Utshovসর্গ 89
89.1
ততঃ শরং দাশরথিঃ সন্ধায়ামিত্রকর্শনঃ।
সসর্জ রাক্ষসেন্দ্রায় ক্রুদ্ধঃ সর্প ইব শ্বসন্ ।। ৬.৮৯.১ ।।
89.2
তস্য জ্যাতলনির্ঘোষং স শ্রুত্বা রাবণাত্মজঃ।
বিবর্ণবদনো ভূত্বা লক্ষ্মণং সমুদৈক্ষত ।। ৬.৮৯.২ ।।
89.3
তং বিবর্ণমুখং দৃষ্ট্বা রাক্ষসং রাবণাত্মজম্।
সৌমিত্রিং যুদ্ধসংয়ুক্তং প্রত্যুবাচ বিভীষণঃ ।। ৬.৮৯.৩ ।।
89.4
নিমিত্তান্যনুপশ্যামি যান্যস্মিন্ রাবণাত্মজে।
ত্বর তেন মহাবোহো ভগ্ন এষ ন সংশয়ঃ ।। ৬.৮৯.৪ ।।
89.5
ততঃ সন্ধায় সৌমিত্রির্বাণানগ্নিশিখোপমান্।
মুমোচ নিশিতাংস্তস্মিন্ সর্পানিব মহাবিষান্ ।। ৬.৮৯.৫ ।।
89.6
শক্রাশনিসমস্পর্শৈর্লক্ষ্মণেনাহতঃ শরৈঃ।
মুহূর্তমভবন্মূঢঃ সর্বসঙ্ক্ষুভিতেন্দ্রিয়ঃ ।। ৬.৮৯.৬ ।।
89.7
উপলভ্য মুহূর্তেন সঞ্জ্ঞাং প্রত্যাগতেন্দ্রিয়ঃ।
দদর্শাবস্থিতং বীরং বীরো দশরথাত্মজম্ ।। ৬.৮৯.৭ ।।
89.8
সো ঽভিচক্রাম সৌমিত্রিং রোষাৎ সংরক্তলোচনঃ।
অব্রবীচ্চৈনমাসাদ্য পুনঃ স পরুষং বচঃ ।। ৬.৮৯.৮ ।।
89.9
কিং ন স্মরসি তদ্যুদ্ধে প্রথমে মত্পরাক্রমম্।
নিবদ্ধস্ত্বং সহ ভ্রাত্রা যদা ভুবি বিবেষ্টসে ।। ৬.৮৯.৯ ।।
89.10
যুবাং খলু মহায়ুদ্ধে শক্রাশনিসমৈঃ শরৈঃ।
শায়িতৌ প্রথমং ভূমৌ বিসঞ্জ্ঞৌ সপুরস্সরৌ ।। ৬.৮৯.১০ ।।
89.11
স্মৃতির্বা নাস্তি তে মন্যে ব্যক্তং বা যমসাদনম্।
গন্তুমিচ্ছসি যস্মাত্ত্বং মাং ধর্ষয়িতুমিচ্ছসি ।। ৬.৮৯.১১ ।।
89.12
যদি তে প্রথমে যুদ্ধে ন দৃষ্টো মত্পরাক্রমঃ।
অদ্য তে দর্শয়িষ্যামি তিষ্ঠেদানীং ব্যবস্থিতঃ ।। ৬.৮৯.১২ ।।
89.13
ইত্যুক্ত্বা সপ্তভিবাণৈরভিবিব্যাধ লক্ষ্মণম্।
দশভিস্তু হনূমন্তং তীক্ষ্ণধারৈঃ শরোত্তমৈঃ ।। ৬.৮৯.১৩ ।।
89.14
ততঃ শরশতেনৈব সুপ্রয়ুক্তেন বীর্যবান্।
ক্রোধাদ্দ্বিগুণসংরব্ধো নির্বিভেদ বিভীষণম্ ।। ৬.৮৯.১৪ ।।
89.15
