ।।
96.46
দশাননঃ ক্রোধবিবৃত্তনেত্রো যতো যতো ঽভ্যেতি রথেন সঙ্খ্যে।
ততস্ততস্তস্য শরপ্রবেগং সোঢুং ন শেকুর্হরিপুঙ্গবাস্তে ।। ৬.৯৬.৪৬ ।।
96.47
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে ষণ্ণবতিতমঃ সর্গঃ ।
। ৯৬ ।।