Utshovসর্গ 87
87.1
এবমুক্ত্বা তু সৌমিত্রিং জাতহর্ষো বিভীষণঃ।
ধনুষ্পাণিনমাদায় ত্বরমাণো জগাম হ ।। ৬.৮৭.১ ।।
87.2
অবিদূরং ততো গত্বা প্রবিশ্য চ মহদ্বনম্।
দর্শয়ামাস তত্কর্ম লক্ষ্মণায় বিভীষণঃ ।। ৬.৮৭.২ ।।
87.3
নীলজীমূতসঙ্কাশং ন্যগ্রোধং ভীমদর্শনম্।
তেজস্বী রাবণভ্রাতা লক্ষ্মণায় ন্যবেদয়ৎ ।। ৬.৮৭.৩ ।।
87.4
ইহোপহারং ভূতানাং বলবান্ রাবণাত্মজঃ।
উপহৃত্য ততঃ পশ্চাৎ সঙ্গ্রামমভিবর্ততে ।। ৬.৮৭.৪ ।।
87.5
অদৃশ্যঃ সর্বভূতানাং ততো ভবতি রাক্ষসঃ।
নিহন্তি সমরে শত্রূন্ বধ্নাতি চ শরোত্তমৈঃ ।। ৬.৮৭.৫ ।।
87.6
তমপ্রবিষ্টন্যগ্রোধং বলিনং রাবণাত্মজম্।
বিধ্বংসয় শরৈস্তীক্ষ্ণৈঃ সরথং সাশ্বসারথিম্ ।। ৬.৮৭.৬ ।।
87.7
তথেত্যুক্ত্বা মহাতেজাঃ সৌমিত্রির্মিত্রনন্দনঃ।
বভূবাবস্থিতস্তত্র চিত্রং বিস্ফারয়ন্ ধনুঃ ।। ৬.৮৭.৭ ।।
87.8
স রথেনাগ্নিবর্ণেন বলবান্ রাবণাত্মজঃ।
ইন্দ্রজিৎ কবচী ধন্বী সধ্বজঃ প্রত্যদৃশ্যত ।। ৬.৮৭.৮ ।।
87.9
তমুবাচ মহাতেজাঃ পৌলস্ত্যমপরাজিতম্।
সমাহ্বয়ে ত্বাং সমরে সম্যগ্যুদ্ধং প্রয়চ্ছ মে ।। ৬.৮৭.৯ ।।
87.10
এবমুক্তো মহাতেজা মনস্বী রাবণাত্মজঃ।
অব্রবীৎ পরুষং বাক্যং তত্র দৃষ্ট্বা বিভীষণম্ ।। ৬.৮৭.১০ ।।
87.11
ইহ ত্বং জাতসংবৃদ্ধঃ সাক্ষাদ্ভ্রাতা পিতুর্মম।
কথং দ্রুহ্যসি পুত্রস্য পিতৃব্যো মম রাক্ষস ।। ৬.৮৭.১১ ।।
87.12
ন জ্ঞাতিত্বং ন সৌহার্দং ন জাতিস্তব দুর্মতে।
প্রমাণং ন চ সৌদর্যং ন ধর্মো ধর্মদূষণ ।। ৬.৮৭.১২ ।।
87.13
শোচ্যস্ত্বমসি দুর্বুদ্ধে নিন্দনীয়শ্চ সাধুভিঃ।
যস্ত্বং স্বজনমুত্সৃজ্য পরভৃত্যত্বমাগতঃ ।। ৬.৮৭.১৩ ।।
87.14
নৈতচ্ছিথিলয়া বুদ্ধ্যা ত্বং বেত্সি মহদন্তরম্।
ক্বচ স্বজনসংবাসঃ ক্বচ নীচপরাশ্রয়ঃ ।। ৬.৮৭.১৪ ।।
87.15
গুণবান্ বা পরজনঃ স্বজনো নির্গুণো ঽপি বা।
নির্গুণঃ স্বজনঃ শ্রেয়ান্ যঃ পরঃ পর এব সঃ ।। ৬.৮৭.১৫ ।।
87.16
যঃ স্বপক্ষং পরিত্যজ্য পরপক্ষং নিষেবতে।
স স্বপক্ষে ক্ষয়ং প্রাপ্তে পশ্চাত্তৈরেব হন্যতে ।। ৬.৮৭.১৬ ।।
87.17
নিরনুক্রোশতা চেয়ং যাদৃশী তে নিশাচর।
