Utshovসর্গ 95
95.1
তানি তানি সহস্রাণি সারোহাণাং চ বাজিনাম্।
রথানাং ত্বগ্নিবর্ণানাং সধ্বজানাং সহস্রশঃ ।। ৬.৯৫.১ ।।
95.2
রাক্ষসানাং সহস্রাণি গদাপরিঘয়োধিনাম্।
কাঞ্চনধ্বজচিত্রাণাং শূরাণাং কামরূপিণাম্ ।। ৬.৯৫.২ ।।
95.3
নিহতানি শরৈস্তীক্ষ্ণৈস্তপ্তকাঞ্চনভূষণৈঃ।
রাবণেন প্রয়ুক্তানি রামেণাক্লিষ্টকর্মণা ।। ৬.৯৫.৩ ।।
95.4
দৃষ্ট্বা শ্রুত্বা চ সম্ভ্রান্তা হতশেষা নিশাচরাঃ।
রাক্ষসীশ্চ সমাগম্য দীনাশ্চিন্তাপরিপ্লুতাঃ ।। ৬.৯৫.৪ ।।
95.5
বিধবা হতপুত্রাশ্চ ক্রোশন্ত্যো হতবান্ধবাঃ।
রাক্ষস্যঃ সহ সঙ্গম্য দুঃখার্তাঃ পর্যদেবয়ন্ ।। ৬.৯৫.৫ ।।
95.6
কথং শূর্পণখা বৃদ্ধা করালা নির্ণতোদরী।
আসসাদ বনে রামং কন্দর্পমিব রূপিণম্।সুকুমারং মহাসত্ত্বং সর্বভূতহিতে রতম্ ।। ৬.৯৫.৬ ।।
95.7
তং দৃষ্ট্বা লোকনিন্দ্যা সা হীনরূপা প্রকামিতা ।
। ৬.৯৫.৭ ।।ন্দর্পমিব রূপিণম্।কথং সর্বগুণৈর্হীনা গুণবন্তং মহৌজসম্।সুমুখং দুর্মুখী রামং কাময়ামাস রাক্ষসী ।। ৬.৯৫.৮ ।।
95.8
জনস্যাস্যাল্পভাগ্যত্বাদ্বলিনী শ্বেতমূর্ধজা।
অকার্যমপহাস্যং চ সর্বলোকবিগর্হিতম্ ।। ৬.৯৫.৯ ।।
95.9
রাক্ষসানাং বিনাশায় দূষণস্য খরস্য চ।
চকারাপ্রতিরূপা সা রাঘবস্য প্রধর্ষণম্ ।। ৬.৯৫.১০ ।।
95.10
তন্নিমিত্তমিদং বৈরং রাবণেন কৃতং মহৎ।
বধায় সীতা সা ঽ ঽনীতা দশগ্রীবেণ রক্ষসা ।। ৬.৯৫.১১ ।।
95.11
ন চ সীতাং দশগ্রীবঃ প্রাপ্নোতি জনকাত্মজাম্।
বদ্ধং বলবতা বৈরমক্ষয়ং রাঘবেণ চ ।। ৬.৯৫.১২ ।।
95.12
বৈদেহীং প্রার্থয়ানং তং বিরাধং প্রেক্ষ্য রাক্ষসম্।
হতমেকেন রামেণ পর্যাপ্তং তন্নিদর্শনম্ ।। ৬.৯৫.১৩ ।।
95.13
চতুর্দশ সহস্রাণি রক্ষসাং ভীমকর্মণাম্।
নিহতানি জনস্থানে শরৈরগ্নিশিখোপমৈঃ ।। ৬.৯৫.১৪ ।।
95.14
খরশ্চ নিহতঃ সঙ্খ্যে দূষণস্ত্রিশিরাস্তথা।
শরৈরাদিত্যসঙ্কাশৈঃ পর্যাপ্তং তন্নিদর্শনম্ ।। ৬.৯৫.১৫ ।।
95.15
হতো যোজনবাহুশ্চ কবন্ধো রুধিরাশনঃ।
ক্রোধান্নাদং নদন্ সো ঽথ পর্যাপ্তং তন্নিদর্শনম্ ।। ৬.৯৫.১৬ ।।
95.16
জঘান বলিনং রামঃ সহস্রনয়নাত্মজম্।
বালিনং মেরুসঙ্কাশং পর্যাপ্তং তন্নিদর্শনম্ ।। ৬.৯৫.১৭ ।।
95.17
ঋষ্যমূকে বসন্ শৈলে দীনো ভগ্নমনোরথঃ।
সুগ্রীবঃ স্থাপিতো রাজ্যে পর্যাপ্তং তন্নিদর্শনম্ ।। ৬.৯৫.১৮ ।।
95.18
ধর্মার্থসহিতং বাক্যং সর্বেষাং রক্ষসাং হিতম্।
যুক্তং বিভীষণেনোক্তং মোহাত্তস্য ন রোচতে ।। ৬.৯৫.১৯ ।।
95.19
বিভীষণবচঃ কুর্যাদ্যদি স্ম ধনদানুজঃ।
শ্মশানভূতা দুঃখার্তা নেয়ং লঙ্কা পুরী ভবেৎ ।। ৬.৯৫.২০ ।।
95.20
কুম্ভকর্ণং হতং শ্রুত্বা রাঘবেণ মহাবলম্।
অতিকায়ং চ দুর্ধর্ষং লক্ষ্মণেন হতং পুনঃ।প্রিয়ং চেন্দ্রজিতং পুত্রং রাবণো নাববুধ্যতে ।। ৬.৯৫.২১ ।।