তদ্দৃষ্ট্বেন্দ্রজিতা কর্ম কৃতং রামানুজস্তদা।
অচিন্তয়িত্বা প্রহসন্ নৈতৎ কিঞ্চিদিতি ব্রুবন্।মুমোচ স শরান্ ঘোরান্ সঙ্গৃহ্য নরপুঙ্গবঃ ।। ৬.৮৯.১৫ ।।
89.16
অভীতবদনঃ ক্রুদ্ধো রাবণিং লক্ষ্মণৌ যুধি।
নৈবং রণগতাঃ শূরাঃ প্রহরন্তে নিশাচর ।। ৬.৮৯.১৬ ।।ন্।লঘবশ্চাল্পবীর্যাশ্চ সুখা হীমে শরাস্তব।নৈবং শূরাস্তু যুধ্যন্তে সমরে জয়কাঙ্ক্ষিণঃ ।। ৬.৮৯.১৭ ।।
89.17
ইত্যেবং তং ব্রুবাণস্তু শরবর্ষৈরবাকিরৎ ।
। ৬.৮৯.১৮ ।।
89.18
তস্য বাণৈঃ সুবিধ্বস্তং কবচং হেমভূষিতম্।
ব্যশীর্যত রথোপস্থে তারাজালমিবাম্বরাৎ ।। ৬.৮৯.১৯ ।।
89.19
বিধূতবর্মা নারাচৈর্বভূব স কৃতব্রণঃ।
ইন্দ্রজিৎ সমরে বীরঃ প্ররূঢ ইব সানুমান্ ।। ৬.৮৯.২০ ।।
89.20
ততঃ শরসহস্রেণ সঙ্ক্রুদ্ধো রাবণাত্মজঃ।
বিভেদ সমরে বীরং লক্ষ্মণং ভীমবিক্রমঃ ।। ৬.৮৯.২১ ।।
89.21
ব্যশীর্যত মহাদিব্যং কবচং লক্ষ্মণস্য চ।
কৃতপ্রতিকৃতান্যোন্যং বভূবতুরভিদ্রুতৌ ।। ৬.৮৯.২২ ।।
89.22
অভীক্ষ্ণং নিশ্বসন্তৌ তৌ যুদ্ধ্যেতাং তুমুলং যুধি।
শরসঙ্কৃত্তসর্বাঙ্গৌ সর্বতো রুধিরোক্ষিতৌ ।। ৬.৮৯.২৩ ।।
89.23
সুদীর্ঘকালং তৌ বীরাবন্যোন্যং নিশিতৈঃ শরৈঃ।
ততক্ষতুর্মহাত্মানৌ রণকর্মবিশারদৌ ।। ৬.৮৯.২৪ ।।
89.24
বভূবতুশ্চাত্মজয়ে যত্তৌ ভীমপরাক্রমৌ।
তৌ শরৌঘৈস্তদা কীর্ণৌ নিকৃত্তকবচধ্বজৌ।স্রবন্তৌ রুধিরং চোষ্ণং জলং প্রস্রবণাবিব ।। ৬.৮৯.২৫ ।।
89.25
শরবর্ষং ততো ঘোরং মুঞ্চতোর্ভীমনিস্বনম্।
সাসারয়োরিবাকাশে নীলয়োঃ কালমেঘয়োঃ ।। ৬.৮৯.২৬ ।।
89.26
তয়োরথ মহান্ কালো ব্যত্যয়াদ্যুধ্যমানয়োঃ।
ন চ তৌ যুদ্ধবৈমুখ্যং শ্রমং বাপ্যুপজগ্মতুঃ ।। ৬.৮৯.২৭ ।।
89.27
অস্ত্রাণ্যস্ত্রবিদাং শ্রেষ্ঠৌ দর্শয়ন্তৌ পুনঃপুনঃ।
শরানুচ্চাবচাকারানন্তরিক্ষে ববন্ধতুঃ ।। ৬.৮৯.২৮ ।।
89.28
ব্যপেতদোষমস্যন্তৌ লঘু চিত্রং চ সুষ্ঠু চ।