স্বজনেন ত্বয়া শক্যং পরুষং রাবণানুজ ।। ৬.৮৭.১৭ ।।
87.18
ইত্যুক্তো ভ্রাতৃপুত্রেণ প্রত্যুবাচ বিভীষণঃ ।
। ৬.৮৭.১৮ ।।
87.19
অজানন্নিব মচ্ছীলং কিং রাক্ষস বিকত্থসে।
রাক্ষসেন্দ্রসুতাসাধো পারুষ্যং ত্যজ গৌরবাৎ ।। ৬.৮৭.১৯ ।।
87.20
কুলে যদ্যপ্যহং জাতো রক্ষসাং ক্রূরকর্মণাম্।
গুণো ঽয়ং প্রথমো নৃণাং তন্মে শীলমরাক্ষসম্ ।। ৬.৮৭.২০ ।।
87.21
ন রমে দারুণেনাহং ন চাধর্মেণ বৈ রমে।
ভ্রাত্রা বিষমশীলেন কথং ভ্রাতা নিরস্যতে ।। ৬.৮৭.২১ ।।
87.22
ধর্মাৎ প্রচ্যুতশীলং হি পুরুষং পাপনিশ্চয়ম্।
ত্যক্ত্বা সুখমবাপ্নোতি হস্তাদাশীবিষং যথা ।। ৬.৮৭.২২ ।।
87.23
হিংসাপরস্বহরণে পরদারাভিমর্শনম্।
ত্যাজ্যমাহুর্দুরাচারং বেশ্ম প্রজ্বলিতং যথা ।। ৬.৮৭.২৩ ।।
87.24
পরস্বানাং চ হরণং পরদারাভিমর্শনম্।
সুহৃদামতিশঙ্কা চ ত্রয়ো দোষাঃ ক্ষয়াবহাঃ ।। ৬.৮৭.২৪ ।।
87.25
মহর্ষিণাং বধো ঘোরঃ সর্বদেবৈশ্চ বিগ্রহঃ।
অভিমানশ্চ কোপশ্চ বৈরিত্বং প্রতিকূলতা ।। ৬.৮৭.২৫ ।।
87.26
এতে দোষা মম ভ্রাতুর্জীবিতৈশ্বর্যনাশনাঃ।
গুণান্ প্রচ্ছাদয়ামাসুঃ পর্বতানিব তোয়দাঃ।দোষৈরেতৈঃ পরিত্যক্তো ময়া ভ্রাতা পিতা তব ।। ৬.৮৭.২৬ ।।
87.27
নেয়মস্তি পুরী লঙ্কা ন চ ত্বং ন চ তে পিতা ।
। ৬.৮৭.২৭ ।।্ছাদয়ামাসুঃ পর্বতানিব তোয়দাঃ।অতিমানী চ বালশ্চ দুর্বিনীতশ্চ রাক্ষস।বদ্ধস্ত্বং কালপাশেন ব্রূহি মাং যদ্যদিচ্ছসি ।। ৬.৮৭.২৮ ।।
87.28
অদ্য তে ব্যসনং প্রাপ্তং কিং মাং ত্বমিহ বক্ষ্যসি।
প্রবেষ্টুং ন ত্বয়া শক্যো ন্যগ্রোধো রাক্ষসাধম ।। ৬.৮৭.২৯ ।।
87.29
ধর্ষয়িত্বা চ কাকুত্স্থৌ ন শক্যং জীবিতুং ত্বয়া।
যুদ্ধ্যস্ব নরদেবেন লক্ষ্মণেন রণে সহ।হতস্ত্বং দেবতাকার্যং করিষ্যসি যমক্ষয়ে ।। ৬.৮৭.৩০ ।।
87.30
নিদর্শয়স্বাত্মবলং সমুদ্যতং কুরুষ্ব সর্বায়ুধসায়কব্যয়ম্।
ন লক্ষ্মণস্যৈত্য হি বাণগোচরং ত্বমদ্য জীবন্ সবলো গমিষ্যসি ।। ৬.৮৭.৩১ ।।
87.31
ইত্যার্ষে শ্রীমদ্রামায়ণে বাল্মীকীয়ে আদিকাব্যে শ্রীমদ্যুদ্ধকাণ্ডে সপ্তাশতীতিতমঃ সর্গঃ ।
। ৮৭ ।।