95.21
মম পুত্রো মম ভ্রাতা মম ভর্তা রণে হতঃ।
ইত্যেবং শ্রূয়তে শব্দো রাক্ষসানাং কুলে কুলে ।। ৬.৯৫.২২ ।।
95.22
রথাশ্চাশ্বাশ্চ নাগাশ্চ হতাঃ শতসহস্রশঃ।
রণে রামেণ শূরেণ রাক্ষসাশ্চ পদাতয়ঃ ।। ৬.৯৫.২৩ ।।
95.23
রুদ্রো বা যদি বা বিষ্ণুর্মহেন্দ্রো বা শতক্রতুঃ।
হন্তি নো রামরূপেণ যদি বা স্বয়মন্তকঃ ।। ৬.৯৫.২৪ ।।
95.24
হতপ্রবীরা রামেণ নিরাশা জীবিতে বয়ম্।
অপশ্যন্তো ভয়স্যান্তমনাথা বিলপামহে ।। ৬.৯৫.২৫ ।।
95.25
রামহস্তাদ্দশগ্রীবঃ শূরো দত্তমহাবরঃ।
ইদং ভয়ং মহাঘোরমুত্পন্নং নাববুধ্যতে ।। ৬.৯৫.২৬ ।।
95.26
ন দেবা ন চ গন্ধর্বা ন পিশাচা ন রাক্ষসাঃ।
উপসৃষ্টং পরিত্রাতুং শক্তা রামেণ সংয়ুগে ।। ৬.৯৫.২৭ ।।
95.27
উত্পাতাশ্চাপি দৃশ্যন্তে রাবণস্য রণে রণে।
কথয়িষ্যন্তি রামেণ রাবণস্য নিবর্হণম্ ।। ৬.৯৫.২৮ ।।
95.28
পিতামহেন প্রীতেন দেবদানবরাক্ষসৈঃ।
রাবণস্যাভয়ং দত্তং মানুষেভ্যো ন যাচিতম্ ।। ৬.৯৫.২৯ ।।
95.29
তদিদং মানুষং মন্যে প্রাপ্তং নিস্সংশয়ং ভয়ম্।
জীবিতান্তকরং ঘোরং রক্ষসাং রাবণস্য চ ।। ৬.৯৫.৩০ ।।
95.30
পীড্যমানাস্তু বলিনা বরদানেন রক্ষসা।
দীপ্তৈস্তপোভির্বিবুধাঃ পিতামহমপূজয়ন্ ।। ৬.৯৫.৩১ ।।
95.31
দেবতানাং হিতার্থায় মহাত্মা বৈ পিতামহঃ।
উবাচ দেবতাঃ সর্বা ইদং তুষ্টো মহদ্বচঃ ।। ৬.৯৫.৩২ ।।
95.32
অদ্যপ্রভৃতি লোকাংস্ত্রীন্ সর্বে দানবরাক্ষসাঃ।
ভয়েন প্রাবৃতা নিত্যং বিচরিষ্যন্তি শাশ্বতম্ ।। ৬.৯৫.৩৩ ।।
95.33
দৈবতৈস্তু সমাগম্য সর্বৈশ্চেন্দ্রপুরোগমৈঃ।
বৃষধ্বজস্ত্রিপুরহা মহাদেবঃ প্রসাদিতঃ ।। ৬.৯৫.৩৪ ।।
95.34
প্রসন্নস্তু মহাদেবো দেবানেতদ্বচো ঽব্রবীৎ।
উত্পত্স্যতি হিতার্থং বো নারী রক্ষঃক্ষয়াবহা ।। ৬.৯৫.৩৫ ।।
95.35
এষা দেবৈঃ প্রয়ুক্তা তু ক্ষুদ্যথা দানবান্ পুরা।
ভক্ষয়িষ্যতি নঃ সীতা রাক্ষসঘ্নী সরাবণান্ ।। ৬.৯৫.৩৬ ।।
95.36
রাবণস্যাপনীতেন দুর্বিনীতস্য দুর্মতেঃ।
অয়ং নিষ্ঠানকো ঘোরঃ শোকেন সমভিপ্লুতঃ ।। ৬.৯৫.৩৭ ।।
95.37
তং ন পশ্যামহে লোকে যো নঃ শরণদো ভবেৎ।
রাঘবেণোপসৃষ্টানাং কালেনেব যুগক্ষয়ে ।। ৬.৯৫.৩৮ ।।
95.38
নাস্তি নঃ শরণং কশ্চিদ্ভয়ে মহতি তিষ্ঠতাম্।
দবাগ্নিবেষ্টিতানাং হি করেণূনাং যথা বনে ।। ৬.৯৫.৩৯ ।।
95.39
প্রাপ্তকালং কৃতং তেন পৌলস্ত্যেন মহাত্মনা।
যত এব ভয়ং দৃষ্টং তমেব শরণং গতঃ ।। ৬.৯৫.৪০ ।।
95.40
ইতীব সর্বা রজনীচরস্ত্রিয়ঃ পরস্পরং সম্পরিরভ্য বাহুভিঃ।
বিষেদুরার্তা ভয়ভারপীডিতা বিনেদুরুচ্চৈশ্চ তদা সুদারুণম্ ।। ৬.৯৫.৪১ ।।
95.41
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে পঞ্চনবতিতমঃ সর্গঃ ।
। ৯৫ ।।