উভৌ তৌ তুমুলং ঘোরং চক্রতুর্নররাক্ষসৌ ।। ৬.৮৯.২৯ ।।
89.29
তয়োঃ পৃথক্পৃথগ্ভীমঃ শুশ্রুবে তলনিস্বনঃ।
প্রকম্পয়ন্ জনং ঘোরো নির্ঘাত ইব দারুণঃ ।। ৬.৮৯.৩০ ।।
89.30
স তয়োর্ভ্রাজতে শব্দস্তদা সমরসক্তয়োঃ।
সুঘোরয়োর্নিষ্টনতোর্গগনে মেগয়োর্যথা ।। ৬.৮৯.৩১ ।।
89.31
সুবর্ণপুঙ্খৈর্নারাচৈর্বলবন্তৌ কৃতব্রণৌ।
প্রসুস্রুবাতে রুধিরং কীর্তিমন্তৌ জয়ে ধৃতৌ ।। ৬.৮৯.৩২ ।।
89.32
তে গাত্রয়োর্নিপতিতা রুক্মপুঙ্খাঃ শরা যুধি।
অসৃঙ্নদ্ধা বিনিষ্পত্য বিবিশুর্ধরণীতলম্ ।। ৬.৮৯.৩৩ ।।
89.33
অন্যে সুনিশিতৈঃ শস্ত্রৈরাকাশে সঞ্জঘট্টিরে।
বভঞ্জুশ্চিচ্ছিদুশ্চান্যে তয়োর্বাণাঃ সহস্রশঃ ।। ৬.৮৯.৩৪ ।।
89.34
স বভূব রণো ঘোরস্তয়োর্বাণময়শ্চয়ঃ।
অগ্নিভ্যামিব দীপ্তাভ্যাং সত্রে কুশময়শ্চয়ঃ ।। ৬.৮৯.৩৫ ।।
89.35
তয়োঃ কৃতব্রণৌ দেহৌ শুশুভাতে মহাত্মনোঃ।
সপুষ্পাবিব নিষ্পত্রৌ বনে শাল্মলিকিংশুকৌ ।। ৬.৮৯.৩৬ ।।
89.36
চক্রুতুস্তুমুলং ঘোরং সন্নিপাতং মুহুর্মুহুঃ।
ইন্দ্রজিল্লক্ষ্মণশ্চৈব পরস্পরবধৈষিণৌ ।। ৬.৮৯.৩৭ ।।
89.37
লক্ষ্মণো রাবণিং যুদ্ধে রাবণিশ্চাপি লক্ষ্মণম্।
অন্যোন্যং তাবভিঘ্নন্তৌ ন শ্রমং প্রত্যপদ্যতাম্ ।। ৬.৮৯.৩৮ ।।
89.38
বাণজালৈঃ শরীরস্থৈরবগাঢৈস্তরস্বিনৌ।
শুশুভাতে মহাবীর্যো প্ররূঢাবিব পর্বতৌ ।। ৬.৮৯.৩৯ ।।
89.39
তয়ো রুধিরসিক্তানি সংবৃতানি শরৈর্ভৃশম্।
বভ্রাজুঃ সর্বগাত্রাণি জ্বলন্ত ইব পাবকাঃ ।। ৬.৮৯.৪০ ।।
89.40
তয়োরথ মহান্ কালো ব্যত্যয়াদ্যুধ্যমানয়োঃ।
ন চ তৌ যুদ্ধবৈমুখ্যং শ্রমং বাপ্যুপজগ্মতুঃ ।। ৬.৮৯.৪১ ।।
89.41
অথ সমরপরিশ্রমং নিহন্তুং সমরমুখেষ্বজিতস্য লক্ষ্মণস্য।
প্রিয়হিতমুপপাদয়ন্ মহৌজাঃ সমরমুপেত্য বিভীষণো ঽবতস্থে ।। ৬.৮৯.৪২ ।।
89.42
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে একোননবতিতমঃ সর্গঃ ।
। ৮৯ ।।